Morgunblaðið - 29.12.2021, Síða 11

FRÉTTIR 11Erlent
MORGUNBLAÐIÐ MIÐVIKUDAGUR 29. DESEMBER 2021
Stefán Gunnar Sveinsson
sgs@mbl.is
Catherine Smallwood, yfirmaður
Covid-deildar Evrópuhluta Al-
þjóðaheilbrigðismálastofnunarinnar
WHO, varaði við því í gær við því
að fólk sýndi kæruleysi, þrátt fyrir
vonir um að Ómíkron-afbrigðinu
fylgdi vægari sjúkdómur.
Sagði Smallwood að jafnvel þó að
það kæmi í ljós að Ómíkron-af-
brigðinu fylgdi ögn „mildari sjúk-
dómur“ gæti mikil fjölgun tilfella
engu að síður leitt til þess að fleiri,
sérstaklega óbólusettir, þyrftu að
leita á sjúkrahús, sem aftur myndi
leiða af sér stórfelldar truflanir á
starfsemi heilbrigðiskerfa og ann-
arra grunnstofnana.
Viðvörun WHO kom sama dag
og stjórnvöld í Kína ákváðu að
herða á útgöngubanni sínu í norð-
urhluta landsins vegna 209 nýrra
tilfella af kórónuveirunni. Er það
mesti fjöldi nýrra tilfella í Kína frá
því í mars árið 2020.
Kínverjar settu í síðustu viku út-
göngubann á íbúa í borginni Xi’an
eftir að nokkur tilfelli komu þar
upp en kínversk stjórnvöld vilja
halda kórónuveirufaraldrinum í al-
gjöru lágmarki í aðdraganda Vetr-
arólympíuleikanna í febrúar. Út-
göngubannið virðist ekki hafa
komið í veg fyrir frekari útbreiðslu
smita og var hluti af borginni Yan-
’an, sem er í um 300 km fjarlægð
frá Xi’an, sett undir útgöngubannið
í gær.
Flest önnur ríki heims hafa þurft
að glíma við mikinn uppgang í far-
aldrinum vegna Ómíkron-afbrigð-
isins. Fjöldi nýrra smita hefur leitt
til þess að mikið af fólki þarf nú að
sæta sóttkví eða einangrun, og
mátti rekja tafir á flugumferð um
jólahelgina til þess að illa gekk að
manna áhafnir farþegaflugvéla.
Sóttvarnastofnun Bandaríkjanna,
CDC, ákvað í fyrrinótt að stytta
þann tíma sem einkennalausir
þurfa að vera í einangrun um helm-
ing, í þeirri von um að hægt verði
að mæta skorti á vinnuafli þannig.
Sérfræðingar í smitsjúkdómum
gagnrýndu að ekki væri kallað eftir
neikvæðu prófi áður en einangrun
væri stytt, en gerð er krafa um að
viðkomandi gangi með grímur í
fimm daga eftir að einangrun
þeirra lýkur.
Metfjöldi smita í Frakklandi
leiddi stjórnvöld þar í gær til að
skikka vinnuveitendur til að láta
starfsfólk sitt vinna heiman frá sér
í þrjá daga af hverri viku, ef mögu-
legt væri.
Jean Castex, forsætisráðherra
Frakklands, sagði í gær að þrátt
fyrir hinar hertu aðgerðir myndu
Frakkar brátt fara að fordæmi
Bandaríkjanna og stytta þann tíma
sem fólk þarf að vera í einangrun
eða sóttkví ef það er einkennalaust.
Þá ákváðu Þjóðverjar að herða
samkomutakmörk sín frá og með
gærdeginum svo að nú mega tíu
bólusettir einstaklingar koma sam-
an, en einungis tveir óbólusettir.
Þá verður næturklúbbum lokað og
íþróttaviðburðir skulu fara fram
fyrir luktum dyrum.
Ómíkron ýti Delta út?
Enn sem komið er benda rann-
sóknir til að minni líkur séu á að
einstaklingar sem smitist af Ómík-
ron þurfi að fara á sjúkrahús en af
Delta-afbrigðinu, sér í lagi ef við-
komandi hefur verið bólusettur fyr-
ir kórónuveirunni.
Þá benda frumniðurstöður rann-
sóknar í Suður-Afríku, þar sem af-
brigðið kom fyrst í ljós, að þeir
sem smitist af Ómíkron séu síður
líklegri til að smitast síðar af
Delta-afbrigðinu, þar sem ónæmið
sem fylgi Ómíkron verji vel gegn
Delta.
Höfundar rannsóknarinnar vör-
uðu við að hún hefði ekki náð til
margra, en sögðu að niðurstöðurn-
ar gætu sýnt hvers vegna afbrigðið
sé að verða ráðandi í heiminum á
kostnað Delta-afbrigðisins. Alex Si-
gal, prófessor við heilbrigðisrann-
sóknastofnun Afríku í Suður-Afr-
íku, sagði á Twitter-síðu sinni, að
ef Ómíkron-afbrigðinu fylgdu minni
einkenni, gæti þetta aðstoðað við
að „ýta Delta-afbrigðinu út“.
Vara við kæruleysi vegna Ómíkron
- Mesti fjöldi tilfella í Kína frá mars 2020 - Sóttvarnastofnun Bandaríkjanna styttir þann tíma sem
einkennalausir þurfa að vera í einangrun - Frakkar og Þjóðverjar herða á aðgerðum vegna Ómíkron
AFP
Covid-19 Illa gekk að manna áætl-
unarflug í Bandaríkjunum.
Stjórnvöld í Kína gagnrýndu Banda-
ríkjamenn harðlega í gær vegna
tveggja meintra atvika þar sem
gervihnettir á vegum SpaceX-
fyrirtækisins voru sagðir hafa farið
of nærri kínversku geimstöðinni.
Þurftu geimfarar um borð í Tian-
gong-geimstöðinni að beita þrýsti-
búnaði hennar til að forðast árekstur
við einn gervihnött í júlí síðast-
liðnum og annan í október, sam-
kvæmt kvörtun sem kínverska geim-
ferðastofnunin lagði fram við
Sameinuðu þjóðirnar fyrr í mán-
uðinum. Sagði þar að atvikin hefðu
ógnað lífi og heilsu geimfaranna um
borð, en ekki var búið að staðfesta í
gær að þau hefðu átt sér stað.
Zhao Lijian, talsmaður kínverska
utanríkisráðuneytisins, sagði í gær
að Bandaríkin hefðu hunsað skuld-
bindingar sínar samkvæmt alþjóða-
lögum, en gervihnettirnir tveir voru
á vegum Starlink,
gervihnattadeild-
ar SpaceX. Í
kvörtun Kínverja
sagði að þrátt
fyrir að SpaceX
væri einkafyr-
irtæki, bæru að-
ildarríki Samein-
uðu þjóðanna
ábyrgð á aðgerð-
um einkafyrirtækja sinna sam-
kvæmt útgeimssamningnum.
Birting kvörtunarinnar í gær
leiddi af sér mikla umræðu á kín-
verskum samfélagsmiðlum, og mátti
Elon Musk, stofnandi SpaceX og
eigandi Tesla-bílaverksmiðjunnar,
þola þar mikla gagnrýni.
Kölluðu sumir netverjar eftir því
að Kínverjar myndu sniðganga
Tesla-bifreiðar, en þær eru mjög
vinsælar í Kína.
Saka Bandaríkin
um óábyrga hegðun
- Veist að Musk á samfélagsmiðlum
Elon Musk
STUÐIÐ ER
Í VINNUNNI
NÝR RAFMAGNS SENDIBÍLL
Vivaro-e er einn fullkomnasti atvinnu–
rafmagnsbílinn á markaðnum. Með honum
velur þú að marka grænt fótspor með
þínum atvinnurekstri.
100% RAFMAGN
RAFHLAÐA, HLEÐSLA OG DRÆGNI
Nú kemur ekkert í veg fyrir að það sé hægt að
nota rafmagnsbíla í atvinnurekstri. Vivaro-e hefur
svipaða burðagetu og vörurými og hefðbundinn
sendibíll en er mikið hagkvæmari í rekstri.
Mótor: 100 kW
Rafhlaða: 50/75 kWh
Drægni: 231/330 km. (WLTP)
BÍLABÚÐ BENNA
KOLEFNISJAFNAR OPEL benni.is
Bílasala Suðurnesja
Reykjanesbæ
Njarðarbraut 9
Sími: 420 3330
Ib bílar
Selfoss
Fossnes A
Sími: 480 8080
BB, betri bílar
Akureyri
Njarðarnesi 12
Sími: 534 7200
Bílabúð Benna
Reykjavík
Krókháls 9
Sími: 590 2035
VIVARO-E
VERÐ FRÁ AÐEINS:
5.290.000 KR.
LANGTÍMALEIGA FRÁ: 129.600 KR. Á MÁNUÐI.
B
irt
m
e
ð
fy
rirv
a
ra
u
m
m
y
n
d
-
o
g
t
e
x
ta
b
re
n
g
l.
B
íll
á
m
y
n
d
e
r
m
e
ð
a
u
k
a
b
ú
n
a
ð
i.
TILBÚIN TIL AFHENDINGAR STRAX!
NÝTTU ÞÉR
SKATTALEGT HAGRÆÐI
ÁRSINS SEM ER AÐ LÍÐA!
Embættismenn í Bandaríkjunum og
Rússlandi staðfestu í gær að ríkin
tvö myndu funda um hina viðkvæmu
stöðu sem nú er uppi í Úkraínudeil-
unni hinn 10. janúar næstkomandi.
Sergei Ryabkov, aðstoðarutanríkis-
ráðherra Rússlands, staðfesti við
AFP-fréttastofuna að viðræðurnar
myndu fara fram í Genf, en ekki er
enn vitað hverjir verði fulltrúar
ríkjanna.
Embættismaður í þjóðaröryggis-
ráði Bandaríkjanna sagði í skjóli
nafnleysis við AFP að Bandaríkja-
stjórn hlakkaði til að geta rætt málin
við Rússa, þar sem báðir aðilar gætu
þá sett áhyggjur sínar á borðið.
Gert er ráð fyrir að fulltrúar
Rússa muni svo funda með Atlants-
hafsbandalaginu 12. janúar, og svo
með fulltrúum Öryggis- og sam-
vinnustofnunar Evrópu degi síðar.
Fundurinn 10. janúar mun fara
fram undir formerkjum nýs verkefn-
is sem Joe Biden Bandaríkjaforseti
og Vladimír Pútín Rússlandsforseti
sammæltust um á fundi sínum í júní
síðastliðnum, en því var aðallega ætl-
að að hefja viðræður milli ríkjanna
um endurnýjaðar takmarkanir á
kjarnorkuvopnum.
Fundurinn nú mun hins vegar
ræða sérstaklega stöðuna í Úkraínu,
þar sem Vesturveldin óttast að
Rússar hyggi á innrás, en rúmlega
100.000 rússneskir hermenn eru nú
samankomnir við landamæri
ríkjanna. Rússar segja á móti að sér
stafi ógn af útvíkkun Atlantshafs-
bandalagsins í austurátt.
Ryabkov sagði við TASS-frétta-
stofuna í gær að vonandi myndi eitt-
hvað koma út úr viðræðunum 10.
janúar, jafnvel þótt ekki mætti ætla
að lausn fyndist á deiluefnunum.
„Það er ómögulegt að ætla að kom-
ast að samkomulagi á einum degi, en
við getum heldur ekki dregið lapp-
irnar. Málið er brýnt og mjög alvar-
legt,“ sagði Ryabkov.
Stefnt að Genfarfundi
með Rússum 10. janúar
- Ryabkov segir deiluefnið brýnt og mjög alvarlegt
AFP
Heræfing Úkraínskir varaliðar æfa
sig í skugga innrásarógnar.