Morgunblaðið - 23.06.2021, Qupperneq 11

MORGUNBLAÐIÐ MIÐVIKUDAGUR 23. JÚNÍ 2021 11FRÉTTIR
Undanfarin ár hefur Gréta María
haft í nógu að snúast, fyrst í fjár-
málageiranum, svo í smásölugeira
og nú lætur hún að sér kveða í sjáv-
arútvegi. Í störfum sínum hefur
hún vakið athygli fyrir leiðtoga-
hæfileika og ríka áherslu á sam-
félagsábyrgð.
Hverjar eru helstu áskoranirnar
í rekstrinum þessi misserin?
Helsta áskorunin í sjávarútvegi í
dag er að kynna þjóðina aftur fyrir
sjávarútveginum. Greinin er sam-
ofin við þróun samfélagsins okkar
og skiptir okkur miklu máli. Áður
fyrr þekktu flestir einhvern sem
vann við veiðar eða vinnslu en þetta
hefur breyst og í dag sjáum við að
margir hafa enga tengingu við sjáv-
arútveginn. Þessu viljum við
breyta. Sjálfbærni og nýsköpun
hafa verið partur af greininni í tugi
ára og stöðugt er eitthvað nýtt að
gerast. Greinin er því áhugaverð og
störfin í sjávarútvegi og tengdum
greinum mjög fjölbreytt.
Hver var síðasti fyrirlesturinn
sem þú sóttir?
Ég var með erindi á málþinginu
Hafið er okkar umhverfi á Ísafirði
þann 16. júní. Málþingið var haldið
í tengslum við Kvennasiglingu 2021
en hópur kvenna siglir þessa dag-
ana á skútu umhverfis Ísland.
Markmiðið er að beina athygli að
hafinu og þeirri margþættu um-
hverfisvá sem að því steðjar. Jafn-
framt er vakin athygli á því að um-
hverfi hafsins hvort sem er í leik
eða starfi er fyrir alla, bæði konur
og kalla. Erindið mitt fjallaði um
mikilvægi sjálfbærni í sjávarútvegi
en sjálfbærni er grundvöllur fyrir
því að við getum um ókomna tíð
starfað við greinina sem hefur átt
stóran þátt í að skapa það umhverfi
og þau lífskjör sem við búum við í
dag.
Hvaða hugsuður hefur haft mest
áhrif á hvernig þú starfar?
Þegar ég var yngri var ég mikið í
íþróttum og allir vildu gefa manni
ráð og deila sínum hugmyndum.
Ég lærði því snemma að vera mót-
tækileg fyrir ólíkum hugmyndum
og skoðunum burtséð frá því hvað-
an þær koma. Það er alltaf hollt að
velta hlutunum fyrir sér og tileinka
sér svo það sem maður telur að
henti. Ég var nokkuð fljót að púsla
saman hlutum úr ólíkum áttum og
sameina þá þannig að þeir gengju
upp. Ég get því ekki sagt að það sé
eitthvað eitt sem hefur haft mest
áhrif á hvernig ég starfa en ef ég
ætti að nefna eitthvað þá er það
kannski nýjasta þekkingin sem
maður er að afla sér sem hefur
mest áhrif.
Hvernig heldurðu
þekkingu þinni við?
Með því hugarfari að maður er
alltaf að læra eitthvað nýtt: það er
alltaf einhver sem veit meira en
maður sjálfur um hlutina og hugsar
þá eða nálgast með öðrum hætti.
Það að vilja hlusta á þá sem hugsa
hlutina öðruvísi er lykillinn í að
auka við þekkingu sína og þannig
er maður ekki bara að viðhalda
þekkingunni heldur að bæta við sig
þekkingu.
Hvaða kosti og galla sérðu
við rekstrarumhverfið?
Það sem þarf að ræða er fyrir-
sjáanleiki í lagaumhverfinu. Það er
mikil ábyrgð sem fyrirtækjum sem
starfa með auðlindir er falið. Í sjáv-
arútvegi þarf miklar fjárfestingar
til að hægt sé að nýta auðlindina á
skilvirkan og sjálfbæran hátt. Það
eru ekki allir sem átta sig á því að
til að búa til þau verðmæti sem
sjávarútvegurinn hefur gert er
mikil fjárfesting í bæði skipum og
hátæknivinnslum. Til að við höld-
um áfram að þróast og nýsköpun
verði áfram órjúfanlegur þáttur af
greininni þarf að vera ljóst hvernig
lagaumhverfið er til lengri tíma.
Hvaða lögum myndirðu breyta
ef þú værir einráð í einn dag?
Veit ekki hvaða lögum eða reglu-
gerðum þarf að breyta en myndi
vilja búa í samfélagi þar sem öll
börn hafa jöfn tækifæri. Við búum í
litlu þjóðfélagi og höfum sýnt það
síðustu misseri að við sem þjóð get-
um tæklað öll vandamál ef við
leggjumst á eitt og gerum það sam-
an. Myndi vilja að við finnum út úr
því hvernig við búum til samfélag
þar sem börn hafi jöfn tækifæri.
SVIPMYND Gréta María Grétarsdóttir framkvæmdastjóri hjá Brimi
Umhverfi hafsins er fyrir alla
Morgunblaðið/Eggert
„Í dag sjáum við að margir hafa enga tengingu við sjávarútveginn,“ segir Gréta María Grétarsdóttir.
NÁM: Menntaskólinn við Hamrahlíð, stúdent frá eðlisfræðibraut
2001; BSc í vélaverkfræði frá Háskóla Íslands 2004; MSc í iðn-
aðarverkfræði frá sama skóla 2008.
STÖRF: Ráðgjafi í upplýsingatækni hjá Kögun/VSK 2006; ýmis
störf í fjármálageiranum 2006 til 2016, lengst sem forstöðumað-
ur hagdeildar hjá Arion banka. Fjármálastjóri Festar frá 2016 til
2018 og framkvæmdastjóri Krónunnar 2018-2020. Fram-
kvæmdastjóri samfélagsábyrgðar, nýsköpunar og fjárfesta-
tengsla hjá Brimi frá 2021.
ÁHUGAMÁL: Saumavélin, rauðrófurnar og íþróttir.
FJÖLSKYLDUHAGIR: Makinn heitir Jón Viðar Ágústsson og
börnin eru þrjú: Daði Berg, Ari Berg og Ásta María.
HIN HLIÐIN
Viðskipti
Eltak sérhæfir sig í sölu
og þjónustu á vogum
Bjóðum MESTA úrval
á Íslandi af smáum
og stórum vogum
Vatnagörðum 14 104 Reykjavík
litrof@litrof.is 563 6000
Sterkari
saman
í sátt við
umhverfið
SÉRBLAÐ
Ferðalög Sérblöð um ferðalögkoma vikulega út í júní
Hvert blað beinir sjónum sínum
að einum landsfjórðung
• Hvert skal halda í sumarleyfinu?
• Viðtöl við fólk sem elskar að ferðast um Ísland
• Leynistaðir úti í náttúrunni
• Hvar er best að gista?
• Ferðaráð
• Bestu sumarfrí Íslendinga
Pöntun auglýsinga og nánari
upplýsingar augl@mbl.is