Morgunblaðið - 10.05.2021, Page 29

MENNING 29
MORGUNBLAÐIÐ MÁNUDAGUR 10. MAÍ 2021
S.S. Tussunæs nefnist nýútkomin
plata tónlistarmannsins Holy
Hrafns sem hann segir nátengda
síðustu plötu sinni, Pandaríkjunum,
sem ku vera tónlistareyja þar sem
Holy Hrafn hefur aðsetur. S.S.
Tussunæs er
hins vegar hrað-
báturinn sem fer
á milli Reykja-
víkur og Hrafna-
fjarðar sem Holy
segir höfuðborg
Pandaríkjanna.
Holy Hrafn, réttu nafni Óli Hrafn
Jónasson, gaf sína fyrstu plötu út
fyrir þremur árum og Pandaríkin,
önnur plata hans, kom út í október
í fyrra.
„Tónlistin er áberandi meira
„groove oriented“ og blæjubíla-
sándið ræður ríkjum á plötunni. Þó
eru nokkur lög sem standa út úr,
þar á meðal er lagið „Arna Sirrý
Darling“ sem fjallar um hvað Holy
langar að kíkja út í einn drykk með
vinkonu sinni,“ segir Holy Hrafn
um plötuna nýju en hann er höf-
undur allra laga og aðeins einn
opinber gestur á plötunni, Skúli
Qase sem er einnig þekktur sem
M.V. Elyahsyn úr hljómsveitinni
Regn. Hann kemur fram í laginu
„Hratt eða Slow“.
Áhöfnin á S.S. Tussunæs
Heil áhöfn starfar um borð í S.S.
Tussunæs, segir Holy Hrafn og að
hlutverk áhafnarinnar séu fjölmörg
og stráð yfir heildarverkið, þ.e.
plötuna, en áhafnarmeðlimir ekki
nefndir í titlum laganna.
Af áhafnarmeðlimum nefnir hann
Telmu Jóa sem hann segir einnig
þekkta undir nöfnunum Kona á
barnshafandi aldri og Kona með
klút.
„Sú kona mætir þegar henni sýn-
ist og gengur í gegnum sum lög
„out of nowhere“,“ segir Holy
Hrafn og að hún hafi líka hjálpað
mikið til með viðbótardramatíser-
ingu, stemningu og áttundadoblun
og gefið Holy Hrafni leyfi til að
deila kynþokkaþrútinni rödd sinni
úr upptökunum í lokamix og loks í
eyru almennings.
Arna Sirrý, einnig þekkt sem
Arna Sirrý Darling og Kona með
klút, spilaði á þverflautu í nokkrum
lögum plötunnar og fleira og segir
Holy Hrafn að hún sé að læra að
verða „hryggjarsúludansari“ og
kúluvarpari. Holy Hrafn nefnir
einnig „Þórhildi sína“ sem mun
einnig vera þekkt sem Tóta pjalla
og sér hún um „auka dæs, más,
kvein, yfirstétta-jéddúddamíur og
einstaka uppbyggilega gagnrýni á
heimsins geimsins mælikvarða“,
eins og Holy Hrafn lýsir því.
B*****R B*******N er svo „yfir-
peppari fyrir neðan dekk, holdgerv-
ingur seglskipsins sjálfs og með
smekkinn og græjurnar til þess að
water proofa flikkið og sitt shit í
leiðinni“.
Holy Hrafn segir að lokum um
plötuna að henni megi lýsa sem
playlista sköpuðum af pandarískum
sérfræðingum til að gefa túristum
slípaða menningarmola.
helgisnaer@mbl.is
Upptökur Holy Hrafn með einni söngkvennanna sem lögðu honum lið.
Más, kvein og yfir-
stétta-jedúddamíur
- Holy Hrafn sendir frá sér plötuna S.S. Tussunæs
Ragnhildur Þrastardóttir
ragnhildur@mbl.is
Rakel Tómasdóttir myndlistarkona
vill að fólk staldri við verkin hennar
og þurfi aðeins að velta þeim fyrir
sér. Hún vinnur mikið með líkama
og andlit í sínum verkum og segir
að sér hafi alltaf þótt líkamstjáning
mjög áhugaverð, kannski sér-
staklega vegna þess að hún hafi í
gegnum tíðina sjálf ekki átt auðvelt
með að tjá tilfinningar sínar.
Rakel er gestur í nýjasta þætti
Dagmála, frétta- og menningarlífs-
þátta Morgunblaðsins.
„Grunnurinn að því sem tengir
flest af því sem ég geri saman er
líkaminn eða andlit. Það sem ég geri
langmest er að taka líkamann eða
andlit og blanda þeim einhvern veg-
inn saman, taka í sundur, færa
parta til og svo framvegis,“ segir
Rakel.
Henni þykir, eins og áður segir,
líkamstjáning einkar áhugaverð.
„Ég hef í gegnum tíðina ekki átt
neitt sérstaklega auðvelt með að tjá
mig eða tilfinningar mínar, þó svo
að maður læri ýmislegt með árun-
um. Mér finnst rosalega áhugavert
hvernig fólk getur einhvern veginn
notað líkamann til þess að segja alls
konar hluti, bæði með svipbrigðum
og hreyfingum,“ segir Rakel.
„Líkaminn getur myndað alls
konar ótrúlega falleg form.“
Smá skrýtið en fallegt
Hún hefur mjög gaman af því
þegar fólk nær að tengja persónu-
lega við myndirnar hennar.
„Mér finnst alveg frekar mikil-
vægt í því sem ég geri að fólk
staldri aðeins við. Þú kannski sérð
verkið og veist ekki alveg nákvæm-
lega hvað þú ert að horfa á strax og
þarft því aðeins að stoppa, horfa
tvisvar. Mér finnst mikilvægt að
hlutirnir séu smá skrýtnir en ein-
hvern veginn fallegir á sama tíma,“
segir Rakel.
Saga „Það er mjög gaman þegar fólk nær að búa til sína sögu í kringum
myndirnar,“ segir Rakel sem er gestur í nýjasta þætti Dagmála.
- Líkamstjáning einkar áhugaverð
Vill að fólk staldri
við og horfi tvisvar