Morgunblaðið - 20.09.2021, Qupperneq 15

Kraftur Slökkviliðsfólk á höfuðborgarsvæðinu var í áheitasöfnun um helgina. Þau drógu fjórtán dælubíla um 3 km og rennur áheitaféð til Píeta, sem sinna forvörnum gegn sjálfsvígum.
15
MORGUNBLAÐIÐ MÁNUDAGUR 20. SEPTEMBER 2021
Arnþór Birkisson
Sjálfstæðisfólk hefur
í þessum kosningum
lagt áherslu á mikil-
vægi traustra efna-
hagsmála. Fylgt verði
áfram þeirri efnahags-
stefnu sem Sjálfstæð-
isflokkurinn hefur haft
forystu um allt frá
árinu 2013. Hin sterka
staða efnahagslífsins
og skynsamleg stjórn
ríkisfjármála hefur
gert okkur kleift að takast á við
efnahagslegar afleiðingar heimsfar-
aldurs kórónuveirunnar með árang-
ursríkari hætti en flestum öðrum.
Nú þegar erum við á góðum vegi
efnahagslegrar endurreisnar. Efna-
hagslífið sýnir viðnámsþrótt með öfl-
ugri einkaneyslu og vexti í öðrum út-
flutningi en ferðaþjónustu á erfiðum
tímum heimsfaraldurs. Líkur eru á
að hagvöxtur á þessu og komandi ári
verði meiri en reiknað var með. Fólk
og fyrirtæki vilja stöð-
ugleika og vöxt.
Stöðugleiki og
sjálfbærni eru
undirstaðan
Þennan stöðugleika
og sjálfbærni ríkisfjár-
mála þarf að tryggja
um lengri tíma. Sjálf-
stæðisflokkur hefur
sett fram það markmið
að rekstur ríkissjóðs
verði orðinn jákvæður
fyrir lok nýs kjör-
tímabils. Þá fyrst og
fremst með auknum útflutnings-
tekjum og umbótum í opinberum
rekstri. Áhersla verði lögð á for-
gangsröðun og virkjun einka-
framtaks við veitingu opinberrar
þjónustu.
Verkefni til betri lífskjara
Lagður hefur verið grunnur að því
að takast á við næstu áskoranir.
Bjartsýni og uppbyggingarhugur
skal ráða ríkjum. Sækja ákveðið
fram með umbótum á ýmsum svið-
um. Fjölmörg verkefni blasa við sem
ráða miklu um lífskjör landsmanna.
Stuðningur við nýja atvinnuvegi,
ryðja úr vegi óþörfum og skaðlegum
hindrunum í rekstrarumhverfi, við
stofnun fyrirtækja, leyfisveitingar
og erlenda fjárfestingu. Betur má ef
duga skal við að draga úr hömlum
regluverks sem ekki þjónar skýrum
tilgangi. Flækjustig og íþyngjandi
kvaðir draga úr hvata til rekstrar og
fjárfestinga. Regluverkið verður að
einfalda sem og skattkerfið. Metn-
aður skyldi liggja í að tryggja fyr-
irtækjum umhverfi sem stenst al-
þjóðlegan samanburð og samkeppni.
Þannig bætum við enn lífskjör al-
mennings og bætt samkeppnisstaða
landsins ýtir enn frekar undir vöxt
og verðmætasköpun og um leið al-
menna velsæld.
Draga úr þátttöku ríkisins á fjár-
málamarkaði með sölu hlutabréfa í
bönkunum. Fækka ríkisstofnunum
og sameina aðrar með það að mark-
miði að auka getu þeirra til að sinna
leiðbeiningarhlutverki sínu.
Einfaldara Stafrænt Ísland
Halda áfram að gjörbylta sam-
skiptum og viðmóti hins opinbera
gagnvart landsmönnum með Staf-
rænu Íslandi. Nýta nútímatækni til
að einfalda líf og samskipti fólks.
Samskipti við hið opinbera færð í
eina samráðsgátt. Þjónusta gerð að-
gengilegri, hagkvæmari, einfaldari
og fljótvirkari. Þannig nýtist skattfé
almennings betur.
Lægri skattar
Í stjórnmálaályktun fjölmenns
flokksráðsfundar Sjálfstæðisflokks-
ins nú í ágúst 2021 er sterk krafa um
lækkun skatta – í þágu heimila og
fyrirtækja. Þær skattkerfisbreyt-
ingar sem Sjálfstæðisflokkur hefur
haft forystu um allt frá 2013 hafa
miðað að því að létta byrðar launa-
fólks og auka kaupmátt, styrkja af-
komu fyrirtækja og hvetja til fjár-
festinga, nýsköpunar og þróunar. Til
að tryggja aukin lífskjör verður að
halda áfram á þeirri braut og leita
allra leiða til nýtingar fjármuna hins
opinbera svo lækkun skatta sé
möguleg.
Áframhaldandi endurreisn
Meginatriðið er það að efnahags-
leg endurreisn Íslands byggist á og
fylgi þeirri efnahagsstefnu sem
Sjálfstæðisflokkurinn hefur haft for-
ystu um. Einungis þannig getur Ís-
land nýtt hin mörgu sóknarfæri sín
og verið áfram land tækifæra. Sann-
arlega er til mikils að vinna.
Eftir Njál Trausta
Friðbertsson »Einungis undir
forystu Sjálfstæð-
isflokksins getum
við nýtt hin mörgu
sóknarfæri þjóðarinnar
og verið áfram land
tækifæra.
Njáll Trausti
Friðbertsson
Höfundur er þingmaður og oddviti
Sjálfstæðisflokksins í Norðaustur-
kjördæmi.
Ísland verði áfram land tækifæranna
Fjárhagur og fjár-
hagsaðstæður eru stór
áhrifaþáttur á líðan
allra, sama á hvaða
aldursskeiði þeir eru.
Eftir því sem aldurinn
færist yfir með tilheyr-
andi breytingum skipt-
ir fátt eins miklu máli
og fjárhagslegt öryggi.
Líklegt má telja að
flestir eldri borgarar búi við að
minnsta kosti þokkalegt fjárhags-
legt öryggi. Vitað er þó að ákveðinn
hluti eldri borgara hefur ekki næg
fjárráð, býr við ófullnægjandi að-
stæður og líður jafnvel skort.
Áhersluatriði Flokks fólksins er að
enginn eldri borgari búi við skort af
neinu tagi. Við viljum tryggja eldri
borgurum mannsæmandi afkomu
svo þeir geti lifað með reisn og notið
ævikvöldsins.
Nokkuð hefur borið á því í um-
ræðunni að vísað sé til eldri borgara
eins og einsleits hóp. Þannig er því
ekki háttað. Eldri borgarar eiga það
sameiginlegt að hafa náð ákveðnum
lífaldri. Að öðru leyti er þessi hópur
ekkert frábrugðinn öðrum hópum
fólks á einhverju öðru aldursskeiði.
Það sem kemur fyrst upp í hug-
ann þegar talað er um efri árin er
heilsufar. Þótt heilsuleysi geti gert
vart við sig á öllum aldursskeiðum
er hættan á heilsubresti vissulega
mest á efri árum. Að þessu leyti
gætir þó mikils mismunar hjá eldri
borgurum. Hluti þeirra er við góða
heilsu, hluti við þokkalega heilsu og
enn annar við bágborna heilsu. Aðr-
ar aðstæður s.s. fjölskylduaðstæður
eru að sama skapi afar mismunandi.
Kröftug barátta Flokks fólks-
ins fyrir réttindum eldra fólks
Flokkur fólksins hefur barist með
blóði, svita og tárum á Alþingi til að
rétta hlut eldra fólks en sjaldnast
haft erindi sem erfiði í þeirri glímu
við ríkisstjórnina. Vel hefur þó tek-
ist til að skapa umræðu og stórsigur
vannst þegar Flokkur fólksins vann
í júlí 2019 mál fyrir hönd ellilífeyr-
isþega, þar sem Landsréttur komst
að þeirri niðurstöðu að ríkið hefði
brotið gegn eldri borgurum með því
að skerða greiðslur með afturvirkri
og íþyngjandi löggjöf. Niðurstaðan í
því máli varð til þess að ríkið greiddi
29.000 eldri borgurum samtals um
sjö milljarða króna.
Undir lok kjörtímabilsins bar bar-
átta Flokks fólksins loks árangur á
Alþingi þegar samþykkt var að
stofna embætti hagsmunafulltrúa
aldraðra og að blindum og sjón-
skertum stæðu til boða leiðsögu-
hundar sér að kostnaðarlausu.
Burt með skerðingar á
ellilífeyri vegna atvinnutekna
Sú regla hefur gilt í íslensku sam-
félagi að eldri borgarar fara af
vinnumarkaði 70 ára án tillits til
þess hvort þeir sjálfir eða atvinnu-
rekendur hafi óskað eftir því. Þetta
er fólkið sem hefur alla sína starfs-
tíð lagt sitt af mörkum til samfélags-
ins. Það er hreint fráleitt að launa
þessu fólki með því að útiloka það
frá vinnumarkaðnum þótt
ákveðnum aldri hafi verið náð enda
er lífaldur fráleitur mælikvarði á at-
gervi fólks.
Í hópi eldri borgara eru ein-
staklingar sem bæði geta og vilja
vera áfram á vinnumarkaði við ólík
störf. Það er ekki hlutverk ríkisins
að leggja stein í götu eldri borgara
sem vilja vera á vinnumarkaði. Hve-
nær eldri borgari hættir að vinna er
hans val og hans persónulega
ákvörðun. Þess vegna vill Flokkur
fólksins einfaldlega leggja niður
skerðingar á ellilífeyri vegna at-
vinnutekna. Allt annað er ósann-
gjarnt.
Sú kynslóð sem hér um ræðir hef-
ur öðlast reynslu og safnað fjöl-
þættri þekkingu og í mörgum til-
vikum er einmitt gagnlegt að blanda
saman fólki á mismunandi aldurs-
skeiðum á vinnustöðum. Hinn ungi
heili er fljótur að tileinka sér nýja
þekkingu en þarf langan tíma til að
breyta henni í nothæfan skilning.
Hinn fullorðni heili er lengur að
tileinka sér nýja þekkingu en fljótur
að sjá hvernig hægt er að nota hana.
Með því að fjölga eldri borgurum á
vinnumarkaði geta þeir líka miðlað
til annarra þroskuðum viðhorfum,
sögulegum venjum og hefðum og
dýrmætum menningararfi sem skil-
ar sér vel í munnlegum samskiptum
frá einum aðila til annars. Því leng-
ur sem eldri borgarar eru virkir í at-
vinnulífinu og í sem nánustum
tengslum við yngri kynslóðirnar því
meiri ávinningur fyrir samfélagið í
heild.
Gerum efri árin að gæðaárum.
Þau eiga hvorki að vera fátæktar-
gildra né kvíðaefni.
Eftir Kolbrúnu
Baldursdóttur og
Tómas A. Tómasson
» Flokkur fólksins
hefur barist á
Alþingi til að rétta
hlut eldra fólks en
sjaldnast haft erindi
sem erfiði í þeirri glímu
við ríkisstjórnina.
Kolbrún Baldursdóttir
Kolbrún er sálfræðingur og borg-
arfulltrúi og skipar 2. sæti á fram-
boðslista Flokks fólksins í Reykjavík-
urkjördæmi norður. Tómas er
veitingamaður og eldri borgari og er
oddviti Flokks fólksins í Reykjavík-
urkjördæmi norður.
Gerum efri árin að gæðaárum
Tómas A. Tómasson