Feykir - 30.09.2020, Blaðsíða 12

Ertu með fréttaskot, mynd eða
annað skemmtilegt efni í Feyki?
Hafðu samband. Síminn er 455 7176
og netfangið feykir@feykir.is
37
TBL
30. september 2020 40. árgangur
Frétta- og dægurmálablað á Norðurlandi vestra : Stofnað 1981
Bryndís Rut Haraldsdóttir fyrirliði Tindastóls
Stólarnir ætla að vinna deildina
Stelpurnar í Tindastól hafa
heldur betur gert garðinn
frægan í Lengjudeildinni,
næstefstu deild fótboltans á
Íslandi, og náðu þeim sögulega
árangri að koma liðinu í efstu
deild með sigri á Völsungi í
síðustu viku en ekki hefur
Tindastóli lánast að leika í
efstu deild í knattspyrnu fyrr.

Sunnudaginn síðasta færðu
Stólastúlkur sig skrefinu nær
deildarmeistaratitlinum með
sigri á Haukum, sem fyrir
tímabilið var spáð öðru sætinu á
eftir Keflavík, hjá Fótbolti.net.
Gaman er að segja frá því að í þriðja sæti í þeirri spá
kom svo ÍA, sæti á undan Stólum sem verma áttu
það fjórða samkvæmt spánni, en liðin munu eigast
við í næstsíðustu umferð deildarinnar nk. laugardag
á Skaganum. Með sigri þar tryggja Stólastúlkur sér
sigur í deildinni og skrifa þá á ný nýjan kafla í sögu
knattspyrnunnar í Skagafirði. Síðasti leikurinn
verður svo háður á Króknum, föstudaginn 9.
október.
Feykir náði tali af Bryndísi Rut Haraldsdóttur,
fyrirliða Tindastóls, eftir leikinn gegn Haukum en
um hörkuspennandi leik var að ræða og Hauka-
stelpur til alls vísar.
„Já hörkuleikur. Við vorum samt vissar um að
það yrði ekki mikil hætta, sérstaklega eftir að við
skoruðum fyrsta markið. Við þurftum ekki mikla
hvatningu fyrir þennan leik, það sauð pínu á okkur
eftir útileikinn gegn þeim. Við ætluðum að mæta
með hörku í þennan leik og gerðum það,“ segir
Bryndís ákveðin. „Við vorum mjög tilbúnar í þennan
leik, í hörku baráttu, en þetta var ekki okkar besti
fótbolti, við vitum það alveg. Varnarleikurinn var
mjög góður og fannst við skila honum vel sem lið.
Amber var virkilega góð og stýrði okkur vel og kom
vel inn í þessa krossa og aukaspyrnur. Við vorum
ekki að skapa mikið en samt náðum við þremur
mörkum og það dugði. Frábært að við náðum fyrsta
Bryndís Rut ver drjúgum tíma á vellinum en auk þess að leika og stýra meistaraflokki þjálfar
hún upprennandi fótboltastelpur í yngri flokkum Tindastóls. MYND: PF
Nýtt verknámshús í smíðum
Blönduskóli
Í sumar hefur verið mikill gangur í byggingu verk-
námshúss við Blönduskóla en viðbyggingin er ein
hæð og kjallari. Á heimasíðu Blönduóssbæjar kemur
fram að nýja viðbyggingin tengist við ,,Gamla skóla“
og mun hýsa kennslustofur fyrir list- og verkgreinar á
1. hæð þ.e.a.s heimilisfræði-, textíl-, smíða- og list-
námsstofa en tæknirými og fleira er í kjallara.
„Viðbyggingin er kærkomin en hingað til hafa list- og
verkgreinar verið kenndar í Blönduskóla og í Gamla
kvennaskólanum, því er mikið ánægjuefni að öll kennsla
muni fara fram á sama stað,“ segir í færslu sveitarfélagsins.
Húsið er uppsteypt, með Lett-Taks þakeiningum á
þaki, og teiknað af Ágústi Hafsteinssyni, arkitekt hjá
Form ráðgjöf ehf. Samhliða uppbyggingu hússins hefur
verið unnið við frágang skólalóðarinnar og malbikað
fyrir framan byggingarnar. /PF
markinu úr hornspyrnunni sem Aldís gerir mjög vel
og sturlað mark hjá Bergljótu í lokin. Svo kláraði
Jackie þetta með marki úr víti. Þetta var ekki okkar
besti fótboltaleikur en við skiluðum okkar og við
ætluðum þetta.“
Fyrri leikur liðanna fór fram að Ásvöllum í lok júlí
og endaði með 2-0 tapi Stóla og segir Bryndís allar í
liðinu hafa verið pirraðar út í þau úrslit, enda eini
tapleikur sumarsins. „Við áttum að gera betur þar en
náðum okkur aldrei almennilega á strik. Markmaður
þeirra gerði mjög vel og okkur var hreinlega ekki
ætlað að vinna þennan leik. Við höfum hlakkað til að
spila aftur við Haukana og okkur langaði að gera
betur. Þetta styrkir stöðuna í deildinni og okkur
langar að klára dæmið og vinna titilinn.“
Eins og áður segir var Pepsídeildarsætið tryggt
með sigri gegn Völsungi í síðustu viku og segir
Bryndís tilfinninguna hafa verið góða en hún sé
ekki enn þá búin að átta sig almennilega á þessu.
„Það er mikið afrek að komast í þessa deild og að
komast í sögubækurnar með þessu liði. Auðvitað
var þetta frábær tilfinning og svo er ekkert
leiðinlegt að vinna Völsung. Þetta var sætt en við
höldum okkur við jörðina og ætlum að klára
dæmið. Ég er gríðarlega stolt af stelpunum. Það eru
tveir leikir eftir og nóg að vinna annan en við
ætlum okkur sex stig, það er bara einfalt. /PF
Hinn 14. ágúst týndist
Guðmundur Bjarnason,
sex ára tökudrengur í
Hornbrekku [á Höfða-
strönd]. Fólk var við
heyband, veitti því ekki
athygli er drengurinn
reikaði burtu og vissi
enginn hvað um hann
varð. Var hans leitað af heimafólki og nágrönnum um
kvöldið en morguninn eftir hófst mjög umfangsmikil
leit fjölda manna og var henni haldið áfram meðan
nokkur von þótti til að barnið fyndist á lífi. Beindist
hún einkum að flóanum og svæðinu neðan við bæinn
og var það landsvæði allt þaulleitað niður til sjávar.
Eflaust hefur fjalllendið fyrir ofan einnig verið leitað en
það var örðugt leitarsvæði hólótt og hrísi vaxið.
Drengurinn fannst ekki.
Rúmlega ári síðar, í október um haustið, voru
krakkar frá Brekkubæjunum sendir til að huga að
kindum í hlíðinni fyrir ofan. Smalahundurinn var með
þeim. Þegar þau komu upp á svonefnda Bekki, sem eru
smástallar í fjallshlíðinni suður og upp frá bænum í
Litlubrekku kom hundurinn til þeirra með slitur af
barnsskó. Þarna voru þá allmiklir hrísrunnar um
Bekkina. Hljóp hundurinn aftur frá þeim og kom nú
með prjónaða barnshúfu með skúfi sem þau þekktu.
Munu börnin þá hafa ratað á staðinn þaðan sem
hundurinn kom og fundið þar lík drengsins. Hann var
jarðsettur á Hofi 18. október 1862.
/Byggðasaga Skagafjarðar
Byggðasögumoli | palli@feykir.is
Barnshvarf í Hornbrekku
Allir með Feyki!
Það er mikilvægt að halda úti fjölmiðli sem segir fréttir
og fjallar um fólk af Norðurlandi vestra.
Allir íbúar á svæðinu – sem og brottfluttir – eru Feyki mikilvægir
sem umfjöllunarefni og áhangendur.
Stefna Feykis er að gefa út vandað svæðisfréttablað jafnframt því að halda
úti vefmiðli – á jákvæðum nótum. Blaðið kemur út 48 sinnum á ári og fer
til áskrifenda og er selt í lausasölu í landshlutanum.
Áskrifendur eru Feyki nauðsynlegir.
Er ekki upplagt að gerast áskrifandi að
góðu blaði og fréttum af þínu fólki?
Hafðu samband í síma 455 7171
eða sendu póst á feykir@feykir.is BORGARFLÖT 1 | 550 SAUÐÁRKRÓKUR | SÍMI 455 7176 | FEYKIR.IS
Glæsileg viðbygging er risin við Blönduskóla MYND: BLONDUOS.IS