Morgunblaðið - 23.06.2021, Side 20

20 DÆGRADVÖL
MORGUNBLAÐIÐ MIÐVIKUDAGUR 23. JÚNÍ 2021
30 ÁRA Jón Atli fædd-
ist á Landspítalanum í
Reykjavík og ólst upp í
Garðabænum. „Ég á
mjög góðan vinahóp frá
Garðabænum, en við
spiluðum mikið golf á
yngri árum og erum
alltaf í sambandi.“ Eftir
grunnskólann fór Jón
Atli í Menntaskólann í
Reykjavík á nátt-
úrufræðibraut og þar
kynntist Jón Atli eig-
inkonu sinni, Ásu. Síðan
lá leiðin í Háskóla Ís-
lands í rafmagnsverk-
fræði. Eftir námið vann
hann í tvö ár hjá Mint
Solutions og fór svo í
meistaranám í Purdue-
háskólann í Indiana-ríki
í Bandaríkjunum. „Það
var mjög áhugavert að
koma þangað. Þetta var
lítill bær en mjög fjölþjóðlegt háskólasamfélag og allt annar menningar-
heimur. Ég var einn úti en saknaði mikið fjallanna og konunnar sem var
heima í sínu námi og ákvað að drífa mig og lauk náminu á einu ári.“ Jón Atli
kom heim úr náminu 2017 og fór að vinna sem verkefnastjóri hjá Rarik við
framkvæmdir og var þar allt fram á þetta ár þegar hann fór yfir til Landnets,
þar sem hann er verkefnastjóri framkvæmda.
Helstu áhugamál Jóns Atla eru golf og þá stangveiði og skotveiði. „Svo för-
um við mikið saman í göngur fjölskyldan, hvort sem það eru gönguleiðir í ná-
grenninu eða upp á fjöll.“
FJÖLSKYLDA Eiginkona Jóns Atla er Ása Unnur Bergmann Þorvalds-
dóttir, f. 1991, læknir á Landspítalanum, og eiga þau soninn Ófeig Kára
Bergmann Jónsson, f. 2019.
Jón Atli Jóhannsson
Stjörnuspá
21. mars - 19. apríl ,
Hrútur Þú átt í innri baráttu og veist
varla í hvorn fótinn þú átt að stíga. Haltu
fast við áform þín og láttu skoðanir ann-
arra ekki hafa áhrif á þig.
20. apríl - 20. maí +
Naut Ekki fara yfir strikið í dag. Farðu
varlega í allar skyndiákvarðanir því þér
hættir til fljótfærni. Kvöldið verður gott.
21. maí - 20. júní 6
Tvíburar Þér finnst aðrir vilja ráðskast
um of með þín mál. Gefðu þér tíma til
þess að víkka sjóndeildarhringinn. Allt
hefur sinn tíma.
21. júní - 22. júlí 4
Krabbi Gættu þess að gera ekki of miklar
kröfur til annarra. Staldraðu við og íhug-
aðu hvernig þú getur fengið sem mest út
úr aðstæðum.
23. júlí - 22. ágúst Z
Ljón Rómantíkin liggur í loftinu í dag og
upplagt að eiga stefnumót. Þér mun ekki
lítast á blikuna seinni part dags en allt
skýrist þegar kvölda tekur.
23. ágúst - 22. sept. l
Meyja Fátt pirrar þig meira en fólk sem
þykist vita allt og miklu betur en aðrir.
Hugsaðu um heilsuna, hún er það mik-
ilvægasta sem hver maður á.
23. sept. - 22. okt. k
Vog Þú finnur fyrir einsemd í dag. Þér
hættir til að sjá ekki skóginn fyrir trjánum.
Talaðu við vin og reyndu að koma þér út
úr húsi.
23. okt. - 21. nóv. j
Sporðdreki Vini liggur ýmislegt þýðing-
armikið á hjarta. Þú færð óvæntar fréttir
sem slá þig út af laginu, í stuttan tíma.
22. nóv. - 21. des. h
Bogmaður Vinsældir þínar fara vaxandi
innan fyrirtækisins. Ekki láta skapið
hlaupa með þig í gönur. Teldu oftar upp
að tíu.
22. des. - 19. janúar @
Steingeit Taktu einn hlut fyrir í einu því
ef þú ert með of mörg járn í eldinum þá
fer allt úr böndunum. Þú ert langþreytt/ur
og hættir til fljótfærni þess vegna.
20. jan. - 18. febr. ?
Vatnsberi Þú finnur hjá þér hvöt til þess
að kaupa eitthvað sem léttir fjölskyldu-
meðlimi lífið. Hugsaðu um hvernig þú get-
ur bætt líf þitt og heilsu.
19. feb. - 20. mars =
Fiskar Lífið brosir við þér bæði í einkalíf-
inu eða starfi. Fyrrverandi skýtur upp koll-
inum á undarlegum stað en þú heldur ró
þinni.
P
étur Guðjónsson fæddist
23. júní 1946 og ólst upp
á Melrakkasléttu fyrstu
sex árin. Næstu árin
settu tóninn fyrir
heimshornaflakk Péturs síðar á æv-
inni, en þá flutti fjölskyldan til Dan-
merkur og síðar Svíþjóðar, en faðir
hans, Guðjón Guðnason, var þar í
sérfræðinámi í fæðingarlækningum.
Á unglingsárum Péturs var fjöl-
skyldan komin heim til Reykjavíkur
og Pétur fór í gagnfræðaskóla og
síðar í Menntaskólann í Reykjavík.
Hann fór sem skiptinemi til Banda-
ríkjanna og eftir menntaskólann
ákvað hann að sækja um háskóla
vestanhafs og fór til Harvard þar
sem hann lauk meistaragráðu í
stjórnmálafræði. Þetta var á þeim
tímum þegar ungt fólk var alls stað-
ar að endurskoða sín gildi og setja
spurningarmerki við lífsstíl foreldr-
anna. Árið 1971 fór Pétur til Chile,
en þar var Allende nýkjörinn forseti
og sá fyrsti sem hafði verið kjörinn í
lýðræðislegri kosningu. Ungir menn
í leit að sjálfum sér þurfa líka salt í
grautinn og Pétur vann sem „freel-
ance“ fréttaritari fyrir bandaríska
fjölmiðla. Þegar Fidel Castro veitti
sitt fyrsta blaðaviðtal eftir að hafa
ferðast um Chile, var Pétur þar og
vílaði ekki fyrir sér að spyrja hann
erfiðra spurninga og vakti mikla at-
hygli allra viðstaddra í kjölfarið,
þ.m.t. Castro. Það endaði með því
að Castro ákvað að bjóða Pétri til
Kúbu sem hann þáði. Pétur segist
ekki vera pólitískur ef miðað sé við
hinn hefðbundna hægri-vinstri ás
stjórnmála. Hann segist hafa lært
það á dvölinni á Kúbu að það verði
að eiga sér stað hugarfarsbylting
áður en nokkur breyting eigi sér
stað í stjórnunarháttum. „Það
breytist ekkert meðan óttinn ræður
ríkjum eða græðgin. Ótti leiðir til
ofbeldis og græðgin er spillandi afl,
bæði fyrir manneskjuna og plán-
etuna.“
Á þessu tímabili fór Pétur á nám-
skeið í Andesfjöllum sem byggði á
kenningum hins argentínska Silo,
upphafsmanns Húmanistahreyfing-
arinnar. Þar lærði hann að til að
breyta heiminum þarf að byrja á
sjálfum sér og lykilatriði sé að vera í
núvitund, vera viðstaddur í eigin lífi
og gefa kærleika frá sér. Það sé
krafturinn sem þurfti. Þarna er
grunnurinn lagður að öllu lífsstarfi
Péturs og árið 1979 stofnaði hann
samtökin Samhygð á Íslandi sem
beitti sér fyrir að breyta hugsunar-
hætti fólks svo það veitti andartak-
inu athygli og færi þannig að sjá
heiminn öðruvísi en áður, auk þess
að vinna að félagslegum umbótum
sem enda í sjálfbærni. Í starfi sínu
með Samhygð og húmanistum ferð-
aðist Pétur víða um heim og stofn-
aði sér deildir bæði í Haiti og Dóm-
iníska lýðveldinu, þar sem samtökin
stóðu fyrir heljarmiklu lestrar-
kennsluátaki, en stór hluti þjóð-
arinnar var ólæs. Pétur segir að
hann sé mjög þakklátur Íslend-
ingum fyrir stuðninginn við þetta
verkefni.
Pétur er alltaf með annan fótinn á
Íslandi og hefur haldið stjórnunar-
námskeið sem miða að því að losa
sig við streitu, sem er ákveðin að-
ferð sem Pétur þróaði og hefur
kennt víðar um heiminn. Sem dæmi
um hve vel aðferðin virkar fór hann
til Indlands og bar hana undir
nokkra vel siglda jóga, sem gáfu að-
ferðinni bestu einkunn. Svo hefur
hann skrifað 13 bækur og hafa
nokkrar þeirra verið þýddar á ís-
lensku. Bókina um hamingjuna
skrifaði Pétur um þessa aðferð við
að losa sig við streitu og hefur hún
verið þýdd á fjölda tungumála, en
bækur Péturs eru til á bókasöfnum
og fást flestar hjá Amazon.com.
Síðustu árin hefur Pétur verið
upptekinn við nýja hreyfingu sem
hann stofnaði og heitir „Vinir lífs-
ins“, sem eru samtök ungs fólks á
aldrinum 18 til 22 ára og er megin-
áhersla samtakanna að útrýma of-
beldi í heiminum. Eins og áður hjá
Samhygð, hefst ferðin á sjálfsvinnu
og er unnið með átta af bókum Pét-
urs í ferlinu. „Ég hef alltaf verið að
hugsa um mennskuna og hvernig
við getum gert betur. Núna erum
við með áhersluna á ungt fólk, sem
á eftir að taka við heiminum, og
kenna því aðferðir sem ég er viss
um að munu skila árangri.“ Pétur
Pétur Guðjónsson stjórnunarráðgjafi – 75 ára
Ferðin hefst á sjálfsþekkingu
Heimsborgari Pétur er á stöðugum faraldsfæti og er núna kominn til Afríku.
Haiti 2012 Tugþúsundir barna misstu foreldra sína í jarðskjálftanum 2010.
Samhygð var með söfnun og aðstoð var veitt til meira en 100 barna.
Til hamingju með daginn