Heilsuvernd - 01.03.1954, Síða 40

32
HEILSUVERND
Nýir þættir.
„Heilsuvernd" hefur til þessa nærri eingöngu verið helguð ein-
uni þætti heilsuverndar, þeim þættinum, sem eðlilegast var að byrja
á. Og enginn vafi leikur á, að þeim þætti hafa ekki einungis
verið gerð góð skil, heldur ágæt. Greinar Jónasar læknis Krist-
jánssonar og Björns L. Jónssonar, en á þeirra herðum hefur
timaritið hvílt til þessa, — hafa vakið almenning til meiri eða
minni skilnings á því, að rétt valin og tilreidd fæða stuðlar
bæði að því að bæta bága heilsu og byggja fyrir sjúkdóma.
Við vitum, að við erum á réttri leið, en munum, að við erum
ekki leiddir í allan sannleika. Margt er enn lítt eða ekki rann-
sakað. Og við verðum bæði að skilja og nmna, að lieilsuvernd
og heilbrigði eru slungin mörgum þáttum. Og smám saman þarf
málgagn okkar að fjalla um þá sem flesta.
Við þurfum ekki einungis að velja okkur rétta fæðu og neyta
hennar á réttan hátt. Við höfum einnig þörf heilsusamlegrar
hreyfingar og hæfilegrar áreynzlu. Við þurfum að iðka rétta önd-
un og ekki sízt að temja okkur að hugsa heilbrigt. Svo hlálegt
sem það kann að þykja, þurfum við einnig að læra að hvila okkur.
Það kunna fæstir. Svo og er þörf að ræða ýmsa þætti uppeldis-
mála, því að bæði likamleg og andleg heilbrigði og hamingja er
að eigi litlu leyti komið undir skynsamlegu uppeldi. Ailir hinir
þættirnir geta á vissan hátt heyrt undir uppeldi.
í þessu hefti er grein um öndunina eftir Gretar Fells. Og í hverju
hefti framvegis verður væntanlega grein, sem fjallar um einhvern
þann þátt heilsuverndar, sem lítið eða ekki hefur verið rætt um
i ritinu til þessa.
I næsta hefti og áfram, fyrst um sinn að minnsta kosti, verður
stuttur þáttur helgaður nytsemi ýmissa jurta, innlendra og einnig
erlendra, sem verzlun N.L.F.R. getur útvegað og hefur alltaf eitt-
hvað af. En vonandi verður þessi þáttur til að örva ýmsa, er aðstöðu
hafa, til að safna tejurtum á sumrinu. Að þvi er bæði gagn og
gaman, og því fylgir holl útivist. M. M. Skaftfells.
Félagsdeildir eru yinsamlegast beðnar að senda hið allra fyrsta
fréttir af félagsstarfinu.
Um leið og kaupendur eru beðnir afsökunar á, hve seint ritið
kemur að þessu sinni, óskar Heilsuvernd öllum lesendum sínum
gleðilegs sumars. Megi lífgrös þess og sól verða sem flestum til
heilsuauka og hamingju.