Morgunblaðið - 14.01.2022, Qupperneq 10

10 FRÉTTIR
Innlent
MORGUNBLAÐIÐ FÖSTUDAGUR 14. JANÚAR 2022
KRINGLAN – SMÁRALIND – DUKA.IS
Nýjar vörur
Raita handklæði
m/hettu 100x100
cm – 6.990,- stk
Striped smekkir
2. stk. 3.590,-
Striped smekkur
m/ermum 3.390,- stk.
Kappu bollar 2. stk. 3.590,-
Rainbow skál m/loki 2.690,- stk.
Höskuldur Daði Magnússon
hdm@mbl.is
„Þetta er verkefni sem við þekkjum
mjög vel og höfum fylgst með í
langan tíma,“ segir Þorvarður
Sveinsson, framkvæmdastjóri Far-
ice.
Eins og kom fram í Morgun-
blaðinu í byrjun vikunnar hafa
finnska ríkisfyrirtækið Cinia og
bandaríska fyrirtækið Far North
Digital undirritað viljayfirlýsingu
um lagningu ljósleiðara frá Japan til
Evrópu. Markmiðið með lagning-
unni er að treysta gagnatengingar
Vesturlanda við Austur-Asíu. Von-
ast er til þess að ljósleiðarinn geti
verið tekinn í gagnið eftir þrjú ár og
gert er ráð fyrir tengingu til Íslands
þótt ekkert sé frágengið þar um.
Dýrt að leggja til Íslands
Þorvarður segir að enn sé nokkuð
óljóst hvort af þessum áformum
verður. Þá sé langt því frá sjálfgefið
að ljósleiðarinn verði tengdur til Ís-
lands verði hann á annað borð lagð-
ur. „Það er spennandi að sjá svona
Arctic-kapal þróast og við höfum
vitað af þessu verkefni í meira en
ár. Við höfum rætt við þessa aðila
heillengi og skoðað ýmsa kosti. Auð-
vitað skoðum við öll svona verkefni
sem liggja hér nærri og metum þær
þarfir sem markaðurinn hefur. Þær
hafa hingað til verið mest í Evrópu
en það kann að vera að ýmis tæki-
færi felist í tengingu við Japan eða
Norður-Noreg. Þó liggur ekki beint
við að stubbur komi inn til Íslands.
Það lítur út fyrir að vera stutt leið á
korti en eru kannski mörg hundruð
kílómetrar. Kostnaðurinn verður
það hár að þörfin þarf að vera ansi
mikil.“
Tækifæri varðandi gagnaver
Hrafnkell V. Gíslason, forstjóri
Fjarskiptastofu, segir að umræddur
ljósleiðari hafi ekki komið inn á
borð stofnunarinnar. Hann kveðst
aðspurður telja að um spennandi
verkefni sé að ræða.
„Það gæti skapað allskonar tæki-
færi varðandi gagnaver og fleira
sem við höfum ekki í dag. Hvað sem
mönnum finnst nú um viðskipti við
Kína og önnur ríki þá eru þetta
gríðarlega stórir markaðir. Kannski
einhver asísk fyrirtæki sjái sér hag í
því að komast inn á Evrópumarkað
og þá værum við fyrsta stopp. Hér
er græn orka og hagstætt að reka
gagnaver. Þetta myndi jafnframt
auka öryggi fyrir okkur. Því fleiri
strengir, þeim mun betur erum við
tengd,“ segir Hrafnkell.
Kapall undir Íshafið gæti
verið spennandi kostur
- Stjórnendur Farice ræddu við forsvarsmenn verkefnisins
Morgunblaðið/Ómar
Grænland Hugmyndir eru uppi um að leggja ljósleiðara frá Japan til Evr-
ópu. Kapallinn gæti verið lagður bæði inn til Grænlands og Íslands.
Þorvarður
Sveinsson
Hrafnkell V.
Gíslason
Farice hefur unnið að undirbún-
ingi nýs sæstrengs til Írlands,
Iris, frá árinu 2019. Strengurinn
er að fullu fjármagnaður af ís-
lenska ríkinu á þann hátt að rík-
issjóður eykur hlutafé í Farice
um 50 milljónir evra.
„Við byrjum að leggja hann 1.
maí frá Þorlákshöfn og hann
verður vonandi tengdur í lok júlí
ef allt gengur eftir. Svo verða
prófanir út sumarið og inn í
haustið en strengurinn getur þá
verið kominn í gagnið í lok árs.
Við höfum talað um að fjar-
skiptaöryggi Íslendinga tífaldist
við þetta,“ segir Þorvarður
Sveinsson hjá Farice.
Nýr strengur
lagður í vor
TENGING TIL ÍRLANDS
Helgi Bjarnason
helgi@mbl.is
Samstarfsnefnd Sveitarfélagsins
Skagafjarðar og Akrahrepps fer fram
á það að brú verði gerð yfir Héraðs-
vötn á milli Skagafjarðarvegar og
Kjálka. Segir nefndin að tryggar sam-
göngur séu grunnur að því að vel tak-
ist til við sameiningu sveitarfélaganna
og að Skagfirðing-
ar sjái sér hag í
því að samþykkja
sameiningu.
Kosið verður
um sameiningu
sveitarfélaganna
19. febrúar og er
utankjörfundarat-
kvæðagreiðsla
þegar hafin. Sam-
starfsnefndin tel-
ur að fleiri kostir
en gallar séu við sameiningu og mælir
með samþykkt tillögu um sameiningu.
Hrefna Jóhannesdóttir, oddviti
Akrahrepps og formaður samstarfs-
nefndarinnar, segir að nánari kynning
á vinnu nefndarinnar sé að hefjast
þessa dagana og stefnt sé að fjórum
íbúafundum í byrjun febrúar. Kynn-
ingarefnið er meðal annars birt á vef-
síðu verkefnisins, skagfirdingar.is.
„Við reynum að höfða til sem flestra
með upplýsingum og hvetja fólk til að
láta sig málið varða. Mikilvægast er
að fólk kynni sér málin og að sem
flestir greiði atkvæði,“ segir Hrefna.
Aðstaða til nýsköpunar
Samstarfsnefndin hefur verið í
samskiptum við stjórnvöld og þing-
menn. Fram kemur í minnisblaði sem
sent var þingmönnum og ráðherrum
að vilji er til að koma upp aðstöðu til
nýsköpunar og þróunar sem byggi á
sérstöðu Skagafjarðar í matvæla-
framleiðslu. Einnig að efla enn frekar
skólastarf í héraðinu og er þar sér-
staklega litið til Fjölbrautaskóla
Norðurlands vestra og Háskólans á
Hólum.
Kjálkabrú er þriðja áhersluatriðið
en sú framkvæmd hefur lengi verið á
óskalista Skagfirðinga. Brúin mun
tengja betur saman íbúa í þessum
tveimur sveitarfélögum með hring-
tengingu um framhluta héraðsins.
Stefán Guðmundsson lagði til í til-
lögu til þingsályktunar fyrir rúmum
25 árum að gerð yrði áætlun um þessa
vegtengingu í framhluta Skagafjarðar
við Kjálkaveg sem tengist síðan
hringvegi í Norðurárdal.
Í umsögn Vegagerðarinnar á þeim
tíma kemur fram að aðstæður til að
gera veg um Villinganes og brú yfir
Héraðsvötn séu líklega góðar. Þá var
kostnaður áætlaður 150 til 250 millj-
ónir kr.
Hljómgrunnur hjá ráðherrum
Fulltrúar úr samstarfsnefndinni
fóru nýlega á fund innviðaráðherra og
háskóla-, iðnaðar- og nýsköpunarráð-
herra og hittu auk þess nokkra þing-
menn. „Mér fannst þessir fundir
ágætir. Við náðum að koma okkar
sjónarmiðum á framfæri og fannst
þeir ljá okkur eyra. Ég er vongóð um
að við höfum fengið hljómgrunn fyrir
okkar hugmyndir og getum haldið
áfram með þær,“ segir Hrefna.
Hún segir mikilvægt að koma
Kjálkabrú inn á samgönguáætlun.
Samstarfsnefndin leggur á það
áherslu að það verði gert við næstu
endurskoðun samgönguáætlunar og
hún verði sett þar í fyrsta áfanga.
Flatatunga
No
rðu
rár
dal
ur
Skagafjarðarvegur
H
éraðsvötn
Tunguháls
Loftmyndir ehf.
1
Möguleg brú
yfir Héraðsvötn
Ný brú yfir Héraðsvötn
Villinganes
Brú yfir Hér-
aðsvötn tengi
sveitir saman
- Kynning á sameiningu í Skagafirði að
hefjast - Vilja brú á samgönguáætlun
Hrefna
Jóhannesdóttir
Guðmundur Árni Stefánsson, fyrr-
verandi bæjarstjóri í Hafnarfirði,
sendiherra og
fyrrv. þingmað-
ur og ráðherra,
hefur ákveðið að
gefa kost á sér
fyrir Samfylk-
inguna í kom-
andi bæjar-
stjórnar-
kosningum í
Hafnarfirði.
Guðmundur
Árni greindi frá
þessu á facebooksíðu sinni í fyrra-
dag. „Fyrsta skrefið í þeirri veg-
ferð er þátttaka í prófkjöri flokks-
ins sem fer fram 12. febrúar
næstkomandi þar sem ég óska eftir
stuðningi í 1. sæti listans,“ skrifaði
Guðmundur Árni.
Hann segir marga jafnaðarmenn
í Hafnarfirði hafa haft samband
við sig á síðustu vikum og óskað
eftir því að hann legði lið við að
styrkja stöðu jafnaðarmanna í
bænum og hann hafi ákveðið að
verða við þessu kalli. Segist hann
vera þess fullviss að með góðri liðs-
heild, skýrri stefnu og markvissum
vinnubrögðum geti Samfylkingin
orðið stærsti flokkur bæjarins.
Segist Guðmundur Árni stefna
að því að Samfylkingin tvöfaldi
bæjarfulltrúatölu sína í Hafnarfirði
úr tveimur í fjóra í sveitarstjórnar-
kosningunum í maí.
„Ég hætti í pólitík 2005. Hafði þá
setið í bæjarstjórn í Hafnarfirði í
12 ár, þar af bæjarstjóri í sjö ár.
Og síðan þingmaður í 13 ár, þar af
ráðherra í hálft annað ár,“ segir
Guðmundur Árni í færslunni.
Snýr aftur í pólitík og sækist eftir 1. sæti
Guðmundur Árni
Stefánsson
Veistu um góðan
rafvirkja?
FINNA.is