Fiskifréttir - 15.06.1990, Blaðsíða 4

4
föstudagur 15. júní
Fréttir
Nýsmíði Eskfirðings hf:
Vaka SU 9
sjósett á Spáni
— er væntanleg heim í september
Hin nýja skip Eskfirðings hf., sem
er í smíðum á Spáni, var sjósett í
aprfllok síðastliðnum. Skipinu var
gefið nafnið Vaka SU 9. Það á að
koma til landsins í september næst-
komandi og verður þá klárt til þess
að taka þátt í loðnuveiðunum.
Nýja skipið kemur í stað Esk-
firðings SU sem sökk á sínum tíma
fyrir austan land en einnig fær það
þann hálfa loðnukvóta, sem Harpa
RE hafði yfir að ráða á síðustu ver-
tíð. Aðalsteinn Valdimarsson út-
gerðarmaður sagði í samtali við
Fiskifréttir, að Vaka SU myndi
fyrst og fremst stunda loðnuveiðar
og rækjuveiðar, en auk þess kæmu
veiðar á öðrum tegundum til
greina, svo sem á úthafskarfa, ef
fýsilegar þættu. Um borð er full-
komin frysti- og vinnsluaðstaða.
Eins og sést á meðfylgjandi
mynd er Vaka SU frábrugðin öðr-
um nýjum nótaskipum að því leyti
að brúin er framarlega á skipinu
eins og á skuttogurunum. „Með
því fæst betri nýting úr úr dekkinu
og þar er samfellt vinnupláss í stað
þess að vera tvískipt," sagði Aðal-
steinn. Karl Þorleifsson á Akur-
eyri teiknaði nýja skipið en það er
smíðað í Gondan skipasmíðastöð-
inni í Figueras á Norður-Spáni.
Skipið er 52,70 m á lengd og 10.50
m á breidd. Aðalsteinn sagði, að
áætlanir um smíðatíma hefðu fylli-
lega staðist til þessa.
Vaka SU 9 sjósett á Spáni 26. aprfl sl. (Mynd Jón Eggertsson).
Vorleiðangur Bjarna Sæmundssonar:
Vont áríerði í sjónum
Hjarta „FRIGOSCANDIA“ kerfisins er sjálfberandi
„FRIGoBELTI“ sem gerir mögulegt að sníða frystinn
að þínum þörfum, jafnvel þó þarfirnar breytist. Til eru
mismunandi breiddir og hæðir á beltum og í þeirri lengd
sem hentar. Hægt er að setja frystana upp bæði innan og
utan dyra.
AGA
frigoscaimdia EVRÓPUVIÐSKIPTI H/F
Hafnarhvoli v/Tryggvagötu 9 Reykjavík • Sími: 91-25366 • Fax: 91-624049
„í heild sýna niðurstöður vorleið-
angurs 1990 fremur vont árferði í
sjónum við landið. Sjávarhiti í
hlýja sjónum fyrir sunnan land var
undir meðallagi og á norður- og
austurmiðum gætti kalds pól- og
svalsjávar í ríkara mæli en síðan
1981-83.“
Þetta er í fáum orðum sagt nið-
urstaðan úr þriggja vikna vorleið-
angri á rannsóknaskipinu Bjarna
Sæmundssyni, sem lauk 8. júní sl.
Fram kemur í fréttatilkynningu frá
Hafrannsóknastofnun, að á árun-
um 1984-1987 hafi ríkt góðæri á
miðunum við landið með inn-
streymi hlýs sjávar á norðurmið
nær óslitið allan ársins hring, en á
árinu 1988 varð lát á því og árið
1989 náði það aðeins á móts við
Húnaflóa. Vorið 1990 er því þriðja
árið í röð með köldu árferði í sjón-
um fyrir Norður- og Austurlandi
og er reyndar þeirra kaldast. Þann-
ig var vorhámark gróðurs í hafinu
fyrir Norðurlandi fyrir garð gengið
eins og á köldum vorum vegna
lágrar seltu og lagskiptingar. Eng-
in áta virðist þó hafa nýtt sér gróð-
urinn. Leysingar á Suðurlandi virt-
ust einnig hafa flýtt vorhámarki
gróðurs í strandsjónum, sem hafði
þar aftur á móti stuðlað að átum-
agni sem var sambærilegt við rík-
ustu ár síðasta áratugs. Annars
staðar á landgrunninu við landið
var átumagnið alls staðar með
minnsta móti vorið 1990.
Alls voru gerðar athuganir á 173
stöðum allt í kringum landið, bæði
á landgrunninu sjálfu og utan þess.
Leiðangursstjóri var Svend-Aaage
Malmberg.
Því má svo bæta við, að enda
þótt fiskifræðingar hafi ekki fund-
ið tölfræðilegt samband milli
breytinga á hitastigi í sjónum og
stærðar fiskárganga, er almennt
talið að versnandi lífsskilyrði í
sjónum dragi úr vexti fiskistofna.
Grálúðan:
Áfram treg veiði
Áfram er tregt á grálúðunni og
stendur hún svo djúpt, að aðeins
stærstu skip ráða við þessar veið-
ar. Skipin hafa verið að toga allt
niður á 700 faðma dýpi og nú er af
sem áður var, þegar togararnir
þurftu aðeins að dífa trolli nokkr-
um sinnum til þess að fylla sig.
Samkvæmt heimildum Fiski-
frétta eru þess mörg dæmi, að
sóknarmarksskip sem ætluðu að
nýta sér grálúðuna hafi gefist upp
og haldið á brott af miðunum.
Þegar þetta er ritað liggja ekki fyrir
hjá Fiskifélaginu heildartölur um
grálúðuaflann í maí. Þó fengust
þær upplýsingar hjá Ingólfi Arnar-
syni, að á Norðurlandi hefði verið
landað um 5.000 tonnum af grál-
úðu í mánuðinum á móti 8 þús.
tonnum í sama mánuði í fyrra. í
Hafnarfirði var landað um 1800
tonnum nú í maí en rúmlega 4.000
tonnum í maí 1989. Ekki lágu fyrir
tölur frá Vestfjörðum.