Morgunblaðið - 27.08.2021, Blaðsíða 26

26 ÍÞRÓTTIR
MORGUNBLAÐIÐ FÖSTUDAGUR 27. ÁGÚST 2021
Alexia Putellas og Jorginho voru
útnefnd knattspyrnufólk ársins í
Evrópu fyrir tímabilið 2020-2021 í
verðlaunahófi Knattspyrnu-
sambands Evrópu og Samtaka evr-
ópskra íþróttafjölmiðla.
Hófið fór fram í Istanbul í gær en
var með rólegra móti þar sem verð-
launahafar voru ekki viðstaddir
vegna heimsfaraldursins og þess
flækjustigs sem ferðalögum fylgir
um þessar mundir. Samtök evr-
ópskra íþróttafjölmiðla, ESM,
standa að kjörinu ásamt Knatt-
spyrnusambandi Evrópu, UEFA, og
er Morgunblaðið þar fulltrúi Ís-
lands.
Alexia Putellas leikur með
Barcelona og spænska landsliðinu
en Jorginho með Chelsea og ítalska
landsliðinu. Þjálfarar þeirra hjá fé-
lagsliðunum voru útnefndir þjálf-
arar ársins. Lluís Cortés hjá Barce-
lona í kvennaflokki og Thomas
Tuchel hjá Chelsea í karlaflokki.
sport@mbl.is
Putellas og Jorginho
þóttu skara fram úr
Ljósmynd/ESM
Best Alexia Putellas var fyrirliði Evrópumeistara Barcelona en leikmanni
kvennaliðs Barcelona hafði ekki hlotnast þessi heiður fyrr.
Í TÓKÝÓ
Víðir Sigurðsson
vs@mbl.is
Talsverð eftirvænting ríkir meðal
Íslendinganna í Tókýó fyrir 100
metra baksund blindra á morgun en
þar hefur Már Gunnarsson verið í
fremstu röð í heiminum.
Hann fékk bronsverðlaun á
heimsmeistaramótinu 2019 en náði
sér ekki á strik á EM í vor og varð
að sætta sig við fimmta sætið. Ís-
landsmet hans í greininni frá HM
2019 er 1:10,43 mínútur. Það er
fjórði besti árangurinn hjá þeim 13
keppendum sem taka þátt í grein-
inni og því raunhæft að ætla að Már
geti slegist um verðlaunasæti.
Steindór Gunnarsson, sem hefur
þjálfað Má hjá ÍRB í Reykjanesbæ
meira og minna frá níu ára aldri,
segir að möguleikar á því séu vissu-
lega fyrir hendi.
„En það fer eftir því hvað hinir
gera. Ef hann bætir sig þá myndi ég
telja raunhæfar líkur á því. Ef hinir
sýna líka stórstígar framfarir þá vit-
um við ekki hvað gerist. Þetta verð-
ur hörkukeppni. Í fyrsta lagi þarf að
synda í undanrásunum og komast í
úrslitin og svo sjá hvað setur þar.
Þú verður að halda andlegu jafn-
vægi þegar kemur að stóru stund-
inni,“ sagði Steindór við Morg-
unblaðið en hann er með Má hér í
Tókýó.
„Már er hress og kátur og það
skiptir meginmáli. Hann kemur kát-
ur inn á leikana með lágstemmdar
væntingar. Auðvitað langar hann að
vera ofarlega en gerir sér líka grein
fyrir því að það getur brugðið til
beggja vona,“ sagði Steindór.
Mótlætið herðir menn
Árangurinn á EM í vor olli nokkr-
um vonbrigðum.
„Hann keppti fyrst í 50 metra
skriðsundi og spennustigið var of
hátt. Hann synti á og meiddi sig. Í
framhaldi var stress á honum í hans
greinum. Væntingarnar voru miklar
þannig að þetta var smá sjokk fyrir
allt og alla. En svona mótlæti herðir
menn. Hann var búinn að bæta sig í
50 metra baksundi, sýndi stórstígar
framfarir og sett heimsmet í 200
metra baksundi. Framfarir hans
voru svo miklar að við töldum að
hann ætti innistöðu fyrir góðum
árangri í 100 metrunum fyrst við
vorum búnir að bæta þetta bæði í
spretti og úthaldi.
En svo gekk það ekki. Kannski
vorum við búnir að spenna bogann of
hátt og búast við einhverju sem var
ekki raunhæft. En við lærum bara af
því. Núna er hann með það markmið
að njóta þess að vera hérna, taka
þátt í harðri keppni og ekki velta sér
alltof mikið upp úr þessu. Vonandi
skilar það góðum árangri.“
Hörkusamkeppni í greininni
Már hitaði upp í nótt með því að
keppa í 50 metra skriðsundi (sjá
mbl.is) og er því kominn með tilfinn-
ingu fyrir lauginni. Hann keppir í
fjórum greinum en það er ekkert
launungarmál að 100 metra bak-
sundið í nótt og í fyrramálið er aðal-
keppikeflið.
„Þar eru mestu möguleikarnir en
það er hörkusamkeppni í þessari
grein. Margir hafa tekið stórstígum
framförum, eins og sást á EM, en
svo sjáum við hvað setur og hvernig
þeir koma stemmdir hingað. Svo er
andlegi þátturinn stór, hvort sem
það er spennustigið eða vænting-
arnar þínar. Þú verður að vera búinn
að ákveða hvernig þú ætlar að fara
inn í mótið. Undirbúningurinn hefur
verið mjög langur og í sumar jukum
við æfingarnar mikið, en tókum inn á
milli lengri helgarfrí þar sem hann
átti líf fyrir utan sundið. Við vildum
gera hlutina jákvæðari og skemmti-
legri.
Núna er mikið talað um andlega
heilsu hjá íþróttamönnum. Þú getur
æft og æft en þá endarðu kannski á
vegg og ert búinn að þurrka þig upp.
Við reyndum að hafa sumarið
skemmtilegt, Már gæti gert eitthvað
annað og litið í kringum sig, farið í
veiði eða smá ferðalag. Ég held að
það hafi tekist vel og svo kemur bara
í ljós hvað verður,“ sagði Steindór
Gunnarsson.
_ Már keppir í undanrásum 100
metra baksundsins klukkan 01.24 í
nótt. Ef það gengur samkvæmt
áætlun keppir hann til úrslita tæp-
um átta tímum síðar, klukkan 09.10 í
fyrramálið, á laugardagsmorgni.
Möguleiki á verðlaunasæti
- Már í aðalgreininni í nótt og fyrra-
málið - Reynslunni ríkari eftir EM
Ljósmynd/ÍF
Tókýó Már Gunnarsson hóf keppni á Ólympíumótinu í nótt en fram undan er
hans aðalgrein, 100 metra baksundið, þar sem hann gæti orðið framarlega.
Pepsi Max-deild kvenna
Keflavík – Breiðablik ............................... 1:1
Staðan:
Valur 16 13 2 1 46:16 41
Breiðablik 16 10 2 4 50:23 32
Þróttur R. 15 7 4 4 31:25 25
Selfoss 16 7 4 5 30:24 25
Stjarnan 15 7 2 6 17:20 23
Þór/KA 16 4 6 6 16:22 18
ÍBV 15 5 1 9 23:36 16
Keflavík 15 3 4 8 14:25 13
Fylkir 15 3 3 9 16:35 12
Tindastóll 15 3 2 10 11:28 11
Lengjudeild kvenna
Afturelding – KR...................................... 0:3
Grindavík – FH......................................... 4:4
Haukar – Augnablik................................. 3:2
Víkingur R. – ÍA ....................................... 4:1
HK – Grótta .............................................. 1:2
Staðan:
KR 16 11 3 2 45:20 36
FH 16 11 3 2 42:17 36
Afturelding 16 10 4 2 42:18 34
Víkingur R. 16 7 4 5 29:30 25
Haukar 16 6 3 7 25:30 21
Grindavík 16 3 7 6 27:32 16
Grótta 16 5 1 10 22:36 16
ÍA 15 4 2 9 16:34 14
HK 15 3 3 9 21:36 12
Augnablik 16 3 2 11 24:40 11
2. deild karla
Reynir S. – KV.......................................... 4:1
3. deild karla
KFG – Höttur/Huginn............................. 4:2
Svíþjóð
Vittsjö – Rosengård................................. 0:4
- Guðrún Arnardóttir lék allan leikinn
með Rosengård.
Evrópudeild UEFA
Umspil, seinni leikir:
AZ Alkmaar – Celtic....................... 2:1 (2:3)
- Albert Guðmundsson kom inn á sem
varamaður hjá AZ á 71. mínútu.
CFR Cluj – Rauða stjarnan ............ 1:2 (1:6)
- Rúnar Már Sigurjónsson lék allan leik-
inn með Cluj.
Slovan Bratislava – Olympiacos ... 2:2 (2:5)
- Ögmundur Kristinsson var ekki í leik-
mannahópi Olympiacos.
Alashkert – Rangers ....................... 0:0 (0:1)
HJK Helsinki – Fenerbahce........... 2:5 (2:6)
Zorya Luhansk – Rapid Vín ........... 2:3 (2:6)
Antwerpen – Omonia Nikosía......... 2:0 (7:6)
Legia Varsjá – Slavia Prag ............. 2:1 (4:3)
Sturm Graz – Mura.......................... 2:0 (5:1)
_ Samanlögð úrslit í svigum. Sigurlið í
riðlakeppni Evrópudeildar, taplið í riðla-
keppni Sambandsdeildar.
Sambandsdeild Evrópu
Umspil, seinni leikir:
Bodö/Glimt – Zalgiris .................... 1:0 (3:2)
- Alfons Sampsted lék allan leikinn með
Bodö/Glimt.
Lincoln Red Imps – Riga................ 3:1 (4:2)
- Axel ÓskarAndrésson var ekki í leik-
mannahópi Riga.
Elfsborg – Feyenoord..................... 3:1 (3:6)
- Sveinn Aron Guðjohnsen kom inn á hjá
Elfsborg á 77. mínútu og Hákon Rafn
Valdimarsson var varamarkvörður.
Köbenhavn – Sivasspor.................. 5:0 (7:1)
- Andri Fannar Baldursson og Hákon
Arnar Haraldsson voru ekki í leikmanna-
hópi Köbenhavn.
Hammarby – Basel.......................... 3:1 (3:3)
- Jón Guðni Fjóluson lék allan leikinn og
skoraði tvö fyrstu mörk Hammarby.
_ Basel vann í vítaspyrnukeppni.
Rosenborg – Rennes ....................... 1:3 (1:5)
- Hólmar Örn Eyjólfsson lék fyrstu 76
mínúturnar með Rosenborg.
Rijeka – PAOK ................................ 0:2 (1:3)
- Sverrir Ingi Ingason var ekki í leik-
mannahópi PAOK.
Tottenham – Pacos Ferreira .......... 3:0 (3:1)
_ Samanlögð úrslit í svigum. Sigurliðin
fara í riðlakeppni Sambandsdeildar.
>;(//24)3;(
Þýskaland
Bikarkeppnin, 1. umferð:
Potsdam – Aue..................................... 26:28
- Arnar Birkir Hálfdánsson gaf fjórar
stoðsendingar fyrir Aue. Sveinbjörn Pét-
ursson varði 3 skot í marki liðsins.
Danmörk
Bikarkeppnin, 16-liða úrslit:
Fredericia – Kolding........................... 26:23
- Ágúst Elí Björgvinsson varði mark
Kolding og skoraði einu sinni.
E(;R&:=/D
KNATTSPYRNA
2. deild karla:
Hertz-völlur: ÍR – Kári ............................. 18
Fjarðab.höll: Leiknir F. – Magni ........ 19.15
2. deild kvenna:
Boginn: Hamrarnir – Hamar ................... 19
4. deild karla, 8-liða úrslit, fyrri leikir:
Grýluvöllur: Hamar – Kría....................... 18
Blönduós: Kormákur/Hvöt – Álftanes .... 18
Jáverkvöllur: Árborg – Vængir J. ........... 18
Kórinn: Ýmir – KH.................................... 18
Í KVÖLD!
Víðir Sigurðsson í Tókýó
vs@mbl.is
Sundkonan Thelma Björg Björns-
dóttir er reyndasti keppandi Íslands
á Ólympíumótinu í Tókýó og í nótt
keppir hún í fyrri grein sinni á
mótinu, 100 metra bringusundi.
Thelma, sem er 25 ára Reykvík-
ingur, nánar tiltekið úr Grafarvogi
og keppir fyrir ÍFR, er í flokki SB5,
hreyfihamlaðra.
Hennar riðill í 100 m bringusund-
inu hefst kl. 02.18 í nótt. Thelma á
áttunda besta tímann af ellefu kepp-
endum í greininni, 1:54,99 mínútur,
og gæti því verið í harðri baráttu um
að komast í úrslit. Takist það, keppir
hún aftur sex tímum síðar en úrslitin
eru á dagskrá í fyrramálið kl. 10.18.
Kristín Guðmundsdóttir, formað-
ur sundnefndar Íþróttasambands
fatlaðra, þjálfaði Thelmu frá níu ára
aldri og kveðst hafa fengið hana til
að æfa sund á sínum tíma þegar hún
var í Borgaskóla. Hún vonar að
Thelma nái að komast í úrslitin.
„Thelma hefur synt mjög vel á æf-
ingunum hérna en hennar fötlun
virkar oft þannig að þegar hún er
stressuð, þá kreppist hún upp. Ég
vona bara að hún komist í úrslitin í
100 m bringusundinu. Það er mark-
miðið okkar.
Ég sagði oft um Kristínu Rós Há-
konardóttur, sem var með kreppta
hönd, að ég gat séð á henni hvað
væri í vændum. Ef höndin var
kreppt þegar hún var á startpall-
inum var sundið ónýtt en ef hún gat
slakað á og náð hendinni niður vissi
ég að hún myndi synda vel. Það er
samt erfiðara að sjá það á Thelmu,“
sagði Kristín um Thelmu.
Sundþjálfarinn Steindór Gunn-
arsson hefur fylgst vel með Thelmu
um árabil.
„Ef Thelma er á góðum degi veit
maður ekkert hvað gerist. Þetta
snýst um dagsformið hjá henni eins
og þeim öllum og það er gaman fyr-
ir Thelmu að vera komin á sítt ann-
að Ólympíumót. Hún nýtur þess
væntanlega, veit hvernig umhverfið
er, verður afslappaðri og þekkir
betur stöðuna. Thelma hefur verið
gríðarlega dugleg að æfa í sumar og
er mjög einbeitt,“ sagði Steindór.
Ljósmynd/ÍF
Reyndust Thelma Björg Björnsdóttir á æfingu í Tókýó. Hún keppir í fyrri
grein sinni á Ólympíumótinu, 100 metra bringusundinu, í nótt
Markmiðið að
komast í úrslit
- Thelma keppir í bringusundi í nótt