Morgunblaðið - 10.08.2021, Side 2

2 FRÉTTIR
Innlent
MORGUNBLAÐIÐ ÞRIÐJUDAGUR 10. ÁGÚST 2021
Verið velkomin
í sjónmælingu
Hamraborg 10, Kópavogi, sími 554 3200
Opið virka daga 9.30–18
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Fjallahjólreiðamótið Morgunblaðs-
hringurinn fór fram í gærkvöldi
og fóru Ingvar Ómarsson og Þór-
dís Björk Georgsdóttir með sigur
af hólmi. Alls voru þátttakendur
42 í tíu flokkum og urðu þau fyrr-
nefndu fyrst í mark í Elite-
flokkum karla og kvenna.
Ingvar er enginn nýgræðingur í
Morgunblaðshringnum; hefur unn-
ið keppnina sjö sinnum á tólf ár-
um og ætlar að halda því áfram
næstu ár.
„Ég er ómeiddur, það er aðal-
lega smá grasgræna á mér,“ sagði
Ingvar þegar Morgunblaðið náði
tali af honum rétt eftir að hann
kom í mark. Hann hafði dottið í
runna en lét það ekki stoppa sig
frá gullinu. „Þetta var sem betur
fer mjúk lending,“ sagði hann.
Þórdís Björk Georgsdóttir, sig-
urvegari Elite-flokks kvenna,
sagðist hress eftir verðlauna-
afhendinguna en hún keppti fyrir
hönd Brettafélags Hafnarfjarðar.
„Þetta var bara mjög gaman,
skemmtilegt fólk, falleg leið. Bara
mjög gaman.“ Erfiðasti hjallinn
að hennar sögn var upp brekk-
urnar en brekkurnar niður í móti
„töluvert skemmtilegri“.
ari@mbl.is
Fjallahjólreiðamótið Morgunblaðshringurinn fór fram í góðu veðri í gær
Hjólað um
Hádegis-
móana
Morgunblaðið/Kristinn Magnússon
Hjólað Hringurinn er um Rauðavatn og skrifstofur Morgunblaðsins og mbl.is. Ingvar Ómarsson og Þórdís Björk Georgsdóttir fóru með sigur af hólmi.
Urður Egilsdóttir
urdur@mbl.is
Þorvaldur Þórðarson eldfjallafræð-
ingur telur að ekki hafi myndast
nýtt op við eldgosið í Geldingadöl-
um. Fréttir bárust af nýju opi og
mögulega nýjum gíg í gær en Þor-
valdur telur að um útskot sé að
ræða en það sjáist á myndum dróna
sem teknar voru í gær. „Það bendir
allt til að þetta sé útskot frá gígnum,
það er engin breyting á því,“ segir
Þorvaldur og nefnir að talsverð
virkni sé nú í gosinu.
„Virknin er á svipuðu rófi og hún
hefur verið. Það eru stutt göt inn á
milli þar sem lítið sem ekkert er að
gerast, svipað eins og hefur verið.“
Þorvaldur segir að hraunið bein-
ist nú meira í átt að Geldingadölum
en áður var. „Hluti af hrauntaumn-
um fer nú í Geldingadali og jafnvel í
áttina að syðri Meradölum. Hvort
það verður varanleg þróun eða ekki
er kannski stóra spurningin.“
Hraun hefur ekki runnið í Nátt-
haga í meira en mánuð en Þorvaldur
segir að það eigi ábyggilega eftir að
breytast. „Þetta er bara tímabundið.
Gosið beinir spjótum sínum í
ákveðnar áttir á ákveðnum tímum
og svo breytist það.“
Ekki enn gosið neðansjávar
Um helgina bárust fregnir af
bólstrum yfir hafinu vestur af
Krýsuvíkurbergi. Að sögn Þorvald-
ar er ekki um neðansjávareldgos
heldur líklega skýjabólstra að ræða.
„Við megum þó ekki gleyma því að
það er virkur úthafshryggur þarna
sem að meðaltali gýs tvisvar á öld
og hann hefur ekki gosið ennþá á
þessari öld svo við vitum,“ segir
Þorvaldur og nefnir að hryggurinn
gæti tekið upp á því hvenær sem er.
„Það fer alveg eftir stærðinni á
gosinu hvort við vitum af því; ef það
er lítið þá myndum við sennilega
ekki taka eftir því fyrr en við færum
út og færum að kortleggja hrygginn
aftur. En ef það er sæmilega stórt
þá gæti það sést ofansjávar,“ segir
Þorvaldur og bætir við að úthafs-
hryggirnir séu virkustu eldsvæði
jarðar.
„Þar fer langmesta eldvirkni fram
á yfirborði jarðar, þó svo að við
sjáum það aldrei.“
Ekki nýtt op uppi í Geldingadölum
Morgunblaðið/Árni Sæberg
Hraunrennsli Hraunið rennur nú meira í Geldingadali en áður.
- Útskot frá gígnum - Talsverð virkni í eldgosinu - Hraunið stefnir í aðra átt en áður - Ekki enn
eldgos neðansjávar heldur líklega skýjabólstrar - Úthafshryggirnir í raun virkustu eldsvæði jarðar
Höskuldur Daði Magnússon
hdm@mbl.is
Átján ára frönsk stúlka lést er hún
féll niður bratta hlíð við göngu í Súl-
um í Stöðvarfirði í fyrradag. Konan
var hluti af sjálfboðaliðahópnum
Veraldarvinum sem unnið hafa sjálf-
boðaliðastarf á Austurlandi í fjölda
ára. Þegar tilkynning barst lögreglu
um klukkan 17 voru lögregla, björg-
unarsveitir, sjúkralið á Austurlandi
og þyrla Landhelgisgæslunnar köll-
uð út. Aðstæður á vettvangi voru erf-
iðar.
Þetta er fjórða banaslysið í sumar
sem rekja má til fjallgangna og úti-
vistar. Í lok maí lést karlmaður á
miðjum aldri eftir að hafa lent í mikl-
um straumi í Svuntufossi í Ósá í Pat-
reksfirði. Hinn 15. júní lenti kona í
skriðu í Flekkudal í Hvalfirði. Hún
lést á gjörgæsludeild Landspítalans
í Fossvogi tveimur dögum síðar. Þá
lést kona af áverkum sínum eftir að
hún slasaðist á fjallgöngu í suðurdal
Fljótsdals hinn 21. júní.
Davíð Már Bjarnason, upplýsinga-
fulltrúi Landsbjargar, kveðst telja
að þetta séu óvenju mörg banaslys af
þessu tagi á skömmum tíma. „Við
vitum að það er fleira fólk á ferðinni
út af Covid. Það er mikill áhugi á
gönguferðum og útivist en þessar
tölur eru hrikaleg áminning um það
að hætturnar í íslenskri náttúru geta
leynst víða. Við þurfum að bera virð-
ingu fyrir náttúrunni, búa okkur vel
og fara varlega. Minnstu mistök geta
haft hrikalegar afleiðingar.“
Fjögur banaslys hjá útivist-
arfólki það sem af er sumri
- Átján ára stúlka lést við göngu í Stöðvarfirði í fyrradag
Morgunblaðið/Eggert
Leit Björgunarsveitarmenn hafa
sinnt mörgum útköllum í sumar.