Morgunblaðið - 28.12.2021, Page 6

6 FRÉTTIR
Innlent
MORGUNBLAÐIÐ ÞRIÐJUDAGUR 28. DESEMBER 2021
Við óskum
landsmönnum
gleðilegra jóla og
þökkum viðskiptin
á árinu
Sími 567 4949 | bilahollin.is Sími 587 1390 | bilarydvorn.is
Átta banaslys hafa orðið í umferðinni
það sem af er ári og er það sami fjöldi
og allt síðasta ár. Athyglisvert er
hversu langur tími leið á milli bana-
slysa í umferðinni í ár, en frá bana-
slysi 17. febrúar liðu 258 dagar eða
hátt í níu mánuðir þegar næst varð
banaslys, 3. nóvember. Fara þarf allt
aftur til áranna 1930-1931 til þess að
sjá lengri tíma líða á milli banaslysa.
Árið byrjaði með hörmungum, en
tvennt lést af völdum bílsyss í Skötu-
firði í Ísafjarðardjúpi 16. janúar. Síð-
an hafa orðið sex banaslys, meðal
annars lést ökumaður rafhlaupahjóls
eftir árekstur við létt bifhjól á hjóla-
stíg við Sæbraut 10. nóvember. Mun
þetta hafa verið fyrsta banaslysið
hérlendis þar sem rafmagnshlaupa-
hjól á í hlut. Síðasta slysið til þessa
varð 25. nóvember er gangandi veg-
farandi varð fyrir strætisvagni við
gatnamót Skeiðarvogs og Gnoðar-
vogs.
1.592 hafa látist í umferðinni
Eins og áður sagði hafa átta látist
í slysum í umferðinni í ár, en það er
sami fjöldi og beið bana í umferðar-
slysum í fyrra og 2019 létust sex
einstaklingar í slysum í umferðinni.
Árin 2015-2018 dóu 16-18 manns í
umferðinni árlega. Árið 2014 létust
fjórir, en svo fáir höfðu ekki látist
frá árinu 1939 en þá létust einnig
fjórir.
Árið 1977 var mannskæðasta árið
í umferðinni en þá létust 37 í 33
slysum. 33 létust 1975, 32 árið 2000
og 31 lést í slysum í umferðinni
2006. Á rúmlega 100 ára tímabili,
frá 1915, hafa 1.592 einstaklingar
látist í umferðarslysum á Íslandi.
Í ítarlegri samantekt Óla H. Þórð-
arsonar, fyrrverandi framkvæmda-
stjóra Umferðarráðs, um banaslys í
umferðinni frá 1915 til ársins 2014
kemur fram að fyrsta banaslysið
varð í umferðinni 25. ágúst 1915. Þá
hljóp níu ára drengur, Guðmundur
Ólafsson, úr Veltusundi inn á Aust-
urstræti í Reykjavík og lenti þar á
reiðhjóli. Hann fékk mikið höfuð-
högg og lést um kvöldið. Fyrsta
banaslysið af völdum bifreiðar varð
29. júní 1919. Þá varð gangandi veg-
farandi, Ólöf Margrét Helgadóttir,
66 ára að aldri, fyrir bifreið í Banka-
stræti við gatnamót Ingólfsstrætis
og lést daginn eftir.
Í samantektinni er rifjað upp að
tvö börn létust eftir að hafa orðið fyr-
ir eimreið sem flutti efni úr Öskjuhlíð
í hafnarmannvirki í Reykjavík.
Fyrra slysið varð 22. ágúst 1916 á
Skúlagötu. Þar lést 5 ára telpa, Guð-
laug Eiríksdóttir. Seinna slysið varð
7. ágúst 1919 á Hringbraut, nú
Snorrabraut, rétt norðan Hverfis-
götu. Þar lést 2 ára telpa, Guðrún
Aðalheiður Elíasdóttir. aij@mbl.is
- Svipaður fjöldi og síðustu ár - Hátt í níu mánuðir liðu á milli banaslysa - Lengsta tímabil í 90 ár
Mestur fjöldi dagamilli banaslysa í umferðinni
1. 22. ágúst 1916 til 29. júní 1919
2. 24. okt. 1923 til 05. júlí 1925
3. 05. sept 1930 til 16. ágúst 1931
09. apríl 1968 til 15. ágúst 1968
19. okt. 1996 til 01. apríl 1997
13. okt. 2002 til 09.mars 2003
17.mars 2014 til 28. ágúst 2014
4. 17. feb. 2021 til 3. nóv. 2021
1.041 dagur
620 dagar
345 dagar
128 dagar
164 dagar
147 dagar
164 dagar
258 dagar
Fjórði lengsti
tími frá upphafi
milli banaslysa
í umferðinni
Heimild: Banaslysaskrá Óla H.
Fjöldi látinna í umferðinni 2000 til 2021*
35
30
25
20
15
10
5
0
2000 2003 2006 2009 2012 2015 2018 2021
*Það sem af er ári 2021
Heimild: Samgöngustofa
88
18
31
32
64
Frá og með árinu 2000 hafa
363 látist í
umferðinni*
Átta banaslys í umferðinni á árinu
Tvö grænlensk loðnuskip, Polar
Amaroq og Polar Ammassak, voru
á loðnuveiðum í gær í góðu veðri í
kantinum utan við Langanesgrunn.
Þau héldu til veiða á Þorláksmessu,
en jólaleyfi er á íslensku skipunum
samkvæmt kjarasamningum. Fram
kemur á vef Síldarvinnslunnar að
Polar Amaroq var í gær komið með
um 600 tonn í þremur holum. Polar
Ammassak þurfti að fara í land til
að láta sinna smávægilegum lag-
færingum og var á fyrsta holi í
gær.
Grænlenska félagið Polar Pela-
gic, sem Síldarvinnslan á 33% hlut
í, festi nýverið kaup á Polar Amma-
sak, en fyrir á fyrirtækið Polar
Amaroq. Skipið var keypt af
danska útgerðarfélaginu Gitte
Henning A/S. Polar Ammasak bar
nafnið Beitir á árunum 2013-2015
og var þá í eigu Síldarvinnslunnar.
Polar Ammasak var smíðað 1997 og
er 2.148 brúttótonn að stærð.
Ljósmynd/Jón Einar Marteinsson
Neskaupstaður Polar Ammasak leggst að bryggju Hampiðjunnar.
Tvö grænlensk skip á loðnu
Að loknu jólapakkaflóði er komið að
því að losa sig við pappír, kassa og
aðrar umbúðir samfara jólagjöfun-
um sem landsmenn skiptust á.
Endurvinnslustöðvar Sorpu taka
sem fyrr við þessu og einnig er
hægt að setja pappa og plast við
heimilin í þartilgerðar tunnur. Þá er
hægt að skila þessu til endurvinnslu
á fjórum stöðvum Orkunnar á
höfuðborgarsvæðinu fram á mið-
vikudag, 29. desember.
Um tilraunaverkefni er að ræða
og möguleiki að fjölga staðsetning-
um fyrir næstu jól ef vel gengur í
ár, segir í tilkynningu frá Orkunni.
Gámar eru staðsettir við stöðvar
Orkunnar á Suðurströnd, Seltjarn-
arnesi, við Kleppsveg og á Gylfaflöt
í Reykjavík og á Reykjavíkurvegi í
Hafnarfirði og eru aðgengilegir all-
an sólarhringinn. Í gámana mega
fara pappi, plastumbúðir og jóla-
pappír.
Orkan bauð upp á samskonar
þjónustu sl. sumar með garða-
úrgang, við góðar undirtektir, segir
Jóhanna Margrét Gísladóttir, fram-
kvæmdastjóri þróunarsviðs Ork-
unnar. Verður sá úrgangur jarð-
gerður og boðinn sem molta á
næsta ári.
Tiltekt Orkan tekur við jólapappír og öðrum umbúðum, líkt og Sorpa.
Tekið á móti jólapappír
og öðru rusli eftir jólin
Hundarnir tveir sem drápu heim-
iliskött í Laugarnesinu á Þorláks-
messu eru komnir aftur í hendur
eigenda sinna. Eigandi kattarins
telur að hundarnir tveir, sem eru
ungverskir veiðihundar af tegund-
inni Vizsla, hafi drepið fleiri ketti í
hverfinu.
Þorkell Heiðarsson, deildarstjóri
hjá dýraþjónustu Reykjavíkur-
borgar, segist hafa heyrt sögur sem
ríma nokkurn veginn við frásögn
konunnar, en ekki sé hægt að full-
yrða um það.
„Það er búið að afhenda þá aftur
eigendum sínum. Þetta er náttúr-
lega eitthvað sem getur gerst þeg-
ar hundar ganga lausir, svo ég tali
nú ekki um þegar fleiri en einn
ganga lausir saman, þá endar þetta
stundum með svona ósköpum.“
Þrátt fyrir að ekki verði meira
aðhafst í málinu getur eigandi katt-
ar, eða hvers konar dýrs, sem verð-
ur fyrir tjóni vegna annars dýrs,
leitað réttar síns og mögulega átt
rétt á bótum. „Í því samhengi er
vert að benda á að þeir sem greiða
hundagjöld og eru með allt rétt
skráð eru með svokallaða ábyrgð-
artryggingu gegn tjóni sem hundur
kann að valda þriðja aðila.“
Hundarnir komnir
aftur til eiganda síns