Fréttablaðið - 05.03.2022, Síða 6

Fimm sveitarfélög sem taka
við flóttafólki vilja semja
tafarlaust við ríkið vegna
kostnaðar við menntun og
frístundir flóttabarna. Fjöldi
þeirra hefur hækkað úr 149 í
380 frá árinu 2019.
kristinnhaukur@frettabladid.is
MENNTAMÁL Fjöldi barna á f lótta
hefur stóraukist á undanförnum
tveimur árum. Fimm sveitarfélög
með samning við ríkið um mót-
töku, aðstoð og þjónustu við flótta-
fólk krefjast þess að samið verði upp
á nýtt og kostnaður við menntun
og frístundastarf barna tekið inn í
reikninginn, sem er ekki í dag.
Umrædd sveitarfélög eru Reykja-
vík, Hafnarfjörður, Reykjanesbær,
Árborg og Akureyri. Árið 2019 voru
149 börn með stöðu f lóttafólks í
þessum sveitarfélögum, en árið
2021 voru þau orðin 380. Það er vel
rúmlega tvöföldun á tveimur árum.
Bróðurparturinn, 276 börn, er í
Reykjavík. Helgi Grímsson, sviðs-
stjóri skóla- og frístundasviðs
Reykjavíkurborgar, segir ástæðu
þessarar miklu fjölgunar meðal
annars vegna fjölskyldusameining-
ar. Búast megi við að talan hækki,
til að mynda vegna komu Úkraínu-
manna.
„Við erum þjóð sem viljum og
eigum að taka við þeim sem standa
höllum fæti,“ segir Helgi. „Við
stöndum líka frammi fyrir þeirri
áskorun að tryggja að við getum
veitt börnunum þann aðbúnað að
fyrstu skrefin í okkar samfélagi
verði traust og farsæl.“
Í samningum ríkisins við sveitar-
félög vegna kvótaflóttafólks, árin
2013 til 2017, var greitt fyrir ýmislegt
tengt menntun, svo sem túlkaþjón-
ustu, sálfræðiþjónustu, grunngjald
í leikskóla og f leira. Þetta var ekki
í þjónustusamningum sem seinna
voru undirritaðir vegna flóttafólks.
Helgi segir málið ekki aðeins snú-
ast um skóla og frístundir, heldur að
öllu því samfélagi sem við bjóðum
börnum upp á, svo sem þátttöku í
íþróttum og tómstundum.
Hann segir að það verði verðugt
verkefni að taka á móti úkraínskum
börnum, sem séu líklega mörg hver
í áfalli eftir atburði liðinna daga
og vikna. Aðlögun ætti hins vegar
ekki að reynast þeim jafnerfið og
mörgum öðrum.
„Við höfum mestar áhyggjur af
börnum sem þekkja ekki skóla.
Eru jafnvel orðin 15 ára gömul en
hafa aldrei stigið fæti inn í skóla-
byggingu,“ segir Helgi. Þetta eru til
dæmis flóttabörn sem hafa komið
frá Afganistan. Í mörgum tilvikum
ólæs og óskrifandi og jafnvel for-
eldrar þeirra líka.
„Þetta snýst ekki um að kenna
þeim um Gilitrutt og beygingu
núþálegra sagna. Heldur um til-
finningalega og félagslega móttöku
sem krefst mun meira en þess sem
gert er í hefðbundnu skólastarfi,“
segir hann.
Það eru mikil viðbrigði að koma
til Vesturlanda þar sem er ofur-
áhersla á menntun og hér á Íslandi
hefur verið lögð sérstaklega mikil
áhersla á þátttöku barna í íþrótta-
eða tómstundastarfi. Ekki sé hægt
að setja þessi börn beint inn í bekk
heldur þurfi mikla og kostnaðar-
sama aðlögun. Hún geti varað allt
frá vikum og upp í nokkur ár. Mest
krefjandi verkefnið fyrir skólana er
að fá 15 ára ólæst og ómenntað barn
í hendurnar og gera það að ábyrgum
og virkum samfélagsþegni.
Aðspurður um kostnaðinn sem
upp á vantar, segir Helgi að hann
hafi ekki verið reiknaður út, og sé
sjálfsagt breytilegur eftir tímanum
og hvaðan flóttamannastraumur-
inn komi. Þó væri æskilegt að styðj-
ast við útreikninga úr kvótaflótta-
mannasamningnum.
Á miðvikudag funduðu fulltrúar
með Ásmundi Einari Daðasyni,
mennta- og barnamálaráðherra,
og kom fram ríkur vilji til að leysa
vandann. Fleiri ráðuneyti þurfi hins
vegar að koma að. Helgi segir brýnt
að leysa úr þessu í vor svo að hægt sé
að standa við skuldbindingar fyrir
upphaf næsta skólaárs. ■
Börnum á flótta hefur fjölgað mikið
en fjármagnið hefur ekki fylgt með
arib@frettabladid.is
FASTE IGNAMARKAÐUR Á s ók n
Íslendinga í hús á Spáni er aftur
komin á svipað ról og fyrir Covid-19
faraldurinn. Hefur nú borið á því að
fólk lendi í vandræðum í tengslum
við húsakaup þar syðra. „Það eru
alltaf nokkrir í hverjum mánuði sem
hafa samband við mig vegna vand-
ræða, það er núna komið á sama
stað og fyrir faraldurinn,“ segir Sig-
urður Oddur Sigurðsson, fasteigna-
sali hjá Sumareignum. Ástæðurnar
eru margvíslegar. „Það geta verið
lánamálin, bankar á Spáni eru ekki
alltaf hrifnir af því að lána fólki sem
er með tekjur í íslenskum krónum,
það er líka eitthvað sem fasteigna-
salar á Spáni þekkja ekki til.“
Vandamálin tengjast líka fast-
eignaumhverfinu þar sem sé tölu-
vert öðruvísi en hér á landi. „Það
þarf ekki að vera löggildur fast-
eignasali til að selja eignir á Spáni,
það eru mörg dæmi um að fólk hafi
lent á einhverjum sem veit ekkert
um sölu fasteigna til Íslendinga og
vita ekki hvaða gögn þurfa að liggja
fyrir til að selja fasteign.“
Sigurður veit um mörg fleiri dæmi
þar sem gögn hafa ekki verið klár
til að hægt væri að þinglýsa kaup-
samningi. „Þá er fólk kannski komið
út, búið að taka frí til að vera í hús-
inu en ekkert er klárt til að ganga
frá. Þetta er auðvitað mjög leiðinlegt
og kostnaðarsamt að þurfa síðan að
redda sér öðru húsnæði á meðan
beðið er eftir að leyst sé úr málum,
en það getur tekið mjög langan tíma
að leysa pappírsmál og öll mál hér
á Spáni.“
Rótin að þessum vanda sé mikið
til sú mýta að ódýrara sé að kaupa
af erlendum fasteignasölum. „Það
eru allir að selja á sama verði, ég veit
ekki hvaðan það kemur.“
Sigurður telur að hátt í tvö þúsund
Íslendingar eigi hús á Spáni, flestir
séu lífeyrisþegar en nú sé mikið af
yngra fólki byrjað að kaupa fast-
eignir ytra.
„Það getur þá unnið heima í gegn-
um netið, þá er alveg hægt að búa á
Spáni.“ ■
Margir Íslendingar í vandræðum með að kaupa hús á Spáni
Sum flóttabörn
eru ólæs og hafa
aldrei stigið inn
í skólabyggingu
áður.
FRÉTTABLAÐIÐ/
ERNIR
Þetta snýst ekki um að
kenna þeim um Gili-
trutt og beygingu
núþálegra sagna.
Helgi Gríms-
son, sviðs-
stjóri skóla- og
frístundasviðs
Reykjavíkur
Söngskemmtun
Karin Torbjörnsdóttir
Elena Postumi
25. mars kl 20.00
í Norðurljósum
Söngvar hjartans
bth@frettabladid.is
STJÓRNMÁL „Sala Landsvirkjunar
er ekki á dagskrá og verður ekki
meðan ég er í fjármálaráðuneytinu,“
segir Bjarni Benediktsson, formaður
Sjálfstæðisflokksins og fjármálaráð-
herra.
Á sömu línu eru aðrir í þingflokki
Sjálfstæðisf lokksins sem Frétta-
blaðið hefur rætt við. Haraldur
Benediktsson segir að sala Lands-
virkjunar sé ekki á dagskrá  hjá
Sjálfstæðisflokknum og Diljá Mist
Einarsdóttir segist ekki styðja hug-
myndir um sölu hlutar í fyrirtæk-
inu.
Guðrún Hafsteinsdóttir, formað-
ur efnahags- og viðskiptanefndar
Alþingis, lýsti í Fréttablaðinu þeirri
skoðun að vel kæmi til greina að
selja 30-40 prósent í Landsvirkjun
til lífeyrissjóða. Hún hefur síðan
birt grein í Morgunblaðinu þar sem
hún svarar gagnrýni á samfélags-
miðlum vegna orða sinna. Þar hafn-
ar Guðrún því með öllu að hún vilji
einkavæða fyrirtækið.
Bæði Katrín Jakobsdóttir, for-
maður VG og forsætisráðherra, og
Sigurður Ingi Jóhannesson, inn-
viðaráðherra og formaður Fram-
sóknarflokksins, hafa sagt að sala
á hlut ríkisins í Landsvirkjun komi
ekki til greina. ■
Bjarni hafnar
hugmynd um sölu
í Landsvirkjun
Bjarni Benediktsson, fjármálaráð-
herra. FRÉTTABLAÐIÐ/ANTON BRINK
Sigurður Oddur
Sigurðsson,
fasteignasali hjá
Sumareignum
6 Fréttir 5. mars 2022 LAUGARDAGURFRÉTTABLAÐIÐ