Morgunblaðið - 04.12.2021, Blaðsíða 10

10 FRÉTTIR
Innlent
MORGUNBLAÐIÐ LAUGARDAGUR 4. DESEMBER 2021
SPORTÍS SKE I FAN 1 1
1 08 REYKJAV ÍK
S POR T I S . I S
520-1000
IMPALA HJÓLASKAUTAR - SKEMMTILEG JÓLAGJÖF!
VERÐ:
Frá 21.990.-
Til 24.990.-
STÆRÐIR:
34-44.
Margrét Þóra Þórsdóttir
Akureyri
Viðtökur þeirra sem standa í veit-
ingarekstri af margvíslegu tagi á
Akureyri við nýju samfélagsverkefni
sem hefur að markmið að draga úr
matarsóun og rétta um leið þeim
sem minna mega sín hjálparhönd
hafa verið góðar. Það eru Hjálp-
ræðisherinn, Akureyrarbær og Vist-
orka sem standa að þessu verkefni
með dyggum stuðningi fleiri aðila.
Bergrún Ósk Ólafsdóttir, versl-
unarstjóri hjá Hertex og tengiliður
vegna þessa verkefnis, segir að
starfsemin muni fara fram í nýjum
húsakynnum Hjálpræðishersins við
Hrísalund á Akureyri. Þar hefur
verið útbúið svonefnt velferðar-
herbergi með eldhúsi, kæli- og
frystiskápum þar sem hægt er að
skila af sér matvælum sem ekki hafa
selst þann daginn eða orðið eftir við
veisluhöld sem dæmi.
„Það er mjög gefandi að taka þátt
í þessu stóra og þarfa verkefni,“ seg-
ir Bergrún. Alls hafa 36 aðilar í veit-
ingarekstri, matvælaframleiðendur,
verslanir, bakarí, veisluhaldarar og
fleiri ákveðið að taka þátt í verkefn-
inu. Fyrirkomulagið er með þeim
hætti að fyrirtækin skila þeim mat-
vælum sem ekki seljast í eldhúsið.
Þátttökufyrirtækin fá aðgang að vel-
ferðarrýminu og þar eru til reiðu
kæli- og frystiskápar til að koma
matvælum fyrir. Þeir fylla út eyðu-
blöð þar sem fram kemur dagsetn-
ing, þ.e. hvenær matur var eldaður
til að nýting verði sem best. Sjálf-
boðaliðar Hersins munu raða í
matarbakka.
Hjartað á réttum stað
Fyrr í haust hóf Silja Björk
Björnsdóttir sem rekur Barr kaffi-
hús í Hofi að gefa þeim sem þiggja
vildu það sem eftir var þegar kaffi-
húsinu var lokað á kvöldin. Hún kom
brauði og mat fyrir í bökkum úti við
menningarhúsið. Þegar vetur gekk í
garð með meiri kulda gekk það ekki
lengur upp. Þannig að segja má að
Hjálpræðisherinn hafi nú tekið við
keflinu.
Allir matarbakkar verða úr efni
sem brotnar niður og mega fara í
tunnu fyrir moltu, en Bergrún segir
það skipta verulegu máli í þessu
verkefni þar sem samvinna þeirra
sem þátt taka miðar að því að hlúa
að því sem mestu máli skiptir;
náunganum, umhverfinu og lofts-
lagsmálunum. Hún segir að þegar
séu komnir í hús um 250 matar-
bakka en þeir fengust með styrkj-
um. „Eitt af markmiðum verkefn-
isins er að draga úr matarsóun og
styðja í leiðinni við þá sem mest
þurfa á aðstoð að halda,“ segir
Bergrún.
„Þetta er frumraun hjá okkur og
við hlökkum mikið til að taka til
starfa á þessum mikilvæga vett-
vangi. Ég er sannfærð um að þetta
verkefni á eftir að vaxa og blómstra
og verður öllum til hagsbóta. Við
höfum hjartað á réttum stað, við er-
um Hjálpræðisherinn,“ segir Berg-
rún Ósk Ólafsdóttir.
Samfélagsverkefni ýtt úr vör
- Þrjátíu og sex fyrirtæki á Akureyri taka þátt í verkefninu með Hjálpræðishernum, Akureyrarbæ
og Vistorku - Markmið verkefnisins er að draga úr matarsóun og aðstoða þá sem á þurfa að halda
Morgunblaðið/Margrét Þóra
Tengiliður Bergrún Ósk Ólafsdóttir, verslunarstjóri og tengiliður vegna
verkefnis sem Hjálpræðisherinn, Akureyrarbær og Vistorka hafa ýtt úr vör.
Dómsmálaráðuneytið hefur auglýst
laust til umsóknar embætti fram-
kvæmdastjóra landskjörstjórnar.
Með nýjum kosningalögum nr. 112/
2021 verður sett á fót sjálfstæð
stjórnsýslunefnd sem hefur yfirum-
sjón með framkvæmd kosninga til
Alþingis og sveitarstjórna, forseta-
kjörs og þjóðaratkvæðagreiðslna.
Framkvæmdastjóri verður for-
stöðumaður landskjörstjórnar og
hefur umsjón með daglegum störf-
um hennar. Um nýtt og krefjandi
starf er að ræða sem kallar á metn-
að, kraft og áræðni, segir í auglýs-
ingu í Lögbirtingablaðinu.
Framkvæmdastjóri landskjör-
stjórnar ber ábyrgð á og annast
daglega stjórn á
starfsemi, fjár-
reiðum og rekstri
landskjörstjórnar
og ræður annað
starfsfólk. Hann
undirbýr jafn-
framt fundi
stjórnar lands-
kjörstjórnar og
situr þá með málfrelsi og tillögurétt.
Framkvæmdastjóri og annað starfs-
fólk annast í umboði landskjör-
stjórnar daglega framkvæmd og
stjórn þeirra verkefna sem henni
eru falin samkvæmt kosningalögum.
Verkefni landskjörstjórnar eru
undirbúningur og framkvæmd al-
mennra kosninga, upplýsingagjöf og
fræðsla til almennings, frambjóð-
enda, fjölmiðla, kjörstjórna og ann-
arra, samvinna og samráð við við-
eigandi aðila um framkvæmd
kosninga, kosningarannsóknir og
framþróun kosningaframkvæmdar,
ráðgjöf til stjórnvalda um kosning-
ar, gerð tillagna að reglusetningu
málefnasviðsins og alþjóðlegt sam-
starf á sviði kosningamála. Loks er
það verkefni landskjörstjórnar að
annast samræmingu verklags kjör-
stjórna með því að birta fyrirmæli
um undirbúning og framkvæmd
kosninga.
Umsóknarfrestur er til og með
20. desember 2021. sisi@mbl.is
Nýskipan landskjörs
- Sjórnsýslunefnd hefur umsjón með framkvæmd kosninga
Sigtryggur Sigtryggsson
sisi@mbl.is
Vegagerðin hefur auglýst eftir til-
boðum í endurbyggingu og breikkun
auk lagnavinnu á hringveginum í
Mosfellsbæ. Um er að ræða 520
metra kafla milli Langatanga og
Reykjavegar. Þetta er eini kaflinn á
Vesturlandsvegi í Mosfellsbæ, þar
sem akstursstefnur eru ekki aðskild-
ar núna.
Fram kemur í umsókn um fram-
kvæmdaleyfi að Vegagerðin, í sam-
ráði við Mosfellsbæ, Landsnet og
Veitur, hafi undirbúið framkvæmdir
við vegarkaflann. Þessi kafli hring-
vegar sé nú fjórar akreinar en undir-
bygging vegarins sé ekki nægilega
góð auk þess sem akstursstefnur séu
ekki aðskildar. Auk endurbóta á
hringveginum verði gerð ný tenging
að Sunnukrika. Landsnet og Veitur
muni svo endurnýja háspennu-
strengi sem liggja í veginum.
Helsta markmið framkvæmdar-
innar er að auka umferðaröryggi og
afköst vegarins, eins og segir í lýs-
ingunni. Tvær akreinar verða í hvora
átt, 3,5 metra breiðar, og miðdeili
verður þrír metrar að breidd með
tvöföldu vegriði.
Það sem er e.t.v. sérstakt við þetta
útboð er að vinna á staðnum hefst
ekki fyrr en í apríl/maí á næsta ári
(2022), samkvæmt upplýsingum
Vegagerðarinnar.
Um leið og framkvæmdir hefjast
þarf að þrengja að umferð (er núna
2+2 akreinar og fer í 1+1). Umferð
um veginn verður færð til norðurs á
meðan unnið er við bergskeringar
sunnan vegarins. Þegar lokið er við
breikkun hringvegar til suðurs og
gerð nýrrar tengingar að Sunnu-
krika verður umferðin færð yfir á
nýja veghlutann á meðan unnið verð-
ur norðanmegin.
Verkið ekki unnið að vetri
„Vegagerðin setur þetta skilyrði
um að ekki megi breyta umferðar-
skipulagi á hringvegi (1) á meðan
vetraraðstæður eru,“ segir G. Pétur
Matthíasson upplýsingafulltrúi.
Tilboðum í verkið skal skilað til
Vegagerðarinnar fyrir kl. 14:00
þriðjudaginn 21. desember 2021.
Sumarið 2020 var Vesturlandsveg-
ur, milli Skarhólabrautar og Langa-
tanga, breikkaður. Á þessum 1.100
metra kafla í Mosfellsbæ var 2+1-
vegur og mynduðust oft bílaraðir á
álagstímum. Eftir breikkun eru tvær
akreinar í hvora átt og akstursstefn-
ur aðskildar með vegriði.
Grunnkort/Loftmyndir ehf.
L
a
n
g
ita
n
g
i
Vestur-
landsvegur
Ve
st
ur
-
la
nd
sv
eg
ur
Reykjavegur
Endurbætur á Vesturlandsvegi
Frá Langatanga að Reykjanesvegi í Mosfellsbæ
Ný tenging að
Sunnukrika
Akstursstefnur
verða aðgreindar
Breikka kafla
hringvegar
í Mosfellsbæ
- Eini kafli hringvegar í bænum þar
sem akstursstefnur eru ekki aðskildar