Morgunblaðið - 31.05.2021, Qupperneq 10

10 FRÉTTIRInnlent
MORGUNBLAÐIÐ MÁNUDAGUR 31. MAÍ 2021
Missið ekki af áhugaverðum þætti um starfsemi HS Orku þar sem rætt er við Tómas
Má Sigurðsson forstjóra, Jóhann Sigurbergsson forstöðumann viðskiptaþróunar og
Albert Albertsson vélaverkfræðing um hugmyndina á bak við Auðlindagarðinn.
Hringbraut næst á rásum
7 (Síminn) og 25 (Vodafone)
ATVINNULÍFIÐ Á dagskráHringbrautar
í kvöld kl. 21.00
HS Orka og Auðlindagarðurinn
Heimsókn í Svartsengi
í þættinum Atvinnulífið sem er á dagskrá Hringbrautar kl. 21.00 í kvöld
• Þriðja stærsta orkufyrirtæki landsins og það eina í einkaeign
• Auðlindagarðurinn er uppspretta nýsköpunar og fjölda atvinnutækifæra
• Virkjanir á Reykjanesi, Svartsengi og á Brú í Biskupstungum
• Mikil sóknartækifæri þar sem horft er m.a. til Krísuvíkur
Sigurður Bogi Sævarsson
sbs@mbl.is
„Stóra viðfangsefnið núna er að
þróa Seyðisfjörð til framtíðar,
hugsanlega með nýjum áherslum,“
segir Vilhjálmur Jónsson. „Styrk-
ing innviða samfélagsins svo sem
jarðgangagerð er þar lykilatriði.
Hamfarir eins og þær sem hér
komu í lok síðasta árs leiða gjarn-
an til þess að málin eru hugsuð
upp á nýtt og lausnir verða til.“
Vilhjálmur, sem býr á Hánefs-
stöðum við utanverðan Seyðis-
fjörð, hefur lengi verið í forystu í
byggðarlaginu. Þetta er bær þar
sem margt hefur gerst að undan-
förnu. Aurskriðurnar í desember á
síðasta ári ollu meiriháttar búsifj-
um. Fjórtán hús skemmdust eða
eyðilögðust, þar á meðal hluti
bygginga Tækniminjasafns Aust-
urlands þar sem margir safngripir
fóru í svelginn. Hreinsunarstarf
eftir flóðin er langt komið, en eftir
er stórt sár í byggðinni.
Framkvæmdir, hættumat
og endurskoðun skipulags
Um þessar mundir er unnið að
gerð hættumats fyrir svæðið og í
krafti þess verður aðal- og deili-
skipulag svæðisins endurskoðað.
Um þessar mundir er verið að
setja farvegi áa og lækja úr fjalls-
hlíðinni þar sem skriðurnar féllu í
stokka. Búa á svo um hnútana að
hætta af völdum náttúruhamfara
verði minni. Þær framkvæmdir
greiðir Ofanflóðasjóður að mestu
en Náttúruhamfaratrygging
greiðir bætur vegna þeirra eigna
sem eyðilögðust eða skemmdust.
„Eðlilega reynir allt svona þó
mjög á og þess eru dæmi að fólk
hafi ekki treyst sér til að snúa til
baka. Atvik og atburðir sitja í fólki
sem þarf aðstoð til að vinna úr
reynslu sinni, segir Vilhjálmur
sem býr á Hánefnsstöðum, sem
eru utarlega við sunnanverðan
fjörð. Sem kunnugt er þurftu íbú-
ar á Seyðisfirði að yfirgefa heimili
sín í kjölfar hamfaranna, alls um
700 manns sem dvöldust á Héraði
þá daga sem hættu- og óvissustig
gilti. Flóðin fóru þá meðal annars
yfir veginn sem liggur út að Há-
nefnsstöðum, svo ábúendur þar
fóru hvergi, einir Seyðfirðinga.
„Velferð fólksins er auðvitað
efst á blaði, en svo koma verkefni
eins og til dæmis að finna tækni-
minjasafninu nýjan stað. Þar hafa
augu manna beinst að því að finna
því nýjan stað miðsvæðis í bænum.
Sunnanvert er og verður hætta á
aurskriðum og í norðurbænum má
við vissar aðstæður búast við snjó-
flóðum úr Bjólfi. Pláss til bygg-
inga í bænum er því takmarkað.“
Jarðgöngin væntanleg
Fari að vonum hefst gerð
jarðganga milli Fljótsdalshéraðs
og Seyðisfjarðar á næsta ári, eða
svo er gert ráð fyrir í samgöngu-
áætlun sem Alþingi samþykkti á
síðasta ári. Göngin verða rúmlega
13 kílómetra löng og því þau allra
lengstu á Íslandi. Kostnaður við
framkvæmdina gæti orðið um 35
milljarðar króna, greiddur að
helmingi af ríkinu en annað verð-
ur fjármagnað með veggjöldum.
„Jarðgöng munu gjörbreyta sam-
göngum hér og skapa alveg nýja
möguleika. Stóra byltingin verður
samt þegar komin verða þrenn
jarðgöng með hringtengingu milli
Héraðs og alla leið í Neskaupstað.
Slíkt skapar ný sóknarfæri á Aust-
urlandi,“ segir Vilhjálmur, sem
vekur athygli á því að aðstæður
eystra séu sífellt að breytast og
þeirri þróun verði að fylgja eftir.
Nú bær lista
og frumkvöðlastarfs
Sú var tíðin að frá Seyðisfirði
voru gerðir út tveir skuttogarar,
auk annara báta, þar voru tvö
frystihús, tvær mjölverksmiðjur
og tvær vélsmiðjur sem þjónuðu
sjávarútveginum. Nú sé eitt af
hvoru, fiskimjölsverksmiðja og
fiskvinnsla, og í vinnslu Síldar-
vinnslunnar er afla frá togaranum
Gullveri lagt upp. Þessu hafi fylgt
breytingar á atvinnuháttum eins
og ferðaþjónusta sem hafi farið
vaxandi og nú sé Seyðisfjörður
þekktur sem bær lista og frum-
kvöðlastarfs og vinsæll áfanga-
staður ferðamanna.
„Endurreisnin nú er sam-
félagslegt verkefni, hvort sem það
er hreinsunarstarf, gerð varnar-
garða eða uppbygging, hvort held-
ur er íbúðarhúsnæðis eða atvinnu-
lífs. Í þessum verkefnum held ég
að tvímælalaust sé styrkur að sam-
einingu sveitarfélaga hér eystra í
eina heild. Slíkt skapar meiri slag-
kraft í þeim verkefnum sem þarf
að sinna,“ segir Vilhjálmur Jóns-
son á Seyðisfirði að síðustu.
Seyðisfjörður þróist með nýjum áherslum og betri samgöngum, segir Vilhjálmur Jónsson á Hánefsstöðum
Morgunblaðið/Sigurður Bogi
Hreinsun Járnarusl og fleira í haug á skriðusvæðinu. Í baksýn hús Tækni-
minjasafns Austurlands og varnargarðar sem nýlega voru settir upp.
Endurreisn samfélags
- Vilhjálmur Jónsson er fædd-
ur 1960, menntaður í verslunar-
fræðum, viðskiptum og stjórn-
un. Starfaði lengi við ýmislegt
því tengt.
- Bæjarfulltrúi á Seyðisfirði
2006-2020 og bæjarstjóri á
Seyðisfirði í sjö ár. Sveitar-
stjórnarfulltrúi í Múlaþingi frá
október 2020 og formaður
heimastjórnar Fljótsdalshéraðs.
Hver er hann?
Morgunblaðið/Sigurður Bogi
Múlaþing Slagkraftur í verk-
efnum, segir Vilhjálmur Jónsson.