Morgunblaðið - 05.07.2021, Page 32

Jaðarlistahátíðin Reykjavík Fringe hófst um helgina og
í dag og kvöld verður boðið upp á fjölda sýninga. Ein
þeirra nefnist Identity Chrisis og er uppistand þeirra
Dan Nava, Regns Sólmundar og Lovísu Láru í Secret
Cellar við Lækjargötu. Dan, Regn og Lovísa eiga sam-
eiginlegt að vera að ganga í gegnum tilvistarkreppu
sem þau vinna úr á kómískan máta og fjallar sýningin
um kyn, kynhneigð, innflytjendamál, barnleysi og geð-
heilsu eða skort á henni, eins og segir um sýninguna í
tilkynningu. Dagskrá hátíðarinnar er á rvkfringe.is.
Þrír uppistandarar vinna úr tilvist-
arkreppu á spaugilegan hátt
MÁNUDAGUR 5. JÚLÍ 186. DAGUR ÁRSINS 2021
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 739 kr.
Áskrift 7.982 kr. Helgaráskrift 4.982 kr.
PDF á mbl.is 7.077 kr. iPad-áskrift 7.077 kr.
Breiðablik hefur heldur betur náð að gera Kópavogs-
völlinn að vígi á undanförum vikum. Eftir ósigur gegn
KR á heimavelli í fyrstu umferð Íslandsmótsins í fót-
bolta í vor hefur Breiðablik unnið alla fimm heimaleiki
sína, fjóra þeirra með markatölunni 4:0 og einn 2:0.
Eftir 4:0 sigur á Leikni á laugardaginn er markatalan í
þessum fimm síðustu heimaleikjum því orðin 18:0. »26
Átján mörk í röð á heimavellinum
ÍÞRÓTTIR MENNING
Sigurður Bogi Sævarsson
sbs@mbl.is
„Eljusemi og þrautseigja eru lykillinn
að því að ná árangri í knattspyrnu, rétt
eins og lífinu sjálfu. Þú verður alltaf að
trúa að fram undan séu ljós og betri
tíð, sama hversu miku mótlæti þú
mætir,“ segir Rúnar Alex Rúnarsson
knattspyrnumaður. Strákurinn úr
Vesturbænum í Reykjavík hefur náð
langt í fótboltanum, verið leikmaður í
útlöndum síðastliðin sjö ár og gekk til
liðs við Arsenal á síðasta ári, hvar hann
stendur í markinu.
Síðustu vikur hefur Alex, eins og
hann er jafnan nefndur, verið hér
heima í fríi en gerir þó ekki endasleppt
í boltanum. Til að missa ekki niður takt
og þjálfun hefur hann mætt flesta
daga á æfingar með meistaraflokki
KR sem Rúnar Kristinsson faðir hans
þjálfar. Morgunblaðið hitti feðgana í
Frostaskjóli fyrir helgina.
„Þótt ég sé pabbinn og ekki hlutlaus
sá ég fljótt að Alex yrði öflugur knatt-
spyrnumaður. Hreyfingarnar og takt-
arnir var komið þegar hann var barn,“
segir Rúnar Kristinsson. Hann er einn
sigursælasti knattspyrnumaður lands-
ins og á langan feril að baki, hefur
lengi verið þjálfari meistaraflokks KR
í knattspyrnu og undir stjórn hans hef-
ur liðið þrívegis unnið Íslandsmeist-
aratitilinn í karlaflokki. Alex varð strax
sem unglingur efnilegur í liði KR og
atvinnumennska lá beint við. Hann
hélt utan árið 2014 og lék í fjögur og
hálft ár með danska liðinu FC Nor-
dsjælland, svo með Dijon FCO í
Frakklandi og gekk til liðs við Arsenal
seint á síðasta ári.
Enginn ánægður með 8. sæti
„Auðvitað er enginn í Arsenal
ánægður með árangur okkar á síðustu
leiktíð. Að ná 8. sæti þýðir að við náum
ekki inn í Meistaradeild Evrópu eða
Evrópudeildina, sem ætti þó að vera
lágmark,“ segir Alex. „Að úr rætist
hverju sinni er viðhorf sem hefur kom-
ið mér þangað sem ég er staddur í dag.
Mér finnst mikilvægt að ungt fólk til-
einki sér þetta hugarfar sem er ekki
meðfætt. Þetta er þjálfun, samanber
að við erum alltaf að læra eitthvað nýtt
og mótumst af umhverfi okkar og að-
stæðum. Sem knattspyrnumaður er-
lendis hef ég lært og þurft að gera allt
hraðar og af meiri snerpu en var hér
áður fyrr hjá KR. Ég hef á ferlinum
haft marga þjálfara með mismunandi
áherslur og ég sé nýjar hliðar á fót-
bolta með hverjum þeirra,“ segir Alex.
Tapa ekki sjálfstrausti
Feðgarnir Rúnar og Alex eru í góðu
sambandi og ræða oft saman eftir leiki
liða sinna, um hvernig til tókst og hvað
hefði mátt gera betur.
„Í fótboltanum verða oft skakkaföll
með meiðslum svo menn ná ekki í lið.
Stundum er leiðinlegur mórall á æf-
ingu eða einhverjir í slæmu skapi. Oft
gengur líka allt smurt, en þegar á móti
blæs þarf að halda í vonina um árang-
ur og berjast til sigurs og tapa ekki
sjálfstraustinu,“ segir Rúnar og bætir
við að strengurinn milli þeirra feðga sé
sterkur. Því samsinnir Alex sem á
morgun, þriðjudag, fer til Englands,
hvar þau Ásdís Björk Sigurðardóttir
kærasta hans búa með dóttur sinni og
önnur er væntanleg í haust. Á mið-
vikudag hefjast svo æfingar Arsenal
fyrir næstu leiktíð, en blásið verður til
leiks upp úr miðjum ágúst.
Morgunblaðið/Sigurður Bogi
Knattspyrna Rúnar Alex Arsenalmaður hér með Rúnari Kristinssyni föður sínum á KR-vellinum við Frostaskjól.
Feðgar í fótboltanum
- KR og Arsenal - Rúnar Alex æfir hjá föður sínum í
Frostaskjóli í sumarleyfi á Íslandi - Var fljótt efnilegur
400l farangursboxið er núhægt að kaupa á netinu
og fá fría heimkeyrslu á höfuðborgarsvæðinu.
Hlaupahjól semer byggt til að endast.Með fjöðrun ábæði
fram- og afturdekki. Öryggi er einnig í fyrirrúmimeð lýsingu
að framanog aftan.
Hjólafesting frá Thule sempassar gjörðum frá 16-29".
Togstýring kemur í veg fyrir að festingin sé hert ofmikið
og fer því beturmeðhjólið þitt.
Farangursbox
InvictaMicroMerlin
Hjólafesting á toppboga
Verð frá:49.990kr.
Verð frá: 109.990kr.
Verð frá:28.990kr.
VefverslunBL
Frábært úrval af aukahlutum, ferðabúnaði,
gjafavörum og rafhjólum í nýrri vefverslun okkar.
Kíktu á úrvalið áwww.bl.is/vefverslun
BL ehf
Sævarhöfða 2 / 110 Reykjavík
525 8000 / www.bl.is
E
N
N
E
M
M
/
S
ÍA
/
N
M
0
0
6
6
2
0