Fréttablaðið - 19.04.2022, Blaðsíða 2

Gæsuð
AðAlfundur
verður haldinn í Origo höllinni að Hlíðarenda
fimmtudaginn 28. apríl, kl. 17:00.
Dagsskrá aðalfundar er samkvæmt
samþykktum félagsins.
Stjórn Vals
knattspyrnufélagsins Vals
Talið er að 500 til 600 sjálfs­
vígstilraunir séu gerðar á
Íslandi á hverju ári og að á
milli 30 og 50 manns láti lífið.
Eitthvað verulega mikið er að
í samfélagi sem sættir sig við
þessa staðreynd segir í kynn­
ingu á nýrri heimildarmynd.
thorgrimur@frettabladid.is
SJÁLFSVÍG „Þetta var að gerast kring­
um okkur í hverfinu okkar,“ sagði
kvikmyndagerðarmaðurinn Helgi
Felixson um viðfangsefni nýrrar
heimildarmyndar sinnar sem frum­
sýnd verður í Bíó Paradís í dag.
„Þetta var að gerast í húsum þar
sem við bjuggum, í kjallaranum,
hjá nágrönnum, og í fjörunni fyrir
framan húsið hjá okkur. Það var
ekki annað hægt en að svara þess­
ari köllun, sem við höfum alltaf gert
með okkar myndum.“
Myndin, sem Helgi gerði ásamt
Titti Johnson, fjallar um sjálfsvíg á
Íslandi. Að því er kemur fram í til­
kynningu um myndina hafa að
minnsta kosti 211 einstaklingar
fallið fyrir eigin hendi á Íslandi síðan
gerð myndarinnar hófst árið 2017. Í
henni er rætt við aðstandendur og
ástvini fólks sem hefur fyrirfarið sér
og reynt er að miðla reynslu þeirra
„Fyrir nokkrum dögum sá ég
skiltið fyrir ofan Litlu kaffistofuna
á Suðurlandsveginum,“ segir Helgi.
„Þar sá ég að tveir höfðu látist í
umferðarslysum á árinu. Þá varð
mér hugsað til þessarar myndar og
að það eru mun fleiri en tveir sem
hafa fallið á árinu fyrir eigin hendi.
Það væri ágætis hugmynd að hafa
sams konar skilti fyrir fólk sem
hefur fyrirfarið sér. Það þarf að vekja
meiri athygli á því og auka forvarnir
í þessu.“
Helgi segir að mikil þöggun sé í
kringum sjálfsvíg í íslensku sam­
félagi. Það tengir hann við alda­
gamla smánun á fólki sem fallið
hefur fyrir eigin hendi og nefnir til
dæmis að áður fyrr hafi ekki einu
sinni mátt jarðsetja þennan hóp
fólks í vígðri mold. Hann segist vona
að myndin verði þeim sem sjá hana
hugvekja.
„Þetta er mikið umhugsunarefni.
Sérstaklega fyrir stjórnvöld, með til­
liti til geðdeildanna og hvernig þær
eru sveltar, hvernig þeim er lokað
á ákveðnum tímum. Þetta er ekki
aðgengilegt fyrir fólk sem þarf virki­
lega á hjálp að halda.“
Helst segir Helgi vilja halda sér­
staka á sýningu á myndinni fyrir
ráðherra og annað áhrifafólk. „Nú
virðist vera nóg til af öllu þegar í
harðbakkann slær. En svo þegar
varðar þessi mál er ekki hægt að
gera nokkurn skapaðan hlut, heldur
er lokað og fólk sett í svelti og lítið
sem ekkert gert fyrir þessi samtök
sem vilja breytingar, eins og Pieta og
Sorgarmiðstöð.“ n
Sjálfsvígin eru umlykjandi
málefni en þögguð niður
Helgi Felixson og Titti Johnson frumsýna nýja mynd sína um sjálfsvíg í Bíó
Paradís í kvöld. FRÉTTABLAÐIÐ/ERNIR
Þegar varðar þessi mál
er ekki hægt að gera
nokkurn skapaðan
hlut, heldur er lokað
og fólk sett í svelti.
Helgi Felixson,
kvikmyndagerðarmaður
Fyrirtaksvorveður var í gær, annan í páskum, í Fjölskyldu- og húsdýragarðinum í Reykjavík eins og víða um land. Menn og málleysingjar léku því við hvern sinn
fingur og jafnvel hver við annan eins og þessi gæs. Hún lét vel að starfsmanni sem tekið hafði sér örlítið vinnuhlé í garðinum. Veðurstofan spáir áfram mildu
veðri og jafnvel þrettán gráða hita í höfuðborginni á fimmtudag, sumardaginn fyrsta. FRÉTTABLAÐIÐ/ERNIR
kristinnpall@frettabladid.is
FUGLAR Sigurborg Daðadóttir, yfir­
dýralæknir Matvælastofnunar, sagði
í gærkvöld að ekki hefðu borist til­
kynningar um fleiri tilfelli fugla­
flensu um helgina. Sagði Sigurborg
að vanda berast tilkynningar um
dauða fugla víða en að ekkert bendi
til fuglaflensu í þeim.
Fyrir helgi var staðfest að fugla­
flensa hefði greinst í þremur villtum
fuglum hér á landi. Ákveðið var að
aflífa hænu sem var með einkenni
flensunnar.
Sigurborg tók undir að það gætu
fleiri tilkynningar borist inn í dag
þegar fólk hefur daglegt líf að nýju
eftir páskafrí. n
Ekki fleiri staðfest
smit fuglaflensu
um páskahelgina
gar@frettabladid.is
STJÓRNSÝSLA „Það er ekki þægi­
legt neinu sveitarfélagi að búa við
umhverfi þar sem ráðuneyti kemur
undanþágum frá kvöðum vegna
sölu jarða yfir á viðkomandi sveitar­
félag,“ segir byggðarráð Húnaþings
vestra í harðorðri bókun.
Vísar ráðið til þess að matvæla­
ráðuneytið óskaði eftir því að Húna­
þing vestra staðfesti nýtingu jarðar
Núpsdalstungu án búsetu. Ráðu­
neytið hafi áður samþykkt sölu
Núpsdalstungu til kaupanda sem
hafi átt yfir 1.500 hektara lands,
gegn því að búseta yrði skylda.
„Er því gagnrýnt að ráðuneytið
reyni að fría sig ábyrgð og varpi
henni yfir á sveitarfélagið eingöngu,
sérlega þar sem þessi ákvarðana­
taka er samkvæmt lögum á herðum
ráðuneytisins en ekki sveitarfélags­
ins. Vakin er athygli á að afstaða
sveitarfélagsins snýr ekki sérstak­
lega að viðkomandi jörð heldur því
viðhorfi sveitarstjórnar að jarðir
eigi ekki að safnast á fárra manna
hendur,“ bókar byggðarráðið og
hefur endursent erindið í ráðu­
neytið.
„Jafnframt þarf ráðuneytið að
setja sér skýrari stefnu varðandi
nýtingu lands til framtíðar og
ákveða hvort það standi almennt
til að fylgja jarðalögum varðandi
jarðasöfnun eða hvort það eigi ein­
ungis við á tyllidögum,“ er ítrekað í
bókun byggðarráðsins. n
Ráðuneyti
sagt fría sig
Svandís Svavarsdóttir er matvæla-
ráðherra. MYND/AÐSEND
Jarðir eiga ekki að
safnast á fárra manna
hendur.
Byggðaráð
Húnaþings vestra
2 Fréttir 19. apríl 2022 ÞRIÐJUDAGURFRÉTTABLAÐIÐ