Feykir - 15.01.2020, Blaðsíða 5

ÍÞRÓTTAFRÉTTIR F
1. deild kvenna | Keflavík b – Tindastóll 80–58
Skellur í Sláturhúsinu
Kvennalið Tindastóls
heimsótti Keflavík sl.
laugardag en þar tóku
heimastúlkur á móti þeim í
47. leik 1. deildar kvenna á
þessu tímabili. Það var ekki
gestrisninni fyrir að fara í
Sláturhúsinu frekar en fyrri
daginn og réðust úrslitin í
raun strax í fyrri hálfleik en
heimastúlkur leiddu þá
45-23. Staðan hvorki
versnaði né bestnaði í síðari
hálfleik og lokatölur 80-58.
Það er allt of mikið af
góðum körfuboltastúlkum í
Keflavík og b-liðið ekkert
lamb að leika sér við.
Heimastúlkur voru komnar
með tíu stiga forystu eftir
fimm mínútna leik og staðan
að loknum fyrsta leikhluta var
27-16. Hildur Heba setti
niður fyrsta stig annars
leikhluta en síðan komu níu
stig í röð frá Keflavík og
staðan 36-18. Liði Tindastóls
gekk afar illa að finna körfuna
fram að hléi og bætti aðeins
við fimm stigum en þeim
gekk þó betur að verjast liði
heimastúlkna. Það munaði 22
stigum á liðunum í hálfleik og
lið Keflvíkinga náði mest 25
stiga forystu, 51-25, en þá
svöruðu systurnar Marín
Lind (6) og Rakel Rós (1) fyrir
Stólastúlkur og löguðu aðeins
stöðuna. Eftir þrist frá Söru
Lind í liði Keflvíkinga var enn
22 stiga munur, 62-40, fyrir
loka fjórðunginn og í honum
minnkuðu gestirnir mest
muninn í 16 stig eftir
stökkskot frá Tess. Nær
komust stelpurnar ekki og
þriðja tap Tindastóls í röð
staðreynd.
Eftir þessa taphrinu er lið
Tindastóls ekki lengur í einu
af toppsætunum, stelpurnar
eru nú í fimmta sæti 1. deildar
með 16 stig líkt og ÍR og
Njarðvík en með lakari stöðu
í innbyrðis viðureignum
liðanna. Það er því stutt á
milli hláturs og gráturs í
þessum bissness. Lið Tinda-
stóls var án norðanstúlknanna
tveggja, Hrefnu og Karenar,
og sömuleiðis vantaði Ingu
Sólveigu í liðið og munar um
minna. Tess Williams var
stigahæst með 22 stig og tíu
fráköst og reyndar sex tapaða
bolta. Eva Rún Dagsdóttir
skilaði 11 stigum og fimm
fráköstum og Marín Lind
Ágústsdóttir gerði 9 stig.
Skotnýting heimastúlkna var
44% en Tindastóls 31%.
Næsti leikur stúlknanna er
hér heima í Síkinu nk.
laugardag kl. 16 en þá kemur
lið Njarðvíkinga í heimsókn.
Nú er um að gera að
fjölmenna í Síkið og styðja
stelpurnar til sigurs. Áfram
Tindastóll! /ÓAB
Dominos-deild karla | Tindastóll - Njarðvík 91–80
Stólarnir stöðvuðu Njarðvíkinga
Lið Tindastóls og Njarðvíkur
mættust í Síkinu sl. föstu-
dagskvöld í fjörugum leik.
Liðin voru jöfn í 3.-4. sæti
Dominos-deildarinnar fyrir
leikinn, bæði með 16 stig, en
lið Tindastóls hafði unnið
viðureign liðanna í Njarðvík í
haust og gat því styrkt stöðu
sína í deildinni með sigri.
Stólarnir náðu yfirhöndinni
strax í upphafi leiks og leiddu
allan leikinn og lönduðu
sterkum sigri eftir efnilegt
áhlaup gestanna á lokakafl-
anum. Lokatölur 91-80.
Tindastólsmenn voru án
Geigers sem enn var ekki
kominn með leikheimild og þá
var Slavisa Bilic, stigahæsti
leikmaður liðsins, fjarri góðu
gamni. Saga leiksins var nánast
sú að Njarðvíkingar skutu illa,
hirtu sóknarfráköst og héldu
áfram að skjóta illa. Stólarnir
voru yfir, 26-15, að loknum
fyrsta leikhluta en gestirnir
náðu að minnka muninn í sjö
stig, 35-28, þegar loks kviknaði
á Chaz en Simmons svaraði
með fimm stigum. Staðan í hléi
47-31 og Stólarnir í góðum
málum.
Þriðji leikhluti hefur verið
liði Tindastóls erfiður upp á
síðkastið en það vandamál
virtist lengi vel ekki ætla að láta
á sér kræla, munurinn 12 til 20
stig en Adam var ekki lengi í
Paradís því þrjár síðustu
mínútur leikhlutans notuðu
Króksamótið fært aftur til 25. janúar
Króksamótinu var frestað en körfuboltinn skoppaði samt
Króksamótinu í körfubolta sem fara
átti fram í íþróttahúsinu á Sauðár-
krók sl. laugardag var frestað, enda
færð slæm og veðurspá vond.
Fjöldi liða frá Akureyri og
Hvammstanga hafði skráð sig á mótið
og það var mat stjórnar unglingaráðs
körfuknattleiksdeildar Tindastóls að
taka enga sénsa varðandi það að
stefna ungum körfuboltakrökkum út í
vonskuveður.
Króksamótið hefur verið fært aftur
til 25. janúar en hægt er að skrá lið til
leiks til 20. janúar á netfanginu karfa-
unglingarad@tindastoll.is
Þar sem Arnar Kára(Mar)-son var
mættur með sína kappa úr Breiðabliki
á Krókinn á föstudag þá var ákveðið
að skella á mini-móti þannig að
ferðalag gestanna væri ekki til einskis.
Hér til hliðar má sjá myndir sem
teknar voru af þátttakendum. /ÓAB
MYNDIR: SIGRÍÐUR INGA VIGGÓSDÓTTIR
gestirnir vel og gerðu 16 stig á
meðan Stólarnir gerðu tvö.
Skyndilega munaði aðeins fjór-
um stigum, staðan 64-60.
Þristur frá Hannesi og
íleggja frá Viðari opnuðu
leikinn í fjórða leikhluta og
þristur frá Pétri kom muninum
upp í tíu stig. Næstu átta stig
voru Njarðvíkinga og munur-
inn tvö stig og stuðnings-
mönnum Stólanna hætt að
lítast á blikuna. Stólarnir gerðu
næstu fjögur stig en enn á ný
minnkuðu gestirnir muninn í
tvö stig. Jaka setti niður laglegt
skot og eftir misheppnað
flotskot frá Loga setti Friðrik
Þór niður gríðarlega mikil-
vægan þrist. Eftir mýmargar
tilraunir og nokkur sóknar-
fráköst tókst Mario að setja
niður þrist en þá svaraði fyrir-
liðinn, Helgi Rafn, með spari-
þristi á hinum endanum,
staðan 84-77, og þá var
Njarðvíkingum öllum lokið og
mesti mátturinn úr þeim.
Lokatölur 91-80.
Simmons var virkilega
góður í leiknum, gerði 31 stig
og setti niður tíu af 17 skotum
sínum. Pétur var með 17 stig,
sjö fráköst og sjö stoðara og þá
var Jaka Brodnik sömuleiðis
með 17 stig og setti niður öll sjö
skotin sem hann reyndi innan
3ja stiga línunnar. Skotnýting
Stólanna í leiknum var 54% en
Njarðvík-ingar voru með 33%
nýtingu.
Næsti leikur Tindastóls er
gegn toppliði Stjörnunnar í
Mathúsi Garðabæjar-höllinni
næstkomandi föstudag kl.
20:15. /ÓAB
Simmons fer Þrengslin. Hann gerði 31 stig í leiknum. MYND: HJALTI ÁRNA
02/2020 5