Morgunblaðið - 10.09.2021, Síða 22

22 MINNINGAR
MORGUNBLAÐIÐ FÖSTUDAGUR 10. SEPTEMBER 2021
Sumarhús
Sumarhús – Gestahús –
Breytingar
.Framleiðum stórglæsileg sumarhús
í ýmsum stærðum.
.Tökum að okkur stækkun og
breytingar á eldri húsum.
.Smíðum gestahús – margar
útfærslur.
.Sjáum um almennt viðhald á
sumarhúsum og sólpöllum.
.Setjum niður heita potta og
smíðum palla og skjólveggi.
Áratugareynsla –
endilega kynnið ykkur málið.
Trésmiðja Heimis, Þorlákshöfn,
sími 892-3742 og 483-3693,
www.tresmidjan.is
Bílar
Nýr 2021 Mitsubishi Outlander
Hybrid Spirit+ Tíglamynstrað leður
á sætum. 18” álfelgur.
5 ára evrópsk verksmiðjuábyrgð.
Verð 5.990.000,-
www.sparibill.is
Hátúni 6 A – sími 577 3344.
Opið kl. 12–18 virka daga.
Nauðungarsala
Uppboð
Einnig birt á www.naudungarsolur.is.
Ath. Grímuskylda er á uppboðum.
Framhald uppboðs á eftirfarandi eignum verður háð á
þeim sjálfum, sem hér segir:
Eiðsvallagata 20, Akureyri, fnr. 214-5764, þingl. eig. Hjörtur Hvann-
berg Jóhannsson og Gauja Björg Aradóttir, gerðarbeiðendur
Húsnæðissjóður og Akureyrarbær, þriðjudaginn 14. september nk.
kl. 10:30.
Aðalgata 4, Dalvíkurbyggð, fnr. 215-6754, þingl. eig. Páll Ingi Pálsson,
gerðarbeiðendur Vátryggingafélag Íslands hf. og Dalvíkurbyggð,
þriðjudaginn 14. september nk. kl. 11:20.
Suðurgata 49, Fjallabyggð, fnr. 222-5604, þingl. eig. Ikaup ehf.,
gerðarbeiðandi Vörður tryggingar hf., fimmtudaginn 16. september
nk. kl. 11:30.
Suðurgata 47B, Fjallabyggð, fnr. 231-9674, þingl. eig. Ikaup ehf.,
gerðarbeiðandi Vörður tryggingar hf., fimmtudaginn 16. september
nk. kl. 11:00.
Suðurgata 47B, Fjallabyggð, fnr. 213-0893, þingl. eig. Ikaup ehf.,
gerðarbeiðandi Vörður tryggingar hf., fimmtudaginn 16. september
nk. kl. 11:10.
Suðurgata 49, Fjallabyggð, fnr. 213-0894, þingl. eig. Ikaup ehf.,
gerðarbeiðandi Vörður tryggingar hf., fimmtudaginn 16. september
nk. kl. 11:20.
Námuvegur 6, Fjallabyggð, fnr. 215-4210, þingl. eig. Ód6 ehf.,
gerðarbeiðandi Fjallabyggð, fimmtudaginn 16. september nk. kl.
11:50.
Námuvegur 6, Fjallabyggð, fnr. 235-8334, þingl. eig. Ód6 ehf.,
gerðarbeiðendur Fjallabyggð og Íslandsbanki hf., fimmtudaginn
16. september nk. kl. 11:55.
Sýslumaðurinn á Norðurlandi eystra
9. september 2021
Uppboð
Einnig birt á www.naudungarsolur.is.
Ath. Grímuskylda er á uppboðum.
Framhald uppboðs á eftirfarandi eign verður háð á henni
sjálfri, sem hér segir:
Þingasel 7, Reykjavík, fnr. 205-4059, þingl. eig. Steindór Ingi
Þórarinsson, gerðarbeiðendur Vátryggingafélag Íslands hf. og
Íslandsbanki hf., þriðjudaginn 14. september nk. kl. 11:00.
Sýslumaðurinn á höfuðborgarsvæðinu
9. september 2021
Félagsstarf eldri borgara
Aflagrandi 40 Opin vinnustofa kl. 9-12.30. Botsía kl. 10. Zumba Gold
kl. 10.30. Kraftur í KR kl. 10.30, ókeypis. BINGÓ kl. 13.30, spjaldið kost-
ar 250 kr. Kaffi kl. 14.30-15.20. Nánari uppl. s. 4112701. Allir velkomnir.
Árskógar 4 Smíðastofa með leiðbeinanda. kl. 9-16. Opin vinnustofa
kl. 9-12. Leikfimi og jóga með Milan. Hádegismatur kl. 11.40-12.50.
Kaffisala kl. 14.30-15.30. Heitt á könnunni. Allir velkomnir. S. 411-2600.
Boðinn Línudans kl. 15. Sundlaugin er opin frá kl. 13.30-16.
Bólstaðarhlíð 43 Myndlist með Margréti Z. kl. 9.30. Morgunkaffi í
kaffihorninu kl. 10. Gönguferð um hverfið kl. 10.40. Opið kaffihús kl.
14.30.
Bústaðakirkja Karlakaffi er í dag föstudag frá kl. 10-11.30, góð
morgunstund yfir kaffibolla og kruðeríi. Samvera fyrir heldri karla.
Stundin er í umsjá Hólmfríðar djákna.
Félagsmiðstöðin Hæðargarði 31 Kaffisopi og spjall kl. 8.10-11.
Opin Listasmiðja kl. 9-12. Botsía kl. 10.15-11.20. Hádegismatur kl.
11.30-12.30. Haustkynning á félagsstarfinu kl. 13.30. Sparikaffi kl.
14.30-15.30.
Garðabær Hægt er að panta hádegismat með dags fyrirvara.
Meðlæti með síðdegiskaffinu er selt frá kl. 13.45-15.15. Pool-hópur í
Jónshúsi kl. 9. Gönguhópur frá Jónshúsi kl. 10. Dansleikfimi í Sjálandi
kl. 9.30. Félagsvist kl. 13 í Jónshúsi fellur niður. Smiðja í Kirkjuhvoli
opin kl. 13–16, allir velkomnir.
Gullsmári Handavinna kl. 9.
Hraunbær 105 Kaffiklúbbur og spjall, allir velkomnir í frítt kaffi milli
kl. 9-11. Handavinna með leiðbeinanda kl. 9-12. Útskurður kl. 9-12.
Hraunsel Línudans kl. 10. Brids kl. 13.
Hvassaleiti 56-58 Morgunkaffi og spjall frá kl. 8.30-10.30. Útvarps-
leikfimi kl. 9.45. Handavinna, opin vinnustofa frá kl. 10.30. Brids í
handavinnustofu kl. 13. Hádegismatur kl. 11.30–12.30, panta þarf fyrir
hádegi deginum áður.
Samfélagshúsið Vitatorgi Í dag er botsía í setustofu 2. hæðar milli
kl. 10.30-11.15. Föstudagshópur hittist að venju í handverksstofu 2.
hæðar milli kl. 10.30-11.30. Eftir hádegi, kl. 13.30-14.30, verður bingó í
matsal 2. hæðar. Þá verður vöfflukaffi milli kl. 14.30-15.30. Verið öll
velkomin til okkar á Lindargötu 59, við hlökkum til að sjá ykkur!
Seltjarnarnes Kaffikrókurinn opinn frá kl. 9. Syngjum saman í
saln-um á Skólabraut kl. 13. Minnum á skráningu á öll námskeið,
leikhús-ferð og óvissuferð, skráningarblöð liggja frammi á
Skólabraut. Einnig má skrá sig á kristin.hannesdottir@seltjarnar-
nes.is. Þátttaka er öllum opin.
Smá- og raðauglýsingar
✝
Steinar Hólm
Geirdal Þórð-
arson fæddist í
Reykjavík 4. janúar
1938. Hann lést í
Skógarbæ 2. sept-
ember 2021.
Foreldrar Stein-
ars voru Iðunn Ey-
fríður Steinólfs-
dóttir Geirdal, f.
18. desember 1916,
d. 3. mars 2000 og
Þórður Sveinbjörnsson Ásgeirs-
son, f. 2. október 1912, d. 25.
apríl 1963. Þau skildu, uppeld-
isfaðir Steinars var Sverrir Elí-
asson, f. 14. september 1923, d.
31. janúar 1971.
Albróðir: Elvar Geirdal Þórð-
arson, f. 25. desember 1939, d. 5.
júlí 2000, hálfsystur: Marella
Geirdal Sverrisdóttir, f. 21. júní
1946, d. 4. desember 2004 og
Margrét Geirdal Sverrisdóttir,
f. 30. júlí 1959, d. 8. ágúst 2008.
Steinar giftist 26. júlí 1963
Vigdísi Erlingsdóttur, f. 29. júlí
1943, foreldrar hennar voru
Ragnheiður Jónsdóttir, f. 4. apr-
íl 1919, d. 28. júní 2006 og Er-
lingur Dagsson, f. 7. nóvember
Haukdal Jónassyni, f. 17. júní
1979 og eiga þau Inga Rúnar, f.
9. febrúar 2012, og Jóhönnu
Vigdísi, f. 4. desember 2013.
Steinar lauk hefðbundnu
grunnskólanámi, fór síðan í Iðn-
skólann í Reykjavík og lauk það-
an prófi í trésmíði árið 1961.
Þaðan lá leið hans til Kaup-
mannahafnar þar sem hann hóf
nám við Københavns tekniske
skole og lauk þaðan námi sem
byggingarfræðingur 1966.
Eftir heimkomu starfaði hann
hjá framkvæmdanefnd bygging-
aráætlunar Reykjavíkur og
Fasteignamati ríkisins. 1973
flytur fjölskyldan til Keflavíkur
og tekur hann þar við starfi
byggingarfulltrúa, sem hann
gegndi fram til ársins 1985, en
þá stofnar hann eigin teikni-
stofu, ARTIK, sem hann rak
meðan heilsan leyfði.
Steinar stundaði myndlist
meðfram vinnu og hélt ófáar
myndlistarsýningar bæði hér-
lendis og í Danmörku. Hann tók
einnig þátt í uppsetningum hjá
Leikfélagi Keflavíkur. Hann var
stofnfélagi i frímúrarastúkunni
Sindra í Keflavík.
Útförin fer fram frá Vídalíns-
kirkju í Garðabæ í dag, 10. sept-
ember 2021, og hefst athöfnin
kl. 13.
1914, d. 26. október
2012.
Börn: Sverrir
Geirdal, f. 19. ágúst
1965, kvæntur
Láru Jóhann-
esdóttur, f. 11.
mars 1968, börn
þeirra: Hanna
María, f. 21 febrúar
1995, Guðfinnur, f.
1. október 1996, Jó-
hannes Dagur, f. 8.
júní 2004. Fyrir átti Sverrir Al-
dísi, f. 7. október 1987. Hún er
gift Gunnari Ágústssyni, f. 15.
nóvember 1987 og eiga þau Þór-
unni og Ágúst Högna.
Snorri Geirdal, f. 10. desem-
ber 1967, sambýliskona
Christina Byø, f. 24. október
1974. Börn Snorra frá fyrri
hjónaböndum:
Steinar, f. 7. janúar 1989,
sambýliskona Katrín Þuríður, f.
10. september 1989, saman eiga
þau Söru Björk. Ellen, f. 19.
september 1991, Vigdís, f. 19.
mars 1996 og Elías, f. 31. maí
1997.
Dagný Geirdal, f. 7. nóv-
ember 1977, gift Bergþóri
Pabbi er fallinn frá 83 ára gam-
all eftir áratugalanga barráttu við
heilaæxli. Fjórum sinnum reyndu
færustu læknar landsins að kom-
ast fyrir óheftan vöxtinn. Í hvert
sinn breyttist pabbi, stundum
varð hann skárri og stundum
verri.
Síðast var gerð atlaga að mein-
varpinu árið 2017. Pabbi skánaði
lítið en fann þó meiri frið í sálinni,
varð jákvæður og brosmildur,
þægilegur jafnvel.
Sennilega hefur sívaxandi æxl-
ið byrjað að hafa áhrif á pabba
strax upp úr 1970 og allar götur
síðan. Það hlýtur að hafa verið erf-
itt fyrir ungan mann að vera með
vaxandi æxli í höfðinu og þurfa
reglulega að leggjast undir hníf-
inn. Á sama tíma var hann að
koma undir sig fótunum, koma
börnum á legg, byggja hús og
sinna ákaflega krefjandi starfi
sem byggingarfulltrúi í blómstr-
andi Keflavíkinni.
Pabbi var mín fyrirmynd. Hann
kenndi mér að smíða, að vinna
með höndunum. Hann tók mig
með sér í Baðstofuna þar sem við
lærðum að teikna og hann að mála
af sjálfum Smitharanum. Hann
var mér líka fyrirmynd í því sem
ég vildi gera öðruvísi en hann. Ég
reyndi að temja mér þolinmæði,
víðsýni og umburðarlyndi. Eigin-
leika sem hann sýndi mér fram á
að væru eftirsóknarverðir.
Af honum lærði ég að takast á,
rökræða og leita lausna sem lifa
augnablikið og gagnast kannski
fleirum, að sjá fleiri en eina hlið á
málum. Sumt lærði ég með því að
sjá hvað virkaði ekki hjá pabba.
Pabbi kenndi mér að vera ég
sjálfur.
Horfandi í spegil fortíðar finnst
manni eins og pabbi hafi getað
gert allt sem hann vildi. Hann var
hugmyndaríkur, skapandi, dug-
legur, handlaginn og sjarmerandi.
Samt var eins og eitthvað héldi
aftur af honum. Þegar til átti að
taka skorti hann festu, úthald eða
áræði.
Kannski hafði æxlið þar úrslita-
áhrif? Ekki get ég ímyndað mér
hvernig það er að lifa í nánu sam-
býli með óboðnum gesti í höfðinu
sem vill manni illt, sem leggur til
manns um leið og tækifæri gefst
og skilur mann óvígan eftir aftur
og aftur.
Takk pabbi fyrir mig, þú gerðir
mig að mér á þinn einstaka hátt.
Sverrir Geirdal.
Elsku hjartans afi minn.
Mikið er sárt að þurfa að skrifa
þér þessa kveðju. Það er alveg
sama þótt það hafi verið yfirvof-
andi, að einn daginn hafi orðið
ljóst að það styttist í annan end-
ann á ferðalagi þínu í gegnum lífið.
Það varð samt ekkert auðveldara.
Það er tómleiki sem fylgir því að
vita að við fáum ekki að sjá þig aft-
ur.
Þú varst svo litríkur og fallegur
maður, afi. Allir vinir mínir sem
hafa fengið að hitta þig í gegnum
tíðina – jafnvel þótt þau hafi bara
séð þér bregða fyrir örskamma
stund - þau muna öll svo skýrt eft-
ir þér, enda var enginn eins og þú.
Ég hef svo oft sagt frá þér, sagt af
þér sögur, lýst fasi þínu og þínum
fjölmörgu einkennandi frösum, að
fólki finnst það þekkja þig. Hljóðin
sem þú gafst frá þér, jiminn! Það
var svo fyndið í hvert skipti þegar
við komum í heimsókn til ykkar
eða þið til okkar þegar þú gafst frá
þér gúlúgú-gaulið (sem engin leið
er að hljóðrita, en allir sem þekkja
til vita nákvæmlega hvað ég er að
tala um), og alltaf þegar einhver
minntist á Danmörku fékk maður
að heyra „jaaa danskereeeeen!
Vanløøøøøøse!“ – reyndar líka
þegar enginn var að tala um Dan-
mörku.
Ætli það sé ekki bölvun þess að
vera ungur að fatta ekki að spyrja
fullorðna fólkið í kringum sig
ákveðinna spurninga fyrr en það
er orðið of seint. Maður er ein-
hvern veginn svo upptekinn af því
hvað maður er sjálfur að gera.
Mér finnst það hafa verið dálítið
þannig hjá okkur, afi. Mér finnst
eins og ég hafi ekki áttað mig á því
að gamla fólkið manns komi ein-
hvers staðar frá, eigi sér einhverja
sögu, hafi upplifað allskonar - ekki
fyrr en nokkurn veginn á sama
tíma og það fór að vera þér erfitt
að muna eftir þeim. Ég veit að ég
mun halda áfram að kynnast þér,
afi minn, í gegnum alla þá sem
fengu að vera samferða þér lengur
en ég.
Ég mun sakna þín svo, afi.
Sakna þess að troða mér í sætið
við hliðina á þér í matarboðum hjá
ykkur ömmu, sakna þess að sækja
fyrir þig skeið og að fylla á kaffi-
bollann. Ég er þakklát fyrir dag-
inn sem við áttum saman í vetur,
þakklát fyrir listina þína, þakklát
fyrir þig. Síðast þegar við hittumst
þá kvöddumst við með fingurkossi
og ég sendi þér nú fingurkossa yf-
ir í þetta sem við vitum ekki hvað
er. Sjáumst þar. Þín
Hanna María.
Ferð til ömmu og afa í Keflavík
var alltaf mikið ævintýri. Við
Steinar frændi hittumst á BSÍ,
með bakpoka á bakinu og fiðrildi í
maganum fyrir komandi helgi hjá
ömmu Dísu og afa Steinari. Tvö í
rútunni til Keflavíkur var stórt
ævintýri fyrir okkur, engir for-
eldrar, símar eða fylgd. Bara við,
vasadiskóið og bland í poka. Eins
gott að muna hvar við áttum að
fara út (það gekk ekki alltaf eftir,
spenningurinn var stundum of
mikill). Á Drangavöllum tókuð þið
amma alltaf svo vel á móti okkur.
Pönnukökuilmurinn fyllti vitin og
knúsið þitt elsku afi var alltaf svo
eftirminnilegt – skeggið kitlaði
vangann og þú hafðir svo innilega
gaman af því hvað okkur kitlaði
mikið – gúllígúllígúú heyrðist í afa.
Morgunmaturinn ristað brauð
með smjöri – sem skorið var með
ostaskera. Bílaleikir upp og niður
stigapallana, stolist í að hoppa í
vatnsrúminu og aðeins að stríða
Dagnýju. Lambalæri í kvöldmat-
inn og pönnukökur í eftirmat.
Á Norðurbrú var pönnuköku-
ilmurinn á sínum stað, kitlandi
skeggið hans afa og málverkin þín
dásamlegu á veggjunum.
Elsku afi, málverkin þín verma
nú heimilin okkar og hjörtu þegar
þú hefur kvatt okkur.
Ég elska þig afi.
Aldís Geirdal Sverrisdóttir.
Þá er runnin upp kveðjustund
við Steinar vin minn Geirdal.
Við kynnstumst vorið 1955, þá
stráklingar í sumarvinnu hjá Olíu-
félaginu Esso á Reykjavíkurflug-
velli. Kunningsskapurinn breyttist
fljótt í vináttu tveggja sérlundaðra
sjálfstæðra stráka sem höfðu
vegna þó ólíkra ástæðna þurft að
bjarga sér sjálfir, kannski meira
en gott þykir. Foreldrar Steinars
höfðu skilið þegar hann var aðeins
fjögurra ára gamall. Vegna að-
stæðna var honum komið fyrir hjá
föðurömmu sinni en síðan móður-
bróður.
Móðir hans tók hann svo til sín
þegar hann var níu ára, þá aftur
komin í sambúð en þrengslin voru
slík að Steinar þurfti að ganga
góðan kílómetra á hverju kveldi til
gistingar hjá foreldrum hins nýja
fóstra, þegar hann var þá ekki hjá
afa sínum í Grímsey. „Kjörin settu
á manninn mark.“ Steinar var ekki
allra en var almennt hress og kát-
ur. Gæfa Steinars var sú að kvæn-
ast Vigdísi Erlingsdóttur sem
hafði allt það til að bera sem Stein-
ar þarfnaðist. Bæði höfðu þau
ástríðu fyrir dansi sem þau stund-
uðu stíft og áhuga á menningar-
atburðum hvers konar.
Steinar var fagurkeri. Hann
lærði húsasmíði og fékk að nýta
verkstæðið á kvöldin til þess að
smíða ýmsa fagra gripi, hann lærði
byggingarfræði og vann sem slík-
ur hjá ýmsum stofnunum í
Reykjavík en varð síðar bygging-
arfulltrúi Keflavíkurkaupstaðar
en rak lengst af teiknistofuna Ar-
tik í Keflavík. Að auki var hann frí-
stundamálari og tók þátt í fjölda
samsýninga.
Steinar fékk æxli í heila aðeins
þrjátíu og fimm ára gamall. Þetta
háði honum mjög. Endurteknar
aðgerðir reyndust árangurslausar
og að lokum varð það hans skapa-
dægur.
Steinar og Vigdís eignuðust
þrjú börn, Sverri, Snorra og Dag-
nýju, og vottum við, ég og kona
mín, henni og börnunum innilega
samúð.
Tómas Waage.
Og hverfur allt sem eitt sinn var
og enginn veit hvað nú er þar
ég hef grátið gæfu mína þangað.
Því horfinn er ég heim til mín
og hugsa gjarnan vel til þín
eitt sinn hefur troðinn gróður angað.
Í leit að því sem liðið er
þá lifnar dauðinn fyrir mér
í dögun þá er dagur minn að falla.
En ó hve mig langar að líkjast því
sem lifir og deyr - en vaknar á ný
í eyðimörk lífsins er angandi blómstur
að kalla.
(Vilmundur Gylfason)
Mig langar með örfáum örðum
að minnast vinar míns, Steinars
Geirdal, og þakka fyrir staðfasta
og trúa vináttu.
Ég kynntist Steinari og Dísu
árið 1991, og bjó á neðri hæðinni
hjá þeim í nokkur ár, - þar kvikn-
aði vinátta sem aldrei hefur slegið
skugga á.
Steinar upplifði ég sem
tilfinningaríkan og glaðlyndan
mann, ótrúlega skapandi og fjöl-
hæfan, - frábæran málara með
lund sanns listamanns, samt um-
hyggjusamur fjölskyldumaður.
Steinar auðsýndi mér og mínum
alltaf virðingu, jákvæðni og ekki
minnst væntumþykju. Þau hjónin
bæði voru okkur sem fjölskylda,
eftir sambýlið á Drangavöllunum.
Ég sakna þess að hafa látið
verða af því að kaupa mynd af vini
mínum, ég gekk oft um á Dranga-
völlunum, virti fyrir mér og tók inn
málverkin hans, það gaf mér mik-
ið. Steinar var tryggur vinur og
gull af manni, það fékk ég að reyna
oftar en einu sinni.
Ég er þakklát og glöð að hafa
hitt Steinar í minni síðustu heim-
sókn á Íslandi, og minningarnar
munu lifa lengi. Elsku Dísa,
Dagný og aðrir fjölskyldumeðlim-
ir, mínar hugheilar samúðarkveðj-
ur til ykkar allra.
Steinar, takk fyrir mig og mína
- góða ferð í sumarlandið, þú munt
sennilega lita það í nýjum litum.
Steinunn H.
Snæland-Bergendal.
Steinar Geirdal
Ástkær eiginmaður minn, faðir okkar,
tengdafaðir, afi og langafi,
JAKOB ÓSKAR JÓNSSON
hljómlistarmaður og fv. deildarstjóri
aflatryggingasjóðs.
lést á Landspítala, Fossvogi, föstudaginn
3. september. Útförin fer fram frá Árbæjarkirkju fimmtudaginn
16. september klukkan 13. Útförinni verður streymt frá
https://youtu.be/H-g1xf24iWg
Jónína Karlsdóttir
Eva Sævarsdóttir
Guðrún Ósk Jakobsdóttir Heiðar Bjarnason
Guðbjörg H. Jakobsdóttir Ragnar Kr. Gunnarsson
Guðný Erla Jakobsdóttir Ali Mobli
barnabörn og barnabarnabörn