Morgunblaðið - 27.10.2021, Blaðsíða 6

sagði, svo hægt sé að taka áfram á móti stórfjöl-
skyldunni í mat og geymslan verður rúmgóð, enda
þarf hún að að geta hýst græjurnar sem þarf í
áhugamálin. „Íbúðirnar eru líka hugsaðar fyrir
fólk sem vill lifa lífinu og vera hluti af iðandi mann-
lífi. Þarna verður stutt í alla þjónustu og númer
eitt, tvö og þrjú þá eru frábærar vegtengingar í
allar áttir frá þessu svæði. Borgarlínan mun einnig
koma þarna framhjá sem mun gera fólki kleift að
skjótast niður í miðbæ Reykjavíkur á aðeins tíu
mínútum og heim aftur svo dæmi sé tekið.“
Hjólastígar liggja einnig meðfram allri sjáv-
arsíðunni eins og Þorgerður bendir á og því
verða íbúum allir vegir færir í orðsins fyllstu
merkingu.
Spurð hvort búið sé að ákveða hæð húsanna og
útlit segir Þorgerður að verkefnið sé ekki svo langt
komið ennþá. „Það er einmitt verkefnið sem við
stöndum frammi fyrir núna. Við erum búin að
setja saman hönnunarteymið okkar, arkitekta,
landslagsarkitekta, verkfræðinga og umferðarsér-
fræðinga. Nú setjast þeir niður með okkur til að
sjá hvernig hægt er að „besta“ þessa heilsubyggð
út frá ýmsum sjónarhornum. Inn í vinnuna þarf að
taka breytur eins og græn svæði, birtu, skugga-
myndanir, ríkjandi vindáttir, útsýni og annað.“
Ástríðan skiptir máli
En eitt er það sem skiptir meira máli en ann-
að að mati Þorgerðar. Það er ástríða fyrir verk-
Landey, fasteignaþróunarfélag í eigu sjóðastýr-
ingarfyrirtækisins Stefnis, sem er í eigu Arion
banka, er með tvö landsvæði í þróun. Annars veg-
ar Arnarlandið í Garðabæ, sem liggur Kópavogs-
megin við Arnarnesveg, og hins vegar Blikastaði,
níutíu hektara land á mörkum Mosfellsbæjar og
Reykjavíkur. Á síðasta ári seldi Landey þriðja
verkefnið, Gróttubyggð á Seltjarnarnesi, til Já-
verks. Þar með lauk afskiptum Landeyjar af því
verkefni.
Þorgerður Arna Einarsdóttir framkvæmda-
stjóri Landeyjar segir Arnarlandið sérlega spenn-
andi verkefni enda sé það grundvallað á frábærri
hugmynd um heilsuklasa og hágæðaíbúðir fyrir
fólk 50 ára og eldra, með möguleika á hátækni-
væðingu.
Einhverjir gætu spurt hvort fasteignaþróun sé
hluti af kjarnastarfsemi Stefnis og Arion banka,
en eins og Þorgerður útskýrir gerist það stundum
að bankar þurfa að ganga að veðum vegna veittra
lána. Það hafi verið raunin í öllum þessum til-
vikum.
„Arnarlandið er byggð þar sem lýðheilsa og lífs-
gæði verða höfð að leiðarljósi. Þetta á að verða
miðstöð heilsutækni á Íslandi. Svæðið mun
skiptast í tvennt þar sem atvinnustarfsemin verð-
ur nær Hafnarfjarðarveginum og myndar um leið
skjól fyrir íbúðabyggðina,“ segir Þorgerður.
Vöntun á heilsuklasa
Hún segir það hafa verið sýn aðstandanda Arn-
arlands, Landeyjar, sem fer með 51% eignarhlut á
móti Ósum, að vöntun væri á klasa fyrir heilsu-
geirann. „Eins og með aðra atvinnugeira er það
vænlegt til árangurs þegar fólk í svipaðri starf-
semi, sem talar sama tungumál og er á sömu línu,
safnast saman á einn stað. Við teljum að með
þessu myndist kraftmikið umhverfi þar sem nýjar
hugmyndir og tækifæri fæðast.“
Ósar samanstanda af lýðheilsufyrirtækinu
Icepharma, þar sem 105 starfa, dreifingar-
fyrirtækinu Parlogis, þar sem 80 starfa, samheita-
lyfjasölufyrirtækinu Lyfis, þar sem sex vinna, og
matvælafyrirtækinu Good Good þar sem níu
starfa. Samanlagður starfsmannafjöldi er 200.
Heildarársvelta fyrirtækjanna fjögurra er tæpir
19 milljarðar króna.
Þorgerður segir að síminn hjá sér hafi vart
stoppað frá því tilkynnt var um verkefnið í fjöl-
miðlum á dögunum. Mörg spennandi fyrirtæki í
fremstu röð á Íslandi hafi lýst áhuga á að koma
með starfsemi sína á svæðið.
Um íbúðabyggðina segir Þorgerður það vera
sýn aðstandenda að vöntun sé á rúmgóðum og
vönduðum íbúðum fyrir fólk fimmtíu ára og eldra.
„Ástæðan fyrir þessu aldursbili er að hópurinn er
með aðrar þarfir en yngra fólk sem enn er með
börn á heimilinu. Áherslurnar breytast og það
kemur að því að fólk vill kannski ekki lengur eyða
tíma sínum og fjármunum í viðhald sérbýlis og
garðs en vill frekar minnka aðeins við sig, losa fé
og njóta lífsins.“
Sinna áhugamálum af auknum krafti
Eins og Þorgerður bendir á fer fólk á þessum
aldri oft að sinna áhugamálum af auknum krafti
þegar minni tími fer í barnauppeldi. Fyrir því
verði hugsað í hinni nýju heilsubyggð. „Hjólreið-
ar, fjallgöngur, golf, gönguskíði o.s.frv. eru allt
dæmi um það sem fólk tekur sér fyrir hendur á
þessum tímapunkti í lífinu. Frítíminn hefur
skyndilega aukist til muna,“ útskýrir Þorgerður.
Íbúðirnar eiga að vera rúmgóðar eins og áður
Þóroddur Bjarnason
tobj@mbl.is
Fasteignaþróunarfélagið Landey
hefur hafið skipulagningu heilsu-
tengds atvinnu- og íbúðasvæðis í
Arnarlandi í Garðabæ ásamt Ósum.
Ósar hyggjast reisa nýjar höfuð-
stöðvar á svæðinu og flytja þangað
alla sína starfsemi ásamt 200
starfsmönnum. Íbúðir verða reistar
fyrir fólk fimmtíu ára og eldra.
”
Þjónustuaðilar sem koma
til með að reka veitinga-
og kaffihús í hverfinu
munu njóta góðs af því að
vera á svæði sem iðar af
lífi frá morgni og langt
fram á kvöld.
Þar sem nýjar hugmyndir
Þorgerður Arna Einarsdóttir
segir að það hjálpi svæðinu að
vera ekki of stórt.
6 MORGUNBLAÐIÐ MIÐVIKUDAGUR 27. OKTÓBER 2021VIÐTAL
Þúsundir íbúa
Mannfjöldaspá Hagstofunnar fyrir aldurshópa 2021-2060
2021 2040 2060
67 ára og eldri
75 ára og eldri
80 ára og eldri
13
27
37
23
45
58
47
76
99