Heilsuvernd - 01.03.1949, Page 11

HEILSUVERND
3
Heldur hann djarft
og hátt á lofti
heilbrigðinnar
helga merki, —
ætti að vera
að verki studdur
af leiðtogum fólksins,
lækni og klerki.
En ýmsum gremju
það aðeins vekur,
illa siði
ef á er hastað.
Verða hneykslaðir
vanans þrælar.
Af stórlyndum mönnur
er steinum kastað.
En öflugri sókn
skal áfram haldið.
Lýði skal vinna,
lönd og borgir. —
Víkja skulu kvillar
og vandi leysast,
fjarlægjast dauði
og flýja sorgir.
Heilsuaðal
heima tveggja —
andlegs lífs
og okkar jarðar —
úr þjóð að skapa,
það er markið, —
málefnið,
sem mestu varðar.
Heill þér, félag
heilsuverndar.
Tíu ár
eru tími naumur.
Um heilsuaðal
heima tveggja
megi rætast
þinn mikli draumur.