Heilsuvernd - 01.03.1954, Blaðsíða 13

HEILSUVERND
Gretar Fells:
Silkiþráðnrinn.
Erindi flutt á fundi í Náttúru-
lækningafélagi íslands.
Einu sinni var ráðherra einn, sem féll í ónáð hjá konungi
sínum. Konungurinn refsaði honum með því að láta flytja
hann upp á háan turn, og virtist ekkert bíða hans þar ann-
að en dauðinn. En ráðherrann átti ágæta og trygga eigin-
konu, og einu sinni um nótt fór hún til turnsins. Kallaði
hún upp til manns síns og spurði hann, hvað hún gæti
fyrir hann gert. Hann sagði henni að koma næstu nótt og
hafa með sér langan kaðal, sterkt seglgarn, silkiþráð, skor-
dýr eitt, sem nefnt er bjalla, og ofurlítið af hunangi. Konan
gerði eins og fyrir hana var lagt og hafði allt þetta með-
ferðis næstu nótt. Ráðherrann sagði nú konu sinni að
festa silkiþráðinn við bjölluna, og smyrja síðan fálmara
dýrsins með hunangi og sleppa því á turnvegginn og láta
höfuð þess snúa upp. Konan gerði þetta, og skordýrið lagði
af stað upp turnvegginn. Það fann lyktina af hunanginu,
sem það hélt að væri einhvers staðar uppi, og hélt látlaust
áfram upp vegginn til þess að komast í krásina. Og áfram
hélt bjallan, unz hún var komin alla leið upp á turn. Ráð-
herrann greip hana nú og silkiþráðinn, sem hún hafði