Morgunblaðið - 23.06.2021, Qupperneq 15

Minningar
MORGUNBLAÐIÐ MIÐVIKUDAGUR 23. JÚNÍ 2021
✝
Sigríður Sjöfn
Guðbjarts-
dóttir fæddist 25.
september 1941 í
Hafnarfirði. Hún
lést 11. júní 2021 á
líknardeild Land-
spítalans í Kópa-
vogi.
Foreldrar henn-
ar voru Gyða
Helgadóttir frá
Melshúsum í Hafn-
arfirði og Guðbjartur Guð-
mundsson frá Þingeyri í Dýra-
firði.
Systkini hennar eru Bára
Hildur, Guðný Dröfn, Helga
Guðrún og Guðmundur.
Sigríður giftist Magna Krist-
jánssyni frá Neskaupstað 25.3.
1967 í Hafnarfirði og flutti aust-
ur í Neskaupstað þar sem þau
áttu saman tvö börn, Guðbjart
Magnason, f. 21.7. 1968, d. 17.11.
1993, og Bryndísi Magnadóttur,
f. 25.5. 1971. Sam-
býlismaður hennar
er Magnús Blöndal
og á hún tvö börn
frá fyrra hjóna-
bandi, Breka Léon-
ard Munka og Lu-
cien Loka Munka, f.
25.3. 2005. Kristján
Magnason, f. 4.5.
1962, fluttist til
þeirra átta ára
gamall. Hann á sex
börn: Magni, f. 1985, Elín Rún, f.
1989, Rúnar Ingi, f. 1992, Andri
Fannar, f. 1997, Tara Líf, f.
2000, og Natalía, f. 2002.
Útför Sigríðar fer fram í
Hafnarfjarðarkirkju í dag, 23.
júní 2021, kl. 13. Þar sem stór
hluti fjölskyldunnar og vina er/
býr erlendis verður henni einnig
streymt:
https://youtu.be/BYXL0WzlOJs
Virkan hlekk á streymi má
finna á: https://www.mbl.is/andlat
Sidda mágkona, Sigríður Sjöfn
Guðbjartsdóttir, fæddist í Hafnar-
firði 25. sept. 1941. Hún lést á líkn-
ardeild Landspítalans 11. júní sl.
eftir hetjulega baráttu við krabba-
mein. Aðeins eru rúmlega þrír
mánuðir síðan mágkona mín
greindist með illkynja krabba-
mein.
Einstakt jafnaðargeð, hlýja og
þakklæti einkenndi Siddu og var
hún klettur þeirra sem næst henni
stóðu. Við hjónin erum svo heppin
að eiga einstakar minningar um
yndislegar samverustundir með
Siddu og Magna og börnum okkar
og ég ætla að stikla á stóru um
þær stundir.
Við hjónin bjuggum í Stokk-
hólmi í 14 ár og heimsóknir þeirra
til okkar voru skemmtilegar og vel
þegnar, sérstaklega er minnis-
stætt sumarið sem við leigðum
okkur sumarbústað á Álandseyj-
um þar sem við vorum selflutt á
báti með vistir fyrir vikuna á litla
eyju með einum bóndabæ og naut-
gripum hlaupandi á túnunum við
bæinn. Það var hvorki rafmagn né
rennandi vatn í húsinu, útikamar
og finnsk bastú við sjóinn, spöl-
korn frá bænum. Upplitið á Bryn-
dísi, Bjarti og Hlyni var ekki það
besta þegar inn var komið enda al-
in upp við allsnægtir, en það
breyttist nú fljótlega.
Veiðistangir voru hafðar með í
för og við veiddum okkur til matar
og ógleymanlegur er állinn sem
synti í sjónum, langur og mjór.
Krakkarnir héldu að þetta væru
snákar sem bitu þau, enda var
skylda að vera í gúmmístígvélum
allan tíman því allsstaðar voru þeir
á klöppunum.
Við kenndum börnunum okkar
hvernig mannfólkið lifði til forna
og gerir enn í dag.
Mikið höfðu þau gaman af þessu
fríi en verst var þó með mannýgu
nautin. Það reyndi mikið á okkur
Siddu við að halda nautunum til
friðs þegar kamarinn var notaður
og bastú heimsótt, enda báðar
skíthræddar við þessar skepnur
sem voru ansi árásagjarnar. Við
skiptumst á að vera með alls konar
stæla og óhljóð, veifandi teppum
eins og verstu nautabanar en þau
elskuðu okkur samt. Sjaldan höf-
um við hlegið jafn mikið og
skemmt okkur saman eins og við
þessar frumstæðu aðstæður á
þessari dásamlegu eyju.
Magni og Sidda voru samhent
hjón, sorg og gleði skiptust á í lífi
þeirra, sárast er til þess að hugsa
þegar sonur þeirra, Guðbjartur,
lést aðeins 25 ára gamall við vinnu
í Reykjavík.
Við hjónin vorum svo heppin að
fara með þeim í nokkra veiðitúra
til Vopnafjarðar, í Vesturdalsá þar
sem allt var morandi í laxi og sil-
ungi.
Gist var í veiðihúsinu sem
fylgdi hverju holli eins og það var
kallað, matur var hafður með til
þriggja daga og ekkert skorti á
dýrindis kræsingar sem Sidda var
búin að matreiða fyrir hópinn. Lax
og silungur var mældur og vigt-
aður og færður til bókar. Þegar
nær dró jólum fengum við dýrind-
is sendingu með kræsingum sem
veiddar voru um sumarið frá
Siddu og Magna. Svona er þeim
vel lýst hjónunum frá Melagöt-
unni í Neskaupstað, kærleikur,
hugulsemi og þakklæti.
Elsku mágkona og vinkona, ég
kveð þig með þakklæti og sorg í
huga. Ég minnist fallegu orða
þinna við mig þegar við kvödd-
umst, þú ert eins og systir mín.
Magna bróður, Kidda, Bryndísi
og fjölskyldum þeirra votta ég
dýpstu samúð mína.
María Kristjánsdóttir.
Hún Sidda vinkona okkar er
látin. Syðst í Hafnarfirði, þar sem
götuljós voru ekki komin og veg-
urinn lá út úr bænum, stóðu Mels-
hús. Þar bjó ekkja með fimm börn.
Næstelst var Sidda, brosleit hnáta
með tindrandi brún augu og
glansandi rauðar fléttur. Við vor-
um samtímis í Barnaskóla Hafn-
arfjarðar og Flensborg, urðum
vinkonur og höfum alla tíð síðan
haldið þeim vinskap og hist reglu-
lega þótt lengra yrði á milli heim-
ila okkar. Okkur þótti gaman að
syngja furðulegustu lög og texta
og sungum í tíma og ótíma. Á ung-
lingsárum fengum við nokkrar
útilegubakteríu, keyptum tjald
sem við nefndum Víðihlíð og
þvældumst um með tjald, nesti og
gítar, jafnvel út fyrir landstein-
ana.
Að því kom að við festum ráð
okkar og fórum hver í sína áttina.
Sidda kynntist pilti frá Neskaup-
stað, Magna Kristjánssyni, og
fluttist þangað. Þau eignuðust tvö
mannvænleg börn, Bjart og Bryn-
dísi. Kristján sonur Magna bjó
líka hjá þeim. Af samheldni og
dugnaði komu þau sér upp mynd-
arlegu heimili og áttu innihalds-
ríkt líf. Magni var aflaskipstjóri og
sigldu þau hjónin til Japans og
dvöldu um hríð þar sem hann
fylgdist með smíði nýs togara.
Seinna voru þau með börnin í nær
tvö ár á Grænhöfðaeyjum þar sem
átti að kenna þarlendum að veiða
fisk. Sidda fékk með sér þær
skólabækur sem átti að nota til
kennslu barnanna og sá um hana.
Eftir að heim kom stofnuðu þau
fyrirtækið Hótel Capitano og
Magni kom í land. Sidda annaðist
gesti í mat og gistingu.
Ekki var líf Siddu þó áfalla-
laust. Tólf ára missti hún föður
sinn í miklum skipskaða þegar
Eddan fórst í Grundarfirði og
Bjart son sinn misstu þau hjónin í
hörmulegu slysi aðeins 25 ára
gamlan. Magni lenti í alvarlegu
bílslysi og heilsu þeirra beggja
hrakaði smám saman. Þá var kom-
inn tími til að flytjast suður. Bryn-
dís og tvíburarnir hennar bjuggu í
Reykjavík. Með aðstoð Bryndísar
fluttu þau í fallega íbúð í Boða-
þingi í Kópavogi og seldu eignir
sínar í Neskaupstað.
Sumarið 1994 heimsóttum við
vinkonurnar þau ásamt mökum.
Þvílíkar móttökur! Húsbændurnir
báru okkur á höndum sér og nóg
var húsnæðið. Þau héldu okkur
veislu í sumarbústað sínum, Víði-
hlíð, nefndum eftir tjaldinu okkar
frá unglingsárum, gengu með okk-
ur um nágrennið í Páskahelli og
Hundsvík, óku okkur um nýrudd
há og mikil snjógöng í Mjóafjörð
og til Dalatanga og við sigldum
síðan til Neskaupstaðar. Mikið var
gaman, mikið sungið og hlegið.
Sidda hafði einstakt lundarfar,
gat alltaf séð björtu hliðarnar og
gert gott úr öllu. Enginn hafði jafn
dillandi og smitandi hlátur og
Sidda. Aldrei kvartaði hún og tók
áföllum af aðdáunarverðu æðru-
leysi.
Hafnarfjörður hefur þanist út.
Melshús standa enn á sínum stað
umkringd upplýstum götum og
húsum. En Sidda er horfin úr
þessum heimi. Við söknum kærrar
vinkonu og vottum aðstandendum
hennar okkar dýpstu samúð.
Solveig Guðmundsdóttir,
Steinunn Pálmadóttir,
Birna Helga Bjarnadóttir,
Sigurrós Skarphéðinsdóttir,
Véný Lúðvíksdóttir og
Guðlaug Elísa Kristinsdóttir.
Sigríður Sjöfn
Guðbjartsdóttir
✝
Erla Hjartardóttir
fæddist 21. nóv-
ember 1936 á Klöpp á
Seltjarnarnesi. Hún lést
14. júní 2021 á Landspít-
alanum í Fossvogi.
Foreldrar hennar voru
Sveinbjörg Jónsdóttir
húsmóðir, sem ættuð var
frá Bæjarskerjum í Mið-
neshreppi, og Hjörtur
Björgvin Helgason, bóndi
og kaupfélagsstjóri í
Sandgerði, sem ættaður var frá
Lykkju á Akranesi. Erla var
yngst fimm systkina; Sveinsínu
Ingibjargar, Lilju, Guðrúnar og
Jóns Einars en þau eru öll látin.
Erla giftist Kristjáni Erlendi
Haraldssyni 26. nóvember 1955
og áttu þau fjögur börn. 1) Sig-
rún, f. 1.8. 1955, d. 5.12. 2007,
börn Ragnar Orri, f. 1978, og
Erla Heiðrún, f. 1982. 2) Har-
aldur, f. 25.3. 1961, d. 12.1.2021,
börn Kristján, f. 1984, og Davíð
Örn, f. 1991. 3) Sveinbjörn, f.
31.8. 1966, d. 7.6. 2016, börn
voru virk í vinnu Múrara-
félagsins þegar orlofs-
landið Öndverðarnes var
keypt.
Haraldur Kristjánsson
fæddist í Reykjavík 25.
mars árið 1961. Hann lést
12. janúar 2021 á heimili
sínu í Los Angeles í
Bandaríkjunum eftir erf-
iða baráttu við krabba-
mein.
Afkomendur hans eru:
1) Kristján Haraldsson, f. 1984,
börn hans eru Kristján Dór
Clarke, f. 2016, og Bjartmar Logi
Clarke, f. 2019. 2) Davíð Örn
Kristínarson, f. 1991, sonur hans
er Benedikt Björn Davíðsson, f.
2014.
Haraldur starfaði síðustu ár
sín sem þýðandi, en hafði áður
starfað við kvikmyndagerð og
útvarpsþáttagerð.
Útför Erlu og minningar-
athöfn Haraldar verða haldin í
dag, 23. júní 2021, klukkan 11 í
Dómkirkjunni.
Guðný Ósk, f. 1990, Guðrúnu
Helga, f. 1994, og Dagur Steinn,
f. 2003. 4) Kristján Ragnar, f. 9.1.
1976, barn Krista Takefusa, f.
2002.
Erla var uppalin í Sandgerði
en bjó með eiginmanni sínum og
fjölskyldu í yfir 50 ár í Kópavogi.
Erla starfaði við sölumennsku,
rak verslanir og heildverslun en
einnig starfaði hún sem dag-
mamma og rak mötuneyti á sín-
um starfsferli. Erla tók virkan
þátt í starfi Sjálfstæðisflokksins
og hún og eiginmaður hennar
Kær mágkona og frændi eru
látin. Erla Hjartardóttir lést 14.
júní sl. og elsti sonur hennar Har-
aldur Kristjánsson lést í janúar
síðastliðnum.
Erla ólst upp á bænum Mela-
bergi á Stafnesi ásamt fjórum
systkinum, þeim Sveinsínu, Guð-
rúnu, Lilju og Jóni, en þau eru öll
látin. Þetta var glaðvær hópur og
gott að alast upp í sveitasælunni
og við sjávarsíðuna. Erla lauk
gagnfræðaprófi og kynntist á
þeim tíma sínum förunaut, Krist-
jáni Haraldssyni. Þau giftu sig um
tvítugt og eignuðust fjögur börn,
Harald, Sigrúnu, Sveinbjörn og
Kristján sem einn lifir móður sína.
Einnig er verið að minnast
elsta sonar þeirra, Haraldar, sem
lést í Bandaríkjunum í janúar sl.
Haraldur starfaði á yngri árum
við byggingariðn en fór síðan í
nám til Los Angeles og starfaði
þar við kvikmyndaiðnaðinn en síð-
ustu árin vann hann við túlkun og
þýðingar. Haraldur átti tvo syni,
þá Kristján og Davíð Örn. Eitt
helsta áhugamál Halla var sigling-
ar sem hann naut að stunda.
Erla og Kristján byggðu sína
fyrstu íbúð í Kópavogi og bjuggu í
Kópavogi mestalla sína tíð en Erla
fór á Hrafnistu síðustu árin. Þau
byggðu sér sumarbústað í Önd-
verðarnesi í Grímsnesi og nýttu
hann vel ásamt börnum sínum
sem nutu þess að vera þar. Golfið
var þeirra áhugamál, þar sem
Erla var góður golfari og vann oft
á mótum múrara sem haldin voru í
Öndverðarnesi. Þau hjónin voru
m.a. stofnendur að Golfklúbbi
Öndverðaness á sínum tíma. Erla
starfaði um tíma sem sölumaður í
heildsölu í Reykjavík og ferðaðist
þá um allt land að selja fatnað og
gjafavöru. Þegar þessu lauk fór
hún og setti upp barnafataversl-
anir og rak um árabil, fyrst í Álf-
heimum og síðar í Efra-Breiðholti.
Síðustu starfsárin var hún með
mötuneyti hjá Siglingamálastofn-
un – hafna- og vitamál í Kópavogi.
Á seinni árum keyptu þau sér
íbúð á Taílandi og fóru þangað á
hverju ári í nokkra mánuði í senn.
Þar nutu þau sín en þau ferðuðust
einnig víða um Taíland. Erla var
vel virk sjálfstæðiskona og starf-
aði mikið fyrir Sjálfstæðisfélag
kvenna í Kópavogi.
Erla var fylgin sér, en hrókur
alls fagnaðar í góðra vina hópi.
Þeirra verður sárt saknað.
Við vottum Kristjáni og öðrum
ættingjum okkar dýpstu samúð.
Guðmundur og Guðfinna.
Erla Hjartardóttir og
Haraldur Kristjánsson
Systir okkar,
SIGRÍÐUR ALFREÐSDÓTTIR
sjúkraliði,
lést á Heilbrigðisstofnun Vesturlands á
Hólmavík 19. júní. Útförin fer fram frá
Kollafjarðarneskirkju sunnudaginn
27. júní klukkan 14.
Fyrir hönd fjölskyldunnar,
Samúel Alfreðsson
Jón Eðvald Alfreðsson
Okkar ástkæri
GUÐJÓN GUÐMUNDSSON,
Stekkjargötu 21,
Reykjanesbæ,
lést á krabbameinsdeild Landspítalans
18. júní. Útför hans fer fram frá
Keflavíkurkirkju miðvikudaginn 30. júní klukkan 13.
Kristín Hannesdóttir
Kristín Guðjónsdóttir Gísli Stefán Sveinsson
Hildur Guðjónsdóttir Arnar Snæberg Jónsson
Geir Rúnar Birgisson Laufey Ólafsdóttir
Hrafnhildur Birgisdóttir Þórarinn Kristjánsson
barnabörn og barnabarnabarn
Eiginmaður minn,
BJARNI GEORG EINARSSON,
Fjarðargötu 49, Þingeyri,
lést á Heilbrigðisstofnum Vestfjarða,
Ísafirði, sunnudaginn 20. júní.
Útför hans verður auglýst síðar.
Fyrir hönd fjölskyldunnar,
Sylvía Ólafsdóttir
Ástkær eiginmaður minn, faðir, tengdafaðir,
afi og langafi,
ÓLAFUR VALDIMAR GUÐMUNDSSON
rafverktaki,
Engjaþingi 5-7,
lést sunnudaginn 13. júní. Jarðarförin hefur
farið fram í kyrrþey að ósk hins látna.
Sérstakar þakkir fær starfsfólk líknardeildar Landspítalans í
Kópavogi fyrir einstaka umönnun og hlýju.
Hægt er að nálgast minningarorð séra Arnar Bárðar Jónssonar
á vefsíðunni https://ornbardur.com/2021/06/21/minningarord-ol
afur-valdimar-gudmundsson-1937-2021/#more-2636
Guðný Steingrímsdóttir
Guðmundur Ólafsson Guðlaug Jónsdóttir
Jón Þór Ólafsson Ragnar Páll Ólafsson
barnabörn og barnabarnabörn
Ástkær sambýlismaður minn, faðir okkar,
tengdafaðir, afi, langafi og langalangafi,
KRISTINN GEORGSSON,
Kiddi G.
Suðurgötu 22, Siglufirði,
lést á Sjúkrahúsinu á Akureyri sunnudaginn
13. júní. Útförin hefur farið fram í kyrrþey að
ósk hins látna.
Ester Guðlaug Karlsdóttir
Inga Sjöfn Kristinsdóttir Þorgeir Ver Halldórsson
Fríða Birna Kristinsdóttir Jón Gunnar Jónsson
Georg Páll Kristinsson Líney Hrafnsdóttir
afabörn, langafabörn
og langalangafabarn
Okkar ástkæri
STEFÁN ALEXANDERSSON
frá Ólafsvík,
sem lést í faðmi fjölskyldunnar á
Landspítalanum mánudaginn 14. júní,
verður jarðsunginn frá Hafnarfjarðarkirkju
á morgun, fimmtudaginn 24. júní, klukkan 13. Allir velkomnir
meðan húsrúm og sóttvarnareglur leyfa. Athöfninni verður
einnig streymt á slóðinni https://youtu.be/f2GPsrfeZ6U.
Laila Michaelsdóttir
Valborg Stefánsdóttir Gnúpur Halldórsson
Íris Stefánsdóttir Þóroddur Bjarnason
Tinna Stefánsdóttir
Alexander Stefánsson Ólína Elísabet Rögnudóttir
og barnabörnin þrettán