Heilsuvernd - 01.06.1966, Blaðsíða 17

minna en eggjahvítuefni í mjólk, en lélegri að gæðum. í 2 lítrum rnjólk-
ur eru nægileg eggjahvítuefni til að fullnægja daglegri þörf fullorðins
karlmanns, en af öli þyrfti hann 16 lítra, og dygði þó raunar ekki,
því að í ölið vantar sumar þær tegundir eggjahvítuefna, sem líkaminn
þarf að fá í fæðunni. Fita er engin í öli, en kolvetni um 4% eða álíka
og í mjólk. Steinefni í öli eru svipuð og í vatninu, sem í það er notað.
Af fjörefnum er ekki annað en tvær tegundir B-fjörefna, ríbóflavín
(B-j) og nikótínsýra, en B, finnst þar ekki og C-fjörefni ekki heldur.
I mörgum algengum matvælum, svo sem grænmeti, mjólk og kjötmat,
er nóg af B2 og nikótínsýru og því lítil hætta á skorti þeirra efna í
fæði okkar Islendinga. Frekar munu vera nokkur brögð að skorti BT-
fjörefnis vegna gífulegrar neyzlu einhæfrar sterkju í formi sykurs og
hveitis. Þá er þess að geta, að við bruna áfengis notar líkaminn B, -
fjörefni. Áfengið rænir því þessu fjörefni frá líkamanum, og er það
ein ástæðan fyrir einkennum þeim, sem fylgja áfengisneyzlu og „timb-
urmönnum“, enda er það alkunna, að reynt er að bæta þetta upp með
fjörefnasprautum.
01 með 4—5% styrkleika gefur 50—60 hitaeiningar hver 100 gr.,
eða lillu minna en mjólk. En verulegur hluti þessa hita er frá áfenginu
sjálfu og gefur eins og að framan er sagt enga nýtilega orku. Ef meta
ætti hollustu áfengra drykkja eftir brennslugildinu einu, kæmust sterku
drykkirnir efst á blaÖ með 300 til 400 hitaeiningar í 100 grömmum.
3. Eitt af þeim skilyrðum, sem gera verður til hollrar fæðu, er það,
að hún hafi ekki inni að halda neitt verulegt magn af skaðlegum efn-
um, svo sem t. d. skaölegum matarlitum, geymsluefnum o. s. frv. Eins
og að framan er lýst, er áfengi, jafnvel í mjög litlu magni, skaðlegt
líkamanum, bæði beint og óbeint, og verður því að telja, að jafnvel
hið svonefnda „óáfenga“ öl, þ. e. t. d. pilsner með 2þ4% áfengismagni,
sé óhollur drykkur. Næringarefnin í ölinu skipta í þessu sambandi
engu máli, eða hver mundi vilja telja áfengishlandaða mjólk holla
fæðu börnum, unglingum eða fullorðnum?
Næringargildi öls er aðallega fólgið í fjörefnasnauðum kolvetnum
og sykurefnum, sambærilegum hvítum sykri og hvítu hveiti. Af slíkri
fæðu horða Islendingar og flestar þjóðir þegar alltof mikið. Það er
því galli við ölið, en ekki kostur, miðað við aðra áfenga drykki, að í
því eru þessi næringarefni. Og þessi annmarki er þeim mun afdrifarík-