Morgunblaðið - 10.05.2021, Side 6

6 FRÉTTIRInnlent
MORGUNBLAÐIÐ MÁNUDAGUR 10. MAÍ 2021
Funahöfða 7, 110 Reykjavík | Sími 577 6666
KIEL/ - OG FRYSTITJEKI
., '*
-�-"%
,�rKu!,
Kæli- & frystibúnaður
í allar gerðir sendi- og flutningabíla
Sigurður Bogi Sævarsson
sbs@mbl.is
„Víð skírskotun menntastefn-
unnar gefur tækifæri til að búa
nemendur betur undir þátttöku í
samfélagi sem byggist á hraða,
örum tæknibreytingum og marg-
földu magni upplýsinga sem þarf
að vinna úr,“ segir Skúli Helga-
son, formaður Menntaráðs
Reykjavíkur. „Í samfélagi nú-
tímans skiptir gagnrýnin hugsun
miklu máli, að kunna að greina
kjarna frá hismi en líka að virkja
nemendur til að sýna frumkvæði,
prófa sig áfram, gera mistök og
læra af þeim. Mín framtíðarsýn
snýst um skóla- og frístundastarf,
þar sem börn og ungmenni fá í
auknum mæli frelsi og svigrúm til
að reyna sig við fjölbreytt við-
fangsefni sem þau hafa brennandi
áhuga á, þangað vil ég stefna með
því frábæra fólki sem við eigum í
skóla og frístundastarfi borg-
arinnar.“
Félagsfærni, sjálfsefling,
læsi, sköpun og heilbrigði
Í dag, 10. maí, er haldið á
vegum Reykjavíkurborgar svo-
nefnt Menntastefnumót, eins kon-
ar uppskeruhátíð nýrrar mennta-
stefnu Reykjavíkurborgar sem
var samþykkt í nóvember 2018 og
gildir til ársins 2030. Stefnan er
leiðarvísir í skólastarfi, megin-
inntak hennar er að efla tiltekna
hæfniþætti hjá hverju barni og
ungmenni, þ.e. félagsfærni, sjálfs-
efling, læsi, sköpun og heilbrigði.
Þessi forgangsröðun varð til
með samráði fjölmargra aðila,
sem Skúli telur lykillinn að því
hve góð samstaða hefur ríkt um
stefnuna. Yfirskriftin Látum
draumana rætast sé í raun fram-
tíðarmarkmiðið í hnotskurn.
Skóla- og frístundadagurinn eigi
að skapa börnunum svigrúm til að
þróa með sér drauma sem þau
láta síðan rætast þegar þau vaxa
úr grasi. Segja má að stefna þessi
snerti líf og starf allra barna
borgarinnar og fjölskyldna þeirra
– þúsundir fólks. Er því um margt
leiðarstef til framtíðar í borginni
þar sem eru starfræktir alls 42
grunnskólar fyrir 15.500 nem-
endur. Leikskólarnir eru 63 og
börnin um 5.200.
„Við erum mjög ánægð með
uppskeruna af menntastefnunni
fram til þessa, fjölmörg nýsköp-
unar- og þróunarverkefni hafa
sprottið upp í leikskólum, grunn-
skólum og frístundastarfinu sem
undirstrika þá miklu grósku sem
er í starfinu hjá fagfólkinu okk-
ar,“ segir Skúli og heldur áfram:
Traustur grunnur
innleiðingar
„Við mótun menntastefn-
unnar var leitað til nemenda,
kennara, stjórnenda, ráðgjafa og
almennings og voru um tíu þús-
und manns sem lögðu hönd á
plóginn. Það skilaði okkur stef-
nuáherslum og forgangsröðun
sem merkilega mikill samhljómur
var um, ekki síst þessi áhersla á
hæfniþættina fimm. Til að tryggja
að stefnan hafi tilætluð áhrif höf-
um við sett nýtt fjármagn til ný-
sköpunar og skólaþróunar, 200
milljónir króna á hverju ári. Það
hefur skapað traustan grunn fyr-
ir innleiðingu stefnunnar. Við
höfum líka lagt sérstaka rækt við
fjölbreytta starfsþróun kennara
og starfsfólks almennt og yfir
6.500 manns hafa tekið þátt í ein-
stökum verkefnum þess efnis und-
anfarin tvö ár.“
Í skóla- og frístundastarfi
Reykavíkur er í dag, að sögn
Skúla, eitt stærsta viðfangsefnið
að þróa leiðir til að nýta sem best
stafræna tækni til að breyta
náms- og kennsluháttum. Slíkt sé
líka stórt fjárfestingaverkefni.
„Mér finnst vera spennandi
deigla í mörgum skólum, að vinna
þvert á námsgreinar og Lang-
holtsskóli fékk til dæmis Íslensku
menntaverðlaunin í fyrra fyrir
slíkt verkefni. Þar er áhersla á
sköpun, lykilhæfni og nýtingu
upplýsingatækni fléttuð saman.
Við leggjum líka áherslu á að efla
íslenskukennslu barna af erlend-
um uppruna og bæta móttöku
þeirra inn í reykvískt samfélag.
Það er mikilvægur áfangi í því að
tryggja jöfn tækifæri allra
barna.“
Kraumandi skemmtilegt
Fyrsta þriggja ára tímabili
menntastefnu Reykjavíkur til
2030 lýkur í ár og mótun aðgerða-
áætlunar fyrir næstu þrjú ár ár er
í vinnslu. „Þar njótum við að-
stoðar framtíðarhóps með fulltrú-
um nemenda, kennara, skóla-
stjóra og annars starfsfólks
leikskóla, grunnskóla og frí-
stundamiðstöðva auk fulltrúa há-
skóla, foreldra og atvinnulífs. Það
er kraumandi skemmtileg vinna
sem við ljúkum í haust og kynnum
fyrir áramót,“ segir Skúli.
Menntastefnumót fræðslu- og frístundastarfs í Reykjavík er haldið í dag
Morgunblaðið/Sigurður Bogi
Mennt Mér finnst vera spennandi deigla í mörgum skólum, að vinna
þvert á greinar, segir Skúli Helgason um áherslurnar í skólastarfi.
Tækifæri allra barna
- Skúli Helgason er fæddur
árið 1965 og er með menntun í
stjórnmálafæði og opinberri
stjórnsýslu. Starfaði fyrr á ár-
um við fjölmiðlun og marg-
víslegt menningarstarf.
- Framkvæmdastjóri Samfylk-
ingarinnar 2006-2009 og þing-
maður flokksins 2009-2013.
Borgarfulltrúi í Reykjavík frá
2014 og formaður skóla- og frí-
stundaráðs allan þann tíma.
Hver er hann?
Morgunblaðið/Sigurður Bogi
Reykjavík Leik- og grunnskólar í borginni eru rúmlega 100 talsins og
nemendur beggja skólastiga nær 21 þúsund. Myndin er af Hlíðaskóla.
Sonja Sif Þórólfsdóttir
sonja@mbl.is
„Leiðakerfið er að fara í gang. Við
finnum fyrir miklum áhuga á öðrum
mörkuðum en bókanir hafa verið
hægari vegna ástandsins í viðkom-
andi löndum,“ segir Bogi Nils Boga-
son, forstjóri Icelandair.
„Við gerum ráð fyrir því að þegar
hlutfall bólusettra eykst og ferðatak-
markanir verða rýmkaðar fari aðrir
markaðir eins og Evrópa og Kanada
í sama takt og Bandaríkin. Við höf-
um séð jákvæða þróun á Bretlands-
markaði eftir að Ísland var sett á
grænan lista þar síðastliðinn föstu-
dag, sem tekur gildi 17. maí, ásamt
11 öðrum löndum.“
Bandaríkjamarkaður hefur tekið
við sér fyrr en reiknað var með og
má það meðal annars þakka því
hversu vel hefur gengið að bólusetja
þar í lofti.
Bogi segir að styrkleiki Icelandair
felist meðal annars í því að flugfélag-
ið geti brugðist við með skjótum
hætti. Þegar markaðurinn vestan-
hafs hafi farið að taka við sér hafi fé-
lagið þannig getað bætt við fjölda
flugferða þangað.
Fyrr en gert var ráð fyrir
Hjá Bláa lóninu líta maí og júní vel
út. „Ferðamenn munu og eru þegar
byrjaðir að sækja okkur heim sem er
fyrr en við gerðum ráð fyrir í okkar
plönum í upphafi árs. Framgangur
bólusetninga bæði hér heima og er-
lendis, sérstaklega í Bandaríkjunum
og Bretlandi, hefur mikið um það að
segja,“ segir Helga Árnadóttir,
framkvæmdastjóri sölu-, markaðs-
og vöruþrónarsviðs Bláa lónsins.
Hún segir að erlendir ferðamenn
bóki almennt mun lengra fram í tím-
ann en Íslendingar.
„Bandaríkjamenn hafa alltaf verið
stór hluti gesta okkar en þeir eru í
dag enn stærri hluti sér í lagi þegar
horft er til bókana næstu vikur og
mánuði. Hvernig þeim hefur gengið
að bólusetja almenning og aukin
flugtíðni milli landanna hefur mikið
um það að segja,“ segir Helga.
„Eins og staðan er núna erum við
með talsvert færri bókanir en á sama
tíma í venjulegu árferði,“ segir
Kristófer Oliversson, framkvæmda-
stjóri Center Hotels. Hann segir að
bókanir í maí og júní séu fáar en fleiri
séu að berast á tímabilinu þar á eftir.
„Október er orðinn þokkalegur.
Það stefnir í lélegt sumar en við bíð-
um mjög spennt að sjá hvað Bretar
muni gera, þannig að það getur ræst
úr þessu. Svo eigum við enn eftir að
sjá hvort Evrópusambandinu tekst
að koma með skírteini fyrir bólusetta
Evrópubúa, sem lofað hefur verið.“
Framgangur bólusetninga ræður för
- Ísland komið á grænan lista Bretlands - Bókanir að taka við sér - Vonast eftir skírteinum frá ESB
Skírn hins 8 vikna gamla Birkis Orra
Sigfússonar fór fram í Sauðár-
krókskirkju sl. laugardag. Skírnin
var heldur óhefðbundin af þeim sök-
um að faðir skírnarbarnsins, Sigfús
Ólafur Guðmundsson, var í sóttkví
og þurfti því að fylgjast með skírn
sonar síns í gegnum myndsímtal.
Sex smit greindust í Skagafirði
um helgina og fékk fjölskyldan sím-
tal klukkan hálftólf á föstudags-
kvöldið, um að Sigfús þyrfti að fara í
sóttkví. Þau tóku þá ákvörðun, eftir
að hafa hringt í prestinn, að skírnin
myndi fara fram og að Sigfús yrði
með í gegnum myndsímtal. „Við
hefðum aldrei gert þetta nema af því
að hann var alveg til í þetta,“ segir
Bryndís Hallsdóttir, móðir Birkis og
eiginkona Sigfúsar.
Fjölskyldan hafði val þegar að
sóttkvínni kom, annaðhvort færi að-
eins Sigfús í sóttkví, eða þau öll. Þau
ákváðu að þar sem þau væru með 8
mánaða gamlan son og 3 ára son á
heimilinu, væri best að Sigfús færi
einn í sóttkví.
Bryndís segir að hún hafi metið
stöðuna svo að fyrst Sigfús væri til í
þetta, þá væri betra að klára
skírnina af, en allt var tilbúið og
gestir komnir að sunnan og austan.
„Ef það verður mikið samfélags-
smit þá verður staðan örugglega enn
verri eftir eina viku eða tvær, fleiri
útsettir og við gætum ekki haldið
veisluna fyrr en eftir langan tíma,“
segir Bryndís.
Sigfús tók virkan þátt í athöfninni
þó í sóttkví væri. Um morguninn tók
hann upp lag sem hann hafði ætlað
sér að syngja við athöfnina og það
var spilað. „Í rauninni er þetta bara
eftirminnilegt, eins og allt þetta ár.
Maður verður bara að finna lausnir í
þessum aðstæðum. Um kvöldið
ræddum við einmitt að við værum
fegin að við hefðum gert þetta svona.
Auðvitað var leiðinlegt að hann gat
ekki verið með en hann upplifði samt
aldrei að hann væri ekki með okkur,
ekki fyrr en við fórum í veisluna,“
segir Bryndís og bætir við að þau
hafi farið með veitingar úr veislunni
og skilið eftir fyrir utan hjá honum.
Bryndís segir að þau líti á björtu
hliðarnar, sóttkvíin hafi ekki komið
upp á þegar þau giftu sig síðastliðið
sumar, enda vissulega erfiðara að
gefa hjón saman þegar brúðguminn
er ekki á staðnum.
Skírn og sóttkví
í Skagafirði
- Faðirinn fylgdist með í síma
Ljósmynd/Aðsend
Eftirminnilegt Skírn Birkis Orra
Sigfússonar var óhefðbundin.