Morgunblaðið - Sunnudagur - 15.08.2021, Side 10

Ég lærði fyrst keramik og vann við það en lærði svo til
stílistans. Ég bjó lengi úti, í Noregi, Svíþjóð og Eng-
landi, og tók þar að mér verkefni. Ég flutti svo heim
og byrjaði með stílistanámskeið en þurfti fasta vinnu og
fékk vinnu hjá Icelandair árið 2014 á skrifstofunni, svo eitt
sumar sem flugfreyja og svo aftur á skrifstofunni,“ segir
Olga og segist alltaf hafa tekið að sér einstaka stílistaverk-
efni samhliða vinnu. Olga var afar ánægð hjá Icelandair en
eins og svo margir aðrir missti hún vinnuna vegna kór-
ónuveirunnar.
Að nýta flíkur á mismunandi vegu
„Mér var svo sagt upp í apríl, maí í fyrra. Það er mikill lær-
dómur í því. Ég er mjög dugleg að bjarga mér og fór ekki í
neina neikvæðni. Auðvitað var maður smá sár en ég grét
ekki mikið yfir þessu. Þarna þurfti ég að ákveða hvað ég
vildi gera og hvað ég gæti lært,“ segir Olga.
„Það kom samt ekki yfir mig neitt „panik“, heldur fann ég
til þakklætis fyrir góðan tíma hjá Icelandair. En þetta var
auðvitað ákveðinn skellur. Ég vann alveg í mér síðasta sumar.
Þegar ágúst kom ákvað ég að heyra í Lóu í Lindex og sjá
hvort þar væru einhver verkefni. Hún svaraði mér strax, vildi
hitta mig og réð mig stuttu síðar og hef ég unnið þar síðan.
Ég held utan um „personal shopper í Lindex“-grúbbuna á
Facebook og þar set ég inn alls konar myndir og hugmyndir.
Ég er mikið að kenna konum hvernig hægt er að nýta flíkur
sínar á mismunandi vegu, en hægt er að panta tíma hjá mér í
Lindex og ég hjálpa fólki að velja það sem passar vel,“ segir
Olga og segist afar ánægð í starfi og með góða yfirmenn.
„Svo fer ég á milli búða og held þjónustunámskeið. Í
þessu starfi þarf maður að vera flinkur í mannlegum sam-
skiptum,“ segir Olga og segist hafa í gegum árin farið heim
til kvenna og hjálpað þeim með fataskápinn.
„Þegar ég bjó í London fór ég með kúnnum út að versla
kannski fyrir hálfa milljón, en það er ekki að gerast hér. En
ég er meira fyrir að koma heim til kvenna og kenna þeim að
endurnýta fötin eða nota þau á mismunandi hátt,“ segir
Olga og segist enn taka að sér sérverkefni fyrir konur sem
vantar aðstoð við fataskápinn sinn, meðfram vinnunni í Lin-
dex.
Finnst þér þú þá vera í draumastarfinu?
„Já, það er galið eiginlega að vera í einhverju öðru. Ég er
menntuð í þessu og finnst þetta rosalega gaman og gef-
andi,“ segir Olga og segist líka ferðast um landið vegna
vinnunnar.
Verst að lenda í sóttkví
Hvaða lærdóm dróstu af því að missa vinnuna vegna Covid?
„Klárlega þurfti ég að endurskoða líf mitt en ég lærði
það að maður er miklu sterkari en maður heldur. Mér
finnst það svo gott. Ég veit núna að ég er góð fyrir aðra
líka. Mér finnst frábært að vera að hjálpa öðrum konum.
Ég er mjög jákvæð,“ segir Olga sem segir líka að í Covid
hafi hún og kærastinn keypt sér hjól og fari núna mikið út
að hjóla.
„Það versta við Covid-tímabilið er þegar ég lenti í sóttkví
um daginn. Það var erfitt. En ég hugsaði samt að ég væri
búin að sleppa vel.“
Sterkari en maður heldur
Olga Soffía Einarsdóttir vann lengi hjá Icelandair en þurfti að hugsa
lífið upp á nýtt þegar henni var sagt upp. Hún sneri sér þá að því
sem hún kann best, að vera stílisti og er hún hæstánægð.
Olga er komin á réttan stað, en hún er menntaður stílisti og fann
draumastarfið hjá Lindex eftir uppsögn hjá Icelandair. Hún segist njóta
þess að hjálpa konum að klæða sig rétt og líta vel út.
Morgunblaðið/Ásdís
KÓRÓNUVEIRAN
10 MORGUNBLAÐIÐ SUNNUDAGUR 15.8. 2021
Ég var búin að vera flugfreyja í rúm tutt-
ugu ár og starfaði einnig samhliða flug-
inu á fasteignasölu. Þar á undan var ég
að gera ýmislegt. Ég var atvinnudansari víðs
vegar um Evrópu og hér heima hjá Íslenska
dansflokknum, starfaði við sjónvarpsþætti og
sem „freelance“-hönnunarráðgjafi,“ segir
Nadia Katrín Banine.
Sjokk að missa vinnuna
„Eins og mörg hundruð manns hjá Icelandair
missti ég vinnuna og það var auðvitað mikið
sjokk. Mér hefur alltaf þótt gaman að vera á
ferð og flugi og er fjölbreytileikinn fyrir mér al-
veg gríðarlega mikilvægur. Mér hefur alltaf
þótt gott að vera í fastri vinnu og að stóla alger-
lega á verktakavinnu hefur mér ekki þótt henta
mér. Ég fékk brjóstakrabbamein fyrir mörgum
árum og tengi það ákveðnum kvíða og áhyggj-
um, svo það að hafa alltaf örugga vinnu dregur
úr vissu álagi. Fasteignasalar eru verktakar svo
það kemur ekkert í kassann ef það er engin
sala. Það er hins vegar mjög skemmtilegt starf
sem hentar mér vel þar sem ég hef alltaf haft
mjög gaman af að kynnast nýju fólki og koma
inn á ný heimili og aðstoða fólk við að gera
heimilin sín sem best úr garði fyrir sölu,“ segir
Nadia og segist hafa þurft að endurhugsa fram-
tíðina þegar kórónuveiran reið yfir heiminn.
„Ég hafði ætlað mér að hætta á fasteignasöl-
unni og einbeita mér bara að einu starfi til til-
breytingar en þegar Covid skall á hugsaði ég:
þetta flug er ekkert að fara af stað aftur, hvað
geri ég þá? Samkeppnin er gríðarlega mikil í
dag á fasteignamarkaðnum og ég hugsaði að
fyrst það er aðalvinnan mín í dag, hvernig gæti
ég staðið sterkari að vígi en aðrir og nýtt mér
það sem ég kann,“ segir Nadia, en hún hefur
lengi haft áhuga á hönnun og var meðal annars
með þáttinn Innlit/Útlit á Skjá einum.
Námið krefjandi og skemmtilegt
„Ég hef ég aðallega verið að hanna fyrir sjálfa
mig og vini og kunningja. Mér fannst ég ekki
hafa öll verkfæri í höndunum sem þarf til að
geta komið frá sér hugmyndum og kynnt þau
fyrir viðskiptavininum svo ég ákvað að skella
mér í nám í innanhússhönnun við IED-skólann í
Mílanó. Það fór nú þannig út af „dottlu“ að ég
náði ekkert að fara út í vetur svo þetta endaði
algerlega í „online“-námi hjá mér. Það var gríð-
arlega krefjandi og skemmtilegt nám,“ segir
hún.
„Þannig að ég fór í síðasta flugið mitt í lok
ágúst í fyrra og námið byrjaði strax 2. septem-
ber svo það var nú ekki langur tími sem ég var
aðgerðalaus. Uppsögnin var búin að liggja lengi
í loftinu svo ég hafði sumarið til að velta þessu
fyrir mér,“ segir Nadia, sem nú hefur lokið
náminu og er byrjuð að vinna við fagið.
„Ég kláraði námið á Ítalíu núna í vor og var
samhliða því að hanna bæði baðherbergi fyrir
einkaheimili og svo var ég svo heppin að fá eitt
verkefni hjá honum Björgvini Snæbjörnssyni
hjá Teiknistofunni Apparati,“ segir hún og segir
það enn eiga eftir að koma í ljós hvernig hún
muni haga vinnunni í framtíðinni.
„Það væri gaman að fá einhverja fasta hönn-
unarvinnu samhliða fasteignasölunni. Það er
svo frábært starf og maður getur unnið allt í
gegnum síma og tölvu, fyrir utan sýningarnar
sjálfar og opnu húsin. Þannig að þetta starf gef-
ur manni mikið frelsi. Svo er ég líka á svo frá-
bærri fasteignasölu, Domusnova, og með alger-
lega einstaka yfirmenn þar, þá Óskar Má
Alfreðsson og Víði Kristjánsson. Það á bara eft-
ir að koma í ljós hvort ég ræð mig einhvers stað-
ar eða verð áfram sjálfstætt starfandi. Ég er
búin að vera að ná lendingu í sumar eftir erfiðan
vetur, leika mér og njóta lífsins.“
Horfa meira inn á við
Fórstu að forgangsraða hlutum öðruvísi vegna
Covid?
„Ég myndi segja að Covid-ástandið hafi frek-
ar skerpt aðeins á því hugarfari sem ég hef
reynt að temja mér frekar en breytt miklu.
Auðvitað var öll vinna heima fyrir, minni ferða-
lög og fleiri ferðir innanlands, eins og hjá svo
mörgum öðrum. En þetta hugarfar að reyna að
vera sáttur með sitt, sjá jákvæðu punktana en
ekki einblína á þetta neikvæða. Vakna spenntur
fyrir nýjum tækifærum á hverjum degi og um-
fram allt vera þakklátur fyrir góða heilsu og
heilbrigða fjölskyldu. Ég held að flestir hafi far-
ið að horfa aðeins meira inn á við í þessu
ástandi.“
Sérðu fyrir þér að snúa til baka í gamla starf-
ið eða ertu ánægð í þessu nýja?
„Ég held að minn tími hjá Icelandair hafi
runnið sitt skeið. Þetta eru mjög breyttir tímar í
fluginu í dag og álagið miklu meira. Ég held að
það hefði verið mjög snúið fyrir mig að eldast í
starfinu eins og álagið er núna. Ég veit alla vega
að mín orka er ekki sú sama og hún var fyrir
tuttugu árum þegar ég fékk fastráðningu áður
en ég veiktist. Það er alltaf eitthvað nýtt sem
tekur við og er ég bara spennt fyrir því að sjá
hvað er handan við hornið. Nú þegar sumarið
fer að klárast þarf ég að fara að gera einhverja
kynningamöppu og athuga hvort einhvern vant-
ar ekki skapandi og duglegan einstakling eins
og mig í vinnu,“ segir Nadia og segist hafa dreg-
ið ákveðinn lærdóm af kórónuveirutímabilinu.
„Að lifa í núinu og hætta að flýta sér. Einblína
á ferðalagið en ekki endastöðina. Vera umfram
allt sáttur í sínu eigin skinni og ef þér líkar ekki
hvar þú ert í dag, stattu þá upp og færðu þig um
set!“
Ferðalagið en ekki endastöðin
Flugfreyjan og fasteignasalinn Nadia Katrín Banine
skellti sér í nám í innanhússhönnum þegar hún missti
vinnuna hjá Icelandair. Hún segist hafa lært að lifa í
núinu á þessum kórónuveirutímum.
Nadia Katrín segist hafa lært í kórónuveirufaraldrinum að horfa meira inn á við.
Morgunblaðið/Hari