Morgunblaðið - 11.02.2022, Side 8

8 FRÉTTIR
Innlent
MORGUNBLAÐIÐ FÖSTUDAGUR 11. FEBRÚAR 2022
KRINGLAN – SMÁRALIND – DUKA.IS
11.– 14. febrúar
20% afsláttur
af völdum vörum
Valentínusar
TILBOÐ
Björn Bjarnason fjallar á vef sín-
um um það sem hann kallar
„Launhelgar Dags B. og olíu-
risanna“. Þetta orðaval er ekki út í
loftið, því að í fréttaskýringu hér í
blaðinu á miðvikudag kom fram að
mikið pukur er með
viðskipti um lóðir
sem olíufélögin hafa
notað í Reykjavík.
Um það segir Björn:
„Stjórnarhættirnir
sem birtast í þessum
lóða- og fjármála-
sviptingum borgar-
stjóra eru til marks
um ógagnsæja sér-
hagsmunagæslu eins
og hún verður mest.“
- - -
Og áfram segir
Björn: „Undir
forystu Dags B. Egg-
ertssonar borgarstjóra hefur þróast
úthlutunarkerfi stórlóða sem hann
hefur í hendi sér. Hann rekur dæmi
um slíkar úthlutanir í bók sinni Nýja
Reykjavík. Nú blasir við að borg-
arstjóri nýtir sér þetta vald sitt í sam-
skiptum við olíufélögin sem ráða yfir
stórum lóðum víða í borginni en
verða óhjákvæmilega að draga sam-
an seglin vegna aukinnar rafvæð-
ingar bíla.“
- - -
Björn bendir einnig á það sem
kemur fram í fréttaskýring-
unni, að einungis „[f]ámennur hópur
innan borgarkerfisins veit um efni
þessara samninga. Hvílir svo mikil
leynd yfir þeim að borgarfulltrúar
hafa aðeins fengið að skoða þá á
spjaldtölvu í lokuðu gagnaherbergi í
Ráðhúsinu.“
- - -
Þessi lýsing er með ólíkindum og
þó ekki öll kurl komin til grafar.
Og þetta er fjarri því eina dæmið um
slíkt ógagnsæi í viðskiptum hjá borg-
inni. En sérstaka athygli vekur að
samstarfsflokkar Samfylkingar, Pí-
ratar, Viðreisn og VG, hafa ekkert
við þessi vinnubrögð að athuga.
Björn Bjarnason
Launhelgar
og leynimakk
STAKSTEINAR
Dagur B.
Eggertsson
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Það dró úr umferðinni um götur höf-
uðborgarsvæðisins í seinasta mánuði
ef mið er tekið af umferðinni í jan-
úarmánuði á seinasta ári. Þetta kem-
ur fram í umferðarmælingum Vega-
gerðarinnar. Reyndist umferðin á
höfuðborgarsvæðinu í janúar vera
rúmum tveimur prósentum minni í
ár en í sama mánuði í fyrra. „Um-
ferðin dróst saman rétt eins og á
hringveginum en þar dróst hún ein-
mitt aðallega saman í mælipunktum í
nágrenni höfuðborgarsvæðisins,“
segir í frétt á vef Vegagerðarinnar.
Mest minnkaði umferðin á mæli-
sniði á Vesturlandsvegi ofan Ártúns-
brekku eða um 4,5%. Aftur á móti
jókst umferðin lítilsháttar á Reykja-
nesbraut eða um 0,8%. „Janúar kom
þannig út að umferð stóð í stað eða
dróst saman í öllum vikudögum fyrir
utan miðvikudaga en í þeim jókst
umferðin um 6%. Umferð dróst aftur
á móti mikið saman á föstudögum
eða um 19%.
Mest var ekið á föstudögum en
minnst á sunnudögum.“
Fram hefur komið hér í blaðinu að
umferðin á hringveginum dróst sam-
an um nærri sex prósent í janúar frá
sama mánuði í fyrra. Samdrátturinn
var mestur í nágrenni höfuðborgar-
svæðisins en umferðin jókst hins
vegar á Austurlandi.
Umferðin minnkaði nokkuð í janúar
- Umferð dróst saman um 4,5% á Vest-
urlandsvegi ofan við Ártúnsbrekku
Morgunblaðið/Kristinn Magnússon
Á ferðinni Umferðin var rúmum
tveimur prósentum minni í janúar.
Ómar Friðriksson
omfr@mbl.is
Skráð atvinnuleysi á landinu jókst
í seinasta mánuði úr 4,9% í des-
ember í 5,2% í janúar. Fjölgaði
atvinnulausum að meðaltali um
258 frá mánuðinum á undan.
Aukning atvinnuleysis í fyrsta
mánuði ársins er í samræmi við
spá Vinnumálastofnunar um þró-
un atvinnuleysis í janúar. Spáir
stofnunin því nú að atvinnuleysi
muni ekki breytast mikið í febr-
úar og verða áfram á bilinu 5,1%
til 5,3%.
Alls var 10.541 skráður atvinnu-
laus um seinustu mánaðamót. At-
vinnuleysið mælist mest á Suður-
nesjum þar sem það var 9,5% í
janúar og jókst úr 9,3% í desem-
ber. Þá var atvinnuleysið á höfuð-
borgarsvæðinu 5,3% í seinasta
mánuði og jókst þar einnig eða úr
5% í desember.
3.579 án vinnu í meira en ár
Þeim sem hafa verið án atvinnu
í langan tíma hefur fækkað nokk-
uð eða um 223 á milli mánaða en
alls höfðu 3.579 einstaklingar ver-
ið án atvinnu og í atvinnuleit í
meira en tólf mánuði í lok janúar.
„Alls voru 2.240 einstaklingar á
ráðningarstyrk innan stofnana og
fyrirtækja í janúar en þeim fækk-
aði um 1.032 frá fyrri mánuði, hins
vegar fjölgaði atvinnulausum í
janúar um 380. Að jafnaði er um
fjórðungur af þeim sem fara á
ráðningarstyrk að koma aftur inn
á atvinnuleysisskrá þegar ráðning-
arstyrk lýkur,“ segir í skýrslu
VMST um atvinnuástandið, sem
birt var í gær.
Atvinnuleysið
jókst í 5,2%
- Mikil fækkun fólks á ráðningarstyrk
Morgunblaðið/Eggert
Við störf Atvinnulausum í lok janúar
fjölgaði í flestum atvinnugreinum.