Fréttablaðið - 21.09.2021, Blaðsíða 11

K Y N N I NG A R B L A Ð
ALLT
ÞRIÐJUDAGUR 21. september 2021
Þrýstingsmeðferðir eru ekki eingöngu fyrir fólk sem hefur undirliggjandi sjúkdóma heldur henta einnig fólki sem stendur mikið við vinnu eða fólki sem er í
mikilli kyrrstöðu, segir Sara Lind, sem stýrir þrýstingsmeðferðadeild Stoðar. FRÉTTABLAÐIÐ/ANTON BRINK
Aukið blóðflæði – betri heilsa
Þrýstingsmeðferðir geta verið einstaklega öflugar til að meðhöndla ýmis einkenni í út-
limum ásamt því að geta fyrirbyggt sjúkdómsástand. Vinsælasta þrýstingsmeðferðin eru
þrýstingssokkar, en Stoð hefur boðið upp á þrýstingsmeðferðir í yfir 30 ár. 2
Að borða í geimnum er flókið.
FRÉTTABLAÐIÐ/GETTY
sandragudrun@frettabladid.is
Það að borða í geimnum getur
verið flókið og krefst annars
konar áhalda en á jörðu niðri
þar sem fólk þarf ekki að hafa
áhyggjur af að maturinn fljóti af
disknum. Nýlega hannaði Nikolas
Grafakkos „prjónaskeið“ sem á að
hjálpa geimförum að borða úti í
geimnum og gera þeim kleift að
borða fjölbreyttari tegundir af
mat. Sérstaklega á löngum ferðum
eins og til Mars.
Prjónaskeiðin er hluti af
hnífaparalínu sem hefur verið
hönnuð til að nota í geimferðum.
Skeiðin á að geta haldið mat betur
í þyngdarleysi en aðrar skeiðar
sem notaðar hafa verið í geimnum.
Venjulega þarf matur að vera mjög
maukkenndur svo hann klístrist
við skeiðina þegar ekki er hægt
að stóla á þyngdarafl til að halda
matnum á skeiðinni.
Hægt að borða fjölbreyttara
Skeiðar sem geimfarar nota venju-
lega líkjast venjulegum skeiðum
en eru þó aðeins lengri. En nýja
prjónaskeiðin líkist einhverju
sem á milli þess að vera skeið og
matarprjónn. Það gerir geimförum
kleift að klípa í matinn og halda
á honum þannig. Með þessu móti
er auðveldara að hafa stjórn á
matnum og hægt er að halda á mat
sem er þurrari og með fjölbreyttari
áferð en áður var mögulegt úti í
geimnum. n
Ný prjónaskeið
fyrir geimfara