Morgunblaðið - 23.06.2021, Qupperneq 18

18 MINNINGAR
MORGUNBLAÐIÐ MIÐVIKUDAGUR 23. JÚNÍ 2021
Tilkynningar
Skipulags- og matslýsing fyrir breytingu á Aðalskipulagi
Mýrdalshrepps 2012-2028 – og deiliskipulag fyrir Ytri-
Sólheimar 1, 1a og lóð
Í samræmi við 30. gr. skipulagslaga nr. 123/2010 og lög um
umhverfismat áætlana nr. 105/2006, er kynnt skipulags- og
matslýsing fyrir breytingu á Aðalskipulagi Mýrdalshrepps
2012-2028 og nýtt deiliskipulag.
Lýsingin tekur til breytinga á verslunar- og þjónustusvæði V26,
Gisti- og ferðaþjónusta þar sem stækka á reitinn og auka
byggingarmagn innan hans.
Skipulags- og matslýsing þessi liggur frammi hjá skipulags-
og byggingarfulltrúa Mýrdalshrepps Austurvegi 17, 870 Vík og
á heimasíðu Mýrdalshrepps www.vik.is frá 23. júní 2021 til og
með 20. júlí 2021.
Athugasemdum ef einhverjar eru skal skila skriflega á skrif-
stofu Mýrdalshrepps, Austurvegi 17, 870 Vík eða í tölvupósti á
bygg@vik.is. Frestur til að skila inn athugasemdum rennur út
þriðjudaginn 20. júlí 2021.
Aðalskipulagi Mýrdalshrepps 2012-2028
– Ferðaþjónusta við Sólheimajökul
Í samræmi við 30. gr. skipulagslaga nr. 123/2010, er kynnt
skipulagslýsing fyrir breytingu á aðalskipulagi Mýrdalshrepps
2012-2028.
Lýsingin tekur til breytinga á verslunar- og þjónustusvæði
V21, Ferðaþjónusta við Sólheimajökul sem er breytt í afþrey-
ingar- og ferðamannasvæði, AF1 og svæðið er stækkað úr 1
ha í 5,5 ha.
Skipulagslýsing þessi liggur frammi hjá skipulags- og bygg-
ingarfulltrúa Mýrdalshrepps Austurvegi 17, 870 Vík og á
heimasíðu Mýrdalshrepps www.vik.is frá 23. júní 2021 til og
með 20. júlí 2021.
Athugasemdum ef einhverjar eru skal skila skriflega á skrif-
stofu Mýrdalshrepps, Austurvegi 17, 870 Vík eða í tölvupósti á
bygg@vik.is. Frestur til að skila inn athugasemdum rennur út
þriðjudaginn 20. júlí 2021.
George Frumuselu
Skipulags- og byggingarfulltrúi
Mýrdalshrepps
Auglýsing um skipulagsmál
í Mýrdalshreppi
Skipulags- og byggingarfulltrúi
Félagsstarf eldri borgara
Aflagrandi 40 Opin vinnustofa kl. 9-12.30. Göngutúr um hverfið kl.
10.30. Samsöngur með Hannesi Guðrúnarsyni. Kaffi kl. 14.30-15.20.
Nánari upplýsingar í síma 411 2701/411 2702. Allir velkomnir.
Árskógar Smíðastofa með leiðbeinanda kl. 9-14. Opin vinnustofa kl.
9-12. Bónusbíllinn fer frá Árskógum 6-8 kl. 12.55. Dansleikfimi kl.
13.30. Hádegismatur kl. 11.40-12.50. Kaffisala kl. 14.30-15.30. Heitt á
könnunni, Allir velkomnir. Grímuskylda og það þarf að skrá sig í
viðburði eða hópa: 411 2600.
Bólstaðarhlíð 43 Morgunkaffi í kaffihorninu kl. 10 . Frjáls spila-
mennska kl. 12 30-15 45. Gönguferð um hverfið kl. 13. Opið kaffihús
kl. 14.30.
Félagsmiðstöðin Hæðargarði 31 Kaffisopi og spjall kl. 8.10-11.
Opin Listasmiðja kl. 9-12. Hádegismatur kl. 11.30-12.30. Opin Lista-
smiðja kl. 13-15.30. Síðdegiskaffi kl. 14.30-15.30.
Garðabær Hægt er að panta hádegismat með dags fyrirvara. Með-
læti með síðdegiskaffinu er selt frá kl. 13.45-15.15. Poolhópur í Jóns-
húsi kl. 9. Gönguhópur fer frá Jónshúsi kl. 10. Gönguhópur fer frá
Smiðju kl. 13. Stólajóga í Jónshúsi kl. 11. Brids Jónshúsi kl. 13. Hreyfi-
hópur í garði Ísafoldar, farið frá Jónshúsi kl. 13.30. Smiðjan, Kirkju-
hvoli opin kl. 13-16.
Gerðuberg Opin handavinnustofa frá kl. 8.30, heitt á könnunni. Döff,
félag heyrnarlausra frá kl. 13. Félagsvist frá kl. 13. Útifjör, ganga,
teygjur og fleira með Höllu Karenu og Bertu, frá kl. 13.
Hvassaleiti 56-58 Morgunkaffi og spjall frá kl. 8.30-10.30. Útvarps-
leikfimi kl. 9.45. Dans- og stólaleikfimi kl. 10. Framhaldssaga kl. 10.30.
Opin vinnustofa kl. 13-16. Ættfræðigrúsk kl. 13.30, skemmtileg og
fróðleg stund um ættfræði á Íslandi kl. 13.30, fyrirlesari er Stefán
Halldórsson.
Korpúlfar Morgunleikfimi kl. 9.45 í Borgum. Ganga kl. 10, gengið
frá Borgum og þrír styrkleikahópar, því ganga fyrir alla. Félagsvist í
Borgum kl. 13 í dag allir velkomnir. Skákhópur Korpúlfa kl. 12 í Borg-
um. Fleiri velkomnir í Suðurlandsferð Korpúlfa 15.-17. júlí með Emil
Erni sem fararstjóra, gist að Hótel Klaustri. Minnum á matarpöntun
fyrir kl. 9 deginum áður. Allir velkomnir í Borgir.
Norðurbrún 1 Morgunkaffi kl. 8.30, trésmiðja kl. 9-12, opin lista-
smiðja, morgunleikfimi kl. 9.45, viðtalstími hjúkrunarfræðings kl.
10.30-12. Upplestur kl.13, félagsvist kl.13.30, botsía kl. 15. Uppl. í síma
411 2760.
Samfélagshúsið Vitatorgi Postulínsmálun kl. 9. Minigolf í setustofu
kl. 10.30. Píla Í setustofu kl. 13. Núvitund í handverksstofu kl. 13.
Dansleikur með hinu eina sanna Vitatorgsbandi kl. 14. Síðdegiskaffi
kl. 14.30. EM í knattspyrnu í setustofu kl. 16. Verið hjartanlega vel-
komin til okkar á Vitatorg, síminn er 411 9450.
Seltjarnarnes Kaffispjall í króknum frá kl. 9, botsía í salnum á Skóla-
braut kl. 10, handavinna og samvera í salnum Skólabraut kl. 13. Minn-
um á ferðina upp á Geitlandsjökul á morgun, farið verður kl. 9 frá
Skólabraut.
Sumarhús
Sumarhús – Gestahús –
Breytingar
.Framleiðum stórglæsileg sumarhús
í ýmsum stærðum.
.Tökum að okkur stækkun og
breytingar á eldri húsum.
.Smíðum gestahús – margar
útfærslur.
.Sjáum um almennt viðhald á
sumarhúsum og sólpöllum.
.Setjum niður heita potta og
smíðum palla og skjólveggi.
Áratugareynsla –
endilega kynnið ykkur málið.
Trésmiðja Heimis, Þorlákshöfn,
sími 892-3742 og 483-3693,
www.tresmidjan.is
Bílar
Toyota Auris Active Hybrid
4/2018. Ekinn aðeins 14 þ. km.
Sjálfskipting. Bakkmyndavél.
Álfelgur. Sparneytinn bíll á lágu
verði. Verð: 2.940.000,-
www.sparibill.is
Hátúni 6 A – sími 577 3344.
Opið kl. 12–18 virka daga.
Smá- og raðauglýsingar
Vantar þig
fagmann?
FINNA.is
fasteignir
Lund til þeirra hjóna, finna þá
hlýju sem þar ríkti og þiggja góð-
ar veitingar sem alltaf var nóg af,
bæði að magni og gæðum.
Margt mætti tína til af okkar
löngu kynnum en það er óþarfi.
Ég veit að þeir sem hana þekktu,
og þeir voru margir, hafa sömu
sögu að segja og það var ekki
hennar háttur að hælast um eða
stæra sig af einu eða neinu sem
hún vissulega hefði getað gert.
Elskuleg og góð manneskja er
horfin yfir í sumarlandið og þar
verður henni vel tekið. Þar bíður
Toni og aðrir sem hún ugglaust
gleðst yfir að mæta og hlynna að.
Hafi hún þökk fyrir sína veru
hér á jörðu.
Sveinn Sveinsson.
Nú er hún amma horfin á braut.
Amma, sem alltaf hefur verið
mér svo mikilvæg. Stoð og stytta í
lífsins ólgusjó. Alltaf tilbúin til að
þerra tár, hvetja, leiðbeina. Ég
var aðeins ungbarn þegar ég fór
að venja komur mínar í faðm
ömmu og afa í Lundi. Ólst þar upp
að stórum hluta, að mér finnst.
Þráðurinn alltaf verið sterkur.
Seinna þegar ég fór að búa og
eignaðist mitt fyrsta barn, bjó ég í
nánast næsta húsi við ömmu og
afa og stutt var að hlaupa á milli.
Jenný, dóttir mín, var fljót að
komast á bragðið og tölti yfir
„Lautina“ til ömmu og afa um leið
og henni var til þess treystandi.
Alltaf var gott að koma í Lund.
Amma kenndi mér margt og
miðlaði af sinni visku. Hún kenndi
mér meðal annars að prjóna og frá
byrjun lagði hún áherslu á vand-
virkni. Rekja upp ef ég ekki væri
ánægð með verkið. Þetta hef ég
haft að leiðarljósi við mína handa-
vinnu í gegnum tíðina. Náunga-
kærleikur, þolinmæði og æðru-
leysi eru líka hlutir sem mér finnst
amma hafa haft fyrir mér. Og
nægjusemi. Ömmu fannst alltof
mikil heimtufrekja í gangi í þjóð-
félaginu, fólk ætti bara að vera
ánægt þegar það hafði í sig og á.
Það var hennar skoðun. Hún hafði
nefnilega skoðanir á flestu, allt
fram á síðustu stundu og fylgdist
vel með. Málefni líðandi stundar
voru henni hugleikin og spunnust
oft skemmtilegar umræður um
það sem efst var á baugi hverju
sinni.
Amma var af kynslóð sem lifað
hefur ótrúlegar breytingar. Við
ræddum það oft. Hún, sem ólst
upp í sveit á fyrri hluta síðustu
aldar við fremur frumstæðar að-
stæður, fylgdist ótrúlega vel með
tækninni og naut þess að tala við
ættingja í gegnum myndsímtöl á
síma eða spjaldtölvu þegar þannig
bar undir.
Amma elskaði fólkið sitt.
Fylgdist vel með hverjum sprot-
anum sem við ættstofninn bættist.
Gladdist yfir hverju barni sem
væntanlegt var og mundi nöfn
allra í hópnum. Bjó til púða, teppi
eða aðra persónulega muni og
sendi um hver jól til þeirra yngstu.
Hún hafði ótrúlega næmt auga
fyrir samsetningu lita við sína
handavinnu og gilti þar einu hvort
um var að ræða lopapeysuprjón
eða málun á tau.
Amma elskaði blóm. Það fór
ekki fram hjá neinum sem kom í
garðinn í Lundi. Ófáum stundum
eyddi hún ásamt afa við ræktun
garðsins. Byrjaði á vorin að sá og
prikla. Svo var að bera plönturnar
út í sólina á morgnana og inn á
kvöldin meðan enn var nætur-
kuldi. Síðan þurfti að setja niður.
Því litskrúðugra, því betra.
Minningarnar eru náttúrlega
óteljandi og verða geymdar í
hjarta mér. En fyrst og fremst er
ég full þakklætis fyrir að hafa átt
Sigurlaugu Sveins að ömmu svona
lengi. Það voru sannkölluð forrétt-
indi.
Takk amma, fyrir allt sem þú
varst mér og kenndir mér.
Birgitta.
Elsku amma mín er farin yfir í
Sumarlandið. Ég er þakklát fyrir
hana og okkar tíma saman. Hún
var alltaf svo hlý við mig og mína.
Amma var góð við alla, hún var
einstaklega vönduð manneskja.
Margar góðar minningar um
ömmu og afa í Lundi koma upp í
hugann. Lummuilmurinn, matur-
inn hennar ömmu, en hún var
gæðakokkur. Eldhúsið var upp-
fullt af góðum anda, hlýrri nær-
veru og góðum mat. Garðurinn
var litrík ævintýraveröld fyrir
okkur krakkana þar sem þau
hjónin nostruðu við allt. Það var
gott að vera í Lundi. Það var gott
að vera hjá ömmu og afa.
Við amma voru miklar vinkon-
ur og áttum mörg góð og löng
samtöl í gegnum tíðina. Hún var
hreinskilin og heil. Við gátum rætt
allt milli himins og jarðar og alltaf
gátum við hlegið saman. Amma
hafði svo innilegan og smitandi
hlátur. Hún talaði oft um hvað hún
var þakklát fyrir lífið og sérstak-
lega þakklát fyrir alla afkomendur
sína, heilsu þeirra og heilbrigði.
Það fannst henni ekki sjálfgefið.
Amma var listakona af Guðs
náð. Í henni bjó óþrjótandi sköp-
unarkraftur. Hún var alltaf að
framleiða og skapa og ég leit mik-
ið upp til hennar á því sviði. Í
handavinnunni útbjó hún afskap-
lega vandaðar gjafir handa fólkinu
sínu og voru gjafirnar frá henni
ávallt mikið tilhlökkunarefni hjá
mér og mínum börnum. Það er
ómetanlegt fyrir okkur öll að eiga
þessi fallegu verk eftir hana.
Það var mikilvægt fyrir ömmu
að mæta í fermingar afkomenda
sinna. Fyrir þremur árum, þá á
94. aldursári, þá taldi hún það ekki
eftir sér að ferðast frá Dalvík og í
Kópavoginn til að vera með okkur
á þessum degi sonar míns. Það var
okkur fjölskyldunni dýrmætt.
Eftir situr þó depurð hjá yngstu
dóttur minni sem fermist næsta
vor. Það mun vanta ömmu og
elsku pabba. Við mægður vorum
sammála um að það er stundum
erfitt að vera yngstur því þá hefur
maður fólkið sitt hjá sér í styttri
tíma.
Minningarnar ylja elsku
mamma mín, Guðbjörg, Anna
Dóra, Arna, Þórólfur, Árdís, af-
komendur og aðrir sem þekktu
þessa dásamlegu konu.
Það hafa verið forréttindi fyrir
mig að eiga svona góða fyrirmynd
í lífinu.
Elsku amma mín ég mun sakna
þín.
Þín alltaf,
Lovísa og fjölskylda.
Við systkinin eigum margar
góðar minningar með henni ömmu
okkar Laugu í Lundi.
Það hefur alltaf verið einstak-
lega gott að koma til Dalvíkur.
Það er ekki vegna tilkomumikillar
náttúru og fjallahrings sem þó er,
heldur vegna þess að þar hefur
Lauga verið alla okkar tíð. Hún
var óhaggandi miðpunktur og
festa, full af ást og kærleika. Við
eyddum mörgum sumrum í Lundi
og leið einna best þar. Þar snerist
lífið um garðinn, bílskúrinn og
Blettinn, allt ævintýrastaðir fyrir
lítinn polla og litla diddu. Á vet-
urna varð garðurinn í Lundi að
völundarhúsi af göngum gröfnum
í snjó. Amma var þar alltaf til stað-
ar með yfirvegun og væntum-
þykju.
Þótt hún hafi fært sig um set yf-
ir á Dalbæ þá breyttist aldrei til-
finningin sem fylgdi því að koma
til Dalvíkur því maður treysti því
að Lauga væri á staðnum. Hvern-
ig ætli tilfinningin verði að koma
til Dalvíkur framvegis?
Fyrir nokkrum árum fóru Ant-
on og fleiri úr fjölskyldunni með
ömmu í ævintýraferð til London.
Þau rúlluðu henni um stræti og
torg, heilsuðu upp á drottninguna
og amma bauð okkur síðan út að
borða. Hún ljómaði allan tímann
og allir samferðalangar smituðust
af þessum ljóma. Anton hefur oft
komið til London en aðeins einu
sinni með ömmu, það er líka lang-
eftirminnilegasta skiptið. Í þessa
örfáu daga fékk London eitthvað
að láni frá Dalvík sem gerði stað-
inn meiri.
Minningarnar eru þó ekki að-
eins bundnar við staði heldur lifa í
hversdagslegum athöfnum. Það
verður auðvelt að minnast hennar
í hvert skipti sem við tökum til
hendinni í garðinum, vökvum
blómin eða finnum lykt af ný-
slegnu grasi. Hún Lauga amma í
Lundi verður því alltaf með okkur
þó við söknum ömmu okkar mikið.
Anton Heiðar og Embla Sól.
Jæja amma. Þá kom að því. Það
verður víst ekki úr því að við leigj-
um Hörpuna fyrir 100 ára afmælið
þitt. Það var leitt. Ég var farinn að
hlakka til (og kvíða aðeins fyrir
líka út af kostnaðinum) og ég held
reyndar að þér hafi ekki fundist
hugmyndin alslæm þótt þú hafir
alltaf hlegið þegar ég minnti þig á
hana. Við hefðum haft lúðrasveit
og flugeldasýningu og að minnsta
kosti þrjá karlakóra. Þetta hefði
orðið eftirminnilegt partí.
Ég hafði annars ágætt lag á því
að koma þér til að hlæja. Þurfti
svo sem ekki mikið til. Bara að
haga mér eins og galgopinn sem
ég er. Ég hef ekki tölu á því hve oft
mér hefur verið sagt að hætta að
láta svona barnalega. Þeir eru
færri sem hafa beðið mig um að
glata aldrei barninu í sjálfum mér
eins og þú. Ég geri ráð fyrir að þú
hafir haft speki þess skeggjaða á
fallegu myndinni fyrir ofan rúmið
þitt og afa í huga þegar þú sagðir
þetta við mig. Þú varst trúuð og
það einkenndi bæði líf þitt og
lundarfar. Það er ekki í tísku núna
að vera trúaður. En ég varð svo
sem aldrei var við það að þú hefði
áhyggjur tískubylgjum. Einn af
þínum óteljandi kostum.
Þær eru margar minningarnar
sem ég tengi við þig en ég ætla
ekki að bera þær á borð á þessum
vettvangi. Þetta eru mínar minn-
ingar og þegar til tekur finn ég að
ég er nískur á þær. Aðrir verða
bara að finna sér eitthvað annað
að lesa. Góði dátinn Svejk er
ágætur. Ein er þó minningin sem
mér finnst mér eiginlega skylt að
rifja upp og það minningin um
pönnukökurnar þínar. Maður
minn lifandi, þvílíkar pönnukökur.
Aldrei nokkurn tímann, hvorki
fyrr né síðar, hef ég smakkað aðr-
ar eins pönnukökur. Hef ég þó
bragðað á þeim nokkrum um æv-
ina. Það var alveg sama hvort þær
voru bornar á borð með sykri,
púðursykri, sultu eða rjóma eða
bara öllu heila klabbinu. Þær voru
alltaf jafn dýrlegar. Ég fékk að
sjálfsögðu uppskriftina hjá þér.
Aðrir í fjölskyldunni gerðu það
sama. Engum tókst hins vegar að
galdra fram þetta lostæti. Ég skil
auðvitað núna hvað vantaði upp á
hjá okkur. Það varst ekki þú sem
hélst um skaftið á pönnunni. Ég er
hræddur um að þeir feðgar þarna
efra eigi eftir að þurfa að bæta við
götum í beltið þegar þú ferð að
rúlla pönnsur ofan í þá og afa.
Ég iðrast þess núna að hafa
ekki verið duglegri við að hitta
þig. Fara oftar til þín. Dvelja leng-
ur. Tala meira við þig. Því verður
ekki breytt úr því sem komið er.
Ég var lengi þeirrar skoðunar að
þú ættir að verða sú fyrsta til að
sigra Elli kerlingu og lifa að eilífu.
Eigingjörn ósk að sjálfsögðu og
ekki í samræmi við þinn eigin
vilja. Það veit ég vel. Það hefði
engu að síður verið gott að geta
haft þig aðeins lengur hjá okkur.
Þú lýstir okkur hinum leið í
myrkrinu. Nú er bara að vona að
við náum höfn þótt ljósið í vitanum
sé slokknað. Hvíldu í friði amma
mín. Við leigjum Hörpuna bara
seinna.
Teitur Már Sveinsson.
- Fleiri minningargreinar
um Sigurlaugu Sveins-
dóttur bíða birtingar og munu
birtast í blaðinu næstu daga.
Sigurlaug Ásgerður
Sveinsdóttir