Morgunblaðið - 15.06.2021, Blaðsíða 2

2 FRÉTTIRInnlent
MORGUNBLAÐIÐ ÞRIÐJUDAGUR 15. JÚNÍ 2021
Aðalfundur
Samvinnufélagsins Hreyfils,
verður haldinn í Gullhömrum þriðjudaginn 29. júní kl.13:30
DAGSKRÁ:
1. Athugað lögmæti fundarins
2. Skýrsla félagsstjórnar
3. Reikningar ársins 2020
4. Kosning í stjórn o.fl.
5. Önnur mál.
Stjórn Hreyfils
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Á miðnætti gengu í gildi nýjar reglur
um takmarkanir á samkomum inn-
anlands. Reglurnar eru í samræmi
við minnisblað sóttvarnalæknis frá
10. júní og kveða á um rýmkun al-
mennra fjöldatakmarkana úr 150 í
300 manns. Breytingar á landamær-
um taka gildi 1. júlí.
Nálægðarmörk lækka úr tveimur
metrum í einn og því heyrir tveggja
metra reglan sögunni til í bili.
Afgreiðslutími veitingastaða, kráa
og skemmtistaða verður lengdur um
klukkutíma. Þannig verður heimilt
að hleypa gestum inn til miðnættis,
en þeim gert að yfirgefa staðinn
klukkutíma síðar.
Fjöldatakmarkanir á sitjandi við-
burðum haldast óbreyttar, eða 300
manns í hverju hólfi að hámarki.
Gestum verður skylt að bera grímu
en engin krafa gerð um nándarmörk.
Í minnisblaði sóttvarnalæknis
segir að staða faraldursins sé góð
hérlendis og því megi megi þakka út-
breiddum bólusetningum og einstak-
lingsbundnum sóttvörnum, faraldur-
inn sé þó ekki búinn.
Tveir greindust smitaðir af
kórónuveirunni innanlands á sunnu-
daginn og var annar þeirra utan
sóttkvíar. Tæplega 215 þúsund
manns höfðu fengið að minnsta kosti
einn skammt af bóluefni í lok síðustu
viku og gert er ráð fyrir að 40 þús-
und manns verði bólusettir í þessari
viku.
Þrátt fyrir góðan árangur í bólu-
setningum hérlendis stafar enn þá
ógn af nýjum afbrigðum veirunnar.
„Á þessum tíma tel ég mikilvæg-
ara að slaka á nándarreglunni heldur
en að auka þann fjölda sem má koma
saman. Mikil tilslökun á fjöldatak-
mörkunum getur gefið þau röngu
skilaboð út í samfélagið að faraldr-
inum sé lokið og það getur haft al-
varlegar afleiðingar í för með sér
hvað varðar útbreiðslu Covid-19,“
segir í minnisblaði sóttvarnalæknis.
baldurb@mbl.is »14
300 mega koma saman
- Nýjar reglur um takmarkanir á samkomum innanlands
taka gildi í dag - Reglur um nándarmörk lækka í einn metra
Morgunblaðið/Kristinn Magnússon
Bólusetning Tæplega 10.000
manns fengu bólusetningu í gær.
Kortavelta erlendra ferðamanna hérlendis var 95% hærri í maí síðast-
liðnum en í maí í fyrra, að því er fram kemur í tilkynningu frá Rannsókn-
arseturs verslunarinnar. Kortavelta erlendra ferðamanna var 6,5% af
heildarkortaveltu í maí síðastliðnum en í apríl var það hlutfall 4%. Sama
hlutfall var 22,3% í maí 2019 sem er síðasti venjulegi maímánuður fyrir
kórónuveirufaraldur. Erlendir ferðamenn frá Bandaríkjunum eru ábyrgir
fyrir 67,2% af allri erlendri kortaveltu hérlendis í maí síðastliðnum.
Erlend kortavelta tvöfaldaðist
Helgi Bjarnason
helgi@mbl.is
„Eftir að hafa legið bjargarlaus í sjúkrarúmi og ekki getað náð
sambandi við nokkra manneskju en þó með heila hugsun allan
tímann, sem ég gat ekki tjáð, þá hefur hugurinn þroskast og
sýn mín á lífið breyst. Ég finn núna hvað litlu hlutirnir skipta
miklu máli. Veröldin smækkar þegar maður er hverja stund við
dauðans dyr. Hver einasta stund verður svo dýrmæt og hver
andardráttur skiptir svo miklu meira máli en fréttir dagsins.“
Þetta skrifar Katrín Björk Guðjónsdóttir, 28 ára gömul kona á
Flateyri sem fékk þrisvar alvarlegt heilablóðfall, á bloggi sínu
katrinbjorkgudjons.com. Í dag eru nákvæmlega sex ár frá því
hún vaknaði eftir stærsta áfallið.
Hún skrifar að lífið hafi orðið eins og dýrgripur sem hún hafi
þurft að halda fast í svo hún myndi ekki missa hann: „Ég lærði
að kunna að meta hvert það skipti sem ég fékk að vakna, sjá lit-
brigði náttúrunnar og hlusta á hversdaginn ganga sinn vana-
gang. Ég er svo óendanlega þakklát fyrir að fá að taka þátt í
þessu lífi með öllum þeim tækifærum sem það færir manni,
sigrum jafnt sem ósigrum.“
Katrín Björk nýtur lífsins. Hún keypti sér hjól og getur nú
farið ein út í náttúruna og notið lífsins á sínum forsendum. Það
sé svo ólíkt því að vera keyrð í hjólastól. Hún skrifar að það séu
forréttindi að fá að sjá náttúruna lifna eftir veturinn.
Lífið er eins
og dýrgripur
Ljósmynd/Ásgeir Helgi Þrastarson
Úti að hjóla Katrín Björk nýtur þess að hjóla með vindinn í bakið og ber höfuðið hátt með alla sína lífsreynslu. Segir það svo
magnað að sjá heiminn opnast beint fyrir framan augun á sér og finna fyrir árstíðaskiptunum og veðrabrigðunum.
- Katrín Björk Guðjónsdóttir
bloggar um lífið í bataferli
Ráðist hefur verið í gerð leiðigarðs
syðst í Geldingadölum og varnar-
garðs sem á að minnka líkur á eða
seinka því verulega að hraun fari nið-
ur í Nátthagakrika, segir í fréttatil-
kynningu frá almannavarnadeild
ríkislögreglustjóra.
Ákvörðun um aðgerðirnar var tek-
in í samráði við Grindavíkurbæ og
aðgerðastjórn eftir að hraun tók að
renna úr syðsta hluta Geldingadala,
yfir gönguleið A og áfram niður í
Nátthaga á sunnudag. Eins og áður
er aðgerðunum ætlað að verja mik-
ilvæga innviði á Reykjanesi og mun
verkfræðistofan VERKÍS halda ut-
an um framkvæmdirnar fyrir al-
mannavarnir.
„Þessi framvinda var fyrirséð, en
nokkru fyrr en búist var við. Í kjöl-
farið var farið betur yfir hermanir á
hraunflæði frá þessu svæði. Út frá
því má reikna með frekara hraun-
flæði og líka niður í Nátthagakrika
en þaðan er opið svæði í norður, vest-
ur og suður,“ segir í tilkynningunni.
Fjögurra metra hár
Við gerð leiðigarðsins verður not-
ast við sömu hönnun og við gerð
varnargarðanna sem reistir voru of-
an við Nátthaga á sínum tíma. Stefnt
er á að hafa hann fjögurra metra há-
an til að byrja með.
Samkvæmt almannavörnum verð-
ur byrjað á því að setja neyðarruðn-
ing upp við núverandi hraunrönd til
að stöðva frekari framgang. Sem
fyrr verður notast við efni sem er
fyrir á svæðinu. Öll framkvæmd á
svæðinu er með þeim hætti að hægt
verður að slétta úr efninu aftur og
færa svæðið til fyrra horfs.
unnurfreyja@mbl.is
Reyna að stýra leið
hraunflæðisins
- Ætlunin að verja mikilvæga innviði
Gunnar Birgisson,
fyrrverandi alþing-
ismaður og bæj-
arstjóri, lést á heimili
sínu í gær 73 ára að
aldri.
Gunnar fæddist í
Reykjavík þann 30.
september 1947 og var
sonur hjónanna Birgis
Guðmundssonar mat-
sveins, d. 1962, og Auð-
bjargar Brynjólfs-
dóttur, starfsmanns
heimilishjálparinnar í
Reykjavík, d. 2000.
Gunnar var kvæntur
Vigdísi Karlsdóttur sjúkraliða en
saman eiga þau dæturnar Brynhildi
og Auðbjörgu Agnesi Gunn-
arsdætur, fæddar 1968 og 1976.
Gunnar lauk stúdentsprófi frá
Menntaskólanum í Reykjavík árið
1972 og síðan grunnnámi í verkfræði
í Háskóla Íslands árið 1977. Þá flutti
Gunnar til Edinborgar þar sem hann
hlaut meistaragráðu í bygging-
arverkfræði frá Heriot-
Watt University árið
1978. Gunnar lauk svo
doktorsprófi í jarðvegs-
verkfræði í University
of Missouri árið 1983.
Gunnar starfaði sem
verkfræðingur hjá
Norðurverki og Hönn-
un hf. á áttunda ára-
tugnum en tók við sem
framkvæmdastjóri
Gunnars og Guð-
mundar ehf. og gegndi
þeirri stöðu frá 1980 til
1994. Hann var einnig
forstjóri Klæðningar
hf. frá árinu 1986.
Hann var formaður Verktaka-
sambands Íslands árin 1986 til 1991
og varaformaður þess 1985-1986.
Gunnar sat í framkvæmdastjórn
Vinnuveitendasambands Íslands á
árunum 1985 til 1992 og var varafor-
maður þar 1989 til 1992. Ásamt því
sat Gunnar í stjórn Lánasjóðs ís-
lenskra námsmanna sem formaður
frá árinu 1991 til 2009. Gunnar átti
auk þess verkfræðistofuna Grundun.
Gunnar sinnti einnig ráðgjaf-
arstörfum fyrir hin ýmsu fyrirtæki
og félög.
Hann var fyrst varaþingmaður ár-
ið 1992 en sat á þingi frá árinu 1999
og til 2006 fyrir Sjálfstæðisflokkinn í
núverandi Suðvesturkjördæmi.
Hann var oddviti sjálfstæðismanna í
Kópavogi frá árinu 1990 til 2005 og
þá einnig formaður bæjarráðs Kópa-
vogs. Gunnar tók við sem bæj-
arstjóri Kópavogs árið 2005 og
gegndi því starfi til 2009. Hann tók
við sem bæjarstjóri Fjallabyggðar
árið 2015 og starfaði sem slíkur til
2019. Hann sinnti síðast stöðu sveit-
arstjóra Skaftárhrepps tímabundið
árið 2020.
Árið 2017 kom ævisaga Gunnars
út. Þar kom fram að Gunnar hefði al-
ist upp í fátækt en fljótt komið í ljós
að hann væri hamhleypa til verka.
Hann braust til mennta og fann sína
fjöl sem verkfræðingur og stjórn-
málamaður.
Andlát
Gunnar Birgisson