Morgunblaðið - 05.07.2021, Síða 16

16 UMRÆÐAN
MORGUNBLAÐIÐ MÁNUDAGUR 5. JÚLÍ 2021
HURÐIR
Tunguháls 10, 110 Reykjavík, sími 567 3440, vagnar@vagnar.is, vagnar.is
• Stuttur afhendingartími
• Hágæða íslensk
framleiðsla
• Val um fjölda lita í
RAL-litakerfinu
• Vindstyrktar hurðir
Bílskúrs- og iðnaðarhurðir
Iðnaðarhurðir
Iðnaðarhurðir með gönguhurð
Bílskúrshurðir
Hurðir í trékarma
Tvískiptar hurðir
Smíðað eftir máli
Fyrsta flokks þjónusta og ráðgjöf
Vetrarsól er umboðsaðili
Sláttuvélar
& sláttuorf
Snjóblásarar
Askalind 4 | Kópavogi | Sími 564 1864 | vetrarsol.is
Gulltryggð gæði
40 ár
á Íslandi
Sláttutraktorar
Katrín Jakobsdóttur
og aðrir forystumenn
Vinstri grænna tala nú
fjálglega um það að
fara aftur í sömu rík-
isstjórn, sama rík-
isstjórnarsamstarfið,
eftir kosningar, ef úr-
slit leyfa. Hefur Katrín
blessuð og þetta annars
á ýmsan hátt ágæta
fólk virkilega ekkert
skilið og ekkert lært síðustu fjögur
árin?
Gerir það sér enga grein fyrir því,
hvílík hörmungarganga þetta ríkis-
stjórnarsamstarf hefur verið fyrir
Vinstri græna og þeirra stefnu og
hvílík sneypuför þetta í raun hefur
verið? Eða, heldur það kannski að
það geti bara klórað yfir stórfellt ár-
angursleysið, hvað varðar stefnu- og
baráttumál Vinstri grænna, og látið
eins og uppgjöf og ósigur, nánast yfir
alla málefnalínuna, sé í raun sigur-
ganga og flottur árangur?
Hvalveiðar
„Landsfundur Vinstri hreyfing-
arinnar – græns framboðs, haldinn á
Selfossi 23.-25. október 2015, leggst
eindregið gegn hvalveiðum við Ís-
landsstrendur. Við veiðarnar er beitt
ómannúðlegum veiðiaðferðum til að
viðhalda áhugamáli örfárra útgerð-
armanna. Háum upphæðum af op-
inberu fé hefur verið kastað á glæ til
að styrkja þessa áhugamenn um
hvalveiðar. Nú er mál að linni.“
M.a. út á ofangreint skýrt stefnu-
og baráttumál Vinstri grænna
studdu náttúru- og dýravernd-
unarsinnar flokkinn í kosningunum
2017.
En, ef að líkum lætur, voru Vinstri
grænir reknir öfugir til baka með
þetta baráttumál sitt í samningunum
um stjórnarsamstarfið.
Sjálfstæðismenn og Framsókn
gera lítið með það, þó að verið sé að
ofsækja, skjóta og sprengja þessi há-
þróuðu spendýr, sem eru friðuð nán-
ast um allan heim, í tætlur – full-
þroskaðir kálfar í móðurkviði
meðtaldir – og láta ekki einhverja
komma vaða uppi með slíkt.
Vinstri grænir létu væntanlega
þessi svik við sjálfa sig
og kjósendur sína góð
heita, gegn loforði sjálf-
stæðismanna og Fram-
sóknar um framgang
annarra mála, svo sem
þjóðgarðs, aukinnar
verndar villtra dýra og
fugla, svo að ekki sé tal-
að um nýju stjórn-
arskrána og loftslags-
vernd.
Við verðum að vera
tilbúin í málamiðlun til
að komast í stólana,
kann Katrín að hafa hugsað og sagt.
5. júlí 2019 veitti svo ríkisstjórn
Katrínar Jakobsdóttur umfangs-
mestu leyfi til hvalveiða, sem sögur
fara af, þar sem drepa mátti 2.130
dýr á tímabilinu 2019-2023.
Hugurinn kynni hér hjá sumum að
hvarfla til Júdasar Ískaríot.
Þjóðgarður
Í stjórnarsáttmála stendur m.a.:
„Stofnaður verði þjóðgarður á
miðhálendinu“. Þetta hefðu Vinstri
grænir kannski átt að fá fyrir að gefa
eftir hvalafriðun. En fengu þau það?
NEI. Hér virðast sjálfstæðismenn og
Framsókn hafa hlaupizt undan
merkjum, beitt undanbrögðum, þeg-
ar til kastanna kom.
En Katrín virðist hafa kyngt þeirri
niðurstöðu með sínu alkunna brosi á
vör. Mikil eftirlátssemi það.
Annað mál er það, að í flestum
löndum – alla vega þar sem nokkur
menning ríkir og menn eru með al-
vöru ráðstafanir – er þjóðgarður frið-
að svæði fyrir öll dýr sem þar búa og
allt lífríki svæðisins. En hér átti bara
að friða „gras, urð og grjót“; öll dýrin
voru undanskilin. Þau hefði mátt
veiða og drepa á fullu áfram.
Dýravernd
„Endurskoða þarf löggjöf um
vernd, friðun og veiðar á villtum fugl-
um og spendýrum,“ segir í stjórn-
arsáttmála.
Kannski var þetta líka hluti af
hrossakaupum. En stóðst þetta atriði
þá? NEI, aldeilis ekki. Komst aldrei
úr nefnd. Sama raunasagan
Stjórnarskráin
„Ríkisstjórnin vill halda áfram
heildarendurskoðun stjórnarskrár-
innar …“ segir líka í stjórnarsátt-
mála. Náðist þetta miklivæga atriði í
stjórnarsáttmála þá fram? NEI.
Botninn datt úr þessu líka.
Hér fóru sjálfstæðismenn og
Framsókn undan í flæmingi, og sat
formaður Vinstri grænna/forsætis-
ráðherra uppi með frumvarp, sem
„samherjarnir“ vildu ekki sjá eða
heyra og varð að engu. Hvílík
sneypa.
Loftslagsvernd
Vinstri grænir hafa talað mikið um
sinn frábæra árangur í þessari rík-
isstjórn í loftslagsvernd. Í huga und-
irritaðs orkar það ekki tvímælis, að
hér vildu Vinstri grænir gera vel, en
því miður verður ekki undir það tekið
að hér hafi náðst árangur sem hrópa
má húrra fyrir.
10. september 2018 boðaði ríkis-
stjórnin til blaðamannafundar þar
sem ekki mættu færri en sjö ráð-
herrar, og þóttust nú bæði sjálfstæð-
ismenn og Framsókn allt í einu vera
orðnir grænir. Víst kunna þeir að
hafa verið orðnir það, ef þeir hafa
ekki verið það allan tímann, en í ann-
arri merkingu þess orðs.
6,8 milljarða skyldi setja í aðgerðir
í loftslagsmálum næstu fimm árin.
1,4 milljarða á ári. Auðvitað var þetta
gott mál, allt er betra en ekkert, en
það vildi svo til að sömu dagana og
ríkisstjórnin blés í sína lúðra með
þetta mál voru fréttir í gangi um það
að setja ætti 120 milljarða í flugstöð í
Keflavík á næstu árum.
Auðvitað var það þetta fínt átak
með flugstöðina, gott innlegg í ferða-
þjónustuna, en lítið varð úr „stór-
felldu átaki“ ríkisstjórnar í loftslags-
málum.
Sneypuför og dómgreindar-
skortur Vinstri grænna
Eftir Ole Anton
Bieltvedt » Það er með ólík-
indum að Katrín
skyldi halda að hún
fengi einhverjum
stefnumálum VG fram-
gengt í samstarfi við
Bjarna og Sigurð Inga,
eins og dæmi sýna.
Ole Anton Bieltved
Höfundur er stofnandi
og formaður Jarðarvina.
Íslendingar hafa
löngum verið vertíð-
arfólk. Á öldum og ár-
um áður fóru allir sem
vettlingi gátu valdið í
verið og kepptust við
að sækja björg í bú.
Síldarárin voru ein alls-
herjarvertíð, síldinni
mokað gegndarlaust úr
sjónum þar til hún var
á þrotum. Á seinni
hluta síðustu aldar
spruttu minkahús upp eins og gorkúl-
ur víða um land, þá átti að bjarga
landbúnaðinum. Hvernig fór um sjó-
ferð þá? Nú er ferðamannavertíðin í
algleymingi, vonandi þrjóta gæftirnar
ekki í bráð. Mig langar hins vegar að
gera nýjustu vertíðina að umtalsefni,
skógræktarvertíðina miklu sem skoll-
in er á og snýst um að planta fljót-
sprottnum erlendum tegundum upp
um fjöll og inn til dala. Nú skal slá
tvær flugur í einu höggi; klæða landið
í hvelli og kolefnisjafna allar utan-
landsferðirnar. En eins og dæmin
sanna þarf að gæta hófs á vertíðum,
illa fer ef of hart er sótt á sömu mið.
Skynsamlegt væri að skipuleggja
þessa nýjustu vertíð betur áður en
hún fer úr böndunum. Gegndarlaus
plöntun erlendra tegunda, ekki síst
barrtrjáa, veldur háskalegum breyt-
ingum á íslenskri náttúru. Trén dreifa
sér ört og kæfa íslenskan gróður. Því
er raunhæf sú krafa að umhverfismat
fari fram áður en lengra er haldið. En
því miður er ákafinn
slíkur að vart leyfist um-
ræða um málið.
Íslensk náttúra er
einstök og viðkvæm,
plönturnar smáar en
harðgerðar ef þær fá
frið til að vaxa í sínu
kjörlendi. Þær eiga hins
vegar mjög undir högg
að sækja vegna ágengra
erlendra tegunda sem
sækja æ fastar og víðar
á. Lúpína og skóg-
arkerfill æða yfir landið
líkt og engisprettufaraldur og kæfa
hinn upprunalega gróður og það er
sárt að horfa á berjabrekkurnar
hverfa hverja af annarri undir fljót-
sprottnar erlendar trjátegundir. Ís-
lenskt landslag hefur sérstöðu sem
við og gestir okkar vilja njóta, það er
ekki einkamál fárra einstaklinga að
umbreyta því á þann hátt sem víða er
verið að gera. Kapp er best með
forsjá. Hugsum málið af yfirvegun
áður en fleiri stórslys verða.
Skógræktar-
vertíðin mikla
Eftir Hildi
Hermóðsdóttur
Hildur
Hermóðsdóttir
» Gegndarlaus plöntun
erlendra tegunda,
ekki síst barrtrjáa, veld-
ur háskalegum breyt-
ingum á íslenskri nátt-
úru.
Höfundur er áhugamaður
um náttúruvernd.
Það er þess virði að
fórna frelsinu fyrir
samhengið, og það er
þess virði að fórna
samhenginu fyrir frels-
ið. Það er þess virði að
fórna vinsældum fyrir
skoðanir, og það er
þess virði að fórna
skoðunum fyrir vin-
sældir. Það er þess
virði að fórna sakleys-
inu fyrir reynsluna, og
það er þess virði að fórna reynslunni
fyrir sakleysið. Öll dæmin ganga
upp. Það er vandamálið.
Það er þess virði að fórna kynlífi
fyrir hjónaband, og það er þess virði
að fórna hjónabandi fyrir kynlíf. Það
er þess virði að fórna
fjölskyldu fyrir frama,
og það er þess virði að
fórna frama fyrir fjöl-
skyldu. Það er þess
virði að fórna góðum
mat fyrir gott form, og
það er þess virði að
fórna góðu formi fyrir
góðan mat. Það er þess
virði að fórna draumn-
um fyrir aðra, og það
er þess virði að fórna
öðrum fyrir drauminn.
Öll dæmin ganga upp.
Það er vandamálið.
Það er þess virði að fórna frítíma
fyrir ferðalög, og það er þess virði að
fórna ferðalögum fyrir frítíma. Það
er þess virði að fórna sunnudags-
morgni fyrir laugardagskvöld, og
það er þess virði að fórna laug-
ardagskvöldi fyrir sunnudags-
morgun. Það er þess virði að fórna
stemmningunni fyrir alvarleikann,
og það er þess virði að fórna alvar-
leikanum fyrir stemmninguna. Öll
dæmin ganga upp. Það er vanda-
málið.
Það er þess virði að fórna sam-
viskunni fyrir lífsgæðin, og það er
þess virði að fórna lífsgæðunum fyr-
ir samviskuna. Það er þess virði að
fórna góðum siðum fyrir gott partý,
og það er þess virði að fórna góðu
partýi fyrir góða siði. Það er þess
virði að fórna spennu fyrir stöð-
ugleika, og það er þess virði að fórna
stöðugleika fyrir spennu. Það er
þess virði að fórna ástinni fyrir geð-
heilsuna, og það er þess virði að
fórna geðheilsunni fyrir ástina. Öll
dæmin ganga upp. Það er vanda-
málið.
Lífið er forgangsröðun
Eftir Ernu Mist »Hugvekja um for-
gangsröðun lífsins,
allt frá smáatriðum
hversdagsháttanna til
megindrátta markmið-
anna.
Erna Mist
Höfundur er listmálari.
ernamist@ernamist.net
Móttaka aðsendra greina
Þeir sem vilja senda Morgunblaðinu greinar eru vinsamlega beðnir að nota
innsendikerfi blaðsins. Kerfið er auðvelt í notkun og tryggir öryggi í sam-
skiptum milli starfsfólks Morgunblaðsins og höfunda. Morgunblaðið birtir
ekki greinar sem einnig eru sendar á aðra miðla. Kerfið er aðgengilegt undir
Morgunblaðslógóinu efst í hægra horni forsíðu mbl.is. Þegar smellt er á lógó-
ið birtist felligluggi þar sem liðurinn „Senda inn grein“ er valinn. Í fyrsta skipti
sem innsendikerfið er notað þarf notandinn að nýskrá sig inn í kerfið. Ítarleg-
ar leiðbeiningar fylgja hverju þrepi í skráningarferlinu. Eftir að viðkomandi
hefur skráð sig sem notanda í kerfið er nóg að slá inn kennitölu notanda og
lykilorð til að opna svæðið. Hægt er að senda greinar allan sólarhringinn.