Morgunblaðið - 16.04.2021, Síða 4

„Það hefur ekki komið fram ósk um
það, að þeir Pútín og Biden gætu
hist hér á leiðtogafundi, en við Ís-
lendingar erum auðvitað alltaf
boðnir og búnir til þess að greiða
fyrir samtali stórveldanna,“ segir
Guðlaugur Þór Þórðarson utanrík-
isráðherra í samtali við Morgun-
blaðið.
Tilefnið er frétt rússnesku ríkis-
fréttastofunnar Spútnik, þar sem
þessum möguleika var hreyft. Rétt
er að minnast þess að talsmaður
Vladímírs Pútíns nefndi Reykjavík
sem mögulegan fundarstað þeirra
Leiðtogafundur í Reykjavík ekki í kortunum
Pútíns og Trumps árið 2018, með
vísan til Reykjavíkurfundar Reag-
ans og Gorbatsjovs árið 1986.
Vangavelturnar má að nokkru
rekja til orða talsmanns rússneska
utanríkisráðherrans Sergeis Lavr-
ovs í gær, en þar sagði að Rússar
vonuðust til þess að geta sótt ráð-
herrafund norðurskautsráðsins,
sem fram fer hér á landi í maí, með
öðrum hætti en rafrænum. Bæði
Lavrov og Antony Blinken, utanrík-
isráðherra Bandaríkjanna, hefur
verið boðið til fundarins, en hvor-
ugur sagt af eða á um þátttöku.
4 FRÉTTIRInnlent
MORGUNBLAÐIÐ FÖSTUDAGUR 16. APRÍL 2021
Smiðjuvegur 68, Kópavogi | S. 587 1350 | bifreidaverkstaedi.is
Höfum sérhæft okkur í Toyota viðgerðum síðan 1995
Fljót, örugg og persónuleg þjónusta
Allar almennar bílaviðgerðir
Baldur Arnarson
baldura@mbl.is
Jón Atli Benediktsson, rektor Há-
skóla Íslands, segir óvíst hvort
stjórnsýsluein-
ingar skólans geti
flutt aftur á fyrri
stað fyrir haustið.
Vegna vatnstjóns
í Gimli og víðar í
háskólanum, eftir
að kaldavatns-
lögn við Suður-
götu fór í sundur
21. janúar, þurfti
að flytja starf-
semina tímabundið.
Jón Atli segir dómkvadda mats-
menn vera enn að störfum. „Það
liggur á að ljúka þessari vinnu og að
tjónvaldar sýni því skilning. Þessi
bið hefur leitt til þess að við getum
ekki hafist almennilega handa við að
lagfæra,“ segir Jón Atli um stöðu
málsins. Tjón varð í nokkrum bygg-
ingum háskólans en fram kom í
Morgunblaðinu 12. febrúar að sam-
kvæmt heimildum blaðsins væri það
vel á annan milljarð króna.
Að sögn Jóns Atla gæti farið svo
að stjórnsýslueiningarnar fari aftur
á fyrri stað upp úr áramótum. Reynt
verði að tryggja að kennslurými
komist aftur í notkun í haust en það
sé heldur ekki öruggt.
Hann segir mögulega deilt um
hver beri ábyrgð á vatnslekanum og
hvort hún liggi hjá Veitum, ráðgjöf-
um, verktökum og svo framvegis.
„Gagnvart okkur er það ekki aðal-
málið heldur að við fáum okkar tjón
bætt og að það verði ekki frekari
bið,“ segir Jón Atli Benediktsson.
Bið eftir mati tefur fyrir
endurbyggingu háskólans
Morgunblaðið/Kristinn Magnússon
Stórtjón Leki í Háskóla Íslands.
- Rektor segir óvíst hvenær starfsemi kemst á fyrri stað
Jón Atli
Benediktsson
Helgi Bjarnason
helgi@mbl.is
Lögreglustjórinn á höfuðborgar-
svæðinu hefur ekki fengið erindi um
ákvörðun Reykjavíkurborgar um
áætlun um lækkun hámarkshraða á
götum borgarinnar. Sú breyting varð
með nýjum umferðarlögum árið 2019
að veghaldari, í þessu tilviki Reykja-
víkurborg, ákveður hámarkshraða að
höfðu samráði við lögregluna, og aug-
lýsir breytinguna. Áður ákvað lög-
reglustjóri hraðann og auglýsti.
Skipulags- og samgönguráð
Reykjavíkurborgar samþykkti í
fyrradag nýja áætlun um hámarks-
hraða á götum borgarinnar. Með
henni verða nær allar götur með 40
km hámarkshraða eða lægri.
Þarf að þvinga hraðann niður
Guðbrandur Sigurðsson, aðstoðar-
yfirlögregluþjónn í umferðardeild
lögreglunnar á höfuðborgarsvæðinu,
segir að lögreglan veiti umsögn um
áform borgarinnar þegar áform
borgarinnar og rök fyrir þeim berast.
Ekki sé hægt að tjá sig um málið
fyrr.
Hann bendir á að lögreglan hafi
ekki gert athugasemdir við lækkun
hámarkshraða á einhverjum safnveg-
um í 40 kílómetra á klukkustund og
flest hverfi borgarinnar séu komin
með 30 km hámarkshraða.
Spurður um möguleika lögregl-
unnar til að hafa eftirlit með að há-
markshraði sé virtur segir Guð-
brandur ljóst að ekki sé hægt að hafa
eftirlit alla daga ársins. Ef færa eigi
hámarkshraða niður fyrir 50 km þurfi
oft að þvinga hann niður með þreng-
ingum, hraðahindrunum eða öðrum
hraðalækkandi aðgerðum.
Endurmat hjá Vegagerðinni
Vegagerðin rekur stofnvegi, meðal
annars í Reykjavík, og ákveður há-
markshraða á þeim, með sama hætti
og borgin ákveður hámarkshraða á
borgargötum. Hraðinn er ákveðinn
út frá virkni vegar, hlutverki hans og
umhverfi. Hann er nú frá 80 km og
niður í 30 km og á það síðarnefnda við
sérstaka hættustaði eða kafla við erf-
iðar aðstæður.
Bergþóra Þorkelsdóttir, forstjóri
Vegagerðarinnar, segir að ekki sé
nein umræða um lækkun hámarks-
hraða. Hins vegar sé starfandi vinnu-
hópur sem fari almennt yfir þessi mál
og endurmat. Hún segir ekki hægt að
útiloka að breytingar verði í einstaka
tilvikum. Nefnir hún að hámarkshraði
hafi verið lækkaður á Breiðholts-
braut, vegna aðstæðna þar. Áður hafi
hraðinn á Hringbraut verið lækkaður.
Borgin ákveður
hámarkshraða
á borgargötum
- Vinnuhópur Vegagerðarinnar fer
yfir reglur um hraða á stofnvegum
Morgunblaðið/Rósa Braga
Hofsvallagata Mikið var fram-
kvæmt til að draga úr hraða.
Karítas Ríkharðsdóttir
karitas@mbl.is
Tveir liggja inni á sjúkrahúsi með
Covid-19 sjúkdóminn, þar af annar á
gjörgæslu og er í öndunarvél.
Þetta kom fram í máli Þórólfs
Guðnasonar sóttvarnalæknis á upp-
lýsingafundi almannavarna í gær.
Einstaklingurinn sem nú liggur inni
á gjörgæsludeild Landspítalans kom
hingað til lands í flugi þar sem milli-
lenda þurfti á Íslandi vegna veikinda
hans. Um er að ræða einstakling á
sjötugsaldri.
Uppsafnaðar innlagnir á gjör-
gæslu eru nú orðnar 54 frá byrjun
faraldursins.
Veiran enn til staðar
Sem fyrr fór Þórólfur yfir stöðuna
á faraldrinum á fundinum. Ekkert
innanlandssmit greindist í fyrradag,
úr tæplega þúsund sýnum, og tóku
tilslakanir á sóttvarnaaðgerðum
gildi í gær.
„Við höfum verið að sjá nokkurn
fjölda greinast innanlands á hverjum
degi. Sem betur fer hafa flestir verið
í sóttkví við greiningu, en þó nokkrir
utan sóttkvíar,“ sagði Þórólfur.
„Þetta sýnir að veiran er ennþá til
staðar í samfélaginu,“ bætti hann
svo við og hvatti fólk svo til gleyma
ekki persónubundnum sóttvörnum.
Eitt smit greindist á þriðjudaginn
og þrjú, á þremur stöðum á landinu,
á mánudaginn.
Ekki farið eftir
leiðbeiningum í sóttkví
Frá því að hertar aðgerðir tóku
gildi fyrir um þremur vikum hafa 90
greinst innanlands, þar af voru um
70% í sóttkví.
Öll smitin voru af mismunandi
undirtegundum hins svokallaða
breska afbrigðis Covid-19 sem öll má
rekja til landamæranna „og í flestum
tilvikum til þess að fólk hefur ekki í
sóttkví farið eftir þeim leiðbeining-
um sem eru í gildi“, sagði Þórólfur.
Spurt var út í bólusetningu fólks
sem hefur fengið Covid-19-sjúkdóm-
inn, í ljósi þess að ekki liggur fyrir
hversu lengi mótefni endist í líkam-
ananum. Þórólfur svaraði því að í
forgangi væri fólk sem ekki hefði
fengið Covid-19. Það gæti þó farið
svo að bólusetja þyrfti þau sem hafa
fengið sjúkdóminn en beðið sé niður-
staðna í því.
„Það er mjög sjaldgæft, afskap-
lega sjaldgæft, að fólk sem hefur
fengið Covid fái aðra sýkingu,“ svar-
aði Þórólfur.
Morgunblaðið/Árni Sæberg
Búist til bólusetningar Áfram verður bólusett í Laugardalshöllinni til að hefta útbreiðslu faraldursins hér á landi.
Tveir á sjúkrahúsi,
annar í öndunarvél
- Veiran enn úti í samfélaginu - Ekkert smit í fyrradag
Embætti landlæknis í Noregi
(FHI) hefur lagt til að notkun
bóluefnis frá AstraZeneca gegn
kórónuveirunni verði hætt að
fullu vegna „mjög alvarlegra“
aukaverkana sem bóluefnið
veldur. Norsk stjórnvöld telja
hins vegar ekki nægilegan
grundvöll til þess að hætta
notkuninni og bíða ítarlegri
greiningar sérfræðinga.
„Ég hef áhyggjur af alvar-
legum aukaverkunum sem
tengjast bóluefninu. Ég hef líka
áhyggjur af frestun bólusetn-
ingar og hvaða afleiðingar það
kann að hafa. […] Ríkisstjórnin
telur því að við höfum ekki
nægjanlega góðan grundvöll
núna til að taka endanlega
ákvörðun,“ sagði Bent Høie
heilbrigðisráðherra Noregs á
blaðamannafundi í gær.
Mæla gegn
AstraZeneca
AUKAVERKANIR