Fréttablaðið - 17.03.2022, Side 32

Leikritið
snýst að
hluta til
um að oft
heldur fólk
að það sem
aðrir eiga
sé miklu
betra og
eftirsókn-
arverðara
en það sem
það á sjálft.
N Ý F O R M
h ú s g a g n a v e r s l u n
h ú s g a g n av e r s l u n
Strandgötu 24 | 220 Hafnarfjörður | Sími 565 4100 | nyform.is
Mikið úrval af HVÍLDARSTÓLUM
með og án rafmagns lyftibúnaði
Komið og
skoðið úrvalið
Umskiptingur er nýtt barna-
leikrit eftir Sigrúnu Eldjárn
sem frumsýnt verður í Þjóð-
leikhúsinu laugardaginn
19. mars. Umskiptingur er
einnig kominn út sem bók hjá
Forlaginu og hefur verið dreift
í búðir.
Leikritið var valið úr 150 leikverkum
sem bárust þegar Þjóðleikhúsið aug-
lýsti eftir leikritum og hugmyndum
að leikritum fyrir börn. „Ég fór að
leita í hugmyndabankanum mínum
og fann þar leikrit sem ég hafði skrif-
að nokkru fyrr og fór að vinna í því
aftur. Svo sendi ég það inn. Eftir að
það var valið fannst mér alveg kjörið
að breyta leikritinu í sögu og gefa
hana út á bók,“ segir Sigrún.
Saga á þremur plönum
Eins og nafn verksins gefur til
kynna er þar fjallað um umskipt-
inga. Um söguþráðinn segir Sig-
rún: „Umskiptingar koma fyrir í
þjóðsögunum og eru þá yfirleitt
gamlir álfakarlar sem skildir eru
eftir í staðinn fyrir lítið barn sem
rænt er úr vöggu sinni. Í minni sögu
er tröllskessa nokkur sem þráir
fegurð og æðri listir. Hún býr í helli
með tröllakrökkunum sínum sem
henni finnst helst til hávaðasöm og
ófríð. Hún er þreytt á ástandinu, fer
af stað í leit að fegurðinni og tekur
einn tröllakrakka með sér. Hún
gengur síðan fram á undurfagra
stúlku sem steinsefur þar í berja-
lautu. Skyndilega ákveður hún að
taka stúlkuna með sér burt en skilja
sofandi trölla strákinn eftir í hennar
stað. Hún hefur á þeim skipti.
Þegar bróðir stúlkunnar upp-
götvar að systir hans er horfin og
tröllastrákurinn uppgötvar um
leið að mamma hans er týnd hefja
þeir árangurslausa leit að þeim. Þeir
hrópa örvæntingarfullir á hjálp.
Ofurpabbi, ásamt ofurbörnum
sínum tveimur, heyrir neyðar-
ópin og fer strax á stúfana. Þá færist
mikið fjör í leikinn!
Sagan er á þremur plönum. Það
eru systkinin Bella og Sævar sem eru
í berjamó. Tröllskessan og hennar
börn í helli sínum og að síðustu
ofurfjölskylda á sveimi. Leikritið
snýst að hluta til um að oft heldur
fólk að það sem aðrir eiga sé miklu
betra og eftirsóknarverðara en það
sem það á sjálft. Mjög oft er það
algjör misskilningur!“
Ný reynsla
Sara Martí Guðmundsdóttir leik-
stýrir verkinu, tónlistina semur
Ragnhildur Gísladóttir og Snorri
Freyr Hilmarsson leikmynd og
búninga. Leikarar eru: Auðunn
Sölvi Hugason, Arnaldur Halldórs-
son, Katla Líf Drífu-Loisdóttir, Arn-
dís Hrönn Egilsdóttir, Hjalti Rúnar
Jónsson, Tinna Margrét Hrafnkels-
dóttir og Andri Páll Guðmundsson.
„Þetta er ný reynsla fyrir mig,“
segir Sigrún. „Reyndar gerði ég á
sínum tíma leikrit upp úr tveimur
sögum um Kugg og Málfríði og
mömmu hennar. Sú leikgerð var
sýnd í Kúlu Þjóðleikhússins. Það var
samt öðruvísi en núna því þá var ég
að vinna með kunnuglegar persónur
sem ég hafði gert margar sögur um.
Núna legg ég fram nýtt leikrit og
svo taka leikstjórinn og leikararnir
við. Fjölmargir aðrir leggja auðvitað
hönd á plóg, til dæmis gerir Ragga
Gísla frábæra tónlist við verkið og
Snorri Freyr f lotta leikmynd og
búninga. Ég er vön að sitja ein í mínu
horni, skrifa og teikna og ráða öllu
þegar ég geri bækur. Nú ákvað ég
að vera ekki mikið að skipta mér af
því hvernig þessir snillingar ynnu úr
mínu verki. Mér fannst skemmtilegt
að leggja það í hendurnar á þessu
góða listafólki og sjá hvað úr verður.
Það er einmitt það sem leikhúsið
snýst um, að fólk vinni saman, allir
leggi sitt af mörkum og útkoman
verður dásamleg!“ n
Tröllskessa þráir fegurð
Sigrún Eldjárn
sendir frá sér
nýja barnabók
og leikrit eftir
sögunni verður
frumsýnt í Þjóð-
leikhúsinu.
FRÉTTABLAÐIÐ/
VALLI
Kolbrún
Bergþórsdóttir
kolbrunb
@frettabladid.is
kolbrunb@frettabladid.is
Ný sýning verður opnuð í Listasal
Mosfellsbæjar á morgun, föstudag-
inn 18. mars klukkan 16-18. Sýning-
in heitir Volcanoroids og þar verða
sýndar ljósmyndir Guðmundar Óla
Pálmasonar (einnig þekktur sem
Kuggur). Viðfangsefnið er gosið við
Fagradalsfjall.
Guðmundur Óli er lærður ljós-
myndari sem hefur haldið fjölmarg-
ar sýningar og hafa verk hans birst
í allnokkrum erlendum tímaritum.
Guðmundur Óli hefur í gegnum árin
þróað sína eigin einstöku aðferð í
listsköpun sinni. Hann tekur ljós-
myndirnar á útrunnar Polaroid-
f lysjufilmur og bætir við ýmsum
efnum í framköllunarferlinu. Við-
fangsefninu og myndrammanum er
þá stýrt af Guðmundi Óla en síðan
sleppir hann tökunum með því
að láta efnin hafa sín óútreiknan-
legu áhrif á filmuna. Við þetta fá
myndirnar óraunverulegan, draum-
kenndan og jafnvel drungalegan
blæ.
Þess má geta að degi eftir opnun
Volcanoroids verður ný heimildar-
mynd um eldgosið við Fagradals-
fjall, Fire and Iceland, frumsýnd í
Bíó Paradís og þar er meðal annars
fjallað um ljósmyndir Guðmundar
Óla. Síðasti sýningardagur Volc-
anoroids er 13. apríl. n
Guðmundur
Óli og gosið við
Fagradalsfjall
Ein af myndum ljósmyndarans á
sýningunni í Mosfellsbæ.
kolbrunb@frettabladid.is
Myndir og bækur – heimildir og
hliðarsögur, er yfirskrift fyrirlestrar
sem Margrét Tryggvadóttir mynda-
ritstjóri og rithöfundur heldur í Ljós-
myndasafni Reykjavíkur á morgun,
föstudaginn 18. mars klukkan 12.10.
Margrét mun í erindi sínu veita
áhugaverða innsýn í vinnu sína sem
myndaritstjóri og fjalla um hvað
felst í myndaritstjórn. Hún mun
ræða hlutverk mynda í bókum og
velta upp spurningum um hve-
nær við þurfum þær og hvenær við
getum jafnvel sleppt textanum. Að
mati Margrétar getur rétt myndaval
stutt við aðra frásögn en líka skapað
ótal hliðarsögur sem geta verið dýr-
mætar. Fyrirlesturinn fer fram í sýn-
ingarsal Ljósmyndasafnsins á 6. hæð
Grófarhúss. n
Hlutverk mynda í bókum
Margrét Tryggvadóttir rithöfundur heldur fyrirlestur. FRÉTTABLAÐIÐ/ANTON
Við þetta fá mynd-
irnar óraunverulegan,
draumkenndan og
jafnvel drungalegan
blæ.
24 Menning 17. mars 2022 FIMMTUDAGURFRÉTTABLAÐIÐMENNING FRÉTTABLAÐIÐ 17. mars 2022 FIMMTUDAGUR