Morgunblaðið - 14.01.2022, Page 17

MINNINGAR 17
MORGUNBLAÐIÐ FÖSTUDAGUR 14. JANÚAR 2022
„Svo glettin, spaugsöm og
spræk“ eru bernskuminningarnar
af Ingibjörgu móðursystur minni,
eða Imbu töntu eins og hún kenndi
mér að kalla sig. Þær fyrstu frá
Hálsi í Fnjóskadal upp úr miðri
síðustu öld. Há og spengileg söng
hún í kórnum ásamt systkinum
sínum í þá nær 100 ára gamalli
kirkjunni, og afi messaði. Klædd
eftir nýjasta móð, ilmandi af púðri
með þverklippt hár og snyrtitask-
an auðvitað ekki langt undan. Mér
fannst hún bæði falleg og skemmti-
leg. Svo var hún mér svo góð.
Hér í spariskúffu liggur saman-
brotið koddaver með blúndu og
bleikum útsaumi. Fíngert mynstur
af teikningu úr Hannyrðaverzlun
Ragnheiðar O. Björnsson eða búð-
inni hennar Öddu frænku, sem
Imba mín saumaði út og gaf mér
nýfæddri. Það var gleðistund hjá
okkur á Hrafnistu nú í haust að
skoða saman þetta fallega ver
meira en sjötíu árum síðar. Verið
sem ég barn að aldri fékk að sofa
við á tyllidögum. Reyndar kom
Imba einnig við sögu aðeins fyrr,
eða strax heima hjá Öddu frænku
föðursystur sinni í Höphnershúsi á
Akureyri, þegar undirrituð leit þar
dagsins ljós og píanóstillirinn flúði
aðstæður. Adda frænka var græn-
keri eins og sagt er í dag, og hafði
einlæga trú á töfrum náttúrulækn-
ingastefnunnar. Svo næstu misser-
in glímdu þær svolítið þessar elsk-
ur, Adda frænka og Imba mín, um
hvað barnið ætti að fá á pelann –
mjólkurdreitil eða spínatseyði með
hunangi.
En Reykjavík bíður og elsku afi
og amma flytja suður. Mörg voru
kaffiboðin á Lynghaganum sem þá
var nýbyggður, og ekki verra þeg-
ar Imba frænka kom líka. Hún
spáði nefnilega í bolla. Með geisl-
andi brúnu augun sín og kankvís á
svip lýsti hún því sem þar var að
sjá og gestirnir vildu heyra, sem
oftar en ekki var um fjallmyndar-
lega menn, trúlofunarhringi og
ferðalög. Spána innsiglaði Imba
svo með því sem í botninum lá.
Varla brást að þar leyndust tvö tif-
andi hjörtu.
Nokkru síðar er Bjarni Linnet
mættur, galvaskur og gamansam-
ur og með honum í för þau calypsó
og hey mambó. Já, öll sú dásam-
lega suðurameríska fjölskylda;
tónlist sem lagði heiminn að fótum
sér á þeim árum.
En fyrr en varir er áratugur lið-
inn og unglingsstelpan fær að fara
til stuttrar dvalar með þeim Imbu,
Bjarna og dætrunum Hönnu
Gurru og Ragnheiði austur að Eg-
ilsstöðum þar sem Bjarni er póst-
og símstöðvarstjóri. Á leiðinni gist-
um við hjá elsku Öddu frænku í
Innbænum á Akureyri, þar sem
henni og Imbu kom saman um að
leyfa ungu dömunni að fara í Sjall-
ann, þótt viðmiðunaraldri væri
strangt til tekið ekki náð.
Löngu síðar mátti árum saman
reiða sig á veislurnar annan í jólum
fyrir systkini Ingibjargar og fjöl-
skyldur þeirra sunnan heiða. Borð-
ið svignaði undan heitu súkkulaði
og girnilegum kræsingum. Segja
má að Imba hafi þannig haldið ut-
an um stórfjölskylduna og við náð
að taka a.m.k. árvissa stöðu hvert á
öðru.
Það húmar að kveldi. Fyrir hug-
skotssjónum sé ég Imbu mína
þrotna að kröftum senda mér síð-
asta fingurkossinn. Þau smábörn
sem lítið og ekkert hafa af foreldr-
um sínum að segja eru lánsöm að
eiga góða að. Og það átti ég. Elsku
Imbu töntu mína kveð ég með
hjartans þakklæti.
Guðríður Adda Ragnarsdóttir.
Takk, elsku Imba.
Fyrir allar gistinæturnar og
góðu dagana sem ég fékk að njóta
á heimili ykkar Bjarna þegar ég
var barn. Takk fyrir að leyfa mér
að koma flestar helgar og svo oft
þegar ég átti frí frá skóla. Takk
fyrir að fá að drekka spur með
lakkrísröri og baka pönnsur með
stelpunum. Takk fyrir að leyfa mér
að vera hjá ykkur. Elsku Imba.
Þín elskandi systurdóttir,
Vera.
✝
Margrét Guð-
jónsdóttir
fæddist í Reykja-
vík 19. ágúst 1932.
Hún varð bráð-
kvödd á heimili
sínu 4. janúar
2022.
Foreldrar Mar-
grétar voru Guð-
jón Runólfsson,
bókbandsmeistari
á Landsbókasafn-
inu, fæddur í Reykjavík 9. júlí
1907, dáinn 16. september
1999 og Kristín María Gísla-
dóttir húsmóðir, fædd á Eski-
firði 1. september 1909, dáin
31. ágúst 1972.
Bræður Margrétar voru
Gísli Hauksteinn, fæddur 12.
júlí 1931, dáinn 12. mars 2006
og Runólfur, fæddur 13. nóv-
ember 1935, dáinn 12. desem-
ber 2019.
Margrét giftist eiginmanni
sínum, Herði Ágústssyni, 22.
ágúst 1953, frá Vest-
mannaeyjum, fæddur 22.
ágúst 1932, dáinn 22. febrúar
2008. Foreldrar Harðar voru
Ágúst Bjarnason gjaldkeri,
Brink, Bjarni Snær og Andri
Már. 6. María, fædd 1972,
maki Siggeir Kolbeinsson,
börn þeirra eru Rebekka Rún,
Aníta Ýr og Atli Kolbeinn.
Langömmubörnin eru 21.
Margrét og Hörður tóku að
sér fósturbarn, Unni M. Frið-
riksdóttur, f. 6 september
1967, d. 25. febrúar 2013.
Margrét ólst upp í Reykja-
vík fyrstu árin á Bergstaða-
stræti 60 og síðar í Meðalholti
7. Hún gekk í Austurbæj-
arskóla síðan í Gagnfræða-
skóla Ingimars. Eftir skóla-
göngu fór Margrét að vinna
hjá föður sínum á Lands-
bókasafninu og vann þar til
1953. Margrét og Hörður
fluttu til Vestmannaeyja og
byggðu hús á Túngötu 21.
Margrét var húsmóðir sín
fyrstu hjúskaparár. Árið 1964
flutti fjölskyldan til Reykjavík-
ur. Margrét aðstoðaði föður
sinn við bókhald til fjölda ára,
síðar hóf hún störf í Breið-
holtsbakaríi og starfaði þar í
17 ár.
Útför Margrétar fer fram í
dag, 14. janúar 2022, klukkan
13 frá Seljakirkju.
Í ljósi aðstæðna verða að-
eins nánustu ættingjar og vin-
ir viðstaddir útför.
Streymi á
www.seljakirkja.is
www.mbl.is/andlat
fæddur 18. ágúst
1910, dáinn 3. jan-
úar 1993 og Fann-
ey Jónsdóttir hús-
móðir, fædd 29.
janúar 1913, dáin
31. júlí 1940. Fóst-
urmóðir Harðar
var Aðalheiður
Árnadóttir hús-
móðir, fædd 7.
janúar 1913, dáin
20. október 1987.
Uppeldissystkini Harðar voru
Birgir og Íris Sigurðarbörn og
eru þau bæði látin.
Börn Margrétar og Harðar
eru: 1. Guðjón, fæddur 1953,
maki Hrönn Ólafsdóttir, dætur
þeirra eru Margrét og El-
ísabet Maren. 2. Ágúst, fædd-
ur 1955, maki Bryndís Guð-
jónsdóttir, börn þeirra eru
Hörður, Guðjón Ingi og Eva
Ingibjörg. 3. Bjarni, fæddur
1957. 4. Hilmar, fæddur 1960,
maki Laila Ingvarsdóttir, börn
Hilmars eru Anna Heidi, Sara
Fanney og Hilmar Benedikt. 5.
Fanney, fædd 1967, maki Guð-
mundur Már Þorvarðarson,
börn þeirra eru Kristín María
Elsku yndislega mamma okk-
ar, við kveðjum þig með sorg í
hjarta. Við rifjum upp góðar
minningar frá Vestmannaeyjum,
bílferðir og ferðalög um landið.
Góðu stundirnar okkar allra
saman á Þingvöllum.
Kaffihúsaferðirnar í seinni tíð.
Við munum sakna þess að sitja
með þér við eldhúsborðið,
spjalla, hlæja og gráta.
Þú varst alltaf til staðar fyrir
okkur, áttir réttu svörin við öllu.
Börnin okkar og vinir okkar
allra leituðu ráða hjá þér og allt-
af varstu reiðubúin að hlusta og
gefa réttu ráðin.
Þú varst kletturinn okkar.
Minning þín mun lifa um
ókomna tíð í hjörtum okkar
allra. Takk fyrir allt, elsku
mamma.
Við brottför þína er sorgin sár
af söknuði hjörtun blæða.
En horft skal í gegnum tregatár
í tilbeiðslu á Drottin hæða.
Og fela honum um ævi ár
undina dýpstu að græða.
(Guðrún Jóhannesdóttir)
Fyrir hönd okkar systkin-
anna,
Guðjón.
Elsku besta mamma mín, ekki
átti ég von á því að þurfa að
kveðja þig svona snemma. Þegar
ég talaði við þig á nýársdag átti
ég ekki von á að það væri okkar
síðasta samtal. Að fá símtalið og
vera staddur erlendis svo fjarri
þér var afskaplega erfitt og
óraunverulegt.
Ég er samt þakklátur fyrir
það að þú fékkst að fara í svefni
eins og þú vildir á þínu fallega
heimili og þú þjáðist ekki. Ég
veit að pabbi hefur tekið vel á
móti þér og nú eruð þið sam-
einuð á ný.
Mikið er ég þér þakklátur fyr-
ir allt sem þú kenndir mér og
gerðir fyrir mig alla tíð, því betri
mömmu er vart hægt að hugsa
sér. Það sem við systkinin vor-
um heppin og allir okkar vinir
líka. Vinir mínir tala enn um
mömmu Maggý og við vinirnir
úr Breiðholtinu eigum þér svo
margt að þakka. Alltaf var hægt
að leita til þín og fá ráð við öllu
og allir velkomnir í kaffispjall og
jafnvel spádóm.
Minningarnar eru margar og
góðar, Vestmannaeyjar, Mikla-
brautin, Unufellið, Mosfellsbær,
Þingvellir og öll jólaboðin. Árin í
Vestmannaeyjum eru mér mjög
kær, en þar fæddist ég og þú
hélst að þú ættir von á drauma-
stúlkunni en fékkst fjórða peyj-
ann. Þú grínaðist með það og
kallaðir mig Dimmalimm.
Það hefur ekki verið auðvelt
að ala upp fjóra kraftmikla peyja
en þú leystir það verkefni vel
eins og allt annað sem þú tókst
þér fyrir hendur.
Alltaf var matur á réttum tíma
en oftar en ekki mættum við
bræður seint og illa og ástæðan
oftast fótboltinn. Draumastúlk-
urnar urðu svo tvær eftir að við
fluttum á Miklubrautina. Þá vor-
um við orðin sex systkinin og
mikið fjör á heimilinu. Alltaf
varstu samt svo þolinmóð, hjálp-
söm og hvetjandi og studdir okk-
ur systkinin í öllu sem við gerð-
um.
Takk elsku mamma mín fyrir
öll árin okkar saman, takk fyrir
að vera einstök amma fyrir börn-
in mín og barnabörn, takk fyrir
að vera mamma mín.
Þinn sonur,
Hilmar Harðarson.
Yndislega fallega mamma
mín, fyrirmyndin mín og mín
besta vinkona, sem fékk það
hlutverk að ala mig í þennan
heim og ég er endalaust þakklát
fyrir, er farin frá mér.
Mamma bar alla tíð hag minn
og fjölskyldunnar minnar fyrir
brjósti sama hvað. Hún var mín
besta vinkona og gat ég alltaf
leitað til hennar þegar mig vant-
aði einhvern til að samgleðjast
mér, finna til með mér, vera öxl
til að gráta á eða hvað sem var.
Mamma, ég mun sakna hlýja
faðmsins þíns, brossins þíns og
allra stundanna sem ég og fjöl-
skylda mín fengum að njóta með
þér til þinnar síðustu stundar.
Það voru forréttindi fyrir okkur
að fá að njóta þín öll þessi ár,
elsku besta mamma mín.
Ég græt og hjartað mitt græt-
ur, brotið af söknuði en ég verð
alltaf þakklát fyrir þig, elsku
mamma. Takk fyrir mig og allt
sem við áttum saman, elsku
besta, yndislega og fallega
mamma mín.
Ég elska þig alltaf.
Þín dóttir,
María (Maja).
Elsku hjartans mamma mín,
hvernig fer ég að án þín? Hjarta
mitt er í molum. Allt er svo tóm-
legt án þín og óraunverulegt að
hugsa til þess að þú sért farin frá
okkur. Endalausar fallegar
minningar koma upp í hugann
eins og samvera okkar í bústaðn-
um á Þingvöllum, þar sem þið
pabbi elskuðuð að vera öllum
stundum. Heimsókn þín til mín
þegar ég var í námi í Florida.
Þegar þú komst með mér í langa
vinnuferð til Baltimore þar sem
við keyptum jólagjafir og nutum
okkar. Þú ég og Maja að hafa
gaman saman í Boston, kaffi-
húsaferðirnar okkar og margt
margt fleira.
Þú varst ein mikilvægasta
manneskjan í lífi mínu og mín
besta vinkona. Þú varst mín stoð
og stytta í gegnum allt, þú gafst
bestu ráðin og varst alltaf til
staðar. Þú kenndir mér svo ótal-
margt, fyrir það verð ég ævin-
lega þakklát. Þú varst sann-
gjörn, heiðarleg, þolinmóð,
einlæg og hjartahlý. Þú sást allt-
af það jákvæða í öllu fólki. Þú
varst elskuð og þú elskaðir skil-
yrðislaust.
Börnin mín gátu ekki fengið
betri ömmu en þig. Ég hefði ekki
getað fengið betri mömmu en
þig. Ég mun sakna þess að koma
til þín í kaffi og spjall. Ég mun
sakna þess að faðma þig og finna
hlýju þína.
Ég er svo þakklát fyrir okkar
tíma saman elsku besta fallega
mamma mín. Ég elska þig og
sakna óendanlega mikið.
Þín dóttir
Fanney.
Elsku Maggý. Það var alveg
sama við hvaða tilefni eða að-
stæður við hittumst, alltaf áttum
við gott spjall og skipti þá engu
máli um hvað.
Þú varst vel að þér um margt
ef hreinlega ekki allt, það sann-
aði sig yfirleitt best þegar Trivial
Pursuit var spilað, þá iðaðirðu í
skinninu að svara, í öllum flokk-
um, þegar aðrir vissu ekki svar-
ið.
Þú sýndir öðru fólki einlægan
áhuga, eitt af þínum einkennum
svo sannarlega, þessi einlægni.
Það sem stendur mér alltaf efst í
huga er það hvað þú barst alltaf
hag annarra fyrir brjósti, alltaf
spurðirðu um hvernig gengi, í
vinnunni eða við önnur verkefni
sem var verið að eiga við hverju
sinni. „Hvað segja strákarnir, en
Kristín (ömmubörnin)?“ voru al-
gengar spurningar. Ég hefði svo
sannarlega kosið að eiga mögu-
leika á fleiri samtölum við eld-
húsborðið hjá þér yfir kaffibolla
og því kruðeríi sem á borðum var
hverju sinni. Ég er þakklátur
fyrir þann tíma sem við öll feng-
um með þér.
Í dag kveð ég tengdamóður og
góðan vin.
Þinn tengdasonur,
Guðmundur.
Elsku amma Maggý.
Við vissum öll að einn daginn
myndir þú kveðja, en svona
óvænt áttum við ekki von á. Þú
hefðir orðið 90 ára í ágúst.
Við vorum heppin að fá mörg
ár af hlýjum faðmi, góðum ráð-
um, sögum og endalaust af fal-
legum minningum, hver einasta
svo dýrmæt. Tíminn sem við átt-
um með þér og afa á Þingvöllum
og í Unufellinu standa upp úr
sem og jóladagur þegar við hitt-
umst öll stórfjölskyldan og borð-
uðum saman hangikjöt, uppstúf
og rófustöppuna frægu.
Elsku amma, þú varst einstök
og glæsileg kona, eins og allir
vita sem voru svo lánsamir að
kynnast þér, þú varst hvetjandi,
ákveðin, en umhyggja, jákvæðni
og örlæti voru þín aðalsmerki.
Aldrei heyrðum við þig tala illa
um nokkurn mann. Þannig
manneskja varstu, alltaf sástu
það góða í fólki.
Þú varst afar listræn, málaðir
og föndraðir og við svo heppin að
fá að gjöf frá þér á hverjum jól-
um, jólaskrautið sem er okkur
svo dýrmætt. Jólasveinarnir sem
skreyta heimili okkar systkin-
anna hver jól og hafa gert í mörg
ár.
Alltaf gafstu þér tíma fyrir
spjall og sýndir okkur barna-
börnunum og barnabarnabörn-
unum mikinn áhuga, þakklæti
var þér ofarlega í huga, þú tal-
aðir mikið um hversu heppin þú
værir með afkomendur og
hversu rík þú værir.
Núna ertu komin í faðm afa og
þið dansið saman eins og daginn
sem þið kynntust.
Við elskum þig og söknum þín
meira en orð fá lýst.
Fegurðin er frá þér barst,
fullvel þótti sanna,
að yndið okkar allra varst,
engill meðal manna.
Hlutverk þitt í heimi hér,
þú hafðir leyst af hendi.
Af þeim sökum eftir þér,
Guð englahópa sendi.
Sú besta gjöf er gafst þú mér,
var gleðisólin bjarta,
sem skína skal til heiðurs þér,
skært í mínu hjarta.
(B.H.)
Þín barnabörn,
Anna Heidi Hilmarsdóttir,
Sara Fanney Hilmarsdóttir,
Hilmar Benedikt Hilmarsson.
Elsku amma okkar. Við viss-
um alltaf að þessi dagur rynni
upp en við vorum svo engan veg-
inn tilbúin til að kveðja þig. Við
hlýjum okkur þó við þá tilhugsun
að þú hafir loksins fengið að hitta
afa aftur, kysstu hann frá okkur.
Það hafa svo sannarlega verið
forréttindi að fá að alast upp með
þér, búa með þér og læra af þér
seinustu 20 árin. Það verður erf-
itt að venjast því að hafa þig ekki
niðri, aðeins nokkrum þrepum
frá okkur, þar sem við gátum
alltaf komið þegar eitthvað var
að, ef okkur langaði að spjalla
eða vantaði hlýtt faðmlag.
Við erum svo þakklát fyrir all-
ar góðu stundirnar sem við átt-
um saman. Allar ferðirnar upp í
sumarbústaðinn á Þingvöllum,
þar sem við áttum margar okkar
bestu stundir. Við getum enn séð
þig fyrir okkur sitjandi úti á
palli, þar sem þú baðaðir þig í
sólinni og horfðir út á fallegu
Sandey.
Öll jólin sem við áttum saman.
Þeim munum við aldrei gleyma.
Það var þér svo mikilvægt að
setjast til borðs á slaginu sex og
hlusta á Hallgrímskirkjuklukk-
urnar hringja inn jólin. Þannig
áttu jólin líka að vera.
Þú leyfðir okkur líka alltaf að
taka þátt í matseldinni og hafðir
svo gaman af, elsku amma.
Við biðum alltaf svo spennt
eftir jólaballinu í Oddfellow, þar
sem þú dansaðir með okkur í
kringum jólatréð og söngst há-
stöfum með jólalögunum. Þú
varst svo mikið jólabarn, elsku
amma.
Allar dásamlegu minningarn-
ar okkar saman munum við
ávallt geyma í hjarta okkar.
Elsku amma, takk fyrir að
deila með okkur viskunni sem þú
bjóst yfir, skoðunum þínum, sög-
unum og öllum góðu ráðunum
sem þú hafðir. Takk fyrir að
elska okkur og taka okkur eins
og við erum.
Kem ég nú að kistu þinni,
kæra amma mín,
mér í huga innst er inni
ástarþökk til þín.
Allt frá fyrstu æskustundum
átti ég skjól hjá þér,
í þínu húsi þar sem við undum,
þá var afi líka hér.
Kem ég nú að kveðja ömmu,
klökkvi í huga býr.
Hjartans þökk frá mér og mömmu,
minning lifir skýr.
Vertu sæl í huldum heimi.
Horfnir vinir fagna hljótt.
Laus við þrautir, Guð þig geymi.
Góða amma, sofðu rótt.
(Helga Guðm.)
Við munum sakna þín svo,
elsku amma. Við vitum að þér
líður vel núna, þó svo að við hefð-
um viljað fá meiri tíma með þér.
Við munum hittast aftur seinna
og þangað til munum við varð-
veita það sem þú veittir okkur í
gegnum lífið.
Við elskum þig svo heitt,
amma okkar.
Þín barnabörn,
Rebekka Rún,
Aníta Ýr og
Atli Kolbeinn.
Elsku amma Maggý, það var
alltaf svo skemmtilegt að koma í
heimsókn til þín og þú áttir alltaf
eitthvað gott handa okkur. Þú
varst alltaf svo hress, blíð og góð.
Þú þreyttist aldrei á að tala við
okkur og spurðir alltaf um allt
sem við vorum að gera. Við vild-
um óska þess að við hefðum haft
lengri tíma með þér og við mun-
um sérstaklega sakna þín þegar
við höldum upp á 13 ára afmælið
okkar. Við elskum þig elsku
besta amma Maggý.
Þínir
Bjarni Snær og Andri Már.
Elsku fallega amma mín, það
er svo sárt að þurfa að kveðja
þig. Ég er svo þakklát fyrir tím-
ann sem ég átti með þér og er
svo þakklát fyrir að hafa átt
svona hjartahlýja og góða ömmu
eins og þig. Þú varst alveg ein-
stök kona, svo sterk, dugleg, svo
falleg og alltaf góð við alla. Ég lít
svo mikið upp til þín af því ég gat
alltaf leitað til þín og þú gafst
mér alltaf bestu ráðin. Það er
sárt að hugsa til þess að ég þurfi
að halda stúdentsveisluna mína
án þín þar sem ég veit hvað þú
varst spennt að koma og fagna
með mér. En ég veit þó að þú
verður með mér í anda og skálar
með okkur.
Ég mun alltaf varðveita minn-
ingarnar sem við eigum saman,
það var alltaf svo gott að koma í
heimsókn til þín og spjalla um líf-
ið og tilveruna, og aldrei brást
það að þú bauðst manni úrval af
kexkökum. Það er svo margt
meira sem ég vildi tala við þig
um og upplifa með þér áður en
þú fórst. Það bíður þangað til ég
sé þig næst, elsku amma mín. Ég
elska þig og sakna þín endalaust.
Þín
Kristín María.
Margrét
Guðjónsdóttir
HINSTA KVEÐJA
Elsku amma, við mun
sakna þín rosa mikið. Það
var alltaf svo gaman að fara
í heimsókn til þín og það
fyrsta sem þú gerðir var að
fara beint í nammiskápinn
að ná í prins póló, horfðir
svo á pabba og sagðir: „Ég
ræð hér!“
Matthildur Eva og
Hrafnhildur Lilja.