Strandapósturinn - 01.10.2001, Qupperneq 113

Geislakolsaldursgreiningar
Þijú beinasýni hafa verið aldursgreind með geislakolsaðferð-
inni. Sýnin voru öll annað hvort bein úr sauðfé eða geitum. All-
margir skekkjuvaldar geta verið í slíkum aldursgreiningum og
einkum á það við magn kolefnis sem getur verið breytilegt frá
einum tíma til annars. Því verður að leiðrétta fýrir þeim skekkj-
um og verður að gera ráð fýrir óvissumörkum. Eins og áður
sagði þá eru sýnin sem greind voru sauðfjár- eða geitabein.
Astæðan fyrir því er að bein úr sjávardýrum þykkja ekki gefa eins
áreiðanlegar niðurstöður eins og bein úr landspendýrum. Þó
má gera ráð fýrir að ef skepnurnar hafa lifað að miklu leyti á
þara eða slógi þá megi búast við meiri skekkju en ella. Sýni
merkt SU 22 er úr lagi sem liggur ofan á eldri tóft og tengist
yngri tóftinni sem liggur ofar í staflanum. Það gefur aldur á bil-
inu 1420-Í475 eftir Krist, meðaltal 1440. Sýni SU 31/30 er úr
gólfskán í eldri tóftinni og gefur til kynna þar þar hafi verið búið
á tímabilinu 1260-1290 (meðaltal 1275). Elsta sýnið SU 24 er
neðasta lagið undir veggjum eldri tóftainnar. Aldur þess er á bil-
inu 1155-1265 (meðaltal 1215) en gæti þó verið eilítið eldra,
allt aftur til 1065 eftir Krist.
Það er vert að gæta að eftirfarandi:
1. Ekkert fannst af gleri, leirkerabrotum eða krítarpípubrot-
um. Þessir hlutir eru allir algengir á stöðum sem eru yngri
en 1650 og finnst í tölverðu magni í röskuðum öskuhaugi
á Reykjanesi sem telst vera frá 18. öld fram á þessa öld.
2. Innsiglingin í Akurvík hefur nú lokast í reynd vegna land-
riss og jafnvel smábátar eiga í erftðleikum með að lenda
þar nema í blíðviðri og ládauðu.
3. Ekki er nrinnst á þennan stað í hinni yfirgripsmiklu jarða-
bók Arna og Bjarna frá 1710.
4. Brún jarðvegslög liggja milli mannvistarlaganna auk þess
sem þar eru lög sem benda til nrikils sandfoks. Það virðist
sem skipst hafi á sandfok upp úr fjörunni, mannvist og
uppgræðsla landsins (e.t.v. á sama tínra á nrörgum stöðum
við víkina).
111