Strandapósturinn - 01.10.2001, Qupperneq 42

Óvenju breiður aldurshópur tók þátt í sýningunni, Andri Freyr
Arnarsson 14 ára var yngsti leikarinn, en Askell Benediktsson á
Hnitbjörgum 69 ára var sá elsti. I aðalhlutverkum voru María
Mjöll Guðmundsdóttir og Einar Indriðason, en sá síðarnefndi er
einmitt formaður Leikfélags Hólmavíkur.
Félag eldri borgara á Ströndum var sérlega virkur félagsskap-
ur á árinu. Um 50 manns í þeim hópi héldu á vit ævintýranna til
Færeyja með Norrænu um sumarið og höfðu með sér rútu og
rútubílstjórann Tryggva Ólafsson á Drangsnesi. Eyjarnar voru
skoðaðar vandlega og var samdóma álit að ferðin hefði tekist af-
bragðs vel. A Hólmavík er gönguhópur eldri borgara líka áber-
andi og þar hafa menn komið upp vel heppnaðri félagsaðstöðu
í flugstöðinni.
✓
Iþróttalíf
Dauft hefur verið yfir almennu íþróttastarfi á sýsluvísu um
nokkurra ára skeið. Þetta stendur þó allt til bóta því Héraðssam-
band Strandamanna var vakið upp af værum blundi á 54. árs-
þingi þess þann 20. júní. Þar var Vignir Pálsson frá Grund kjör-
inn formaður, en á fundinn mættu auk heimamanna fulltrúar
frá ÍSÍ og UMFÍ.
HSS hélt síðan Héraðsmót í frjálsum íþróttum í Sævangi í lok
júlí. Umf. Geislinn á Hólmavík sigraði þar með miklum yfirburð-
um í keppni félaganna um samanlögð stig og Umf. Neisti á
Drangsnesi varð í öðru sæti.
Þótt starfsemi HSS hafi engin verið síðustu þijú árin, hafa ein-
stök ungmennafélög samt haldið uppi kröftugu starfi. A vegum
Geislans á Hólmavík eru t.d. yfir 60 krakkar að æfa íþróttir, en
starfið þar var öflugt á árinu og var farið á ýmis íþróttamót utan
héraðs. Knattspyrna og körfubolti eru vinsælust og eru nokkur
ungmenni í sýslunni sem eru á landsmælikvarða í þeim íþrótta-
greinum og komust á æfingar með landsliðshópi. Frjálsar íþrótt-
ir njóta líka alltaf nokkurra vinsælda og ekki spillti fyrir þeim
áhuga að Jón Arnar Magnússon tugþrautarkappi mætti til
Hólmavíkur til að segja krökkunum til og settar voru upp æf-
40