Morgunblaðið - 17.07.2021, Side 12

12 DAGLEGT LÍF
MORGUNBLAÐIÐ LAUGARDAGUR 17. JÚLÍ 2021
Komdu í BÍLÓ!
Funahöfði 1 | 110 Reykjavík | Sími 567 4840 | www.bilo.is | bilo@bilo.is – ALLTAF VIÐ SÍMANN 771 8900 –
M.BENZ E 300 DE AMG LINE
nýskráður 07/2019, ekinn 26 Þ.km, dísel &
rafmagn (plug in hybrid), sjálfskiptur (9 gíra).
Geggjað verð 7.490.000 kr. Raðnúmer 252620
M.BENZ E300E AVANTGARDE
nýskráður 05/2019, ekinn 35 Þ.km, bensín &
rafmagn (plug in hybrid), sjálfskiptur (9 gíra).
Geggjað verð 6.990.000 kr. Raðnúmer 252597
SKODA SUPERB IV COMBI STYLE+
nýskr. 01/2020, ekinn 12 Þ.km, bensín & rafmagn (plug
in hybrid), sjálfskiptur. Verð 5.890.000 kr.
Raðnúmer 252897
BMW 330EM SPORT
nýskráður 10/2019, ekinn 29 Þ.km, bensín & raf-
magn (plug in hybrid), sjálfskiptur. Fullt af flottum
búnaði!Verð 6.890.000 kr. Raðnúmer 252497
BMW 330E LUXURY LINE
nýskráður 01/2020, ekinn 23 Þ.km, bensín & rafmagn
(plug in hybrid), sjálfskiptur. Fullt af aukabúnaði,
geggjaður bíll! Verð 6.990.000 kr. Raðnúmer 252859
15%
afsláttur
af sölulaunum
í júlí
Sigurður Bogi Sævarsson
sbs@mbl.is
I
ðnaðarmenn hafa síðustu daga
unnið af fullum krafti við
lokafrágang í Sundlaug
Hveragerðis, sem opnuð
verður á morgun, sunnudag, eftir
miklar endurbætur. Hafist var
handa í október síðastliðnum, en
verkefnið fólst í því að stækka og
endurnýja búningsklefa á jarðhæð
sundlaugarhúss
og útbúa sjúkra-
herbergi, end-
urnýja tækjarými
og fleira slíkt. Áð-
ur höfðu verið
gerðar end-
urbætur á 2. hæð,
en þar er gengið
inn í sundlaugina
ofan úr brekku.
„Ég vonast
til þess að kostn-
aðurinn við þennan áfanga fram-
kvæmda fari ekki mikið yfir 160
milljónir króna. Fyrir tiltölulega lítið
sveitarfélag eins og Hveragerði er
þessi framkvæmd talsverður biti en
á næstu árum verður einnig nauð-
synlegt að endurnýja pottasvæði og
fleira. Við höfum því skipt fram-
kvæmdum í áfanga svo allt verði við-
ráðanlegra,“ segir Aldís Hafsteins-
dóttir bæjarstjóri.
„Við framkvæmdirnar núna
þurfti til dæmis að leysa það hvernig
heitum læk sem fossar undir húsi
sundlaugarinnar væri best fyrir
komið. Það vatnsfall varð að setja í
stokk og ganga frá hlutunum þannig
að ekki færi á flot. Endurbætur á
gömlum byggingum taka oft nýja og
óvænta stefnu. Á slíkt hefur svo
sannarlega reynt hér að und-
anförnu.“
Á fallegum stað og
fellur inn í umhverfið
Sundlaugin í Laugaskarði er í
skjólsælli dalkvos og þykir falla ein-
staklega vel inn í fallegt umhverfið á
þessum slóðum. Fyrst var þarna
útbúin sundlaug árið 1938 og í ára-
tugi komu börn alls staðar frá á Suð-
urlandi og víðar þangað á sund-
námskeið. Margt eldra fólk, til
dæmis á Suðurlandi, á einmitt minn-
ingar um slíkt. Útisundlaugin í
Laugaskarði er alls 50 metra löng og
með stökkbretti, auk sem sem á
svæðinu eru tveir heitir pottar og
náttúrulegt gufubað sem nýtur mik-
illa vinsælda.
Árið 1965 var núverandi hús
sundlaugarinnar reist, það er af-
greiðsla, búningsaðstaða og slíkt,
skv. teikningu Gísla Halldórssonar
arkitekts. Sérstaklega hefur verið
horft til þess að halda upprunalegum
stíl í hönnun og litum við þessa end-
urgerð hússins. Í því efni hefur Mar-
grét Leifsdóttir arkitekt, sem er
barnabarn Gísla, lagt línurnar.
Sundlaugin í Laugaskarði hefur
jafnan notið vinsælda. Gestir í júlí-
mánuði á síðasta ári voru um 8.500
manns. Annars eru gestir að stað-
aldri um 5.000 talsins í hverjum
mánuði.
Tillögur um frekari
uppbyggingu tiltækar
„Núna hefur sundlaugin verið
lokuð vegna þessara framkvæmda í
níu mánuði og satt að segja vantar
eitthvað í bæjarlífið þegar þannig er
ástatt,“ segir Aldís. „En núna er
langri bið lokið. Sundlaugin er stað-
urinn þar sem fólk kemur saman til
að ræða málefni dagsins, hreyfir sig
og kemur blóðinu á hreyfingu. Við
höfum líka viljað undirstrika að í
Laugaskarði sé heilsulind sem henti
öllum aldurshópum. Hér er ekki enn
komin vatnsrennibraut, en ýmsar
tillögur um frekari uppbyggingu á
sundlaugarsvæðinu eru þó tiltækar.“
Aldís minnir á að sveitarfélög
hafi mörg hver sérstök áherslumál,
sem ráðist gjarnan af staðháttum
eða menningu hverrar byggðar. Í
Hveragerði séu lýðheilsumál of-
arlega á baugi og fólk hvatt til hreyf-
ingar og útiveru. Víða liggi göngu-
stígar um bæinn sem gjarnan
tengist sundlauginni í Laugaskarði –
vinsælum stað sem er eitt helsta
kennileiti Hveragerðis og hefur
lengi verið.
Heilsulindin opnuð aftur
Synt í sælu! Lífið er ljúft
í Laugaskarði. Miklar
endurbætur á sundlaug-
inni í Hveragerði, sem
hefur verið lokuð frá sl.
hausti. Opnað aftur á
morgun og blóðið á
laugargestum kemst
aftur á hreyfingu.
Morgunblaðið/Sigurður Bogi
Laugaskarð Sundlaugarhúsið er svipsterkt kennileiti í Hveragerði, reist árið 1963 og nú endurbætt svo um munar.
Sú var tíðin til dæmis að börn víða að komu þarna á sundnámskeið, enda laugar þá ekki komnar í flesta bæi.
Endurbætur Allt er að verða tilbúið, enda hafa iðn-
aðarmenn eins og Daði Sólmundarson lagt nótt við dag.
Útisvæði Sundlaugin er 50 m löng og heitir pottar, þar
sem er gott útsýni yfir Hveragerðisbæ. Best af öllu.
Aldís
Hafsteinsdóttir
Skálholtshátíð er nú um helgina og
undir hennar merkjum er margt á
dagskrá á biskupssetrinu. Nú í morg-
unsárið er málþing um dr. Sigurbjörn
Einarsson biskup sem ber yfirskrift-
ina Ljós yfir land. Kl. 12.45 verður svo
lagt upp í göngu undir leiðsögn Frið-
riks Erlingssonar rithöfundar um
staði sem tengjast sögu Ragnheiðar
Brynjólfsdóttur biskupsdóttur. Minnst
er 380 ára frá fæðingu Ragnheiðar og
að 360 ára frá því að hún sór eiðinn
fræga. Kl. 16 eru hátíðartónleikar þar
sem flutt verða verk eftir Johann Seb-
astian Bach, Bruckner, Þorkel Sig-
urbjörnsson og fleiri.
Á morgun er hátíðardagskrá í Skál-
holtskirkju sem hefst kl. 16. Þar flytur
Þórunn Valdimarsdóttir rithöfundur
erindið Saga kristni og trúar. Hvar
stöndum við nú? Skálholtskórinn,
undir stjórn Jóns Bjarnasonar org-
anista, og einleikarar flytja tónlist,
m.a. lag Gunnars Þórðarsonar við
sálminn Allt eins og blómstið eina.
Skálholtshátíð um helgina
Kristni og trú
Morgunblaðið/Sigurður Bogi
Skálholt Kirkjan gnæfir á staðnum.
Yfirskrift dagskrár í Árbæjarsafni á
morgun, 18. júlí, er Hani, krummi,
hundur, svín. Dagurinn er tileinkaður
húsdýrum, en þar má nefna íslenskar
landnámshænur, kindur, lömb og
hesta. Í tilefni af degi íslenska fjár-
hundsins koma eigendur slíkra með
ljúfa og fallega fjárhunda sem börnin
mega klappa. Þá verður einnig norsk-
ur skógarköttur í heimsókn. Milli kl.
13-15 geta börn fengið að fara á hest-
bak og látið teyma undir sér stuttan
hring, ef veður leyfir.
Kl. 14 verður guðsþjónusta í Ár-
bæjarsafnskirkju. Prestur er séra
Bolli Pétur Bollason. Dagskráin
stendur frá kl. 13 til 16 en safnið er
opið frá kl. 10 til 17.
Húsdýradagur í Árbæjarsafni
Morgunblaðið/Hanna
Voff Fallegur íslenskur fjárhundur.
Hundur og hani