Morgunblaðið - 24.08.2021, Blaðsíða 28

28 MENNING MORGUNBLAÐIÐ ÞRIÐJUDAGUR 24. ÁGÚST 2021
vottun reynsla
ára
ábyrgð
gæði
miðstöðvarofnar
Vagnhöfða 11 - 110 Reykjavík - sími 577 5177 - ofnasmidja.is
Eigum úrval af
miðstöðvar- og handklæðaofnum
hafðu það notalegt
Steinar Ingi Kolbeins
steinar@mbl.is
Reynir Haraldsson er ungur og upp-
rennandi tónlistarmaður, búsettur í
Grafarvogi. Hann gaf út sína fyrstu
sólóplötu í byrjun sumars, 27. maí,
og kemur til með að halda útgáfu-
tónleika um miðjan október.
„Þetta er sem sagt fyrsta platan
mín sem tónlistarmaður sjálfur en
ég hef komið að gerð einnar ann-
arrar plötu en þá sem upptöku-
stjóri,“ segir Reynir í samtali við
blaðamann. Upplegg Reynis á þeim
tíma var að vinna sem upptökustjóri
og markaðssetja sig sem slíkan en
hann hefur nú skipt um stefnu.
Reynir á ekki langt að sækja hæfi-
leikana í tónlist því faðir hans var
Haraldur Reynisson, alla jafna kall-
aður Halli Reynis, en hann lést fyrir
tæpum tveimur árum, langt fyrir
aldur fram.
Platan nefnd eftir pabba
Platan sem Reynir gaf út nú í vor
heitir einmitt Halli. Reynir segir
plötuna þó ekki samda eingöngu í
minningu föðurins. „Hún er ekki
beint til hans, ekkert lag á plötunni
er til dæmis samið beint um hann.
Ég fékk í sjálfu sér ekki einhvern
innblástur í að gera plötu eftir að
hann fellur frá en það hefur þó áhrif
að einhverju leyti. Fyrsta lag plöt-
unnar, „Nótt í Reykjavík“, er til
dæmis lag sem hann á og ég endur-
geri.“ Reynir segir að eðlilega hafi
hugurinn leitað mikið til föður hans
á meðan hann var að vinna að plöt-
unni og því hafi honum fundist rétt
að nefna hana Halla.
Spurður að því hvort faðir hans
hafi þó ekki haft mikil áhrif á hann
hvað varðar tónlistina segir Reynir:
„Jú, að sjálfsögðu, hann sendi mig í
gítarkennslu þegar ég var lítill og
hann sá nokkuð snemma að ég var
eini bróðirinn sem vildi eitthvað með
tónlist gera. Við spiluðum saman á
gítar alveg frá því að ég var átta
ára.“
Reynir segist ekki alltaf hafa
stefnt að því að fara út í tónlistina en
hafi þó lengi „hótað því“ gagnvart
vinum og vandamönnum. „Ég var
byrjaður að semja lög frekar ungur,
svo hef ég alltaf verið mjög fær á gít-
ar og haft mikla skoðun á því hvern-
ig tónlist eigi að hljóma og vera unn-
in.“
Lærði hljóðblöndun á Englandi
Reynir lagði land undir fót árið
2017, flutti til Liverpool á Englandi
og þar lærði hann hljóðblöndun. Í
kjölfar þess að hann kom heim eftir
veturinn segist hann hafa farið „á
fullt í að semja og gefa út tónlist“.
„Þrátt fyrir að námið væri ekki al-
veg fyrir mig þá fékk ég svona betri
sýn á það hvernig ég vil hafa hlutina
og hvernig minn hljóðheimur er,“
segir Reynir. Platan Halli sé að
langmestu leyti blanda af alþýðu-
tónlist (e. folk) og hefðbundinni
popptónlist.
Reynir nefnir einnig ráð sem hann
fékk frá föður sínum sem hann seg-
ist ávallt hafa í huga og telur jafnvel
að fleiri mættu hafa hugfast. „Pabbi
talaði um að þeir sem eru að byrja að
gefa út tónlist hefðu svo oft áhyggj-
ur af því að fyrsta lagið og fyrsta
platan þyrfti að vera fullkomin, eins
og þetta væri einhver meistara-
ritgerð. Sem þetta er alls ekki. Eftir
að maður byrjar að gefa út finnur
maður betur hvað maður vill og hvað
ekki.“
Útgáfutónleikarnir tvískiptir
Eins og áður segir stefnir Reynir
að því að halda útgáfutónleika 17.
október. Tónleikarnir munu fara
fram í Gamla bíói og er miðasala haf-
in á vefnum Tix.is. Þá verða tónleik-
arnir í raun tvískiptir. Fyrri helming
þeirra mun Reynir spila stuðlög sem
að hans sögn eru aðeins meira upp-
lífgandi en lögin af plötunni Halli.
Seinni helming tónleikanna verður
Reynir einn á sviðinu og mun flytja
plötuna í heild sinni og samhliða því
segja sögur af henni og lögunum.
„Mig langaði alltaf til þess að bóka
bara svona lítinn sal og vera með
krúttlega stemmingu en svo hugsaði
ég bara „fokk it“. Ég bóka bara
Gamla bíó og verð bara með einn og
hálfan tíma af efni.“
Reynir segist lítið geta sagt til um
framhaldið annað en að hann stefni
bara að því að klára þessa tónleika
og reyndar gefa út nokkur lög fram
að þeim. „Svo held ég bara áfram að
safna saman lögum, semja meira af
tónlist og huga að næstu plötu,“ seg-
ir hann að lokum.
Sonur Halla Reynir á ekki langt að sækja hæfileikana í tónlist því faðir hans
var Haraldur Reynisson, alla jafna kallaður Halli Reynis.
Hæfileikarnir í blóð bornir
- Reynir Haraldsson hefur gefið út sína fyrstu sólóplötu og nefnt eftir föður sín-
um - Lærði í Liverpool - Tónlistin er ekki meistararitgerð, segir Reynir
Don Everly, eldri bróðirinn í
rokkdúettnum The Everly Broth-
ers, er látinn, 84 ára að aldri.
Everly-bræður nutu mikilla vin-
sælda á sínum tíma og voru vinsæl-
asta rokksveitin sem stofnuð var á
sjötta áratugnum í Nasville og
kepptu við Elvis Presley og Pat
Boone um spilanir í útvarpi, eins
og fram kemur í frétt The New
York Times.
Everly-bræður bræddu saman
kántrítónlist og rokk og ról og
nutu því vinsælda í báðum grein-
um. Áttu þeir lag í efstu tíu sætum
bandaríska lagalistans á fjögurra
mánaða fresti að meðaltali, á ár-
unum 1957 til 1961. Voru þar á
meðal margir smellir sem enn eru
þekktir í dag, t.d. „Wake Up Little
Susie“ og „Bye Bye Love“. Eru
þeir bræður sagðir hafa endurskil-
greint hvað teldist söluvænleg tón-
list ættuð frá Nashville á þeim
tíma. Höfðu þeir mikil áhrif á aðra
smellasmiði, til að mynda Bítlana,
The Hollies, Simon og Garfunkel
og Eagles. Er í fréttinni vitnað í
orð Pauls Simons, í kjölfar andláts
yngri bróðurins árið 2014, þess
efnis að þeir bræður hefðu tekið
þátt í sköpun rokksins.
Bræðurnir léku báðir á kassagít-
ar og sungu saman, söngrödd ann-
ars dýpri en hins. Vinsældir laga
þeirra tóku að dala á sjöunda ára-
tugnum og báðir glímdu þeir við
fíkn. Á áttunda áratugnum lauk
samstarfi þeirra eftir að upp úr
sauð á tónleikum. Árið 1983 komu
þeir svo saman á ný.
Don Everly látinn
Gríðarvinsælir Hinir tónelsku Everly-
bræður árið 1965, Don hægra megin.
Lýsishúsið á Kristjánshöfn í Kaup-
mannahöfn verður fræðslusetur
fyrir börn og ungmenni, að því er
fram kemur í tilkynningu frá Karin
Elsbudóttur, forstöðumanni menn-
ingarhússins Norðurbryggju.
„Við vitum of lítið um nágranna
okkar á Norður-Atlantshafssvæð-
inu. Það stendur þó til bóta, því ný-
verið fékk menningarhúsið Norður-
bryggja umtalsverðan
fjármagnsstyrk frá þremur stórum
sjóðum í Danmörku, eyrnamerktan
nýju fræðslusetri í gamla lýsishús-
inu. Með starfseminni verður unnið
markvisst að því að efla vitund
barna og ungmenna af lífi fólks á
Grænlandi, í Færeyjum og á Ís-
landi. Fjármagnið kemur frá A.P.
Møller-, Novo Nordisk- og August-
inus-sjóðunum, og nemur upphæðin
samanlagt 45 milljónum danskra
króna [tæpl. 900 milljónum ISK]
sem skal varið í þróun á námsefni,
sem og endurbætur á hinu 250 ára
gamla lýsishúsi sem mun hýsa
fræðslusetrið,“ segir í tilkynning-
unni en Lýsishúsið er staðsett á
Kristjánshöfn og í eigu menningar-
hússins Norðurbryggju sem er rek-
ið í samstarfi milli Færeyja, Græn-
lands, Íslands og Danmerkur.
Segir að áhugi á sameiginlegri
sögu landanna hafi farið vaxandi og
að hann hafi ekki farið fram hjá
starfsfólki Norðurbryggju sem
upplifi vaxandi eftirspurn frá
dönskum grunnskólakennurum
sem óski eftir bekkjarfræðslu hvað
þessi lönd varðar. Með nýrri þekk-
ingar- og fræðslumiðstöð fái dönsk
skólabörn innsýn í lífið á Græn-
landi, Íslandi og í Færeyjum, sem
og það sem tengi Danmörku og
Norður-Atlantshafssvæðið saman í
dag og á öldum áður.
Norðurbryggja ætlar að bjóða
upp á sjö mismunandi fræðsluspor
og er nefnt sem dæmi að á raun-
greinasviðinu verði jarðfræði, jökl-
ar, fiskur, prótein og orka, þ.e.
þættir sem hafi skipt máli í upp-
byggingu samfélaganna á Norður-
Atlantshafssvæðinu. Að auki verða
fræðsluspor sem vísa til þjóðhátta
landanna; tungumáls, menningar,
lýðræðis og sögu.
Verkefnið hefur hlotið styrki upp
á 45 milljónir danskra króna og er
Þekkingar- og fræðslusetrið Lýsis-
húsið því að fullu fjármagnað, segir
í tilkynningunni. Norðurbryggja
mun stýra hinu umfangsmikla
verkefni með aðstoð fræðimanna
og sérfræðinga frá þeim löndum
sem eiga í hlut.
Pakkhús Húsið var byggt 1781 sem pakk-
hús fyrir lýsi úr hákörlum og hvölum sem
var notað til lýsingar í bæjum.
Lýsishúsið verður fræðslusetur