Morgunblaðið - 07.07.2021, Qupperneq 20

20 DÆGRADVÖL
MORGUNBLAÐIÐ MIÐVIKUDAGUR 7. JÚLÍ 2021
50 ÁRA Edda fæddist á Fæðingar-
heimilinu í Reykjavík 7. júlí 1971. Hún
byrjaði í Ísaksskóla en tíu ára flutti fjöl-
skyldan í Kópavoginn. Hún fór í Versló
eftir grunnskólann og þar kynntist hún
eiginmanni sínum, Jóhanni Tómasi.
„Við vorum saman í bekk allan tímann
og erum búin að vera par frá því við vor-
um 17 ára. Það var mjög mikið félagslíf í
skólanum og við eignuðumst bæði
marga af okkar bestu vinum á þessu
tímabili.“
Edda fór í hjúkrun í HÍ eftir stúd-
entsprófið. „Ég ætlaði frá blautu barns-
beini að verða ljósmóðir, en ein af mörg-
um systrum mömmu er ljósmóðir og ég leit mjög upp til hennar.“ Eftir
útskrift fór Edda að vinna um tíma á sængurlegudeild og kvennadeild Land-
spítalans og síðan hjá Pharmaco/Vistor í níu ár. „Ég var að eiga börnin og gaf
mér ekki tíma til að fara í ljósmóðurnámið fyrr en 2010, en þá var ég aftur
farin að vinna á kvennadeildinni með góðri vinkonu sem dreif sig með mér í
námið.“ Edda lauk meistaranámi í ljósmóðurfræðum og hefur sérfræðirétt-
indi frá Landlæknisembættinu sem sérfræðiljósmóðir í fæðingarhjálp og
starfar nú sem slík á Fæðingarvakt Landspítala auk þess að sinna kennslu
við námsbraut í ljósmóðurfræði við HÍ.
Fjölskyldan er mikið á skíðum. „Við erum í ágætis kjarnahópi sem fer mik-
ið á skíði bæði erlendis og heima og stelpurnar okkar eru líka að æfa saman.
Svo höfum við verið í hestamennsku en ég er núna fyrst að smitast af þeirri
bakteríu eftir magnaða Jónsmessureið með skagfirskum kjarnakonum, en
við erum mikið fyrir norðan og eigum þar sumarbústað.“ Þá er ótalin handa-
vinnan. „Ég er síprjónandi og prjóna á alla fjölskylduna og fleiri. Ég prjónaði
t.d. skírnarkjól á barnabarnið.“
FJÖLSKYLDA Eiginmaður Eddu er Jóhann Tómas Egilsson, tæknifræð-
ingur hjá Verkfræðistofunni Ferli í Mörkinni, f. 7.3. 1971. Þau eiga dæturnar
Jóhönnu Björgu, f. 24.2. 1993, Hildi Berglindi, f. 25.6. 1999, Elínu Eddu, f.
5.12. 2003 og Þórdísi Öglu, f. 5.9. 2006. Edda og Jóhann eiga eitt barnabarn,
Aríu Kristínu Eddu Ormarsdóttur, f. 17.1. 2021, og Edda tók á móti henni og
sýnir myndin þá gleðistund.
Edda Sveinsdóttir
Stjörnuspá
21. mars - 19. apríl ,
Hrútur Það hefur ekkert upp á sig að
láta dæluna ganga, það eru verkin sem
tala. Skrifaðu óskir þínar niður - þannig
rætast þær miklu frekar.
20. apríl - 20. maí +
Naut Fáðu á hreint hvað er þér fyrir
bestu. Kannski ertu komin/n með leiða
á rússíbana ástarinnar og vilt fara úr
vagninum.
21. maí - 20. júní 6
Tvíburar Nú þarftu að leggja grunninn
að nýjum verkefnum. Sköpunargáfan er
með mesta móti. Sláðu striki yfir gömul
deilumál.
21. júní - 22. júlí 4
Krabbi Reyndu að hreyfa þig eitthvað í
dag, ef þú getur. Haltu áfram að leggja
hart að þér því þú munt örugglega upp-
skera árangur innan skamms.
23. júlí - 22. ágúst Z
Ljón Ekki flýta þér að draga ályktanir í
sambandi við ástarævintýri í dag. Láttu
ekki hugfallast heldur taktu hvern hlut
fyrir sig og leiddu hann til lykta.
23. ágúst - 22. sept. l
Meyja Allt í einu finnst þér allt snúast
um stöðu og frama. Á elleftu stundu
reddast hlutirnir hjá þér.
23. sept. - 22. okt. k
Vog Erfitt samtal sem þú kvíðir mun
reynast þér auðvelt. Láttu vera að ergja
þig á því sem þú getur ekki breytt.
23. okt. - 21. nóv. j
Sporðdreki Saklaus athugasemd sem
þú lést falla hefur fallið í grýttan jarðveg
og það svo að vinur þinn gerir úlfalda úr
mýflugu. Skrifaðu niður þær hugmyndir,
sem þú færð.
22. nóv. - 21. des. h
Bogmaður Aðdráttarafl er einn af styrk-
leikum þínum, gættu þess samt hvernig
þú ferð með það. Láttu ekki draga þig
út í eitthvað sem þú kærir þig ekkert
um.
22. des. - 19. janúar @
Steingeit Láttu ekki fólk fara í taug-
arnar á þér heldur sýndu því skilning.
Ekki setja þig á háan hest.
20. jan. - 18. febr. ?
Vatnsberi Þú finnur til æ ríkari löng-
unar til þess að víkka sjóndeildarhring-
inn gegnum ferðalög og menntun. Ein-
hver stenst prófraun þína.
19. feb. - 20. mars =
Fiskar Líklegt er að vinur þinn komi þér
á óvart í dag. Þú siglir milli skers og
báru í ástamálunum.
„Ég hef haft áhuga á skíðum frá ungl-
ingsaldri og síðan hef ég mikið verið
að hlaupa. Það má segja að Ari Víðir
hafi bara gefið í með aldrinum og er
hressari en nokkru sinni fyrr. Hann
er í Fjölþrautafélaginu Landvættum
hjá Ferðafélagi Íslands, sem kunn-
ugir segja að sé aðeins fyrir þá allra
hörðustu, en þar eru fjórar þrekraun-
ir tengdar saman: Sund, hlaup, hjól
og skíðaganga og ef menn ljúka öllum
þáttum geta þeir titlað sig Landvætti.
„Við förum 50 km á gönguskíðum,
síðan er 60 km Bláa lóns-brautin farin
á hjóli, svo Þorvaldsdalsskokkið sem
er 24-5 km og síðan Urriðavatns-
sundið sem er 2,6 km í vatni. Það er
Þegar það rignir, rignir bara beint
niður og sumrin eru hlý og tveimur
mánuðum lengri en íslenska sum-
arið.“ Það var í Bergen sem Ari Víðir
fór að stunda útivistina markvisst
með fjölskyldunni. „Maður var mikið
úti með krökkunum og svo margt
hægt að gera. Fyrst byrjaði ég að
ganga, svo að hlaupa og fara á skíði.“
Ari Víðir útskrifaðist úr sérnáminu
árið 1997. „Ég kom heim og fór á
stofu hjá Domus Medica og sinnti
ungbarnaeftirliti. Fljótlega hætti ég í
ungbarnaeftirlitinu og árið 2006 fór
ég að vinna á Landspítalanum.“
Helstu áhugamál Ara Víðis eru
utanvegahlaup og skíði og fjallaskíði.
A
ri Víðir Axelsson fæddist
á Landspítalanum í
Reykjavík en ólst upp í
Hveragerði. „Ég átti
heima rétt fyrir ofan
Reykjafoss og nálægt fjallinu svo
maður var þarna í jaðrinum á þorp-
inu, úti í náttúrunni og það rann heit-
ur lækur í gegnum garðinn heima.“
Foreldrarnir voru miklir náttúru-
unnendur enda bæði garðyrkjufræð-
ingar. „Þau þvældust með okkur víða
um landið. Mamma var steinasafnari,
svo maður fór í gönguferðir að leita
að steinum, svo það má rekja áhuga
minn á útivist til æskunnar.“
Eftir hefðbundna grunnskóla-
göngu fór Ari Víðir í Menntaskólann
við Sund, en var þó með annan fótinn
í Hveragerði. Á sumrin vann hann í
frystihúsi á Höfn í Hornafirði og náði
þar aðeins í skottið á verbúðarlífinu.
„Þarna kynntist ég alveg allt öðrum
heimi. Ég bjó á verbúð og náði síð-
ustu vikunum af vertíðinni, en sum-
arfólkið var nú mest menntaskóla-
krakkar eins og ég. Þetta var
skemmtileg reynsla.“
Eftir útskrift úr Menntaskólann
við Sund ákvað Ari Víðir að taka sér
hlé frá námi í ár og vann í vara-
hlutaversluninni Dráttarvélar, vann í
saltfiski á Snæfellsnesi og síðan í
skrúðgarðyrkju í Reykjavík.
„Um haustið fór ég í læknisfræði.
Einn af mínum bestu vinum hafði far-
ið beint eftir menntaskólann í læknis-
fræðina og það eru nokkrir læknar í
ættinni, t.d. systir mín og afi minn í
föðurætt, svo ég hafði fyrirmyndir í
kringum mig. Það var mikið að gera í
náminu og sérstaklega var fyrsta árið
strembið út af numerus clausus og
mikið stress. Þrátt fyrir það naut ég
námsins og strax á öðru ári fannst
mér mikill munur og þetta var mjög
góður tími.“ Ari Víðir segir að vina-
hópurinn frá háskólaárunum hittist
reglulega. „Fyrir tveimur árum var
30 ára útskriftarafmælið okkar og við
fórum í ferð til Valencia á Spáni.“
Ari Víðir fór til Bergen í Noregi í
sérfræðinám í barnalækningum og
síðan í ofnæmislækningar barna í
framhaldinu. „Íslendingar hugsa allt-
af um rigningu þegar minnst er á
Bergen, en ég sakna veðursins þar.
líka gaman að hver þraut er í sínum
landsfjórðungi, og það er mikill und-
irbúningur sem þarf til að komast í
gegnum þetta. Ég hafði t.d. ekkert
verið að hjóla, svo það var gaman að
gera það líka.“
Eins og Ari Víðir hefur gaman af
því að vera úti í náttúrunni segir hann
að félagsskapurinn sé ekki síður að-
dráttaraflið. „Þetta er dásamlegur
félagsskapur. Það er svo mikill kraft-
ur og orka í þessu fólki og svo gaman
að tilheyra hóp þar sem allir eru svo
tilbúnir að láta slag standa og skella
sér í einhver ævintýri. Það er ekkert
verið að sitja á hugmyndunum, held-
ur þær bara framkvæmdar strax.“
Ari Víðir Axelsson barnalæknir og sérfræðingur í ofnæmissjúkdómum barna – 60 ára
Fjallaskíðin Hér er Ari Víðir í Hlíðarfjalli 23. maí 2020 eftir að skinna upp bratt fjallið. „Stórkostlegur dagur!“
Dásamlegur félagsskapur
Heiðmörkin Hér er Ari Víðir með Óliver Ara Vikt-
orssyni, afastrák, í Vífilsstaðahlíð í Heiðmörk.
Landvættir Hér eru hressir menn: Ólafur Sigmundsson, Ein-
ar Ólafsson og Ari um síðustu helgi í Þorvaldsdalsskokkinu.
Til hamingju með daginn
510 7900
Bæjarlind 4 / 201 Kópavogur
www.FASTLIND.is
Heklubyggð í nágrenni Heklu
STÆRÐ: 86 FM SUMARHÚS
SUMARHÚS Á EIGNARLÓÐ
Heyrumst
Lára Þyri
Löggiltur fasteignasali
899 3335
lara@fastlind.is
LIND fasteignasala kynnir fallegt sumarhús á eignarlóð í Heklu-
byggð í nágrenni Heklu, ca 110 km fjarlægð frá Reykjavík.
Glæsilegt útsýni. Húsið er 86 fm að stærð, á steyptum sökkli, hiti
í gólfum, tvö svefnherbergi, rúmgott baðherbergi, geymsla og
stór pallur. Lítill útiskúr undir grill o.fl. Húsið er nýmálað að innan
og var málað að utan fyrir þremur árum. Þakjárn var endurnýjað
2020. Lóðin er 1,6 hektara eignarlóð. Svæðið er hluti af Suður-
landsskógum. Innbú má fylgja með að mestu.