Morgunblaðið - 13.09.2021, Síða 10

10
MORGUNBLAÐIÐ MÁNUDAGUR 13. SEPTEMBER 2021
2021 ALÞINGISKOSNINGAR
„Samgöngur eru mikið ræddar fyrir kosningar,“ segir Sigur-
jón Bjarnason, bókari á Egilsstöðum. „Hér þarf tengingar við
Seyðisfjörð og Fjarðabyggð með göngum. Betri vegir milli
Héraðs og Borgarfjarðar eystri og á Öxi eru einnig aðkall-
andi, svo Múlaþing verði sameinað sveitarfélag í raun. Þetta
tel ég almenna skoðun á Austurlandi, þar sem mörgum finnst
lítið sameiginlegt með Norðurlandi í einu kjördæmi.“
Samgöngumálin mikið rædd
„Við þurfum að hugsa betur um jörðina,“ segir Hjördís Ósk-
arsdóttir, nemi við Framhaldsskólann á Húsavík. „Umhverf-
ismál brenna á ungu fólki sem vill raunhæfar lausnir til að
sporna við hlýnun andrúmsloftsins. Þar þurfa stjórnmála-
menn að koma með raunhæf svör. Ísland á líka, eins og við
höfum burði til, að taka á móti fleiri flóttamönnum. Þurfum
einfaldlega að hugsa stórt og hafa heiminn allan í huga.“
Hafa heiminn allan í huga
„Stærri flugstöð á Akureyri og skilyrði fyrir reglulegt milli-
landaflug hafa lengi verið baráttumál í pólitík hér nyrðra.
Smám saman potast þetta, en meira þarf til,“ segir Sævar
Helgason, framkvæmdastjóri á Akureyri. „Svo þarf frekari
uppbyggingu í ferðaþjónustu, til dæmis á hálendinu.
Framþróun í samfélaginu almennt verður þó best tryggð
með stöðugleika. Vöxtur eða óvissa; þar liggur efinn.“
Stöðugleiki tryggi framþróun
„Landbúnaðinn þarf að verja,“ segir Gunnhildur Gylfadóttir á
Steindyrum í Svarfaðardal. „Stöðuna má t.d. tryggja með
innflutningstollum, sem skapað geta jafnvægi í samkeppni
Íslendinga við markaði þar sem aðstæður eru allt aðrar og
launakostnaður mun lægri. Í stjórnmálum þarf líka að taka
umræðu um þá stefnu að afgreiðslum eða starfsemi æ fleiri
stofnana úti á landi er lokað. Slíkt veikir innviði samfélaga.“
Tryggja þarf stöðu landbúnaðar
Hvað brennur á íbúum?
Sigurður Bogi Sævarsson
sbs@mbl.is
Alls 11,46% þeirra landmanna sem
hafa atkvæðisrétt í þingkosning-
unum um aðra helgi búa í Norðaust-
urdæmi, eða 29.887. Segja má að í
kjördæminu sé Akureyri í aðal-
hlutverki, þar eru kjósendurnir
14.386 eða 48,1% af kjördæminu.
Margir af oddvitum framboða í
kjördæminu eru frá Akureyri, sem
ef til vill öðlast meira samfélagslegt
vægi á næstu árum. Þar er vísað í til-
lögur nefndar á vegum samgöngu-
ráðherra sem kynntar voru í sl. viku
sem eru að Akureyri verði skil-
greind sem svæðisborg. Fái stærra
hlutverk en áður á sviði heilbrigðis-
mála, menningar, mennta, norður-
slóðamála, stjórnsýslu og annars
slíks. Þarna er gjarnan um að ræða
verkefni sem krefjast rannsókna,
þekkingar og annars slíks.
Á Akureyri er vísir að borgarsam-
félagi – jafnframt því sem sjávar-
útvegur er mikilvæg stoð í atvinnu-
lífinu þar. Að hinu leytinu er þetta
bær þjónustu fyrir nærliggjandi
svæði og í raun kjördæmið allt. Mið-
lægur staður og sína sögu segir að
þegar kjörstöðum hefur verið lokað
að kvöldi 25. september verða at-
kvæðakassar fluttir úr Svarfaðardal,
Grímsey, Mjóafirði og frá Djúpavogi
og öllum kjörstöðum þar á milli til
Akureyrar á talningarstað þar.
Samgöngur og heilbrigðismál
Viðmælendur Morgunblaðsins
segja kosningamálin í Norðaustur-
kjördæmi í stórum dráttum vera
óskir um frekari uppbyggingu í sam-
göngum og eflingu heilbrigðis-
þjónustu og skólastarfs. Bæði á
Eyjafjarðarsvæðinu og á Austur-
landi er svo þrýst á um uppbyggingu
og markaðssetningu flugvalla, svo
millilandaflug að staðaldri verði að
veruleika. Að hinu leytinu er mikið
rætt um atvinnumál – og í því sam-
bandi vakin athygli á orkumálum.
Takmörkuð flutningsgeta á raf-
magni inn á Eyjafjarðarsvæðið
stendur mörgu þar fyrir þrifum og
frambjóðendur eru hvattir til að
höggva á þá hnúta sem þar eru fyrir-
stöður.
„Hugmyndin um Akureyri sem
svæðisborg slær nýjan tón. Margt
hér á Norðurlandi gæti eflst verði
þessi tillaga að veruleika,“ segir Ey-
þór Björnsson, framkvæmdastjóri
Samtaka sveitarfélaga á Norður-
landi eystra. „Í samtölum við stjórn-
málamenn höfum við einnig reifað
samgöngur og raforkumál. Þriggja
fasa rafmagn er nauðsynlegt og
komið mjög víða, svo sem í sveit-
unum þar sem brýn þörf er á slíku í
tæknivæddum búskap.“
Fiskeldi og hálendisþjóðgarður
„Hér fyrir austan verður umræða
alltaf mest um þau mál sem standa
næst íbúunum. Í því efni er atvinna
undirstaða alls,“ segir Gunnar
Gunnarsson, ritstjóri Austurfréttar/
Austurgluggans. „Samgöngumálin
ber líka oft á góma, núna er vaxandi
þungi í umræðu um millilandaflug
um Egilsstaðaflugvöll og uppbygg-
ingu ýmissa vega. Þá er sennilegt að
í umræðu á næstunni komi fiskeldi,
hálendisþjóðgarður og landbúnaðar-
mál sterk inn.“
Úrslit kosninga í okt. 2017 Þingmenn og fylgi nú skv. könnunum MMR
3.386 atkv. 14,3% 2 þingm. B – Framsókn 25,6% 3 þingm.
495 atkv. 2,1% C – Viðreisn 2,5%
4.787 atkv. 20,3% 2 þingm. D – Sjálfstæðisflokkur 14,2% 1 þingm.
1.005 atkv. 4,3% F – Flokkur fólksins 4,7%
J – Sósíalistaflokkur 9,5% 1 þingm.
4.388 atkv. 18,6% 2 þingm. M – Miðflokkur 7,5% 1 þingm.
1.295 atkv. 5,5% P – Píratar 7,8% 1 þingm.
3.275 atkv. 13,9% 2 þingm. S – Samfylking 16,6% 2 þingm.
4.699 atkv. 19,9% 2 þingm. V – Vinstri græn 11,0% 1 þingm.
Sveitarfélag Fjöldi á kjörskrá
Akureyri 14.386
Dalvíkurbyggð 1.323
Eyjafjarðarsveit 807
Fjallabyggð 1.530
Fjarðabyggð 3.294
Fljótsdalshreppur 77
Grýtubakkahreppur 256
Hörgársveit 538
Langanesbyggð 310
Sveitarfélag Fjöldi á kjörskrá
Múlaþing 3.468
Norðurþing 2.020
Skútustaðahreppur 301
Svalbarðshreppur 69
Svalbarðsstrandarhr. 301
Tjörneshreppur 51
Vopnafjarðarhreppur 487
Þingeyjarsveit 669
Samtals 29.887
Norðausturkjördæmi
Íbúafjöldi:
41.463
Fjöldi á kjörskrá:
29.887
sem er fjölgun um 269
frá kosningunum í okt. 2017
Fjöldi þingsæta: 10
(þar af eitt jöfnunarþingsæti)
Fjöldi sveitarfélaga: 17
Kjörsókn í okt. 2017: 82,4%
Líneik Anna
Sævarsdóttir
B
Ingibjörg Ólöf
Isaksen
B
Þórarinn Ingi
Pétursson
B
Njáll Trausti
Friðbertsson
D
Logi Einarsson
S
Bjarkey Olsen
Gunnarsdóttir
V
Sigmundur Davíð
Gunnlaugsson
M
Hilda Jana
Gísladóttir
S
Einar A.
Brynjólfsson
P
Haraldur Ingi
Haraldsson
J
Talning atkvæða
verður á Akureyri
Eyjafjörður
Þingeyjarsýslur
Austurland
RaufarhöfnKópasker
Siglufjörður
Ólafsfjörður
Akureyri
Húsavík
Grenivík Vopnafjörður
Reykjahlíð
Seyðisfjörður
Egilsstaðir
Neskaupstaður
Reyðarfjörður
Fáskrúðsfjörður
Djúpivogur
Dalvík
Svæðisborg slær nýjan tón í umræðu
Frá Tröllaskaga og austur á
land. Akureyri í aðal-
hlutverki. Efling flug-
samgangna, fiskeldi og
þjóðgarðsmál í umræðu.
Höggvið verði á hnúta.
Morgunblaðið/Sigurður Bogi
Byggð Margir byggðakjarnar af einskonar millistærð eru áberandi í Norð-
austurkjördæmi. Einn þeirra staða er Ólafsfjörður, nú hluti Fjallabyggðar.