Morgunblaðið - 01.10.2021, Page 12

12 MORGUNBLAÐIÐ FÖSTUDAGUR 1. OKTÓBER 2021
K
ristín Hildur gekk til liðs við Fortuna In-
vest fyrr á þessu ári en Fortuna Invest
er fræðsluvettvangur á samfélagsmiðl-
inum Instagram sem hefur það að meg-
inmarkmiði að auka fjölbreytileika á
fjármálamarkaði. Þær hafa þó fært út í
kvíarnar og voru nýverið á haustráð-
stefnu Advania, eru með fastan lið í út-
varpinu og hafa verið gestir í ýmsum hlaðvarpsþáttum.
Kristín Hildur vinnur hjá Deloitte en hún er með BS-
gráðu í hagfræði og er að leggja lokahönd á meistaranám í
fjármálahagfræði. Auk þess að fræða fólk um fjármál með
Fortuna Invest heldur hún úti hlaðvarpinu Vaxtaverkir
með bestu vinkonu sinni, Brynju Bjarnadóttur.
„Í byrjun árs þegar ég var með þessa hlaðvarpspælingu
hugsaði ég að það væri gaman að fara með það eitthvað
lengra. Á sama tíma stofnuðu Aníta, Rakel og Rósa For-
tuna Invest, ég heyrði þá í þeim og lét vita af mér, að ég
hefði mikinn áhuga á þessu verkefni. Rakel, meðstofnandi
að Fortuna, þurfti að hætta vegna annarra verkefna og þá
höfðu þær Rósa og Aníta samband við mig.
Það hefði nú samt ekki gerst nema af því ég var búin að
láta vita af mér. Maður heldur stundum að það standi utan
á manni hvað maður er að hugsa en það er nú ekki þannig,
sem betur fer kannski. Ég lærði alla vega af þessu að ef
mann langar eitthvað þá verður maður að sækjast eftir
því, tek það með mér út í lífið.“
Dreymdi ekki um hagfræðina sem lítil stelpa
Kristín Hildur útskrifaðist af náttúrubraut í Versl-
unarskóla Íslands og sá eftir útskrift að þeir fáu við-
skiptafræðiáfangar sem hún tók hafi átt best við hana. „Ég
á alls ekki einhverja fallega sögu þar sem mig dreymdi um
að verða hagfræðingur frá því ég var lítil,“ segir Kristín.
Þegar hún valdi sér háskólanám ákvað hún því að líta
upp til stóru systra sinna sem eru fyrirmyndir í hennar
lífi.
„Önnur er verkfræðingur og hin lögfræðingur, ég ákvað
þó að gera ekki upp á milli þeirra og valdi hagfræðina. Til
að byrja með ætlaði ég að prófa og sjá hvernig mér myndi
líka. Áhuginn á náminu jókst eftir því sem leið á námið og
foreldrar mínir sem eru ávallt stoltir stuðningsaðilar hafa
verið dugleg að senda mér fréttir í gegnum námið um
kvenkyns hagfræðinga, meðal annars Kristrúnu Frosta-
dóttur þingmann og Þórhildi Hansdóttur Jetzek, eina
kvenkyns kennarann minn í meistaranáminu,“ segir Krist-
ín Hildur.
Hún segir það mjög hvetjandi að sjá konur sem hafa náð
langt á sínu sviði, sérstaklega í hagfræði. „Hingað til eru
þó ekki margar konur sem starfa sem hagfræðingar eftir
að þær útskrifast en vonandi er það eitthvað sem á eftir að
breytast með tímanum.“
Hagfræðin hefur í gegnum tíðina verið frekar karllægur
geiri en segist Kristín Hildur ekki finna fyrir því hjá Delo-
itte þar sem konur fá jöfn tækifæri og karlar innan fyrir-
tækisins. Fjármálaheimurinn sé þó karllægur og konur
sem vilji ná langt í þeim heimi þurfi að yfirstíga ýmsar
áskoranir. „Konurnar eru vissulega á ákveðnum stöðum í
fjármálageiranum en þær mættu vera fleiri, meðal annars
í stjórnunarstöðum, verðbréfamiðlun og sjóðastýringu.
Það er enn þá langt í land en þess vegna vil ég leggja mitt
lóð á vogarskálarnar í þessum málum með Fortuna Invest
og Vaxtaverkjum,“ segir Kristín Hildur.
Hefði átt að byrja fyrr að fjárfesta
„Ég byrjaði mína fjárfestingavegferð ekki fyrr en ég var
25 ára og ég hefði viljað að hún hefði byrjað miklu fyrr.
Fram að því hafði ég verið með peningana mína inni á
bankabók þar sem þeir tapa verðgildi sínu út af neikvæð-
um raunvöxtum, sem eru vegna verðbólgu. Síðan fór ég að
gera mér grein fyrir að flestir sem ég þekkti sem voru að
fjárfesta eða þekktu eitthvað til í geiranum voru aðallega
karlkyns,“ segir Kristín Hildur.
Vinir hennar höfðu þá verið mikið að tala um fjárfest-
ingar og hvaða bréf væru rauð eða græn á markaðnum
daginn áður.
„Þrátt fyrir þetta þá leyfi ég mér að segja að örugglega
fáum þeirra hefur tekist að búa til einhvern alvöruhagnað
af þessu. Ég á eina vinkonu sem er til fyrirmyndar í þess-
um efnum og hefur verið að fjárfesta í 10 ár eða svo og
hafði efni á sinni fyrstu íbúð með peningunum sem hún
eignaðist með hlutabréfaviðskiptum. Þannig fór ég að eyða
sífellt meiri tíma í að lesa um verðbréfamarkaðinn og
hlusta á hlaðvörp tengd honum.“
Hún segir að eftir að hún tók skrefið áttaði hún sig á því
að þetta þarf ekki að vera svo flókið. Hún geti þó ekki kall-
að sig sérfræðing í þessum efnum og eigi hún margt eftir
ólært.
Spurð af hverju það sé mikilvægt að auka fjölbreytileik-
ann í þátttöku á fjármálamarkaði segir Kristín Hildur að
fjölbreytileikinn í hvaða mynd sem hann er hafi aldrei
skaðað neinn. „Það á ekki að skipta máli af hvaða kyni þú
ert til þess að geta tekið þátt. Konurnar eru vissulega
þarna en það fer miklu minna fyrir þeim og þær eru þá í
stærri hópum á ákveðnum sviðum en öðrum.“
Fjárfestingar ekkert til að hræðast
Konur hafa verið ragari við að taka þátt á fjár-
málamarkaði. Hluti af ástæðunni telur Kristín Hildur vera
að fyrirmyndirnar hafi ekki verið fjölbreyttar. „Fyr-
irmyndirnar hafa því miður hingað til ekki verið mikið fjöl-
breyttari en karlmaður í jakkafötum sem fer á viðskipta-
fundi með öðrum körlum í jakkafötum. Sem betur fer er
þetta nú samt að breytast, en það er nauðsynlegt að hafa
fyrirmyndir sem maður getur tengt við að einhverju leyti.
Til dæmis fæ ég fæ alveg stjörnur í augun að sjá stofn-
endur Crawberry Capital, íslenska sprota- og vaxtasjóðs-
ins, þær Heklu, Helgu og Jennýju í því sem þær eru að
gera. Þetta eru þvílíkar fyrirmyndir og ég vildi óska þess
að maður hefði fleiri á þessu sviði,“ segir Kristín Hildur.
Tilgangurinn með Fortuna Invest er að auka áhuga með
aukinni fræðslu. Aukin fræðsla er lykillinn að því að hvetja
konur til að taka þátt á fjármálamarkaði.
„Það er eins og fjárfestingar hafi hingað til verið settar
upp til þess að hræða mann. Þetta þarf alls ekki að vera
svo flókið, eyddu minna en þú aflar, stofnaðu vörslureikn-
ing og leggðu fyrir mánaðarlega í sjóð sem hentar þér og
þínu áhættuþoli. Ef þú hefur ekki tíma fyrir alls konar út-
reikninga og greiningar þá eru sjóðirnir sniðugir. Fólk
gleymir þá jafnvel að það eigi þessa peninga af því þeir
fara á ákveðinn stað mánaðarlega, ekki eins og þegar mað-
ur er með opinn sparnaðarreikning sem er í raun ekki
sparnaðarreikningur því þú getur alltaf tekið út af hon-
um,“ segir Kristín Hildur.
Hún segir enga ástæðu vera fyrir því af hverju konur
ættu að vera hræddar við að láta til sín taka í fjárfest-
ingum. „Af einhverri ástæðu eru konur mögulega hrædd-
ari við það að tapa peningum á meðan karlmenn eru
smeykari við að vera að missa af ef þeir taka ekki þátt, en
auðvitað er það síðan einstaklingsbundið frekar en bundið
við kyn,“ segir Kristín Hildur.
„Fyrsta skrefið er alltaf erfiðast en maður lærir aldrei
jafn mikið og við að gera hlutina sjálfur, stærsta skrefið er
að byrja.“
Morgunblaðið/Kristinn Magnússon
Konur oft
hræddari
við að tapa
peningum
Hagfræðingurinn Kristín Hildur Ragnarsdóttir byrjaði að fjárfesta
um 25 ára aldurinn. Hún vildi óska þess að hún hefði byrjað að fjárfesta fyrr
en hún segir að konur séu mögulega hræddari við að tapa peningum á meðan
karlar eru smeykari við að vera að missa af ef þeir taka ekki þátt.
Sonja Sif Þórólfsdóttir | sonja@mbl.is
Kristín Hildur Ragnarsdóttir er
hagfræðingur og miðlar þekkingu
sinni með Fortuna Invest og í
hlaðvarpinu Vaxtaverkir.