Heilsuvernd - 01.03.1954, Page 27

HEILSUVERND
19
nokkrum þar í landi (Kumanen). Þessi mjólk er oft nefnd
mjólkurvín (vinum lactis) og er allvíða notuð sem lækn-
ingalyf gegn brjóstveiki og sykursýki. Á austurhluta Rúss-
lands er t. d. heilsuhæli, sem fæst við lækningu á þessum
sjúkdómum, með kumyssúrmjólk; ennfremur eru þess hátt-
ar stofnanir í Austurríki og Þýzkalandi. Súrmjólkin er að-
allega búin til úr kaplamjólk og kúamjólk. Samblandið er
látið súrna, og búinn þannig til þéttir, og mjólkin sýrð með
þeim þétta. Sumsstaðar í Kákasuslöndum er fcwmi/sþéttinn
búinn til með því að blanda saman ölgeri og kaplamjólk.
Samsteypan er látin súrna lítið eitt, og síðan látin í mjólk
til gerðar við 25° C. Mjólkurvínið er oftast látið í kampa-
vínsflöskur, og þykir dýrindisdrykkur. Við gerðina skiptist
mjólkursykurinn í mysunni í vínanda og kolsýru og mjólk-
ursýru, og þar að auki breytist ostefnið að mestu leyti á
þann hátt, að það leysist upp. Kumysmjólkin hefur í sér
2% af vínanda, og er mjög þunn; hún er ekki eins súr og
íslenzk súrmjólk, og hefur einkennilegan keim, sem líkist
einna mest möndlubragði.
V.
LEBEN- OG GIODDU-MJÓLK.
Hin egypzka súrmjólk (Leben) er svipuð kumysmjólk,
enda búin til á líkan hátt, en er hvergi nærri eins áfeng.
Á ítölsku eyjunni Sardinu er búin til súrmjólk (Gioddu),
sem hefir orð á sér fyrir hve mjög hún bæti meltingu. Súr-
mjólkin er búin til með 2 sambýlisverum; er önnur þeirra
gersveppur, en hin súrgerill.
Ég hef nú getið hinna helztu erlendu skyr- og súrmjólk-
urtegunda, en minntist þess í byrjun, að menn byggju til
skyr í öllum álfum heimsins, og er það eðlilegt, þar eð
mjólkin hefur allsstaðar tilhneigingu til að súrna við 5—50°
C. hita. Þetta kemur af því, að súrgerlarnir eru alheims-
borgarar og sækja allsstaðar í þann jarðveg, er þeir þróast
bezt í, en það er mjólkin.