Morgunblaðið - 30.11.2021, Blaðsíða 12

12 FRÉTTIR
Viðskipti | Atvinnulíf
MORGUNBLAÐIÐ ÞRIÐJUDAGUR 30. NÓVEMBER 2021
Sindrastóll
Hönnuður: Ásgeir Einarsson (1927-2001)
Sindrastóllinn er bólstraður
með íslenskri lambagæru.
Verð frá: 229.000 kr.
Sólóhúsgögn ehf. Gylfaf löt 16-18 112 Reykjavík 553-5200 solohusgogn. is
30. nóvember 2021
Gengi Kaup Sala Mið
Dollari 130.55
Sterlingspund 174.19
Kanadadalur 102.38
Dönsk króna 19.821
Norsk króna 14.506
Sænsk króna 14.366
Svissn. franki 141.11
Japanskt jen 1.1442
SDR 182.42
Evra 147.4
Meðalgengi/Viðskiptavog þröng 184.1398
« Búið er að opna
fyrir umsóknir í
Svanna – lána-
tryggingasjóð
kvenna og er um-
sóknarfrestur til og
með 15. mars
2022. Hámarkslán
er 10 m.kr. en sjóð-
urinn er í samstarfi
við Landsbankann
sem veitir lánin.
Ásdís Guðmundsdóttir sérfræð-
ingur hjá Vinnumálastofnun segir að
sjóðurinn hafi upphaflega verið starf-
ræktur 1998-2003 en var endurreistur
2011. Hann er í eigu forsætisráðu-
neytis, nýsköpunar- og atvinnuveg-
aráðuneytis og Reykjavíkurborgar.
„Stofnfé er 70 m.kr. en eigendur hafa
nú aukið stofnfé um 15 mkr.,“ útskýrir
Ásdís.
Hún segir að þótt þetta séu kannski
ekki háar upphæðir þá geti þær skipt
miklu máli. „Það getur oft verið erfitt
að fá lán á fyrstu stigum fyrirtækja
þegar er kannski ekki um auðugan garð
að grisja hjá eignalitlum fyrirtækjum.“
Lán sjóðsins eru veitt án veða og eru
til fimm ára.
Á síðasta ári fengu Fólk, Justical, Ey-
líf heilsuvörur og Fæðingarheimili
Reykjavíkur lán úr sjóðnum.
Ásdís segir að umsóknir í sjóðinn
séu 10-15 á ári að jafnaði. „Við viljum
hvetja allar konur sem eiga og reka
fyrirtæki og vantar fjármagn til að vaxa
til að kynna sér þennan möguleika.“
Svanni veitir konum allt
að 10 mkr. lán án veðs
Rekstur Fólk
fékk lán í fyrra.
STUTT
Baldur Arnarson
baldura@mbl.is
Páll Gunnar Pálsson, forstjóri Sam-
keppniseftirlitsins, fagnar því að efla
eigi starfsemi eftirlitsins á kjörtíma-
bilinu. Tilefnið er að í stjórnarsátt-
mála ríkisstjórnarinnar segir að á
fyrri hluta kjörtímabilsins verði
gerðar „breytingar á fyrirkomulagi
samkeppnismála og samkeppnis-
eftirlits og það eflt með sameiningu
stofnana, lagabreytingum og styrk-
ingu samtaka neytenda“.
„Stefnt verður að sameiningu
Samkeppniseftirlitsins og Neyt-
endastofu og verða kannaðir mögu-
leikar á sameiningu við aðrar stofn-
anir eftir atvikum sem getur aukið
samlegðaráhrif og skilvirkni í opin-
beru eftirliti,“ segir þar jafnframt.
Páll Gunnar segir fagnaðarefni að
stefnt sé að eflingu samkeppni og
samkeppniseftirlits. „Eins og stjórn-
arsáttmálinn ber með sér er þar að
finna markmið um að efla samkeppni
í landinu neytendum til hagsbóta og
styrkja í því sambandi Samkeppnis-
eftirlitið. Þeim markmiðum ber að
sjálfsögðu að fagna og eftirlitið lýsir
sig reiðubúið að taka þátt í þeirri
vinnu,“ segir Páll Gunnar.
Bíður frekari úrvinnslu
Sem áður segir hyggst ríkisstjórn-
in sameina eftirlitið og Neytenda-
stofu. Páll segir að eðli máls sam-
kvæmt sé ekki hægt að taka afstöðu
til einstakra aðgerða af því tagi fyrr
en þær hafa verið mótaðar frekar.
Spurður hvar hafi helst þurft að
efla Samkeppniseftirlitið segir Páll
Gunnar að það hafi á liðinni tíð bent
á ýmsar leiðir í því efni. Eitt af því
sem þurfi að huga að sé að tryggja að
samkeppnisreglur hér á landi „séu í
takti við það sem best gerist á
evrópska efnahagssvæðinu“.
„Það sama á þá við um Samkeppn-
iseftirlitið. Það er liður í erlendu
samstarfi eftirlitsins að fylgjast með
þessu og koma sjónarmiðum á fram-
færi í þessu efni. Síðan þarf að huga
að því hvort stofnanir af þessu tagi
búi yfir því rekstrarsvigrúmi sem
þarf til að þær geti sinnt eins vel og
hægt er lögbundnu hlutverki sínu.
Öll umræða um þetta er að sjálf-
sögðu góðra gjalda verð og henni ber
að fagna,“ segir Páll Gunnar.
Spurður hvort eftirlitið muni
þurfa fleiri starfsmenn segir Páll að
eitt af því sem það hafi talað fyrir í
langan tíma sé að auka rekstrar-
svigrúm í starfsemi eftirlitsins.
Spurður um rökin fyrir því að
sameina Samkeppniseftirlitið og
Neytendastofu segir Páll Gunnar að
sú umræða sé ótímabær, enda sé
ríkisstjórnarsáttmálinn nýkynntur.
Fagnar því að efla eigi
Samkeppniseftirlitið
Morgunblaðið/Eggert
Forstjóri Páll Gunnar Pálsson, forstjóri SKE, fagnar stjórnarsáttmálanum.
Huga þurfi að því að eftirlitið hafi úr nægum fjármunum að spila.
- Forstjórinn lengi kallað eftir fjölgun starfsfólks - Markmið í stjórnarsáttmála
Í nýjum sáttmála um ríkisstjórnar-
samstarf Framsóknarflokks, Sjálf-
stæðisflokks og Vinstri hreyfingar-
innar – græns framboðs er kveðið á
um úttekt á starfsemi Seðlabanka
Íslands þar sem leggja á mat á
hvernig tekist hefur til við að upp-
fylla markmið um stöðugt verðlag,
fjármálastöðugleika og framkvæmd
fjármálaeftirlits. Auk þess verði litið
til reynslunnar af sameiningu Seðla-
bankans og Fjármálaeftirlitsins sem
og skipulagi, verkaskiptingu og vald-
sviði nýrrar stofnunar.
Ekki nýjung
Ásgeir Jónsson bankastjóri Seðla-
banka Íslands segir í samtali við
Morgunblaðið að ákvæðið sé í sjálfu
sér ekki nýjung því getið sé um það í
36. grein laga um Seðlabanka Ís-
lands, þar sem fram kemur hvernig
úttektinni skuli háttað.
Eins og Ásgeir bendir á gera lögin
einnig ráð fyrir annarri úttekt á
bankanum sem búin er að vera í
vinnslu hjá nefnd undir forystu
Tryggva Þórs Pálssonar. Nefndin
skilar vinnu sinni af sér í þessari viku
að sögn Ásgeirs. Um þá úttekt segir
meðal annars orðrétt í lögunum:
„Fyrir lok árs 2021 skal ráðherra
flytja Alþingi skýrslu þriggja óháðra
sérfræðinga á sviði peninga- og fjár-
málahagfræði og fjármálaeftirlits
um reynsluna af starfi nefnda Seðla-
banka Íslands eftir gildistöku lag-
anna, m.a. með hliðsjón af skiptingu
verkefna á milli fjármálastöðug-
leikanefndar og fjármálaeftirlits-
nefndar.“
Morgunblaðið/Ómar
Eftirlit Kveðið er á um eftirlit með
Seðlabanka Íslands í lögum.
Úttekt boðuð
á starfsemi SÍ
- Í samræmi við
lögin segir Ásgeir
seðlabankastjóri
Í stjórnarsáttmálanum er boðaður
meiri stuðningur við kvikmyndagerð
með „hærri endurgreiðslum á skýrt
afmörkuðum þáttum til að stuðla að
því að fleiri stór verkefni verði unnin
alfarið á Íslandi og tryggja aukinn
fyrirsjáanleika í fjármögnun“.
Leifur B. Dagfinnsson, fram-
kvæmdastjóri Truenorth, segir slíkar
breytingar munu styðja við vöxt kvik-
myndagerðar á Íslandi. Hann hafi
mælt fyrir því að hlutfallið yrði hækkað enda hafi Ís-
land misst af stórum verkefnum. Hlutfallið sé 25% á Ís-
landi en til dæmis 32-37% á Írlandi en
sá munur hafi nýverið leitt til þess að
stórt verkefni fór frekar til Írlands.
Um milljarða króna hafi verið að
ræða.
Hilmar Sigurðsson, forstjóri Saga-
film, segir að ef um sé að ræða lengri
tíma verkefni með aðkomu upp-
tökuvera og eftirvinnslu á Íslandi
muni hækkun endurgreiðslunnar
styrkja greinina. Með því verði hægt
að bjóða upp á fullvinnslu kvikmynda með tökum utan-
dyra og vinnu í upptökuveri.
Styrkir grundvöll kvikmyndagerðar
HÆKKA Á ENDURGREIÐSLUR VEGNA KOSTNAÐAR SEM FELLUR TIL Á ÍSLANDI
Leifur B.
Dagfinnsson
Hilmar
Sigurðsson