Morgunblaðið - Sunnudagur - 07.11.2021, Blaðsíða 22

22 MORGUNBLAÐIÐ SUNNUDAGUR 7.11. 2021
Elsku Sporðdrekinn minn, Plútó er þín pláneta. Það sem til dæmis einkennir
hana er að hún er lengst frá sólinni. Svo þú þarft að hafa kjarkinn og hugrekkið og vera á verði
gagnvart því þegar þér finnst vera myrkur í lífi þínu. Þú þarft að þekkja sál þína og huga svo vel að
og sætta þig við þó þú hafir lent í undarlegustu aðstæðum.
Þitt skemmtilega viðhorf til lífsins og tilhneiging þín til að fara í þveröfuga átt en aðrir gerir þig
svo athyglisverða persónu sem býr yfir mikilli dulúð og þú ert svo spennandi vegna þess. Kastaðu
þér út í veröldina og þá verður þér leiðbeint og þú ferð á besta stað sem þú getur hugsað þér í líf-
inu.
Þú átt það til að vera hrifinn af dökkum litum til þess að hafa í vistarverum þínum. Þér finnst það
verndandi og þú færð þinn kraft og þá afslöppun sem þú þarft frá heimili þínu. En þú þarft að hafa
það skýrt að skipuleggja fyrir þig að vera ekki of lengi í sömu hugsun um að hanga alltaf heima.
Það er ótrúlega magnað orkusvið sem er í kringum Sporðdrekann akkúrat núna. Þú færð
skrýtnar en skemmtilegar hugmyndir og með þeim getur komið viss manía svo þú fáir ofurhetju-
einkenni, til þess að þú getir farið áfram á ógnarhraða í því og með það sem upp kemur í huga þinn.
Þú átt eftir að geta breytt því sem hefur verið staðnað, gert ótrúlegustu hluti sem þú hefðir ekki
ímyndað þér að kæmu þér á kortið, og á mun skemmri tíma en þig grunaði að væri mögulegt.
Notaðu allar þær aðferðir sem þú þarft og kannt til þess að koma þér í góða líðan. Á þessu
ástríðufulla tímabili getur orka Venusar bæði brotið sambönd og byggt ný. En það er þitt að taka
ákvörðun um það. Og þetta er einnig kraftur peninga, þar sem þú færð upp í hendurnar leiðir til að
nýta þér hann á skapandi hátt.
Kastaðu þér út í veröldina
SPORÐDREKINN | 23. OKTÓBER 21. NÓVEMBER
Elsku Steingeitin mín, í þér býr hagsýni og hörkudugnaður. Það er svo sannar-
lega hægt að segja þú sért salt jarðar og stálheiðarleg. Þú lýkur alltaf þeirri vinnu sem þú lofar
að vinna og í þér er ekki til að gefast upp eða að gefa eftir. Þú gengur sterk upp fjallið af þolin-
mæði og nákvæmni, þangað til þú nærð þínum árangri. Fjölskyldan og trygglyndi til þeirra sem
hjarta þínu eru næst er það sem þú virkilega stendur fyrir. Þitt ofurþrjóska eðli býður ekki upp á
að þú játir að þú hafir rangt fyrir þér, þótt þú vitir það alveg upp á hár að þú ættir að gera það.
Það er erfitt að stjórna þér, svo ef þú hefur verið svo heppin að ná þér í maka sem ætlar sér svo
sannarlega að breyta þér, þá hefurðu þá snilld að leyfa þeim aðila að halda að hann geti það. Því
þú ert svo lipur í samningum og veist hvenær þú átt að gefa eftir og hvenær ekki.
Það er ekki hægt að breyta Steingeitinni, því þú springur á endanum. Svo þetta eru líka skila-
boð til þeirra sem eru svo heppnir að ná í þig, því þeir þurfa líka að læra að gefa eftir.
Í kringum þig er heppni tengd fjármálum, en þá virðist þú bara eyða um efni fram, því það að
kaupa það ódýrasta hentar ekki eðli þínu. Svo það skiptir í raun engu máli hversu miklir peningar
eru. Og það er heldur ekki það besta fyrir þig að fá hlutina of auðveldlega til þín, því þá missirðu
þetta eðlislæga keppnisskap.
Það vilja allir lána þér eða hjálpa, vegna þess að þú ert elskuð. Og eitt atriði skiptir svo miklu
máli ef við skoðum næstu mánuði, en það er að það hentar þér ekki að búa ein of lengi. Því að í því
finnurðu ekki þá hamingju sem þér er ætluð. Alveg sama á hvaða aldri þú ert, skaltu blessa og
vera opin fyrir því að ástin er þarna. Hún er ekki tengd spennu eða rugli, heldur ró og krafti. Þú
skalt lifa af fullum krafti eins og enginn sé morgundagurinn.
Hagsýni og hörkudugur
STEINGEITIN | 22. DESEMBER 19. JANÚAR
Elsku Bogmaðurinn minn, þú hinn dásamlega heppni og ótrúlega dýrðlegi per-
sónuleiki. Þú ert svo gefandi sem er að hluta til vegna þess að sú yndislega pláneta Júpíter tengir
við gott gengi og gefur þér vernd. Ef þú skynjar óheppni og tapar einhverju sökum fljótfærni eða
hvatvísi, þá færðu bara upp í hendurnar eitthvað annað og betra í staðinn.
Þú ert að fá meiri og stærri gjafir út þetta ár en þú hefur þorað að vona. Þannig að útkoman
virðist alltaf verða betri en þér getur dottið í hug. Það er hreinlega staðreynd að það er miklu
meiri kraftur færður þér en hinum ellefu merkjunum, því þetta er sterkasta plánetan.
Svo að þú getur farið miklu lengra heldur en aðrir, en getur átt það til að skyggja á aðra, yf-
irleitt samt bara á góðan hátt.
Þú skynjar þörf til að breyta og bæta, jafnvel að flytja eða fríska upp þann stað sem þú býrð á.
Þú ert svo sannarlega líklegasta merkið til þess að búa erlendis eða vera mikið á flakkinu. Það
verður ekki dauður tími hjá þér næstu mánuði og þú hefur yfirhöndina í flestu. Hvort sem það
tengist því að þú sért að efla ást eða að afla þér tekna.
Þú verður mjög skýr með það hvernig þú ætlar að láta þína innstu drauma rætast, og það er al-
veg sama hvort þér finnist að það líti ekki nógu vel út í augnablikinu, því þá breytast aðstæður í
takt við þær. Þetta er merkilegur þáttur í lífi þínu og á þessu ferðalagi muntu líka hjálpa öðrum
til þess að ná árangri.
Nýttu þér þetta tímabil, því að margar erfiðar aðstæður eru að koma upp í veröldinni. Láttu
þær ekki breyta neinu í þeirri afstöðu sem þú ætlar að taka, því þú ert þín eigin veröld, mátturinn
og dýrðin.
Þörf til að breyta og bæta
BOGMAÐURINN | 22. NÓVEMBER 21. DESEMBER
Elsku Vatnsberinn minn, í þér býr villingur sem getur hrist upp í
hlutunum og umsnúið þeim reglum sem venjulegt fólk gefur sér að séu réttar. Úranus,
hin stórskemmtilega pláneta, er þín, sem tengir að þú átt auðveldara en aðrir með að
breyta hlutunum og hafa óvenjulegan stíl, og núna verður þú óstöðvandi.
Vatnsberar mynda sér svona öðruvísi veröld, því að vera venjulegur er ekki þeirra stíll.
Ef þér hefur fundist þú þurfa að falla inn í það mynstur, þá nýturðu þín ekki. Þú átt erfitt
með að umbera leiðinlegt fólk, en það sogast að þér til þess að láta sér líða betur. Hægt
og rólega þarftu að útiloka þá sem hafa neikvæðan anda úr lífi þínu. Í þér býr gömul
viska sem tengir þig svo sterkt við hið andlega. Þú ert leitandi að því sem hentar þér og
þú munt finna hvernig er best að lita regnbogann í líf þitt. Og talandi um líf, þá hefur þú
að minnsta kosti níu líf.
Yfir þér er tímabil þar sem ástarorkan er sterk, og ef þú finnur það ekki skýrt og
greinilega, þá er tómleiki í hjarta þínu. Fylltu tómleikann upp með því að sýna börnum,
dýrum, gömlu eða veiku fólki sérstaka athygli og gefa af þér. Þá fyllist þú af ást og kær-
leika og færð þessa tilfinningu til að ljóma.
Þú ert fæddur til að gera góðverk, svo með hverju einlægu góðverki sem þú gerir, þá
færðu það tvöfalt til baka, þótt það verði seinna á lífsleið þinni. Ekki horfa á fréttir eða
spá í neikvæða hluti alheimsins. Því að núna er öld Vatnsberans og allt er að snúast hjá
okkur mannfólkinu til þess við sjáum að við að búum í Paradís.
Góðverkin skila sér
VATNSBERINN | 20. JANÚAR 18. FEBRÚAR
Nóvember
Elsku Fiskurinn minn, öll þau áföll, ergelsi og leiðindi sem þú hefur
verið að ganga í gegnum hefur þú kallað á eða þau verið send þér til þess þú sjáir inn í
nýja vídd. Til þess eins að þú vitir hvað skiptir máli og hvað er einskis nýtt.
Alveg fram til 17. nóvember færð þú í hendurnar góða orku og gott afl til þess að
leysa lífið með gleði og friði. Því þegar þú blandar saman friði og gleði, þá uppskerðu
og færð góða líðan.
Það getur verið að þú missir frá þér eitthvað af peningum á þessu tímabili, en það er
ekkert sem ætti að angra huga þinn. Því þú gerir samninga eða talar við rétta aðila til
þess að laga þessar gloppur. Það verður mikill kraftur í kringum þig, en hann getur
líka gert það að þú verðir ótrúlega þreyttur. Þú þarft að skilja betur líkama þinn, því
hann er að senda þér hárrétt boð um hvað er best fyrir þig.
Það er gott fólk og gott karma að sveima yfir fyrstu vikurnar í nóvember. En farðu
varlega í ákvarðanir eða breytingar þann 18., 19. og 20. nóvember, því það fer ekki eins
og þú áætlaðir. Svo lifðu bara í eins miklum friði og ró og þú getur, sérstaklega þessa
daga. Leitaðu ráða og fáðu lánaða dómgreind frá þeim sem vita betur en þú. Í því
færðu svarið við þeim spurningum sem þú virðist ekki geta fundið nógu vel svör við
sjálfur.
Þetta er ekki rólegur tími, en þetta er samt sá tími þar sem þú byggir undirstöður að
einhverju svo miklu meira og betra fyrir hug þinn, hjarta og sál. Ég dreg fyrir þig spil
og á því stendur: Vertu feginn því sem þú hefur, þá færðu þær gjafir sem þú vilt.
Lifðu í friði og ró
FISKARNIR | 19. FEBRÚAR 20. MARS
Elsku Hrúturinn minn, þú ert stórkostlegur og fjörugur karakter með hjarta úr
gulli. En á móti geturðu verið of krefjandi og uppstökkur þegar þú vilt ýta við hlutunum og að allt
gangi nákvæmlega eins og þú vilt hafa það.
En þú ert miklu sneggri til sátta og skilur eiginlega ekki af hverju fólk tekur það nærri sér þegar
þú byrstir þig. Þú hefur mikla réttlætiskennd, en aðallega þannig að þú hafir rétt fyrir þér. En þá
geturðu tekið rangar ákvarðanir sem koma þér í stökustu vandræði. En í hjarta þínu hefur þú líka
yfir að búa þessari ofurmjúku manneskju og getur fengið svo erfiða líðan þegar þú ert misskilinn.
Þegar þú ert hvað viðkvæmastur reynirðu að fela það með yfirborðsgleði og kátínu. Þú þarfnast
svo sannarlega að hafa maka eða manneskju sem þú getur treyst 100%. En það er svo aldeilis ekki
þinn stærsti kostur að treysta fólki. Þessi glimrandi ákefð og karakter sem þú geislar af í nóvember
mun smita aðra til þess að vilja virkilega vera með þér í því partíi. Þú munt elska að hressa við fólk
og rífa aðra upp með þínum einstaka krafti og persónuleika. Og þér mun bjóðast, ef þú vilt, betri
staða og athyglisverð verkefni sem þér finnast skemmtileg.
Það rennur bæði kraftur og botnlaus orka í gegnum þig. Svo haltu þig við þann áhuga sem þú hef-
ur í raun á að hreinsa líkamann og að nota ekki hugbreytandi efni. Og þú þarft ekki alltaf að segja
sannleikann við alla, því stundum og oft má satt kyrrt liggja. Og það getur verið leiðinlegt að vera of
hreinskilinn, sérstaklega ef enginn var að biðja þig um álit.
Ekki festast í þeirri gildru að halda að peningar breyti öllu. Því staðreyndin er sú að heilu fjöllin
af peningum munu ekki ná að fullnægja þér eða færa hamingju. Þú vilt öryggi og frelsi, og einhvern
veginn verður útkoman sú að þú færð hvort tveggja.
Kraftur og botnlaus orka
HRÚTURINN | 21. MARS 19. APRÍL