Morgunblaðið - 20.09.2021, Síða 4

9
15
7 33
8
7
6
5
Mögulegar ríkisstjórnir miðað við niðurstöður þriggja síðustu kannana MMR
31. ágúst til 3. september, 8. til 10. september og 15. til 17. september
Þróun frá kosningum 2017 í könnunum MMR
BCDV
38 þingmenn
BCDF
34 þingmenn
BCDM
34 þingmenn
BDFV
34 þingmenn
BDMV
34 þingmenn
CDFV
32 þingmenn
CDMV
32 þingmenn
BCPSV
37 þingmenn
BJPSV
35 þingmenn
BCFSV
34 þingmenn
BCMSV
34 þingmenn
BFPSV
33 þingmenn
BCFPS
33 þingmenn
BCFPV
32 þingmenn
BFJSV
32 þingmenn
0%
5%
10%
15%
20%
25%
30%
’21’20’19’18K
Sósíalistar
Miðflokkur
Flokkur
fólksins
Viðreisn
Píratar
Vinstri-græn
Samfylking
Sjálfstæðis-
flokkur
Framsókn
Andrés Magnússon
andres@mbl.is
Engin þriggja flokka ríkisstjórn er í
boði að loknum kosningum, fari þær
líkt og þingsætaspá Morgunblaðsins
segir fyrir um, en hún er gerð á
grundvelli þriggja síðustu kannana
MMR í samræmi við reiknireglur
landskjörstjórnar. Þar kemur Fram-
sóknarflokkur við sögu í 13 stjórnum
af 15, Vinstri-græn hafa 12 kosti,
Viðreisn 10, en Sjálfstæðisflokkur
sjö líkt og Samfylkingin.
Hins vegar eru sjö 4-flokka ríkis-
stjórnir mögulegar og átta 5-flokka
stjórnir. Þar fyrir utan eru vitaskuld
fleiri ríkisstjórnarmynstur fleiri
flokka möguleg, en almennt verður
að telja líklegt að ekki verði mynduð
stjórn fleiri flokka en þarf til að
halda meirihluta á þingi.
Eins og sjá má að ofan eru það
margbreytilegar ríkisstjórnir, en
mjög mislíklegar. Þar kann málefna-
staða og persónuleg afstaða forystu-
manna að skipta máli, en svo þarf
einnig að líta til þess hvers menn
treysta sér til. Í fjögurra flokka rík-
isstjórn eru núningsfletirnir fleiri en
í þriggja flokka stjórn og því ráðlegt
að vera með rúman meirihluta. Eins
mun þurfa mikið traust á milli flokka
til þess að mynda stjórn með 32
manna meirihluta, því slík stjórn
gæti lent í gíslingu hvaða stjórnar-
þingmanns sem væri. Líklegt má því
telja að menn reyni að mynda ríkis-
stjórn með ekki færri en 33 manna
meirihluta og helst ögn traustari.
Tveir burðarflokkar
Því er ekki ólíklegt að fyrst verði
horft til stjórna eins og þeirra, sem
eru í efstu röð hér að ofan, en þær
eru allar 4-flokka og með rúman
meirihluta. Þær eiga það einnig allar
sameiginlegt að hafa Sjálfstæðis-
flokk og Framsókn innanborðs, en
segja má að þeir séu burðarflokkar
mögulegs ríkisstjórnarsamstarfs,
hvað sem annars úr verður.
Hins vegar má vel vera að meiri
áhugi reynist á vinstristjórn þó að
hún þurfi að vera fimm flokka og
mögulega brothættari fyrir vikið.
Þær eiga það allar sameiginlegt að
þurfa að reiða sig á Framsókn, en
tveir framsóknarráðherrar hafa
raunar gefið til kynna að þeim sé
vinstrasamstarf ekki á móti skapi.
Margar innihalda einnig Viðreisn, en
sagt er að framsóknarmönnum
myndi líða betur í vinstristjórn með
annan miðjuflokk með sér. Sömu-
leiðis segja þeir sumir að Píratar eða
Sósíalistar séu ekki fyrsta val þeirra
um samstarfsflokka, en það viðhorf
má raunar heyra víðar, meðal annars
hjá Vinstri-grænum.
Hins vegar er rétt að hafa í huga
að þingsætaspáin að ofan er ekki
meitluð í stein. Smávægilegar fylgis-
breytingar geta haft mikil áhrif.
Þannig þurfa stjórnarflokkarnir
ekki mikið að bæta við sig til þess að
halda velli, en eins þarf ekki mikið að
breytast til þess að Framsókn, Við-
reisn og Sjálfstæðisflokkur geti
myndað stjórn.
Framsóknarflokkur í lykilstöðu
- Fimmtán stjórnarmynstur í myndinni miðað við þingsætaspá - Engin þriggja flokka stjórn möguleg
4 FRÉTTIR
Innlent
MORGUNBLAÐIÐ MÁNUDAGUR 20. SEPTEMBER 2021
Sigurður Bogi Sævarsson
sbs@mbl.is
Haldi eldgosið við Fagradalsfjall
áfram með lotuvirkni mun hraunið
sem frá gígnum streymir ekki breiða
úr sér yfir ýkja víðfeðmt svæði.
Verði gosið hins vegar stöðugt í
langan tíma aukast líkurnar á að
hraunið nái lengra. Þetta segir
Magnús Tumi Guðmundsson, jarð-
eðlisfræðingur við HÍ, í samtali við
Morgunblaðið.
Lítil virkni var í eldgosinu í gær,
eftir að kraumað hafði hressilega í
kötlum í síðustu viku og fram á
helgina. Áður hafði gosið legið niðri í
níu daga. Vísindamenn telja sumir
að gosið geti í nokkur ár.
Nú safnast upp hraun vestan við
eldgíginn í Geldingadölum og verður
æ þykkara. Þar nær glóandi hraun
að safnast fyrir undir storknu yfir-
borði, en leitar síðan framrásar í
eins konar hlaupum. Slíkt gerðist
einmitt sl. miðvikudag þegar mikið
flæði kom í stuttan tíma svo hraun
náði niður í Nátthaga. Slík hlaup
leita í dali og hvilftir; svo sem niður í
Geldingadali og gætu farið niður
Nátthagakrika. „Þar hefur apal-
hraun streymt fram síðustu daga og
lagst ofan á helluhraunið sem er fyr-
ir. Ef rennsli verður stöðugt gæti
farið að renna þar helluhraun og
standi það í langan tíma fer það á
varnargarðinn í mynni dalsins,“ seg-
ir Magnús Tumi.
Garðurinn telur hann að muni
tefja framrás hrauns en ekki stöðva.
Um 1-2 km eru frá hraunjaðrinum á
núverandi stað að Suðurstrandar-
vegi.
„Með lotuvirkni er gosið ekki að
brjóta ný lönd svo heitið geti. Í
stórum dráttum er gosvirknin svip-
uð. Gosið virðist ætla að halda áfram
með lotuvirkni þar sem órói og
hraunrennsli koma og fara. Enn
sjást engin merki um stórar breyt-
ingar,“ segir Magnús Tumi.
Áframhald goss í lotuvirkni
- Lítil virkni í gærdag - Órói og hraunrennsli koma og
fara - Enn engin merki um breytingar í Geldingadölum
Morgunblaðið/Sigurður Bogi
Hraun Horft yfir Nátthagadal í gærmorgun. Fremst sést varnargarðurinn,
sem ætlað er að hægja á hraunrennsli að Suðurstrandarvegi, ef til kemur.
Landsréttur staðfesti á fimmtudag
úrskurð héraðsdóms Reykjaness í
svonefndu Vatnsendamáli. Hinn
staðfesti dómur viðurkenndi í maí
síðastliðnum að skiptastjóri þrota-
bús Þorsteins Hjaltested skyldi af-
henda sóknaraðila, Magnúsi Pétri
Hjaltested, jörðina Vatnsenda í
Kópavogi með öllu því sem henni
fylgir og fylgja ber til ábúðar, hag-
nýtingar, umráða og afnota sam-
kvæmt fyrirmælum erfðaskrár
Magnúsar Einarssonar Hjaltested
frá 4. janúar 1938 og 29. október
1940. Hópur ættingja Magnúsar var
til varnar í málinu og kröfðust þeir
þess að kröfu Magnúsar Péturs
Hjaltested yrði hafnað.
Magnús gerði þá kröfu í maí að
þetta yrði viðurkennt en varnar-
aðilar byggðu á því að vandséð væri
að skiptastjóri í þrotabúi Þorsteins
væri til þess bær að afhenda sókn-
araðila jörðina Vatnsenda, enda væri
jörðin ekki eign þrotabúsins og yrði
því ekki afhent úr búinu.
Komst héraðsdómur að því af
gögnum málsins, sem fylgdu beiðni
skiptastjóra til dómsins, að skipta-
stjóri myndi tilgreina það sem af-
hent yrði með nánari hætti í skipta-
yfirlýsingu að því gefnu að afstaða
hans til kröfu sóknaraðila væri end-
anleg við skiptin. Afstaða hans hefði
ekki verið endanleg og skiptastjóri
ekki tekið formlega ákvörðun svo
vitað væri um að afhenda sóknar-
aðila umræddar lóðir samkvæmt fyr-
irmælum erfðaskrár Magnúsar Ein-
arssonar Hjaltested, þótt varnaraðili
teldi að ákvörðun þess lægi fyrir.
Málið á rætur að rekja til erfða-
skrár sem Magnús Einarsson
Hjaltested gerði hinn 4. janúar 1938
en bróðursonur hans, Sigurður
Kristján Lárusson Hjaltested, tók
þá arf samkvæmt erfðaskránni. Sig-
urður Kristján lést 13. nóvember
1966 og var bú hans tekið til opin-
berra skipta 25. febrúar 1967 en við
þau skipti reis ágreiningur um ráð-
stöfun á jörðinni Vatnsenda sem var-
að hefur áratugum saman.
veronika@mbl.is
Varnarsigur í
Vatnsendamáli
- Magnús Pétur Hjaltested fær jörðina