Morgunblaðið - 23.06.2021, Side 4

4 MORGUNBLAÐIÐ MIÐVIKUDAGUR 23. JÚNÍ 2021FRÉTTIR
Það er blíðviðri í borginni þegar
hjónin Ragna Björk Guðbrands-
dóttir og Manuel Plasencia Gutier-
rez taka á móti blaðamanni.
Þau hafa á síðustu árum aukið
við framleiðslu á drykknum Kom-
bucha Iceland sem er nú fram-
leiddur í ýmsum bragðtegundum.
Þar með talið með krækiberjum og
glóaldini.
Þessi svalandi og nýstárlegi
drykkur er framleiddur víða um
heim og er vinsæl lífsstílsvara.
Spurð um upphafið segir Ragna
að fyrirtækið um reksturinn, Kúba-
lúbra ehf., hafi verið skráð hjá
ríkisskattstjóra árið 2016.
Hófu söluna hjá Frú Laugu
„Hins vegar lítum við á 14. ágúst
2017 sem formlegt upphaf á rekstri
enda gerðum við þann dag okkar
fyrsta sölusamning við verslunina
Frú Laugu í Laugardalnum. Þenn-
an sama dag kom Kombucha Ice-
land fyrst á markað. Við settum
upp Kombucha-dælu með okkar
hágæða handverks Kombucha þar
sem fólk gat komið og smakkað og
keypt sér áfyllingu. Það reyndist
fljótt falla í kramið hjá mörgum og
varð vinsælt. Unnendur Kombucha
kunnu vel að meta þetta fyrir-
komulag að geta komið með sína
flösku og fyllt á, en þar lék um-
hverfissjónarmið stórt hlutverk, og
hefur Kombucha-barinn verið í
notkun frá fyrsta degi og fleiri
staðir bæst í hópinn sem bjóða upp
á áfyllingu af Kombucha,“ segir
Ragna. Framleiðslan fari fram í
leigurými hjá Matís. Varan sé síð-
an flutt í vöruhús hjá þriðja aðila
áður en hún er afhent í smásölu-
verslun.
Hafa gert margar tilraunir
– Hvað voru margir drykkir í
boði í upphafi og hvernig hefur úr-
valið þróast?
„Við höfum gert margar tilraunir
með alls konar hráefni, en aðeins
þeir vinsælustu eru framleiddir
reglulega og settir á flöskur: Hrá-
efni á borð við engifer, krækiber,
glóaldin, jarðarber og svo hreint
Kombucha án viðbætts ávaxtar.
Síðan erum við með meira úrval af
bragðtegundum á krana á Kom-
bucha-áfyllingarstöðunum okkar.
Til dæmis Palo Santo, blátt eða
grænt spirulina, súkkulaðimyntu,
rabarbara, vanillu, rauðrófur, Spicy
chai og fleiri bragðtegundir.“
– Hver er aðferðafræðin við
framleiðsluna? Hvaðan kemur hug-
myndin?
„Þekktasta goðsögnin um upp-
runa Kombucha er frá Qui-ættinni
í Kína sem var uppi 221-206 fyrir
Krist. Á þessum tíma var Kom-
bucha þekkt undir nafninu „Te hins
eilífa lífs“. Qin Shi Huang keisari
er sagður hafa verið að leitast við
að lengja líf sitt með öllum til-
tækum ráðum og var komið með te
hins eilífa lífs til hans, að hans
beiðni, en það var útbúið af alkem-
istum.
Kombucha er gerjaður drykkur.
Flestir gerjaðir drykkir eru fram-
leiddir með því að nota ger sem
gerir það að verkum að útkoman
verður áfengur drykkur, líkt og vín
og bjór.
Til að búa til Kombucha notum
við hins vegar te sem er gerjað
með samsafni gerla og gers. Þessar
gagnlegu bakteríur sem verða til
nærast á áfenginu sem varð til við
gerjunina og breyta í ýmiss konar
lífrænar sýrur og þar af leiðandi er
lokaafurðin ekki talin áfeng.“
Gerðu drykki úr plómum
Ragna segir eiginmann sinn hafa
kynnst gerjun á yngri árum.
„Manuel ólst upp á landsbyggð-
inni á Kúbu þar sem foreldrar hans
gerjuðu hefðbundna drykki úr
staðbundnu hráefni á borð við hrís-
grjón og villtar plómur. Þetta vakti
hjá honum ævilanga forvitni um
hvernig þessir dularfullu drykkir
voru gerðir. Eftir að Manuel flutti
til Íslands árið 2006 stundaði hann
doktorsnám í efnafræði, sem var
oft á tíðum mjög krefjandi og leit-
aði hann því leiða til að slaka á og
leiða hugann að öðru. Þá lá beinast
við að hella sér í heimabrugg.
Manuel heillaðist af hinu flókna
ferli gerjunar svo að lokum kastaði
hann frá sér uppskriftabókunum og
byrjaði að gera sínar eigin tilraunir
og formúlur. Þegar hann var að
leita að nýjum hráefnum til að
gerja rakst hann á þann forna sið
að gerja te til að búa til Kombucha.
Manuel varð heillaður af þjóðsög-
unni og vísindunum á bak við Kom-
bucha og byrjaði að brugga til að
öðlast góða orku og halda áfram
með námið og hjálpaði Kombuchað
honum að komast í gegnum langar
og erfiðar námslotur. Eftir útskrift
vissi hann að drykkurinn var ein-
stakur og vildi hann deila honum
með öðrum. Þannig varð fyrsta
Kombucha-brugghús Íslands að
veruleika,“ segir Ragna.
Vinsæll valkostur
– Hvað skapar Kumbucha sér-
stöðu á markaðnum?
„Kombucha er tiltölulega nýtt
fyrirbæri sem markaðsvara. Það
hefur orðið mjög vinsælt upp á síð-
kastið víða um heim, eins og til
dæmis í Bandaríkjunum og Evr-
ópu. Kannski vegna aukinnar vit-
undar um mikilvægi góðgerla og
hugsanlegs heilsufarslegs ávinn-
ings af því að borða gerjuð mat-
væli, þá hefur Kombucha einnig
orðið vinsæll valkostur í staðinn
fyrir gos og sykraða svaladrykki.
Kombucha Iceland sker sig ekki
aðeins úr vegna gæða hráefnanna
sem við notum heldur fyrir þá sök
að við notum hefðbundnar gerj-
unaraðferðir og gerilsneyðum ekki
lokaafurðina þannig að allir góð-
gerlarnir – þ.e.a.s. gagnlegu bakt-
eríurnar og gerið – haldist lifandi í
gegnum allan geymsluþolstímann,“
segir Ragna og nefnir telauf, reyr-
sykur og heila ávexti úr lífrænt
vottuðum landbúnaði, villt ber og
kryddjurtir úr íslenskri náttúru og
hreina íslenska vatnið sem dæmi
um gæðahráefni.
Fólk sem sækir í heilnæmið
– Hver er markhópur ykkar?
„Við teljum að meirihluti unn-
enda Kombucha sé fólk sem er
meðvitað um heilbrigðan lífsstíl.
Hins vegar tökum við eftir vaxandi
áhuga meðal almennari hóps fólks.
Kombucha Iceland er til sölu í
helstu matvöruverslunum á
höfuðborgarsvæðinu, auk nokkurra
verslana á landsbyggðinni. Þar að
auki getur fólk parað saman mat
og Kombucha á fjölda fallegra veit-
ingastaða á höfuðborgarsvæðinu.
Við erum framleiðendur og
heildsalar sem þýðir að við seljum
vörur okkar til smásöluverslana.
Hins vegar opnuðum við okkar eig-
in netverslun í fyrra [kubalubra.is].
Nú getum við líka tekið við pönt-
unum frá einstaklingum og heim-
sent vörur fyrir þá sem kjósa það,
sem reyndist vera mjög gagnlegt í
öllum lokunum og takmörkunum
sem tengdust heimsfaraldrinum,“
segir Ragna.
Sóttu uppskriftina í þjóðsögurnar
Baldur Arnarson
baldura@mbl.is
Sumarið 2017 hófu hjónin
Ragna Björk Guðbrands-
dóttir og Manuel Plasencia
Gutierrez sölu Kombucha
Iceland. Með því gátu Ís-
lendingar kynnst þessum
forna drykk sem hjónin
framleiða á Íslandi.
Morgunblaðið/Kristinn Magnússon
Ragna Björk Guðbrandsdóttir og Manuel Plasencia Gutierrez. Hún er þjóðfræðingur en hann er efnafræðidoktor.
Drykkirnir koma á óvart, ekki síst krækiberjaútgáfan sem er fín með mat.
Óseyrarbraut 12, 220 Hafnarfirði | Klettagörðum 5, 104 Reykjavík | stolpigamar@stolpigamar.is
Gámaleiga
Er gámur lausnin fyrir þig?
Við getum líka geymt gáminn fyrir þig
568 0100
stolpigamar.is
HAFÐU
SAMBAND
Búslóðageymsla ❚ Árstíðabundinn lager ❚ Lager ❚ Sumar-/vetrarvörur
Frystigeymsla ❚ Kæligeymsla ❚ Leiga til skemmri eða lengri tíma