Fréttablaðið - 05.03.2022, Síða 96

frettabladid.is
550 5000
RITSTJÓRN ritstjorn@frettabladid.is
AUGLÝSINGADEILD auglysingar@frettabladid.is
PRENTUN Torg ehf.
DREIFING Póstdreifing ehf.
dreifing@postdreifing.is
Arnars Tómasar
Valgeirssonar
n Bakþankar
Sem fyrrverandi barn og nemandi
í þar til gerðum barnaskóla
heimsótti ég æskuslóðirnar fyrir
nokkrum árum. Það var átakan­
legt að heimsækja gömlu heima­
stofuna, sem var í minningunni
jafn íburðarmikil og rómverska
öldungaráðið, en minnti nú frekar
á meðalstóra kompu. Ég átti bágt
með að skilja hvernig hún hafði
rúmað þrjátíu börn með tilheyr­
andi kassatöskur.
Það er tilgangslaust að efast um
stærðfræðina að baki því hvað
hlutirnir minnka eftir því sem
maður stækkar, en það getur samt
verið erfitt að horfast í augu við
hvað hlutirnir verða tilkomulitlir.
Foreldrar, kennarar og annað full­
orðið fólk sem tróndi yfir manni
er allt í einu komið í augnhæð.
Stór tún verða að litlum gras­
bölum. Stiginn upp rennibrautina í
Laugardalslauginni, þessi Babels­
turn sem bauð himninum sjálfum
birginn, er auðklifinn. Heimurinn
minnkar og undrun manns með.
Einn hlutur úr æskunni heldur
þó enn velli og virkar enn þá
jafntröllvaxinn og áður – íslenski
snúðurinn. Ég skil engan veginn
hvernig ég gat sem grunnskóla­
barn torgað þessu ferlíki og samt
átt pláss fyrir fisk í raspi klukku­
tíma síðar. Þessi glassúrkrýndi
konungur bakkelsisins stangast á
við frumspekileg hugtök eins og
rúm og tíma.
Ég hef borðað minna af íslenska
snúðnum með tilkomu spjátrungs­
bakaríanna sem hafa sprottið upp
út um allt. Ég er greinilega of fínn
fyrir að hella bráðinni sykurleðju
yfir gerhnullung og vil frekar vera
svaka heimsborgari og borða fínt
kruðirí. Ég vona samt að íslenski
snúðurinn sé ekki á neinni útleið,
því þegar hann verður bakaður
í síðasta skipti mun heimurinn
minnka enn frekar. n
Snúðar

As
tri
d
Lin
dg
re
n