Morgunblaðið - 23.03.2022, Síða 22

MITT SJÓNARHORN
Philipp Lahm
@philipplahm
Hvað er það sem sameinar okkur
Evrópubúa? Í yfirstandandi krísu,
þar sem heimurinn virðist vera að
færast frá lýðræði til einræðis, hefur
Evrópa staðið þéttar saman og stað-
ið vörð um sín mikilvægustu gildi:
Með lögum skal land byggja. Eftir
því er farið í Porto og Helsinki,
Brugge og Aþenu, Varsjá, Prag og
Ljubljana.
Fótboltinn endurspeglar þjóðlífið.
Hann snýst um ákveðin gildi, hvern-
ig um þau er samið og hvernig þau
eru framkvæmd. Ef keppnin er
sanngjörn og fylgir góðum reglum,
eins og hversu margir fá tækifæri til
að vera með og ná langt, nýtur hann
stuðnings vestrænna ríkja.
Þetta lýðræði gengur merkilega
vel upp þegar við horfum á lands-
liðin, ekki síst þegar staðreyndin er
sú að stærð landanna ræður miklu og
enginn vill breyta landamærunum. Í
sextán lokakeppnum Evrópumóts
karla hafa verið tíu mismunandi sig-
urvegarar.
Vandamálið er í félagsliðafótbolt-
anum. Þangað streyma fúlgur fjár og
sumar deildir og sum félög hagnast
mun meira en önnur. Fyrir vikið
verða til stórveldi í hverju landi. Og í
Meistaradeildinni eru stórir hlutar
Evrópu skildir út undan. Þetta þurfa
mótshaldarar að laga.
Einræði í Þýskalandi og
Frakklandi
„Fólk mætir á fótboltaleiki því það
veit ekki hvernig þeir enda,“ sagði
Sepp Herberger, þjálfari þýsku
heimsmeistaranna árið 1954. Þetta á
ekki lengur við í Þýskalandi og
Frakklandi. Borgarveldin í München
og París eru orðin allsráðandi.
Þar sem Bayern stefnir nú á sinn
tíunda meistaratitil í röð eru umræð-
ur í Þýskalandi um að taka upp úr-
slitakeppni. Þá myndu nokkrir leikir
í lok tímabilsins ráða hver verður
meistari. Á þann hátt ætti Bundes-
ligan að verða spennandi á ný.
En úrslitakeppni er engin töfra-
lausn. Hún myndi aðeins berjast við
einkennin en ekki rót vandans. Hún
svarar ekki spurningunni: Hvernig
skipuleggurðu keppni þannig að fót-
boltinn sé skemmtilegur og margir
eigi möguleika?
Hverjir fá að fjárfesta?
Mesta keppnin er í ensku úrvals-
deildinni því þar eru næstum öll fé-
lögin í eigu auðmanna. En enginn
hefur leitt hugann að því hver fær
leyfi til að setja fjármagn í fótboltann
á landsvísu. Nú hefur Roman
Abramovich, eigandi Chelsea, verið
settur í gjörgæslu. Og nú er rætt af
mikilli alvöru á Englandi hvernig
eigi að stýra því hverjir fái framvegis
að fjárfesta og með hvaða skilyrðum.
Í Evrópu verða almenn mannréttindi
algjör lykilatriði á þessu sviði.
Alþjóðlega keppni þarf stöðugt að
endurnýja. Meistaradeildin er vin-
sæl og meira en 100 milljónir manns
um allan heim horfa á úrslitaleiki
hennar. En sigurvegararnir und-
anfarin ellefu ár hafa komið frá
þremur löndum. Á þessari öld hefur
ekkert lið frá Norðurlöndum, Balk-
anskaga, Miðaustur-Evrópu eða
Austur-Evrópu komist í undanúrslit.
Síðast var það Dynamo Kiev árið
1999.
Er Evrópufótboltinn bara mið-
aður við England, Spán, Þýskaland,
Ítalíu og Frakkland? Hvað með hin-
ar þjóðirnar? Eiga þær að vera
ánægðar með að spila bara í und-
ankeppninni?
Benfica og Ajax í vandræðum
Benfica, sem varð Evrópumeistari
1961 og 1962, er gott dæmi. Félagið
er með stóran leikvang, fjölda stuðn-
ingsfólks og mikla hefð. Benfica er
komið í átta liða úrslitin núna en þar
sem portúgalska deildin er ekki nógu
sterk er mjög erfitt fyrir liðið að ná
lengra í Meistaradeildinni. Sama má
segja um Ajax frá Amsterdam.
Prag, Varsjá, Búdapest og Kaup-
mannahöfn eru bara áhorfendur
þegar kemur að lokaumferðunum og
aðalkeppnin fer af stað. Samt væru
þessar frábæru borgir mjög áhuga-
verðar fyrir fjárfesta sem gætu
skapað grundvöll fyrir því að ná góð-
um árangri.
Þetta var ekki alltaf svona. Síð-
ustu tíu sigurvegararnir í Evr-
ópukeppni meistaraliða, eins og
Meistaradeildin hét fyrir breyting-
arnar árið 1992, komu frá átta lönd-
um, meðal annars frá Rúmeníu,
Portúgal, Hollandi og Júgóslavíu.
Þessi fjölbreytni jók áhugann, gerði
fótboltann mikilvægan í þjóðfélög-
unum og lagði grunninn að Meist-
aradeild Evrópu.
Rétti tíminn til umbóta
Evrópubúar eru vanir að finna
góðar lausnir við samningaborðin,
vinna saman, komast að málamiðl-
unum og taka tillit til mismunandi
hagsmuna. Þannig þarf að búa til
keppni sem gefur mörgum mögu-
leika á að ná langt, bæði innan og ut-
an vallar. Þetta er ekki auðvelt en
mjög áhugavert verkefni. Ábyrgðin
hvílir á UEFA og öllum knatt-
spyrnusamböndum álfunnar, og
þeirra sem fjármagna íþróttina. Ef
ekki nú, hvenær væri þá rétti tíminn
til umbóta? Núna er samstaðan meiri
en nokkru sinni fyrr.
Við lærðum okkar lexíu þegar
reynt var að koma á „Ofurdeild“ á
síðasta ári. Ef þeir sem stjórna mál-
um gera ekkert gætu þeir misst allt
úr sínum höndum. Ef valdið kemst í
hendur örfárra stórra félaga sem
skipuleggja keppnina, þá mun verða
sköpuð Evrópudeild sem skilar
mestum hagnaði, ekki endilega deild
sem fólkið hefði mestan áhuga á.
Evrópa er aðlaðandi á heimsvísu
þar sem hún fer eftir lýðræðislegum
reglum og gildi hennar eru frelsi og
jafnrétti. Þetta á líka við um íþrótta-
mót á hennar vegum, svo lengi sem
allir eiga möguleika. Þetta eru gildin
sem stöðugt er unnið með á meðal
jafningja. Samstaða vestrænna
þjóða eykst með hverjum degi og
hverri viku um þessar mundir. Og
fótboltinn verður að fylgja með.
Snýst Evrópu-
fótboltinn um
fimm þjóðir?
AFP/Michaela Rehle
Einræði Bayern München, liðið sem Philipp Lahm lék með í fimmtán ár,
hefur einokað þýska meistaratitilinn frá árinu 2013.
- Lýðræðið virkar hjá landsliðunum en
alls ekki hjá félagsliðunum í Evrópu
22 ÍÞRÓTTIR
MORGUNBLAÐIÐ MIÐVIKUDAGUR 23. MARS 2022
Knattspyrnumaðurinn Axel Óskar
Andrésson hefur rift samningi sín-
um við lettneska úrvalsdeildar-
félagið Riga. Það er fótbolti.net
sem greinir frá þessu en Axel gekk
til liðs við lettneska félagið frá Vik-
ing í Noregi í febrúar 2021. Axel,
sem er 24 ára gamall, er uppalinn
hjá Aftureldingu en hann hefur
leikið með Reading, Bath City og
Torquay United á Englandi ásamt
Viking og Riga á atvinnumannsferli
sínum. Fótbolti.net greinir frá því
að félög í Noregi og Svíþjóð hafi
áhuga á miðverðinum.
Samningnum
rift í Lettlandi
Ljósmynd/Riga FC
Lettland Axel Óskar hefur verið
orðaður við lið í Noregi og Svíþjóð.
Hamar-Þór og ÍR fóru vel af stað í
fyrstu leikjum sínum í undan-
úrslitum umspils 1. deildar kvenna í
körfuknattleik í gær. Hamar-Þór
vann öruggan 83:72-sigur gegn
deildarmeisturum Ármanns í Kenn-
araháskólanum og þá vann ÍR
95:91-sigur gegn KR í TM-hellinum
í Breiðholti í framlengdum leik.
Liðin mætast á nýjan leik í öðrum
leikjum sínum hinn 25. mars en
vinna þarf þrjá leiki til þess að
tryggja sér sæti í úrslitum umspils-
ins. Það lið sem vinnur umspilið
leikur í efstu deild að ári.
Morgunblaðið/Eggert
Drjúg Astaja Tyghter fór mikinn
fyrir Hamar-Þór og skoraði 30 stig.
Hamar-Þór og
ÍR með sigra
Meistaradeild kvenna
8-liða úrslit, fyrri leikir:
Bayern München – París SG .................. 1:2
- Glódís Perla Viggósdóttir lék allan leik-
inn með Bayern München. Karólína Lea
Vilhjálmsdóttir og Cecilía Rán Rúnarsdótt-
ir voru ónotaðir varamenn.
Real Madrid – Barcelona......................... 1:3
Mexíkó
Toluca – Club América ........................... 0:4
- Andrea Rán Hauksdóttir kom inn á sem
varamaður hjá América á 80. mínútu.
50$99(/:+0$
Frakkland
Bikarkeppnin, 16-liða úrslit:
Cesson Rennes – Aix ........................... 21:25
- Kristján Örn Kristjánsson skoraði þrjú
mörk fyrir Aix.
.$0-!)49,
1. deild kvenna
Undanúrslit, fyrsti leikur:
ÍR – KR......................................... (frl.) 95:91
Ármann – Hamar/Þór .......................... 72:83
Belgía/Holland
Liege – Hague Royals ......................... 87:67
- Snorri Vignisson skoraði 4 stig fyrir
Hague Royal á 12 mínútum.
Danmörk
Amager – Falcon ................................. 70:73
- Þóra Kristín Jónsdóttir skoraði 5 stig
fyrir Falcon, tók eitt frákast og gaf eina
stoðsendingu á 21 mínútu. Ástrós Lena
Ægisdóttir tók eitt frákast á 11 mínútum.
NBA-deildin
Charlotte – New Orleans................. 106:103
Cleveland – LA Lakers.................... 120:131
Detroit – Portland ............................ 115:119
Philadelphia – Miami ....................... 113:106
Brooklyn – Utah ............................... 114:106
Chicago – Toronto .............................. 113:99
Houston – Washington ...................... 115:97
Oklahoma City – Boston .................. 123:132
Dallas – Minnesota........................... 110:108
57+36!)49,
Philipp Lahm var fyrirliði þýska landsliðsins í knattspyrnu þegar það varð
heimsmeistari árið 2014 og lék með Bayern München í fimmtán ár. Hann
er mótsstjóri Evrópumóts karla sem fram fer í Þýskalandi árið 2024. Pistl-
ar hans, „Mitt sjónarhorn“, birtast reglulega í Morgunblaðinu og/eða
mbl.is. Þeir eru skrifaðir í samvinnu við Oliver Fritsch, íþróttaritstjóra
þýska netmiðilsins Zeit On-line, og birtast í fjölmiðlum nokkurra Evrópu-
landa.
Í tíunda pistli sínum í dag fjallar Lahm um aukna samstöðu innan Evr-
ópu og hvernig hún ætti að hafa áhrif á fótboltann í álfunni og sérstaklega
Meistaradeildina.
Pistlar frá Philipp Lahm
_ Franck Kessié hefur lokið læknis-
skoðun hjá knattspyrnuliði Barcelona
á Spáni og mun hann ganga til liðs við
spænska félagið þegar samningur
hans við AC Milan rennur út í sumar.
Kessié, sem er 25 ára gamall, gekk til
liðs við AC Milan frá Atalanta árið
2017. Hann á að baki 214 leiki fyrir fé-
lagið í öllum keppnum þar sem hann
hefur skorað 36 mörk og þá á hann að
baki 52 A-landsleiki fyrir landslið Fíla-
beinsstrandarinnar.
_ Hin 15 ára gamla Kamila Valieva
snýr aftur á ísinn um helgina þegar
hún keppir í listhlaupi á skautum í Sar-
ansk í Rússlandi. Mótið sem Valieva
mun keppa á ber heitið Channel One-
bikarinn og er eingöngu fyrir Rússa en
mótið fer fram á sama tíma og heims-
meistaramótið í listhlaupi á skautum
sem hefst á morgun í Montpellier í
Frakklandi. Rússar fá ekki að keppa á
mótum á vegum Alþjóðaskauta-
sambandsins vegna innrásar Rúss-
lands í Úkraínu.
_ Bretar og Írar eru öruggir um að
verða gestgjafar í úrslitakeppni Evr-
ópumóts karla í knattspyrnu sem fram
fer sumarið 2028 en bæði The Times
og The Telegraph greindu frá þessu í
gær. UEFA hefur ekki gefið þetta form-
lega út en umsóknarfresturinn um að
halda mótið rennur út í dag og mun
UEFA tilkynna niðurstöðuna hinn 7.
apríl.
Eitt
ogannað
Karlalandslið Íslands er í fyrsta
styrkleikaflokki fyrir dráttinn í
riðlakeppni Evrópumóts karla í
handknattleik 2024 en dregið verður
í riðlana á fimmtudaginn í næstu
viku, 31. mars.
Fyrsti flokkur: Noregur, Frakk-
land, Króatía, Slóvenía, Ungverja-
land, Portúgal, Ísland og Austurríki.
Annar flokkur: Tékkland, Pól-
land, Holland, Svartfjallaland, Norð-
ur-Makedónía, Serbía, Sviss og
Úkraína.
Þriðji flokkur: Bosnía, Litháen,
Lettland, Ísrael, Slóvakía, Tyrkland,
Rúmenía og Grikkland.
Fjórði flokkur: Kósóvó, Belgía,
Eistland, Færeyjar, Finnland,
Ítalía, Georgía og Lúxemborg.
Eitt lið úr hverjum flokki verður
dregið í hvern riðil undankeppn-
innar. Hún hefst í október á þessu
ári og lýkur í apríl 2023. Tvö efstu lið
hvers riðils komast á EM ásamt fjór-
um bestu liðum í þriðja sæti.
Evrópumótið fer fram í Þýska-
landi í janúar 2024 og Þjóðverjar
sleppa því við undankeppnina, rétt
eins og Svíþjóð, Danmörk og Spánn
sem enduðu í þremur efstu sætum
EM 2022. Rússum og Hvít-Rússum
var vísað úr keppni vegna innrás-
arinnar í Úkraínu.
Ísland í fyrsta styrkleikaflokki fyrir EM
Ljósmynd/Szilvia Micheller
EM Ísland hafnaði í sjötta sæti á
síðasta Evrópumóti í janúar.