Morgunblaðið - 18.05.2021, Qupperneq 12

12 FRÉTTIRViðskipti | Atvinnulíf
MORGUNBLAÐIÐ ÞRIÐJUDAGUR 18. MAÍ 2021
Óseyrarbraut 12, 220 Hafnarfirði | Klettagörðum 5, 104 Reykjavík | stolpigamar@stolpigamar.is
Gámaleiga
Er gámur lausnin fyrir þig?
Við getum líka geymt gáminn fyrir þig
568 0100
stolpigamar.is
HAFÐU
SAMBAND
Búslóðageymsla ❚ Árstíðabundinn lager ❚ Lager ❚ Sumar-/vetrarvörur
Frystigeymsla ❚ Kæligeymsla ❚ Leiga til skemmri eða lengri tíma
BAKSVIÐ
Þóroddur Bjarnason
tobj@mbl.is
Unnið er að reglugerð og ýmsum
nauðsynlegum frágangi hjá Um-
hverfisstofnun til að íslensk stórfyrir-
tæki geti nýtt sér þjónustu Carbfix,
dóttufélags Orkuveitu Reykjavíkur.
Lög um niðurdælingu á koltvísýringi
voru afgreidd frá Alþingi í mars sl.
Edda Sif Pind, framkvæmdastjóri
Carbfix, vonast til þess að breyting-
arnar geti klárast á næstu mánuðum.
Pétur Blöndal, framkvæmdastjóri
Samáls, samtaka álfyrirtækja, sagði
frá því í Morgunblaðinu á dögunum að
ef íslensk álver tækju þátt í þróun og
nýtingu tækni sem fangar koldíoxíð
varanlega, þá þyrftu þau engu að síður
að greiða milljarða í losunargjöld inn-
an ETS-kerfisins. Með innleiðingu
nýju laganna breytist þetta, þannig að
niðurdæling koltvísýringsins verður
frádráttarbær gagnvart ETS-kerfinu,
viðskiptakerfi ESB um losunarheim-
ildir.
„Það er mjög mikilvægt að Alþingi
hafi stigið þetta skref og innleitt okkar
tæknilausn í íslenska löggjöf. Þannig
verður til fjárhagslegur hvati til að
fyrirtæki fjárfesti í tæknilausnum á
þessu sviði í stað þess að kaupa los-
unarkvóta,“ segir Edda Sif.
Hún segir að verð á losunarheim-
ildum hafi hækkað ört á síðustu vikum
og mánuðum og sé nú yfir 45 evrur á
tonn. „Okkar lausn er orðin sam-
keppnishæf. Sem dæmi þá er heild-
arkostnaður við allt ferlið í niðurdæl-
ingu okkar í Hellisheiðarvirkjun í
kringum 20-25 evrur á tonnið, sem er
verulega undir verðinu á losunarheim-
ildunum.“
Mikilvægt skref
Hún segir að sambærilegur kostn-
aður við föngun og bindingu koltvísýr-
ings frá stál-, sements- eða málmfram-
leiðslu sé á bilinu 20-70 evrur á tonnið.
„Því er samt spáð að verðið á losunar-
heimildum haldi áfram að hækka auk
þess sem kostnaður við föngun og
förgun mun lækka með stærri skala.
Það er farið að verða ákjósanlegt fyrir
stórnotendur að velta fyrir sér að fjár-
festa í lausnum í stað þess að halda
áfram að kaupa losunarkvóta. Niður-
dæling efnisins er mun umhverfis-
vænni og betri leið því með því að
fanga koltvísýringinn, blanda hann við
vatn og dæla niður í berglögin, verður
efnið aftur að grjóti til framtíðar. Það
er hin náttúrulega leið.“
Niðurdæling kostar fimm evrur
Edda segir til útskýringar að niður-
dælingin sjálf kosti um fimm evrur á
tonnið, en allt ferlið, að fönguninni
meðtalinni, kosti á bilinu 40-70 evrur í
dag, eins og segir hér að framan.
Þjónusta Carbfix snýst bæði um
föngun og bindingu, en fyrirtækið
hyggst einnig bjóða fyrirtækjum bind-
inguna eingöngu og hyggst fyrirtækið
hefja slíka starfsemi frá og með árinu
2025. Þá verður tekið við koltvísýringi
frá stóriðju í Evrópu sem flutt verður
hingað með skipum, og því dælt inn í
kerfi Carbfix sem staðsett verður ná-
lægt álverinu í Straumsvík, en verk-
efnið gengur undir nafninu Coda.
„Í fyrsta áfanga ætlum við að dæla
niður 300 þúsund tonnum á ári frá og
með 2025. Afköstin verða komin í eina
milljón tonn árið 2028 og þrjár millj-
ónir árið 2030 sem nemur um 75% af
heildarlosun Íslands.“
Frá því Carbfix var sett á stofn hef-
ur fyrirtækið dælt 65 þúsund tonnum
af koltvísýringi niður í berg og 35 þús-
und tonnum af brennisteinsvetni.
Sex starfsmenn starfa hjá Carbfix í
dag. „Auk þess fáum við stuðning ann-
ars staðar úr orkuveitusamstæðunni.
Með auknum fjölda verkefna, eins og
verkefninu í Straumsvík, þurfum við
að fjölga í hópnum.“
Kominn fjárhagslegur hvati
Ljósmynd/Sigurður Ólafur Sigurðsson
Dæling Edda Sif segir að boðin verði binding eingöngu frá 2025.
- Lög um niðurdælingu á koltvísýringi voru afgreidd frá Alþingi í mars sl. - Verð
á losunarheimildum hækkað ört á síðustu vikum og mánuðum - Fanga og farga
Koltvísýringur
» Farið að verða ákjósanlegt
fyrir stórnotendur að velta fyr-
ir sér að fjárfesta í lausnum í
stað þess að halda áfram að
kaupa losunarkvóta.
» Niðurdæling efnisins er mun
umhverfisvænni og betri leið.
» Sex starfa hjá Carbfix.
hótelsvítur í hæsta turni Höfðatorgs,
og loks Oddsson hótelið á Grensás-
vegi 16a, sem er með 77 herbergi.
Fá ágætt verð fyrir gistinguna
„Þetta komst á flug fyrir tveimur
vikum. Það er mikil aukning milli
vikna. Bókunarstaðan er yfir 50%
fyrir júlí og ágúst og stefnir í yfir
90% nýtingu hjá Reykjavík Resi-
dence í júlí og ágúst. Haustið og vet-
urinn líta einnig vel út. Við teljum að
nýtingin verði yfir 90% í vetur en við
höfum haft 94-96% ársnýtingu frá
2014, að undanskildu árinu 2020.
Verðið er ágætt og á svipuðu róli
og það hefur verið. Það er einfald-
lega gríðarleg eftirspurn eftir ferða-
lögum til Íslands og nú eru allar lík-
ur á að Bretland opnist. Sem stendur
koma 80-90% bókana frá bólusettum
Bandaríkjamönnum,“ segir Þórður
Birgir sem telur að flugið verði tak-
markandi þáttur í sumar. Slík sé
eftirspurnin eftir Íslandsferðum.
Hann þakkar þennan góða árang-
ur meðal annars því að Reykjavík
Residence hafi í mörg ár notið þeirra
forréttinda að vera í efsta sæti hjá
Trip Advisor yfir hótel í Reykjavík.
Svíturnar á Höfðatorgi séu mikið
bókaðar næstu mánuði en sú gisting
sé fyrir þá allra kröfuhörðustu.
Náðu 85% nýtingu í fyrra
RR Hótel hafi tekist að halda uppi
85% nýtingu hjá Reykjavík Resi-
dence í fyrra. Meðal gesta hafi verið
erlendir kvikmyndagerðarmenn, Ís-
lendingar búsettir erlendis, fólk sem
er tímabundið húsnæðislaust og fólk
í sóttkví. Sem áður segir heyrir
Oddsson hótelið á Grensásvegi nú
undir RR Hótel. Margrét Ásgeirs-
dóttir fjárfestir opnaði hótelið 2019
en hún skrifaði undir leigusamning
við Íslenskar fasteignir.
Keyptu reksturinn af Margréti
Þórður Birgir segir aðspurður að
RR Hótel hafi keypt reksturinn af
Margréti í fyrravor um það leyti er
kórónuveirufaraldurinn skall á.
Íslenskar fasteignir eiga húsið en
Íslensk fjárfesting á 60% hlut í því
félagi og 100% hlut í RR Hótel.
Nú stefni í að tekjur Oddsson hót-
elsins í júlí verði tvöfalt til þrefalt
meiri en í júlí í fyrrasumar, þegar
ferðalög fóru tímabundið af stað.
Vegna góðs gengis séu RR Hótel
að skoða tvö hótelverkefni sem fela í
sér að koma inn sem rekstraraðili og
séu opin fyrir frekari tækifærum í
rekstri á 10 ára afmælinu í ár.
Baldur Arnarson
baldura@mbl.is
Þórður Birgir Bogason, fram-
kvæmdastjóri RR Hótela, segir mik-
il umskipti hafa orðið í rekstrinum á
skömmum tíma. Bókunarhraði nýrra
bókana fyrstu vikuna í maí 2021 sé
jafn mikill og á sama tíma árið 2019.
RR Hótel eru með gistirými fyrir
350 manns í 150 gistieiningum undir
þremur vörumerkjum; Reykjavík
Residence, sem er með 63 íbúðir í 8
húsum við Hverfisgötu og umhverfis
Port 9 vínbar á Veghúsastíg, Tower
Suites Reykjavík, sem er með átta
Reikna með 90% nýtingu í júlí og ágúst
Morgunblaðið/Arnþór Birkisson
RR Hótel Oddsson á Grensásvegi.
- Umskipti hjá RR Hótelum - Tóku
yfir Oddsson og skoða fleiri yfirtökur
18. maí 2021
Gengi Kaup Sala Mið
Dollari 124.47
Sterlingspund 175.31
Kanadadalur 102.65
Dönsk króna 20.292
Norsk króna 15.075
Sænsk króna 14.903
Svissn. franki 137.79
Japanskt jen 1.1391
SDR 179.16
Evra 150.9
Meðalgengi/Viðskiptavog þröng 182.5999
Hrávöruverð
Gull 1833.5 ($/únsa)
Ál 2438.0 ($/tonn) LME
Hráolía 67.0 ($/fatið) Brent
« Lífeyrissjóður verslunarmanna tók
þátt í hlutafjárútboði Síldarvinnsl-
unnar. Þetta hefur Morgunblaðið
fengið staðfest. Ekki liggur nákvæm-
lega fyrir hversu stórum hlut sjóðn-
um var úthlutað í ljósi þess að hlutur
fagfjárfesta var skertur vegna mikillar
eftirspurnar. Hins vegar er ljóst að
hluturinn nemur um einum milljarði
króna.
Stjórn sjóðsins hefur því ekki látið
undan þrýstingi Ragnars Þórs Ing-
ólfssonar, formanns VR, sem kallað
hafði eftir því að lífeyrissjóðir og al-
menningur tækju ekki þátt í útboði
félagsins sem lauk í síðustu viku. Þar
seldu núverandi eigendur félagsins
29,3% hlut í félaginu fyrir 29,7 millj-
arða króna.
Síldarvinnslan verður skráð á
skipulegan hlutabréfamarkað Kaup-
hallar Íslands 27. maí næstkomandi.
Eru hluthafar fyrirtækisins nú um
7.000 talsins.
Lífeyrissjóður versl-
unarmanna var með
STUTT