Starfsmannablaðið (B.S.R.B.) - 01.12.1951, Blaðsíða 23

Félagslegar ráðstafanir í launamálum.
„Þar sem upplýst er að allmargar konur á
skrifstofum Landssímans, sem taka laun samkv.
XIII. og XIV. launaflokkum, muni vinna störf,
sem telja má sambærileg' við störf þeirra, er fá
greidd bókaralaun hjá öðrum ríkisstofnunum,
felur þingið stjórn B. S. R. B., að fá nú þegar
réttlátt mat á störfum þessum, og launagreiðslur
leiðréttar samkvæmt því“.
„14. þing B. S. R. B. vill beina þeirri ósk til
bandalagsstjórnar, að hún geri nú þegar fyrir-
spurnir til stjórna bandalagsfélaganna um það,
hvort þær sjái ástæðu til að 'koma með frekari
breytingartillögur við launalagafrumvarpið, og
séu þær þá ásamt rökstuddri greinargerð, fengn-
ar væntanlegri milliþinganefnd til athugunar, og
sendar til fjármálaráðherra, með þeim breyting-
artillögum, er fyrir liggja“.
„14. þing B. S. R. B. samþykkir að kjósa 5
manna milliþinganefnd í launamálum úr hópi
ríkisstarfsmanna, til aðstoðar stjórn bandalags-
ins við endurskoðun og setningu launalaga. Auk
þess skuli vera í nefndinni 2 menn tilnefndir af
þingfulltrúum bæj arstarfsmanna".
Milliþinganefnd í launamálum er þannig skip-
uð: Frá ríkisstarfsmönnum: Aðalsteinn Halldórs-
son, Valborg Bentsdóttir, Andrés G. Þormar,
Matthías Guðmundsson og Pálmi Jósefsson. Til
vara: Björn Jónsson og Jakob Jónsson. Frá
bæjarstarfsmönnum: Lárus Sigurbjörnsson og
Hjálmar Blöndal. Til vara: Helgi Hallgrímsson.
Dýrtíðarmál.
I.
14. þing B. S. R. B telur, að fyrir jafnvægis-
leysi í efnahagsmálum sé stefnt í fullkomna tví-
sýnu um afkomu alls þorra opinberra starfs-
manna og annarra launamanna, og beinir því al-
varlegri viðvörun til larmþega að fylgjast vel
með hverskonar ráðstöfunum, sem áhrif kunna
að hafa á fjárhagsafkomu þjóðarinnar í heild, en
styðja alla heilbrigða viðleitni til þess að koma
föstum fótum undir tryggt og öruggt fjárhags-
kerfi landsins.
í baráttunni gegn dýrtíðinni og áhrifum henn-
ar á afkomu launamanna telur þingið, að nokk-
ur úrræði séu nærtæk og geti komið að gagni,
og skorar þingið á Alþingi og rikisstjórn að
taka m. a. eftirfarandi atriði til athugunar:
1. Að 'tryggja jafnt og öruggt framboð á nauð-
synjavörum og gæta þess, m. a. með þung-
um viðurlögum við óhóflegri álagningu, að
verzlunarálagning sé sanngjörn með hlið-
sjón af eðlilegum dreifingarkostnaði.
2. Að tryggja neytendafélögum og smásölum,
sem sæta hagkvæmum vörukaupum er-
lendis, rétt og aðstöðu til innflutnings á
nauðsyn j avörum.
3. Að tryggja almenningi aðgang að uþplýs-
ingum hjá verðgæzlu um lægsta vöruverð
eins og það er á hverjum tíma.
4. Að lækka til muna tolla á brýnum nauð-
synjavörum, sem enn eru í Ikíum tollflokk-
um, svo sem vörum til fatnaðar, en hækka
í þess stað tolla á óþarfa- og munaðarvör-
um.
5. Að breyta lögum um söluskatt þannig, að
ríkið hafi fulla tryggingu fyrir innheimtu
skattsins alls, en hann verði ekki innheimt-
ur nema einu sinni af sömu vöru og að öll
þjónusta verði algjörlega undanþegin skatt-
inum.
6. Að verðlagsgrundvöllur landbúnaðarvara
verði endurskoðaður og leitast verði við að
ná samkomulagi á milli bænda og launþega
um sanngjarnt hlutfall milli kaupgjalds og
afurðaverðs, sem síðan sé haldið föstu.
7. Að draga til muna úr dreifingarkostnaði
landbúnaðarvara og milliliðakostnaði verzl-
unar með varning tilbúins í landinu sjálfu.
8. Þar sem þungar byrðar eru nú lagðar á al-
menning vegna opinberrar aðstoðar við
bátaútveginn, m. a. með hinum svonefnda
bátagjaldeyri, telur þingið nauðsynlegt að
gerð sé ýtarleg rannsókn á rekstrartilhögun
útvegsins með það fyrir augum að koma
honum á heilbrigðari grundvöll.
„Af tilefni þess, að misfellur hafa átt sér stað
um álagningu innflutts vamings til sölu á frjáls-
um markaði (sbr. skýrslu verðgæzlunnar) telur
14. þing B. S. R. B. rétt að framvegis verði skýrsl-
ur um verzlunarálagningu birtar eigi sjaldnar
en ársfjórðungslega“.
II.
14. þing B.S. R. B. ítrekar mjög ákveðið sam-
þekktir fyrri bandalagsþinga um það, að ekki
séu 'gerðar mikilvægar ráðstafanir í efnahags-
málum, er launþega varða, án þess að haft sé
samráð við samtök þeirra.
Bankalöggjöf.
14. þing B. S. R. B. lýsir ánægju sinni yfir því,
að hafin er endurskoðun bankalöggjafarinnar, og
væntir þess, að sá árangur megi af því verða,
að nýtt fyrirkomulag bankamálanna geti orðið
öflugt tæki til heftingar verðbólgunnar og til
aukinnar sparifjármyndunar, en komið verði í
veg fyrir óheilbrigða lánastarfsemi.
STARFSMANNABLAÐIÐ 23